Муборизаи дастаҳои Қиризистон - Тоҷикистон

Ҷоми ҷаҳон-2018: мунтахаби Тоҷикистон шонс дорад, аммо бо мушкилӣ

30
(Таҷдидшуда 12:52 18.11.2015)
Бозиҳои боқимондаи гурӯҳи “В” дар доираи бозиҳои даври ҳаштуми сабқати интихобии Ҷоми ҷаҳон-2018 моҳи марти соли оянда баргузор мешаванд.

ДУШАНБЕ, 18 ноя — Sputnik. Дастаи мунтахаби Қирғизистон дар майдони худ бар тими миллии Урдун бо ҳисоби 1:0 пирӯз шуд ва варзишгарони Австралия ҳам дар меҳмонӣ дастаи мунтахаби Бангладешро бо ҳисоби 4:0 шикаст доданд, хабар додааст хадамоти матбуоти ФФТ.

Рӯзи сешанбе, 17 ноябр дар майдонҳои футболи Осиё бозиҳои даври ҳаштуми сабқати интихобии Ҷоми ҷаҳон-2018 дар гурӯҳи "В" баргузор гардиданд.

"Бар асоси натиҷаҳои ин бозиҳо дар раддабандии дастаҳо тағйирот ворид шуда, мунтахаби Австралия бо 15 имтиёз ба мақоми аввал баромад", — афзудааст манбаъ.

Ҳоло дастаи мунтахаби Урдун бо 13 имтиёз ба ҷойи дуюм фаромада, дар ҷойҳои сеюму чаҳорум мутаносибан мунтахабҳои Қирғизистон бо 11 имтиёз ва Тоҷикистон бо 5 имтиёз қарор доранд. Варзишгарони Бангладеш бо як имтиёз дар зинаи аз ҳама поин — 5-ум ҷой гирифтаанд.

Бозиҳои боқимондаи гурӯҳи "В" дар доираи бозиҳои даври ҳаштуми сабқати интихобии Ҷоми ҷаҳон-2018 моҳи марти соли оянда баргузор мешаванд.

Дастаи Тоҷикистон имкониятҳои худро барои дарёфти ҷойи сеюм дар ин гуруҳ ҳифз хоҳад кард. Аммо ба гуфтаи сармураббӣ — Мубин Эргашев, барои ин бояд 24 марти соли равон онҳо дар меҳмонӣ дастаи Австралияро шикаст дода, 29 март ҳам дар майдони худ ба варзишгарони Қирғизистон ғолиб оянд.

30
Барчаспҳо:
имтиёз, В, Урдун, Мубин, Эргашев, Австралия, Бангладеш, мунтахаб, ФФТ, вохурӣ, бозӣ, даста, футбол, Ҷоми ҷаҳон-2018, миллӣ, 24 март, Қирғизистон, Тоҷикистон, натоиҷи бозиҳои даври ҳаштуми сабқати интихобии Ҷоми ҷаҳон-2018, ФФТ, Мубин Эргашев, Бангладеш, Урдун, Австралия, Қирғизистон, Тоҷикистон
Хабиб Нурмагомедов

Шарҳи Кремл дар бораи мулоқоти Путин бо Нурмуҳаммадов

1214
(Таҷдидшуда 15:53 27.10.2020)
Дмитрий Песков, сухангӯи президенти Русия хабарҳо дар бораи дидор ва мулоқоти Владимир Путин бо размикор Ҳабиб Нурмуҳаммадовро шарҳ дод

ДУШАНБЕ, 27 окт - Sputnik. Сухангӯи президенти Русия Дмитрий Песков тасдиқ кардааст, ки Владимир Путин бо Ҳабиб Нурмуҳаммадов, қаҳрамони UFC мулоқот хоҳад кард, аммо санаи дақиқи ин дидор ҳоло мушаххас нашудааст, хабар додааст РИА Новости.

