Варзишгарони тоҷик дар бозиҳои олимпӣ дар Сочӣ. Акс аз бойгонӣ

Дар Душанбе ба 21 варзишгар беш аз 673000 сомонӣ медиҳанд

17
(Таҷдидшуда 13:39 24.12.2015)
Ба иттилоъи дафтари матбуотии раисҷумҳур, туҳфаҳои молӣ пас аз эъломи исми варзишгарон эъто гардида, исми онҳо ҳанӯз мушаххас нашудааст.

ДУШАНБЕ, 24 дек — Sputnik. Президенти Тоҷикистон Эмомалӣ Раҳмон ба вазорати молия амр дод, ки аз ҳисоби маблағҳои Фонди захиравии раисҷумҳур дар соли 2015 ба Кумитаи ҷавонон, варзиш ва сайёҳӣ 673 ҳазору 750 сомонӣ ҷудо намояд, менависад хадамоти матбуотии сарвари давлат.

Ин санад аз сӯи Раҳмон имрӯз, 24-уми декабр ба имзо расида, тибқи қарори Комиссияи мукофотпулиҳои Ҷоизаи Президенти Тоҷикистон ин маблағ ба 21 тан аз варзишарон, ғолибон ва ҷоизадорони мусобиқаҳои байналмилалии варзишӣ тақдим бояд шавад.

Ҳанӯз дар оғози соли равон президент барои варзишгарони тоҷик, ки дар мусобиқаҳои байналмилалӣ ғолиб меоянд, ҷоизаи махсус таъсис дода буд.

Тобистони соли ҷорӣ бошад, Кумитаи ҷавонон, варзиш ва сайҳӣ эълом дошт, ки барои варзишгароне, ки дар мусобиқоти байналмилалӣ се ҷои авваро мегиранд, то 300 ҳазор сомонӣ мукофотпулӣ муқаррар шудааст.

Дар асоси ин тасмими кумитаи мазкур, ғолибони мусобиқаҳои байналмилалие, ки барандаи ҷои аввал мегарданд, бо 300 ҳазор сомонӣ, барандаҳои медали нуқра 200 ҳазор ва варзишгарони мақоми сеюм ва бо медалҳои биринҷӣ сарфароз мегарданд.

Чанде қабл дар ҳамоиши хабарнигорони соҳаи варзиши Тоҷикистон дар шаҳри Душанбе мавсими соли 2015-ум натиҷагирӣ шуд. Дар он Дилшод Назаров, гурзандози тоҷик "Беҳтарин варзишгари сол" эълом гардида, феҳрасти 10 варзишгари беҳтарин рӯнамоӣ шуд. Инҳо- Комроншоҳи Устопириён, Саидҷалол Саидов, Муродҷон Тӯйчиев, Фарҳод Анақулов, Ҷаҳон Қурбонов, Мавзуна Чориева, Шоира Зулқайнарова, Хуршед Шарифов ва Акмалиддин Каримов мебошанд.

17
Барчаспҳо:
варзиш, қадрдонии варзишгарони беҳтарин, тасмими ҳукумат, амри раисҷумҳур, гурзандоз, президенти Тоҷикистон, Кумитаи ҷавонон, варзиш ва сайёҳии Тоҷикистон, Акмалиддин Каримов, Шоира Зулқарнаева, Мавзуна Чориева, Ҷаҳон Қурбонов, Эмомалӣ Раҳмон, Дилшод Назаров, Душанбе, Тоҷикистон
Мавзуъ
Дзюдо: медалҳои тилло ва биринҷии варзишгарони тоҷик аз Тайван
Футбольный клуб Худжанд

Футболбозони клуби “Хуҷанд” ба Туркия мераванд: мақсад чист?

