Олимпиадаи Лондон-2012. Мавзуна Чориева парчами Тоҷикистонро мебарад

Олимпиада-2016: варзишгарони тоҷик дар “роҳ” ба Рио

483
(Таҷдидшуда 17:11 05.08.2016)
То оғози Олимпиада дар Бразилия каме бештар аз шаш моҳ боқӣ мондааст. Дар пеш сабқатҳои гуногуни интихобӣ варзишгаронро интизоранд. Соли 2015 Тоҷикистон танҳо як роҳхат ба Бозиҳои олимпиро ба даст овард. Оё имкони дигари дарёфти роҳхат вуҷуд дорад?

ДУШАНБЕ, 15 мар — Sputnik. Олимпиадаи XXXI-ум  аз 5 то 21 август дар Рио-де-Жанейро (Бразилия) баргузор мегардад. Ин бозиҳои олимпии аввалин дар Америкаи Ҷанубӣ, дуввумин дар Америкаи Лотинӣ (баъди Олимпиадаи соли 1968) ва аввалинин сабқати олимпӣ пас аз соли 2000 инҷониб дар нимкураи ҷанубист.

Дар бозиҳои олимпӣ шумораи рекордии медалҳо (306) ва иштироки  рекордии  кишварҳои ҷаҳон (206) дар назар аст, аз ҷумла мамлакатҳои Косово ва Судани Ҷанубӣ бори нахуст дар Олимпиада ширкат хоҳанд варзид.

То имрӯз наздики 146 кишвар роҳхати ба Рио рафтанро гирифтаанд, ки теъдоди варзишгаронашон ба 5412 нафар мерасад. Дар бозиҳои олимпии соли 2016 аз рӯи 28 намуди варзиш медалҳо соҳибонашонро интизоранд.

Ҳоло фақат Дилшод Назаров. Яккаву танҳо

Тоҷикистон айни ҳол танҳо як роҳхати олимпӣ  дорад. Гурзпарто Дилшод Назаров ягона варзишгари тоҷикистонист, ки муҷаввизи иштирок дар Бозиҳои Олимпии 2016 дар Рио-де-Жанейро (Бразилия)-ро ба даст овардааст.

Варзишгари тоҷик то ин вақт дар се бозии олимпӣ- соли 2004 дар Афина, соли 2008 — дар Пекин  ва соли 2012- дар  Лондон қувваозмоӣ кардааст. Ӯ соли гузашта дар сабқати байналмилалии "IAAF Hammer Throw Challenge" дар Острав (Чехия) низ ҳунарнамоӣ дошт.

Дилшод гурзро ба масофаи 79,36 метр партофта, соҳиби медали нуқра ва роҳхат ба бозиҳои олимпӣ шуд. Мувофиқи нишондоду меъёр барои дарёфти роҳхат ба Рио натиҷаи гурзандозӣ на камтар аз 79,00 м бояд бошад.

Барои дигар варзишгарони тоҷик нимсолаи аввали соли равон муҳимтарин маҳсуб меёбад. Онҳоро мусобиқаҳои гуногун барои дарёфти роҳхат ба Бозиҳои Олимпӣ интизор аст.

Дилшод Назаров. Архивное фото
© AFP 2020 / FRANCK FIFE
Дилшод Назаров. Архивное фото

Бояд гуфт, Кумитаи миллии олимпии Тоҷикистон чанде қабл рӯйхати гирандагони идрорпулии олимпиро тасдиқ кард. Ба ин рӯйхат 15 варзишгар шомил шуданд ва онҳо ҳуқуқ доранд маблағҳои дарёфтиашонро барои баландбардории малака, инчунин дарёфти роҳхати олимпӣ сарф кунанд.

Дар Олимпидаи Лондон Тоҷикистонро 16 варзишгар муаррифӣ кард. Ин нишондод нисбати чор соли гузашта каме зиёд буд, зеро қаблан ҳамагӣ 14 варзишгар дар Пекин ширкат дошт. Варзишгарони тоҷик дар Олимпиадаи 2008 ду медал ба даст оварда буданд.

Юсуф Абдусаломов дар намуди гуштии тарзи озод дар вазни то 84 кг соҳиби медали нуқра гардида, Расул Боқиев дар намуди дзюдо дар вазни то 73 кг барандаи мақоми саввум ва нишони биринҷӣ шуд. Пеш аз олимпиадаи 2012 (Лондон) коршиносон ҳадс мезаданад, ки варзишгарони тоҷикро "ҷаҳиши бузург" интизор аст.

