Дастаи футболи Равшан. Акс аз бойгонӣ

Тими “Равшан” ҷойи саввум ва медалҳои биринҷиро соҳиб гашт

18
(Таҷдидшуда 12:05 23.11.2015)
Футболбозони шаҳри Турсунзодаро ҳисоби мусовӣ қаноатманд мекард, вале ба футболбозони шаҳри Кӯлоб барои гирифтани ҷойи севум танҳо ғалаба зарур буд.

ДУШАНБЕ, 23 ноя — Sputnik. Дастаи футболи"Равшан"-и Кӯлоб, ки дар бозии даври охирин, 18-уми қаҳрамонии Тоҷикистон байни дастаҳои лигаи олӣ бар тими «Регар-ТадАЗ»-и шаҳри Турсунзода бо ҳисоби 2:1 пирӯз шуд, барандаи медалҳои биринҷии мусобиқаи имсола гардид, иттилоъ медиҳад Федератсияи футболи Тоҷикистон.

"Дар ин бозӣ, ки рӯзи гузашта дар Варзишгоҳи марказии шаҳри Кӯлоб сурат гирифт, тақдири ҷойи севум ҳал шуд. Футболбозони шаҳри Турсунзодаро ҳисоби мусовӣ қаноатманд мекард, вале ба футболбозони шаҳри Кӯлоб барои гирифтани ҷойи севум танҳо ғалаба зарур буд",- меафзояд манбаъ.

Ҳамин тавр, ду голи легионерҳо Акуффо Гершон ва Ҳусейни Сӯҳробӣ ба дастаи «Равшан» пирӯзӣ ва медалҳои биринҷӣ овард.

Дастаи «Истиқлол»-и Душанбе, ки пешакӣ ба унвони қаҳрамони Тоҷикистон даст ёфтааст, дар меҳмонӣ «Хуҷанд»-и Хуҷанд, барандаи медалҳои нуқраро бо ҳисоби бузурги 7:1 шикаст дод. Дар ин бозӣ се голи "Истиқлол"-ро ҳамлагар Манучеҳр Ҷалилов ба самар расонд ва ӯ дар мусобиқаи имсола бо 22 тӯби задааш дар сабқати беҳтарин нишонзанҳо мақоми аввалро касб кард. Ҳамлагар Ҳусейни Сӯҳробӣ, легионери эронии "Равшан", бо 18 гол дар мақоми дувум қарор гирифт.

Маврид ба ёдоварист, дастаи "Истиқлол" ягона тимест, ки дар 18 бозии мусобиқаи имсолаи қаҳрамонии кишвар дар лигаи олии футбол шикаст нахӯрдааст. Футболбозони Душанбе ба дарвозаи рақибонашон аз ҳама бештар- 95 тӯб зада, аз дарвозаи худ ҳамагӣ 5 тӯб сар додаанд.

18
Барчаспҳо:
пирӯз, ҳисоб, меҳмонӣ, бозӣ, футбол, Истиқлол”-и Душанбе, Хуҷанд»-и Хуҷанд, дастаи "Равшан", Федератсияи футболи Тоҷикистон, тими «Регар-ТадАЗ, Манучеҳр Ҷалилов, Акуффо Гершон, Ҳусейни Сӯҳробӣ, Кӯлоб, Тоҷикистон
Росийский боец Ислам Махачев

Пас аз тавсияи Ҳабиб: Махачев ҳарифи амрикоияшро бо усули буғӣ кардан ширкаст дод-видео

206
(Таҷдидшуда 14:34 07.03.2021)
Ислом Махачев дар тамоми мубориза бартарӣ дошт ва яке аз пуштибону таҳрикдиҳандаи ӯ Хабиб Нурмуҳаммадов буд

ДУШАНБЕ, 7 март - Sputnik. Размикори шинохта Ислом Махачев дар UFC 259 дар Лас Вегас бар Дрю Добери амрикоӣ пирӯзии комил ба даст овард.

Номбурда дар тӯли тамоми мубориза бартарӣ дошт ва Добери 32-соларо маҷбур кард, ки дар даври севум бо усули буғи кардан таслим шавад.

Яке аз маслиҳатгарони Махачёв Ҳабиб Нурмуҳаммадов буд.
Пас аз даври аввал, ӯ ба доғистонӣ тавсия дод, ки "ҳамаи ҳамон корро" иҷро кунад, рақибро афтонад ва ҳама чизро дар замин ҳал кунад.

Посмотреть эту публикацию в Instagram

Публикация от UFC Russia (@ufcrussia)

Мавриди зикр аст, ки Махачеви 29-сола дӯсти ситораи UFC Ҳабиб Нурмуҳаммадов мебошад. Пас аз ин набарди Махачев 19-умин пирӯзияшро ба даст овард. ғалаба ба даст овард. Дар корномаи варзишияш ӯ танҳо як мағлубият дорад.

Посмотреть эту публикацию в Instagram

Публикация от UFC Russia (@ufcrussia)

Махачев фавран пас аз мубориза гуфт, ки вай омодааст бо рақибони олӣ, ба монанди Тони Фергюсон мубориза барад.

206
Барчаспҳо:
тавсия, Ҳабиб Нурмуҳаммадов, зӯрозмоии размикорон, қаҳрамони UFC
Генеральный директор компании «Газпром нефть – Таджикистан» Фарход Мирзоев избран новым председателем Федерации футбола Душанбе.