Қаблан президенти Русия Владимир Путин тавассути телефон Ҳабиб Нурмуҳаммадовро бо пирӯзӣ дар набард бо Ҷастин Гетҷии амрикоӣ табрик гуфтааст.

"Дар ҳақиқат, президент гуфт, ки ин ҳатмист, вақте худи Ҳабиб каме истироҳат мекунад ва вазъи эпидемиологӣ ... ором мешавад, онҳо ҳатман мулоқот хоҳанд кард", - гуфт Песков дар посух ба пурсиши журналистон оид ба имкони мулоқоти президент бо варзишгар.

Ёдовар мешавем, шаби 25 октябр Ҳабиб Нурмуҳаммадов дар даври дуюми сабқат бо Ҷастин Гейҷӣ бо истифодаи усули буғикунанда пирӯз шуд.

Баъди пирӯзӣ Ҳабиб эълон кард, ки дигар ба майдони набар нахоҳад омад ва ин охирин рақобаташ буд, зеро ба модараш ваъда додааст, ки дигар ҷанг нахоҳад кард.

Феълан Ҳабиб шикастнодида буда, дар 29 сабқаташ 29 пирӯзӣ дорад.

Коршинос дар бораи қарори Ҳабиб: бе падараш ӯ наметавонист ба қуллаҳои баланд расад

Дар пайи пирӯзӣ бар Гейҷӣ, Нурмуҳаммадов аз роҳбарияти UFC хост, ӯро дар садри беҳтарин размикорон ҷой диҳанд, чун ӯ арзанда аст.  Дана Уайт, роҳбари UFC ба Ҳабиб Нурмуҳаммадов дар феҳрасти беҳтарин размикорони ҷаҳон мақоми аввалро дод.

Охирин парвози Уқоб: Ҳабиб пас аз мубориза бо Гетҷи "карера"-ашро ҷамъбаст кард

Ҷон Ҷонс, ки то ҳол дар сархати беҳтарин размикорон қарор дошт, аз мақомаш ба фоидаи Нурмуҳаммадов даст кашид.

1214
Барчаспҳо:
Кремл, Дмитрий Песков, Владимир Путин, размикор, Ҳабиб Нурмуҳаммадов

Ҳабиб Нурмуҳаммадов ба феҳрасти 500 мусалмони таъсиргузори дунё шомил шуд

426
(Таҷдидшуда 14:48 27.10.2020)
Қаҳрамони UFC Ҳабиб Нурмуҳаммадов тайи чанд сол аст пай дар пай ба рейтинги мусалмонони бонуфузи ҷаҳон шомил карда мешавад

ДУШАНБЕ, 27 окт - Sputnik. Пажуҳишгоҳи исломии Уммон исми қаҳрамони UFC дар вазни сабук ва варзишкори муҳорибаи омехта Ҳабиб Нурмуҳаммадовро ба феҳрасти "500 мусулмони таъсиргузор барои соли 2021" шомил кардааст.

Муаллифони таҳқиқот Нурмуҳаммадови 32-соларо ба рӯйхати 450 нафари сол дохил кардаанд. Ин размикори доғистонӣ тайи чанд сол аст, ки пай дар пай ба рейтинги мусалмонони бонуфузи ҷаҳон шомил карда мешавад.

Варзишкори шикастнадида 29 набардро бо ғолибият пушти сар карда, имрӯз аз беҳтарин  размикори сайёра ба шумор меравад.

Набарди охирини ӯ шаби 25 октябр - бар зидди Ҷастин Гетҷии амрикоӣ сурат гирифт.

Ҳабиб пас аз пирӯзӣ эълон кард, ки тарки майдон мекунад, зеро ба модараш ваъда додааст, ки дигар ба майдон намебарояд.

Дар баробари Ҳабиб ҳамзамон исми футболбоз-ҳамлагари бошгоҳи "Ливерпул" ва мунтахаби Миср Муҳаммад Салоҳ низ шомил шудааст.