Аммо намояндагони мо яке пайи дигаре ба шикаст мувоҷеҳ мешуданд ва дар охир танҳо як медал, он ҳам биринҷиро ба даст оварданд. Мавзуна Чориева, ягона варзишгари тоҷик буд, ки дар риштаи муштзанӣ мақоми севвумро соҳиб гардид. Аз рӯи натиҷаи нишонҳои бадастоварда Тоҷикистон дар мақоми 79-ум бо Афғонистон, Баҳрайн, Кувайт, Марок, Ҳонгконг, Арабистони Саудӣ дар як рада қарор гирифт.

© Sputnik
Духтари сесолаи Чориева муштзань мекунад

Бе муҷаввиз ва бе шонс

Имсол чӣ армуғонеро дар пай дорад? Барномаи Олимпиада- 2016 аз 28 навъи варзиш иборат аст. Ба номгӯи бахре аз ин риштаҳо тоҷикситониён шомил ҳам нестанд ва даъвои гирифтани иҷозатномаро намекунанд. Баъзе аз намудҳои варзиш ҳатто дар ҷумҳурии вуҷуд надорад…

Чавгон дар рӯи замин (сабза), баскетбол, волейбол, гандбол, гимнастика- ин намудҳо бошанд дар ҷумҳурии мо он қадар маъмул нестанд, ҳарчанд вуҷуд доранд. Варзиши велосипедронӣ, варзишҳои обӣ, бадминтон, теннис, футбол, шамшербозӣ, қаиқронӣ,  тенниси рӯи миз, тирандозӣ, камонварӣ, варзиш (атлетика)-и вазнин- намудҳоеанд, ки мо имрӯз имконияти нишон додани натиҷаҳои олиро дар онҳо надорем.

Ҳамин тавр, ҳамагӣ панҷ намуди варзиш, ки варзишгарони мо имкони ба даст овардани иҷозатномаро дар онҳо доранд, боқӣ мемонанд: бокс, гуштин, гуштии намуди дзюдо, варзиши сабук ва таэквон-до (WTF).

Дар намуди варзиши сабук аллакай як иҷозатнома вуҷуд дорад, аммо супоридани норматив барои дарёфти он аз ҷониби варзишгарон эҳтимол надорад. Гуштигирони тоҷик низ имкони ба даст овардани роҳхатро доранд, аммо онҳо агар дар як мусобиқаи варзишӣ пирӯз шаванд, дар дигар сабқат мағлуб мешаванд.

Ҳоло каме устуворӣ ва матонат ба дзюдоистони тоҷик намерасад. Имрӯзҳо варзишгарони тими миллӣ давра ба давра дар мусобиқоти байналмиллалӣ ширкат варзида кӯшиш мекунанд натиҷаҳои баланд ба даст биёранд. Метавон гуфт, ки дар айни ҳол танҳо Комроншоҳи Устопириён  иҷозатноамаро (ҳоло дар бораи роҳхат нагуфтем) барои ширкат дар Бозиҳои Рио-2016 дорад. Варзишгарони боқимонда қувваозмоиро давом медиҳанд.

Инчунин таэквандочиёни тоҷик низ имконияти хуб доранд, сабқатҳои онҳо  дар фасли баҳор баргузор мешавад. Аз Алишер Гулов ва Фарҳод Негматов умеди зиёд дорем. Дар даврҳои гузашта онҳо мустақилона иҷозатномаро гирифта буданд, шояд имсол ҳам ба даст оранд. Дар намуди варзиши бокс низ, варзишгарони пуртаҷриба зиёданд ва имкони дарёфти иҷозатнома аз имкон дур нест, онҳо Мавзуна Чориева ва Анвар Юнусов мебошанд.

Бразилия низ дучори мушкил аст

Дар баробари наздикшавии Бозиҳои Олимпӣ ҳарфу садои мухталиф атрофи он бештар мешаванд. Соли гузашта дар Бразилия чемпионати ҷаҳон оид ба футбол доир гардид, ки ҳамоишҳои гуногуни мардумиро ба бор овард, халқ аз он норозигӣ баён карданд, ки маблағи хеле зиёд на барои баланд бардоштани зиндагии муҳтоҷон, балки барои бозиҳо сарф мешаванд.

Имсол ҳам ба вуқӯъ пайвастани ҳодисаҳои ба ҳамин монанд аз эҳтимол дур нест.

