Бозигарони тими Равшан ва дастаи Истиқлол қабл аз бозӣ. Акс аз бойгонӣ

Футбол: тилло насиби “Истиқлол”-у нуқра аз “Хуҷанд”, биринҷӣ номаълум

10
(Таҷдидшуда 14:46 06.11.2015)
Дастаи "Равшан"-и Кӯлоб бозиро дар майдони худ бо тими “Истиқлол”-и Душанбе бо ҳисоби мусовии 1:1 анҷом дод.

ДУШАНБЕ, 6 ноя — Sputnik. Тавре аз ФФТ ба Sputnik иттилоъ доданд, бозии мавқуфгузоштаи даври чордаҳуми мусобиқаи қаҳрамонии футболи Тоҷикистон миёни дастаҳои "Равшан"-и Кӯлоб ва "Истиқлол"-и Душанбе бо ҳисоби мусовии 1:1 анҷом ёфт.

Ба қавли манбаъ, ин бозӣ рӯзи панҷшанбеи 5 ноябр дар Варзишгоҳи марказии шаҳри Кӯлоб баргузор шуд.

Ба голи бозигари меҳмонон Зиёвуддин Фузайлов ҳамлагари мизбонон Ҳусейни Сӯҳробӣ, легионери эронӣ, бо гол посух дод. Ин мусовӣ ба дастаи "Хуҷанд" имкон дод, ки пешакӣ ҷоизадори нуқраи мусобиқаи қаҳрамонии Тоҷикистон шавад.

Маврид ба тазаккур аст, ки дастаи футболи «Истиқлол»-и Душанбе пешакӣ ба унвони қаҳрамони Тоҷикистон даст ёфтааст. "Истиқлол", ки бо 44 имтиёз дар ҷадвали мусобиқа дар мақоми аввал қарор дорад, сарфи назар аз натоиҷи ду бозии боқимондааш муқобили «Барқи тоҷик» ва «Хуҷанд» медалҳои тиллои мусобиқотро азони худ кардааст.

Ҳамзамон, тими "Хуҷанд"- Хуҷанд, ки бо 36 имтиёз дар мақоми дувум қарор дорад, бо медалҳои нуқра сарфароз мешавад. Барои ҷойи севум ва медалҳои биринҷӣ се даста — "Равшан"-и Кӯлоб, "Регар-ТадАЗ"-и Турсунзода ва "Хайр" —и Ваҳдат талош хоҳанд кард.

10
Барчаспҳо:
Хуҷанд-барандаи нишони нуқрагӣ, лигаи олӣ, футбол, тими “Хуҷанд”- Хуҷанд, Истиқлол”-и Душанбе, дастаи "Равшан"-и Кӯлоб, Ҳусейни Сӯҳробӣ, Зиёвуддин Фузайлов, Тоҷикистон

Бозгашти футболи бузург ба майдон

265
(Таҷдидшуда 11:25 27.05.2020)
Чемпионати Испания аз сертамшобинтарин ва ҳаводортарин мусоқибиқоти ҷаҳон аз намуди футбол пас аз танаффуси тӯлонӣ бармегардад

ДУШАНБЕ, 27  май — Sputnik. Чемпионати Испания, ки ба сабаби пандемияи коронавирус, моҳ март қатъ шуда буд, рӯзи 8-уми июн аз нав оғоз меёбад.

Дар ин бора рӯзномаи Marca дар такя ба суханони Педро Санчес сарвазири Испания хабар додааст.

“Испания он чиро, ки бояд иҷро мекард, анҷом дод. Акнун дар назди ҳар яки мо вазифаҳои нав меистад. Замоне расидааст, ки бисёре аз машғулиятҳои ҳаррӯзаи мо дубора барқарор шаванд. Чемпионати футболи кишвар 8-уми июн оғоз хоҳад шуд”, - гуфтааст Санчес.

Ёдовар мешавем, қаблан, Хавйер Тебас президенти Ла Лига гуфт, бозиҳо бидуни тамошобин баргузор мешаванд ва ба бошгоҳҳо иҷоза дода шуда буд, ки аз 18-уми май тамринҳои гурӯҳиро аз нав оғоз кунанд.