94
(Таҷдидшуда 20:34 05.03.2021)
Футболбозони клуби “Хуҷанд” ба Туркия сафар карда 10 рӯз он ҷо мемонанд. Пеша аз сафар раиси вилояти Суғд бо онҳо мулоқот кард

ДУШАНБЕ, 5 март - Sputnik. Раиси вилояти Суғд Раҷаббой Аҳмадзода бо футболбозони клуби "Хуҷанд" дидору мулоқот кард.

Бино ба гузориши мақомоти вилояти Суғд, раиси вилоят аснои мулоқот бо ҳайати даста гуфтааст, ки роҳбарияти вилоят дар партави дастурҳои Эмомалӣ Раҳмон ба рушди намудҳои варзиш, аз ҷумла футбол таваҷҷуҳи зарурӣ зоҳир намуда, клубҳои футболро мунтазам дастгирӣ менамояд.

Дар ин росто бозингарони дастаи "Хуҷанд"  бо мақсади баланд бардоштани маҳорату малака ва омодагӣ ба мавсими нави футбол, инчунин омӯзиши техникаҳои нави бозии футбол ба Ҷумҳурии Туркия сафарбар карда мешаванд.

"Бозингарони "Хуҷанд" давоми 10 рӯз дар Туркия се бозии рафиқона анҷом дода, барои иштирок дар чемпионатҳо омодагӣ мебинанд", - омадааст дар хабарнома.

Таъкид гардида, ки минбаъд дастаҳои футболи "Эсхата" ва "Истаравшан" низ барои такмили маҳорат ва мубодилаи таҷриба ба кишварҳои дуру наздик фиристода мешаванд.

Раиси вилоят дар поёни мулоқот ба шахсони масъул ҷиҳати беҳтар намудани шароити бозингарон, омодагии ҳамаҷонибаи дастаҳои футбол дар лигаи олӣ, рушди варзиш дар шаҳру навоҳӣ супоришҳои мушаххас додааст.

94
Барчаспҳо:
Раҷаббой Аҳмадзода, Туркия, Хуҷанд, Футбол
Джахонгир Эргашев, архивное фото

Ҷаҳонгир Эргашев аз "Хуҷанд" рафт: корномаи варзишияшро дар Ӯзбекистон идома медиҳад

371
(Таҷдидшуда 18:50 04.03.2021)
Ҷаҳонгир Эргашев, футболбози шинохтаи тоҷик корномаи варзишиашро дар Ӯзбекистон идома медиҳад

ДУШАНБЕ, 4 март - Sputnik. Бино ба иттилои Федератсияи футболи Тоҷикистон, футболбози тоҷик бо тими "Қизилқум" –и Ӯзбекистон шартнома баст.

Ба иттилои манбаъ, муҳлати шартномаи Ҷаҳонгир Эргашев то охири мавсими ҷорӣ буда, ҳамакнун ӯ дар Суперлигаи Ӯзбекистон бозӣ мекунад.

Ҷаҳонгир Эргашеви 26-сол дошта нимҳимоятгари тими миллии Тоҷикистон мебошад ва яке аз футболбозони умедбахши кишвар гуфта мешавад

Тими охирини Эргашев “Хуҷанд” буд, ки ӯ бо он даста медали нуқраи Чемпионати Тоҷикистонро дар мавсими гузашта ба даст овард.

Қабл аз “Хуҷанд” ӯ дар тими "Саиф Спортинг Клуб"-и Бангладеш бозӣ мекарда ва тобистони гузашта дубора ба ин дастаи аввалааш баргашт.

Восиев, футболбози тими миллии Тоҷикистон ба "Тамбов" гузашт

Ҷаҳонгир Эргашев дастпарвари футболи Суғд аст. Фаъолияти касбии худро дар “Хуҷанд” оғоз кардааст. Дар ҳайати асосӣ "Хуҷанд"  ӯ чаҳор маротиба ноиби чемпиони кишвар (2015, 2017, 2018, 2019) ва барандаи Ҷоми Тоҷикистон (2017) шуд.