Ғайр аз ин дар тамоми ҷаҳон амалиётҳои гуногуни террористӣ авҷ мегиранд ва  ташкилкунандагони Бозиҳои Олимпиро мебояд чораҳои зарурӣ андешанд. Дар баробари ин дар Бразилия хурӯҷи вируси Зик ҷомеъаи ҷаҳониро ба ташвиш овардааст. Агар то саршавии Олимпиада бо он мубориза набаранд, теъдоди зиёде ба он гирифтор мешаванд.

Аммо чизи аз ҳама асосӣ ва хурсандиовар он аст, ки дар бораи қатъ ва ё мавқуф гузаштани бозиҳои олимпӣ сару садое ба вуҷуд наомадааст.  

483
Барчаспҳо:
муҷаввиз, шонс, роҳхати олимпӣ, литсензия, варзишгарони тоҷик, олимпиада, КМО-и ҶТ, ФФТ, Мавзуна Чориева, Комроншоҳи Устопириён, Дилшод Назаров, Косово, Рио-де-Женейро, Судони Ҷанубӣ, Бразилия, Тоҷикистон
Мавзуҳо:
Олимпиадаи Рио-де-Жанейро: ба пеш барои ғолибият (26)
Мавзуъ
Медали нуқраи Комроншоҳи Устопириён дар Гран-прии Тошканд
Хабиб Нурмагомедов

Шарҳи Кремл дар бораи мулоқоти Путин бо Нурмуҳаммадов

882
(Таҷдидшуда 15:53 27.10.2020)
Дмитрий Песков, сухангӯи президенти Русия хабарҳо дар бораи дидор ва мулоқоти Владимир Путин бо размикор Ҳабиб Нурмуҳаммадовро шарҳ дод

ДУШАНБЕ, 27 окт - Sputnik. Сухангӯи президенти Русия Дмитрий Песков тасдиқ кардааст, ки Владимир Путин бо Ҳабиб Нурмуҳаммадов, қаҳрамони UFC мулоқот хоҳад кард, аммо санаи дақиқи ин дидор ҳоло мушаххас нашудааст, хабар додааст РИА Новости.

Қаблан президенти Русия Владимир Путин тавассути телефон Ҳабиб Нурмуҳаммадовро бо пирӯзӣ дар набард бо Ҷастин Гетҷии амрикоӣ табрик гуфтааст.

"Дар ҳақиқат, президент гуфт, ки ин ҳатмист, вақте худи Ҳабиб каме истироҳат мекунад ва вазъи эпидемиологӣ ... ором мешавад, онҳо ҳатман мулоқот хоҳанд кард", - гуфт Песков дар посух ба пурсиши журналистон оид ба имкони мулоқоти президент бо варзишгар.

Ёдовар мешавем, шаби 25 октябр Ҳабиб Нурмуҳаммадов дар даври дуюми сабқат бо Ҷастин Гейҷӣ бо истифодаи усули буғикунанда пирӯз шуд.

Баъди пирӯзӣ Ҳабиб эълон кард, ки дигар ба майдони набар нахоҳад омад ва ин охирин рақобаташ буд, зеро ба модараш ваъда додааст, ки дигар ҷанг нахоҳад кард.

Феълан Ҳабиб шикастнодида буда, дар 29 сабқаташ 29 пирӯзӣ дорад.

Коршинос дар бораи қарори Ҳабиб: бе падараш ӯ наметавонист ба қуллаҳои баланд расад

Дар пайи пирӯзӣ бар Гейҷӣ, Нурмуҳаммадов аз роҳбарияти UFC хост, ӯро дар садри беҳтарин размикорон ҷой диҳанд, чун ӯ арзанда аст.  Дана Уайт, роҳбари UFC ба Ҳабиб Нурмуҳаммадов дар феҳрасти беҳтарин размикорони ҷаҳон мақоми аввалро дод.

Охирин парвози Уқоб: Ҳабиб пас аз мубориза бо Гетҷи "карера"-ашро ҷамъбаст кард

Ҷон Ҷонс, ки то ҳол дар сархати беҳтарин размикорон қарор дошт, аз мақомаш ба фоидаи Нурмуҳаммадов даст кашид.