То ин замон тамринҳои бозигарон ба таври инфиродӣ сурат мегирифт.

Чемпионати Испания аз машҳуртарин мусобиқоти футбол аст, ки ҳаводорони зиёд дорад. Дар ин мусобиқот ду бошгоҳи бузурги сайёра “Реал Мадрид” ва “Барселона” ҷой доранд.

265

ВАО: Бозии "Ливерпул" ва "Атлетико" сабаби марги 41 нафар аз коронавирус гашт

558
Бозии ҷавобии даври 1/8 ниҳоии Лигаи Чемпионҳо байни дастаҳои “Ливерпул” ва “Атлетико” боиси марги камаш 41 нафар аз коронавирус дар Бритониё гардид, хабар медиҳад The ​​Sunday Times

ДУШАНБЕ, 25 май — Sputnik. Нашрия қайд мекунад, ки омор ба ширкати Edge Health дар асоси маълумоти Хадамоти миллии тандурустии Британияи Кабир (NHS) асос ёфтааст.

Ба иттилои манбаъ, дар ин бозӣ 41 фавти мухлисон бинобар сабаби хуруҷи Ковид-19 ба қайд гирифта шудааст.

Гуфта мешавад, мубталоёни ин беморӣ пас аз 25-30 рӯзи бозӣ фавтиданд.

Манбаъ мегӯяд,  шумораи фавтидагон тавассути додаҳо пас аз омадани мухлисони испанӣ ба Англия ва муқоисаи шумораи фавт дар дигар минтақаҳои кишвар ба даст оварда шудааст.

Бар пояи иттилооти коршиносони Imperial College London ва Донишгоҳи Оксфорд, дар вақти бозиҳои дастаҳои испанӣ 640 ҳазор нафар ва дар вақти бозиҳои дастаҳои англисӣ 100 ҳазор нафар ба коронавирус мубтало шуданд.

Бозии “Ливерпул” ва “Атлетико” 11-уми март дар “Энфилд” баргузор шуд, ки 52 ҳазор мухлис ин вохӯриро аз майдон тамошо намуд ва бо ҳисоби 3:2 ба фоидаи меҳмонон хотима ёфт.

558
Солдат афганской национальной армии на контрольно-пропускном пункте в Кабул-Джелалабаде, архивное фото

Пентагон: коронавирус миёни низомиёни афғон густариши шадид ёфтааст

0
(Таҷдидшуда 02:18 28.05.2020)
Вазорати дифои Амрико эълом кардааст, ки эҳтимол дорад зиёд аз 50 дарсади неруҳои амниятии Афғонистон ба коронавирус мубтало шудаанд

ДУШАНБЕ, 28  май — Sputnik. Ба нақл аз рӯзномаи Нию-Йорк Таймз, Вазорати дифои Амрико - Пентагон ба далели шуйюи коронавирус миёни неруҳои амниятии афғон, амалиёти муштарак ва омӯзиши низомиёни Афғонистонро мутаваққиф карда ва ин мавзӯъ амалиёти алайҳи неруҳои террористӣ аз ҷумла ДОИШ-ро таҳти таъсир қарор додааст, иттилоъ додааст радиои Садои Хуросон.

Ба навиштаи ин рӯзномаи амрикоӣ, бо вуҷуди таваққуфи амалиёти низомии муштарак, ҳамлаҳои ҳавоӣ дар ин кишвар алайҳи неруҳои террористӣ идома хоҳад дошт.

Мақомоти Пентагон бар ин боваранд, ки 50 дарсади низомиёни Афғонистон ба коронавирус мубтало шудаанд.

Тибқи оморе, ки мақомоти Афғонистон санаи 25 май нашр карда буд, дар ин кишвар, шумораи мубталоён ба коронавирус марзи 11 ҳазор нафар гузашт.

Он замон гуфта шуда буд, ки аз лаҳзаи ворид шудани вирус дар Афғонистон то кунун, 1095 беморе табобат шуданд.

0
Барчаспҳо:
густариш, вазорати дифоъ, эҳтимол, вирус, Амрико, Афғонистон