Маълум шуд, ки Ҳабиб Нурмуҳаммадов пас аз хатми “карера”-аш чӣ кор хоҳад кард-видео

Дар сархати ин феҳрист дар соли ҷорӣ раисиҷумҳури Туркия Раҷаб Тайиб Эрдуғон қарор дорад. Пас аз ӯ шоҳи Арабистони Саудӣ Салмон ибни Абдул-Азиз ва Оятуллоҳ Сайид Алии Хоманаӣ, роҳбари аъзами Эрон ҷой гирифтаанд.

Охирин парвози Уқоб: Ҳабиб пас аз мубориза бо Гетҷи "карера"-ашро ҷамъбаст кард

Ёдовар мешавем, ки TOP-500 аз бонуфузтарин мусалмонони ҷаҳон сар аз соли 2009 ҳамасола нашр мешавад.

426
Барчаспҳо:
размикор, мусалмон, рейтинг, Ҳабиб Нурмуҳаммадов

Вакил гуфт, бекор кардани патент барои муҳоҷирон чӣ пайомад дорад

0
(Таҷдидшуда 20:06 28.10.2020)
Ба гуфти вакил сабукӣ барои муҳоҷирони метавонад вокунииши манфии шаҳрвандони Русияро ба бор орад ва ба амният хатар дошта бошад

ДУШАНБЕ, 28 окт — Sputnik. ВУД Русия пешниҳод карда, ки қонун "Дар бораи вазъи ҳуқуқии шаҳрвандони хориҷӣ дар ФР" ислоҳ карда шавад ва барои бархе аз гурӯҳи муҳоҷирон патент бекор гардад.

Светлана Бессараб, узви Кумитаи Думаи давлатӣ оид ба меҳнат, сиёсати иҷтимоӣ ва собиқадорон, дар суҳбат бо Парламентская газета аз чунин навоварӣ интиқод кард.

Дар Русия барои муҳоҷирони ғайриқонунӣ низ Маркази имдод ифтитоҳ мешавад

"Ман ба чунин ташаббус эҳтиёткорона муносибат мекунам. Тавре таҷриба нишон медиҳад, аз ҷумла дар кишварҳои Урупо, на ҳамеша пур кардани ҷойҳои корие, ки мардуми бумӣ намехоҳад аз ҳисоби муҳоҷирон, хуб аст. Аксар вақт ин амалкард бо амнияти давлатӣ алоқаманд аст". қайд кард Бессараб.

Вакил афзуд, ки чунин навгониҳо барои муҳоҷирони сохтмончӣ метавонад вокунииши манфии шаҳрвандони Русия ва иттифоқҳои касабаро ба бор орад.

Чунин вокуниш махсусан имрӯзҳо, ки сатҳи бекорӣ дар Русия дар ҳоли афзоиш аст, интизоршаванда мебошад.

Ба ширкатҳои бузурги сохтмонӣ иҷозат дода мешавад, муҳоҷиронро аз Тоҷикистон даъват кунанд

Рӯзи 26 октябр Вазорати корҳои дохилии Русия тарҳи ислоҳи қонун "Дар бораи вазъи ҳуқуқии шаҳрвандони хориҷӣ дар Федератсияи Русия" -ро барои муҳокимаи умум нашр кард.

Тибқи ҳуҷҷат, хориҷиён метавонанд бидуни патент ва иҷозатномаи кор дар ширкатҳои байналмилалии Русия кор кунанд: дар сохтани иншооти барои чорабиниҳо зарурӣ пешбинишуда ва ҳангоми омодагӣ ва иштирок дар чунин чорабиниҳо.

Рӯйхати чорабиниҳо, ташкилкунандагон ва лоиҳаҳои сохтмонро ҳукумат муайян мекунад.

0
Барчаспҳо:
муҳоҷирон, хатар, патент, Русия