882
Барчаспҳо:
Кремл, Дмитрий Песков, Владимир Путин, размикор, Ҳабиб Нурмуҳаммадов

Ҳабиб Нурмуҳаммадов ба феҳрасти 500 мусалмони таъсиргузори дунё шомил шуд

327
(Таҷдидшуда 14:48 27.10.2020)
Қаҳрамони UFC Ҳабиб Нурмуҳаммадов тайи чанд сол аст пай дар пай ба рейтинги мусалмонони бонуфузи ҷаҳон шомил карда мешавад

ДУШАНБЕ, 27 окт - Sputnik. Пажуҳишгоҳи исломии Уммон исми қаҳрамони UFC дар вазни сабук ва варзишкори муҳорибаи омехта Ҳабиб Нурмуҳаммадовро ба феҳрасти "500 мусулмони таъсиргузор барои соли 2021" шомил кардааст.

Муаллифони таҳқиқот Нурмуҳаммадови 32-соларо ба рӯйхати 450 нафари сол дохил кардаанд. Ин размикори доғистонӣ тайи чанд сол аст, ки пай дар пай ба рейтинги мусалмонони бонуфузи ҷаҳон шомил карда мешавад.

Варзишкори шикастнадида 29 набардро бо ғолибият пушти сар карда, имрӯз аз беҳтарин  размикори сайёра ба шумор меравад.

Набарди охирини ӯ шаби 25 октябр - бар зидди Ҷастин Гетҷии амрикоӣ сурат гирифт.

Ҳабиб пас аз пирӯзӣ эълон кард, ки тарки майдон мекунад, зеро ба модараш ваъда додааст, ки дигар ба майдон намебарояд.

Дар баробари Ҳабиб ҳамзамон исми футболбоз-ҳамлагари бошгоҳи "Ливерпул" ва мунтахаби Миср Муҳаммад Салоҳ низ шомил шудааст.

Маълум шуд, ки Ҳабиб Нурмуҳаммадов пас аз хатми “карера”-аш чӣ кор хоҳад кард-видео

Дар сархати ин феҳрист дар соли ҷорӣ раисиҷумҳури Туркия Раҷаб Тайиб Эрдуғон қарор дорад. Пас аз ӯ шоҳи Арабистони Саудӣ Салмон ибни Абдул-Азиз ва Оятуллоҳ Сайид Алии Хоманаӣ, роҳбари аъзами Эрон ҷой гирифтаанд.

Охирин парвози Уқоб: Ҳабиб пас аз мубориза бо Гетҷи "карера"-ашро ҷамъбаст кард

Ёдовар мешавем, ки TOP-500 аз бонуфузтарин мусалмонони ҷаҳон сар аз соли 2009 ҳамасола нашр мешавад.

327
Барчаспҳо:
размикор, мусалмон, рейтинг, Ҳабиб Нурмуҳаммадов

Путин кушташудаҳо дар Қарабоғро бо ҷонбохтагон дар Афғонистон қиёс кард: хеле зиёд-навор

0
(Таҷдидшуда 19:44 27.10.2020)
Владимир Путин, раисиҷумҳури Русия, теъдоди кушташудаҳо аз ҳар ду ҷониб дар Қарабоғи Куҳӣ тайи як муддати кӯтоҳ ба 5 ҳазор нафар наздик омадааст

Раисиҷумҳури Русия изҳор дошт, ки тайи 10 соли ҷанг дар Афғонистон, нерӯҳои Иттиҳоди шӯравӣ 13 ҳазор нафарро аз даст доданд, аммо дар Қарабоғ тайи чунин як муддати кӯтоҳ теъдоди ҷонбохтагон аз ҳарду ҷониб ба 5 ҳазор нафар наздик шудааст.

“Чӣ қадар маҷруҳанд, чӣ қадар мардум азоб мекашанд, чӣ қадар кӯдакон? Аз ин лиҳоз ҳодисаи мазкур барои мо махсус мебошад”, -изҳор дошт раисиҷумҳури Русия.

“Мухолифат ба шеваи бадтаринаш”, - тасвир кард Владимир Путин ҳаводис дар Қарабоғи Куҳиро.

Раисиҷумҳури Русия таъкид намуд, ки фоҷиаи асосӣ ин марги одамон мебошад. Талафот аз ҳар ду ҷониб беш аз 2 ҳазор нафариро ташкил медиҳад.

Алиев мегӯяд, Боку ба ҳеҷ ваҷҳ истиқлолияти Қарабоғро намепазирад: Пашинян чӣ мегӯяд

Дмитрий Песков, сухангӯи раисиҷумҳури Русия, изҳор дошт, ки Маскав тамоми талошашро мекунад, то хунрезӣ дар Қарабоғи куҳӣ қатъ шавад.

0
Барчаспҳо:
шарҳ, Владимир Путин, ҷанг дар Қарабоғ, Қарабоғи Кӯҳӣ