Президенти ФФТ ба деҳот рӯй овардааст: ташкили лига ва чемпионати нав

Ёдовар мешавем, авохири моҳи гузашта ҳимоятгари дастаи мунтахаби Тоҷикистон, Фарҳод Восиев бо бошгоҳи футболи "Тамбов" шартнома баст.

371
День 6 марта

Зодрӯзи Парвин Юсуфӣ ва таъсиси клуби "Реал": имрӯзи таърих

0
(Таҷдидшуда 18:04 02.03.2021)
Рӯзи шашуми март дар Ҷумҳурии Муғулистон Рӯзи матбуот ва дар Гана Рӯзи истиқлолият ҷашн гирифта мешавад

Рӯзи 6 март дар ҷаҳон чӣ рух дод

Соли 1665 дар Лондон аввалин маротиба дар таърихи ҷаҳон  маҷаллаи "Асарҳои файласуфонаи ҷомеаи шоҳигарӣ" нашр шуд.

Соли 1834 дар Канада шаҳри Йорк ба Торонто тағйири ном кард.

Соли 1902 клуби футболи "Реал" (Мадрид) таъсис дода шуд.

Соли 1960 дар Швейтсария ба занон ҳуқуқи дар интихоботи мунитсипалӣ иштирок намудан дода шуд.

Соли 1994 дар раъйпурсӣ аксарияти аҳолии Молдова барои ба даст овардани истиқлолияти мамлакат овоз доданд.

Рӯзи 6 март дар Тоҷикистон чӣ рух дод

Соли 2009 ВАО хабар доданд, ки дар Ҷумҳурии Тоҷикистон «Равзанаи ягона» оид ба тартиби раванди воридоту содирот сохта шуд.

Соли 2010 дар шаҳри Куала — Лумпури Малайзия маросими қуръакашии мусобиқоти Ҷоми президенти КФО баргузор гардид, ки дастаи "Вахш"-и Тоҷикистон ба гурӯҳи "В" шомил шуд.

Соли 2014 дар шаҳри Душанбе ба раисҷумҳури Тоҷикистон Эмомалӣ Раҳмон сафирони нави фавқулода ва мухтори Туркманистон, Куба, Ҷумҳурии Сербия, Амороти Муттаҳидаи Араб, Ҷумҳурии Корея, Ҷумҳурии Словакия, Давлати Фаластин, Ҷумҳурии Мисри Араб, Ҷумҳурии Судон, Ҷумҳурии Кипр ва Гурҷистон эътимодномаҳои худро тақдим намуданд.

Соли 2015 Эмомалӣ Раҳмон бинои нави сохтмонаш анҷомёфтаи Маркази ҷумҳуриявии иммунопрофилактикаро мавриди баҳрабардорӣ қарор дода, ба сохтмони бинои нави маъмурии Вазорати тандурустӣ ва ҳифзи иҷтимоии аҳолӣ ва се хобгоҳи иловагӣ барои донишҷӯёни Донишгоҳи миллии Тоҷикистон оғоз бахшиданд.

Ҷашнҳои рӯзи 6 март

  • Дар Муғулистон – Рӯзи матбуот.
  • Дар Гана – Рӯзи истиқлолият.

Рӯзи 6 март кӣ ба дунё омадааст

Соли 1928 - доктори илмҳои филология, профессор Расул Ҳодизода.

Соли 1938 - шоир Одина Мирак.

Соли 1945 - иқтисодшинос Муртазо Қаҳҳоров.

Соли 1969 - сорояндаи маъруфи тоҷик Парвин Юсуфӣ.

0
Барчаспҳо:
ҷаҳон, ҷашн, Тоҷикистон
Мавзуъ
Тоҷикистон ба узвияти СММ пайваст: имрӯзи таърих
Зодрӯзи Акашариф Ҷӯраев ва нахустин пирӯзии Майк Тайсон: имрӯзи таърих
Зодрӯзи Дона Баҳромов ва ифтитоҳи Маҷмааи тандурустии "Истиқлол": имрӯзи таърих