Директори "Газпром нефт - Тоҷикистон" раиси нави Федератсияи футболи Душанбе шуд

816
(Таҷдидшуда 14:10 07.03.2021)
Фарҳод Мирзоев, директори генералии "Газпром нефт - Тоҷикистон" раиси нави Федератсияи футболи Душанбе интихоб шуд.

ДУШАНБЕ, 7 мар — Sputnik. Тибқи иттилои Федератсияи футболи Тоҷикистон дар меҳмонхонаи "Хилтон" -и пойтахт Конфронси ҳисоботӣ-интихоботии Федератсияи футболи Душанбе баргузор гардид, ки дар он ҳайати нави роҳбарият интихоб карда шуд.

Ба иттилои манбаъ, дар натиҷаи овоздиҳии кушоди вакилон, Фарҳод Мирзоев, директори генералии "Газпром нефт-Тоҷикистон", писари собиқ бозигари "Энергетик" -и Душанбе ва "Помир" Султонбек Мирзоев, раиси нави Федератсияи футболи Душанбе интихоб шуд.

Дар ин вазифа ӯ Анваршо Мирзоевро иваз кард, ки аз моҳи июли соли 2016 Федератсияи футболи пойтахтро роҳбарӣ мекунад.

Алиаҳмад Мирзоев муовини аввали раиси ФФД ва Исо Асоев муовини раис интихоб шудаанд.

Роҳбари нави Федератсияи футболи Душанбе Фарҳод Мирзоев зимни суханронӣ дар конфронси ҳисоботӣ-интихоботӣ ба ҳамаи вакилон барои эътимод ташаккур гуфта, ваъда додааст, ки барои рушди футбол дар пойтахт тамоми кӯшишҳоро ба харҷ хоҳад дод.

Тағйироти кадрӣ дар ФФТ: Абдуллоев ба ҷойи Бобоев таъйин шуд

Манбаъ мегӯяд, ғайр аз он, Конфронс ҳайати нави Кумитаи иҷроияро интихоб кард. Ба Кумитаи иҷроияи Федератсияи футболи Душанбе ба ҷуз раис ва ду муовин, Раҳматшо Камолов, Зафар Ярашев, Шукур Мансуров, Хусрав Нурматов, Фурқат Ҳувайдуллоев, Абдурофе Нӯъмонов, Ҳасан Мангутов ва Муҳаммадӣ Холов шомил шуданд.

816
Барчаспҳо:
Душанбе, Футбол, интихобот, роҳбар, Федератсияи футбол
Продавец наливает мед в банку, архивное фото

Шӯрои уламо гуфт, ҷазои асалфурӯшони сохтакор чист

0
(Таҷдидшуда 20:05 07.03.2021)
Шӯрои уламои Маркази исломии Тоҷикистон дар посух ба суоли корбарони сомонааш пдоши аъмоли мардумфиребиро гуфт, ки то куҷо хоҳад расид

ДУШАНБЕ, 7 мар — Sputnik. Мирзоумар, як корбари сомонаи Шӯрои уламо аз ин ниҳод суол кардааст, ки шакарро дар оташ ҷушонда ба он доруе омехта мекунанд, ки мисли асал мешавад, пас онро асали тоза гуфта мефурўшанд. Оё пули он ҳалол аст?

Шӯрои уламои Тоҷикистон посух додааст, ки Паёмбари акрам (с) дар ҳадисе фармудаанд: “Касе фиреб мекунад, аз мо нест”.

Пас, ҳар кору амале, ки дар он фиребу норостӣ вуҷуд дорад, баракате аз он ҳосил намешавад, ҳатто мумкин аст сабаби наҳсӣ дар зиндагӣ ва молу сарват ҳам гардад, таъкид кардааст, ин ниҳоди динии кишвар.

Манбаъ гуфтааст, ҳар касе панди "он чи ба худ написандӣ, ба дигарон написанд"-ро шиори зиндагии худ қарор диҳад, ҳаргиз ба ин гуна амали нораво даст намезанад.

Мавриди зикр аст, ки дар сомонаи Шӯрои уламо бахши суолу ҷавоб фаъол аст, ки корбарон дар он суолҳои худро аз бахшҳои гуногун ироа мекунанд. Ин ниҳод инчунин ба суолҳои дигари корбарон аз бахшҳои гуногун бо такя ба манобеи исломӣ посуху маслиҳат медиҳад.

Ёдовар мешавем, Вазорати умури дохилии Тоҷикистон аз ошкор шудани асалсозии сунъӣ хабар дод, ки барои як кило 10 сомонӣ харҷ мешаваду ба мардум чун асали куҳистон ба маротиб қиматтар фурӯхта мешавад.

Мурғи марҷону занбӯри асал: кӯмаки ҳукумати Тоҷикистон ба занони мӯҳтоҷи деҳот

Маъмурини милисаи ноҳияи Деваштич муайян кардаанд, ки шаҳрванд Қосимов Шаҳриёр, сокини 22-солаи ҷамоати деҳоти Росровути ноҳияи мазкур наздики як сол инҷониб бо истифода аз шакар, кислотаи лиму, оби нӯшокӣ ва иловагиҳои маззадиҳанда маҳсулоти ба асал монандро таҳия ва дар ҳудуди шаҳру ноҳияҳои Деваштич, Зафаробод, Спитамен, Ҷ.Расулов, Хуҷанд, Б.Ғафуров, Мастчоҳ ва Конибодому Исфара ҳамчун асали табиии дар шароити куҳистон истеҳсолшуда ба фурӯш мебаровардааст.

 

0