Мавзуна Чориева

Чориева ба Олимпиадаи Рио-де-Жанейро омодагии ҷиддӣ мебинад

20
(Таҷдидшуда 17:08 05.08.2016)
То ҳол ба ин мусобиқоти ҷаҳон аз Тоҷикистон танҳо гурзандози маъруф ва муовини раиси Кумитаи ҷавонон, варзиш ва сайёҳии кишвар Дилшод Назаров роҳхат ба даст овардааст.

ДУШАНБЕ, 4 дек — Sputnik. Бонуи муштзани тоҷик ва барандаи медали бринҷии бозиҳои олимпии Лондон-2012 Мавзуна Чориева барои дарёфти роҳхат ба Олимпиадаи Рио-де-Жанейро омодагӣ мебинад, иттилоъ медиҳад Кумитаи ҷавонон, варзиш ва сайёҳии кишвар.

Ҳоло ин варзишгари тоҷик дар осоишгоҳи "Баҳористон" дар як шабонарӯз ду вақт ба тамрин машғул аст.

"Имрӯзҳо ман дар як рӯз ду бор тамрин мекунам ва барои дарёфти ин роҳхат тамоми талошҳои худро анҷом медиҳам", — афзудааст ӯ.

То ҳол ба ин мусобиқоти ҷаҳон аз Тоҷикистон танҳо гурзандози маъруф ва муовини раиси Кумитаи ҷавонон, варзиш ва сайёҳии кишвар Дилшод Назаров роҳхат ба даст овардааст.

Номи Мавзуна Чориеваи 22-сола баъд аз пирӯзияш дар Олимпиадаи тобистонаи соли 2012 дар Лондон расонаӣ шуд. Ӯ дар тӯли бист соли соҳибистиқлолии Тоҷикистон танҳо зани ин кишвар буд, ки дар Олимпиада медал ба даст овардааст.

Ин қаҳрамонӣ ба маҳбубияту маъруфияти ӯ дар ҷомеаи Тоҷикистон афзуд ва аксарият ба Мавзуна "духтари қаҳрамон" ном гузоштанд. Баъдан ба Мавзуна Чориева барои ин дастовардаш шаҳрдории Душанбе манзили се ҳуҷраӣ, шаҳрдории Кӯлоб як манзили панҷҳуҷраӣ ва Ҳизби наҳзати исломии Тоҷикистон як манзили дуҳуҷраӣ тӯҳфа намуданд.

Раисиҷумҳури Тоҷикистон Мавзуна Чориеваро бо ордени "Шараф" ва 200 ҳазор сомонӣ ҷоизаи президентӣ сарфароз гардонд. Инчунин, раисони вилоятҳои Хатлону Суғд ва бархе аз соҳибкорон ба Мавзуна ҷоизаҳои пулӣ тақдим карданд.

© Sputnik
Чориева боксирует со своей дочкой

20
Барчаспҳо:
мусобиқот, медал, тамрин, варзиш, туҳфа, шаъну шараф, президент, ҷоиза, Кумитаи ҷавонон, варзиш ва сайёҳии Тоҷикистон, Мавзуна Чориева, Дилшод Назаров, Рио-де-Жанейро, Лондон, Душанбе, Тоҷикистон
Мавзуҳо:
Олимпиадаи Рио-де-Жанейро: ба пеш барои ғолибият (26)