Дастаи Истиқлол- барандаи медали тиллои футболи Тоҷикистон дар соли 2016

Бозиҳои футболи лигаи олии Тоҷикистон оғоз мегарданд. Аз фардо

37
(Таҷдидшуда 12:22 06.04.2016)
Сабқати имсолаи қаҳрамонии футболи Тоҷикистон байни дастаҳои лигаи олӣ рӯзи панҷшанбе шурӯъ мешаванд.

ДУШАНБЕ, 6 апр — Sputnik. Мусобиқаи 25-уми қаҳрамонии футболи Тоҷикистон байни дастаҳои лигаи олӣ рӯзи панҷшанбеи 7-уми апрел бо бозии дастаҳои "Истиқлол"-и Душанбе ва "Парвоз"-и Бобоҷон Ғафуров  дар Варзишгоҳи марказии ҷумҳуриявӣ оғоз мегарданд, иттилоъ медиҳад Федератсияи футболи Тоҷикистон.

Гуфта мешавад, дар мусобиқоти имсола даҳ дастаи футбол ширкат варзида, рақобатҳо дар ду давра сурат мепазиранд.

 

"Нӯҳ дастаи қаблии лигаи олӣ- "Истиқлол", ССКА "Помир", "Барқчӣ" (ҳар се тим аз Душанбе), "Хуҷанд" (Хуҷанд), "Равшан" (Кӯлоб), "Регар-ТадАЗ" (Турсунзода), "Хайр" (Ваҳдат), "Вахш" (Қӯрғонтеппа), "Парвоз" (Бобоҷон Ғафуров) ва ғолиби сабқати соли гузаштаи лигаи аввал — "Ҳосилот"-и Фархор  дар мусобиқаҳо байни ҳам рақобат хоҳанд кард",- меафзояд манбаъ.

Дар ҳамин ҳол, иттилоъ дода мешавад, ки дастаи "Далерон-Ӯротеппа" (Истаравшан) ба сабаби вазъи мушкили молӣ аз ширкат дар мусобиқаи имсола даст кашидааст.

Бар асоси қуръакашии бозиҳои мусобиқоти имсола дар даври аввал рӯзи 7 апрел "Истиқлол" бо "Парвоз", 9 апрел "Регар-ТадАЗ" бо ССКА "Помир", "Хуҷанд" бо "Вахш", 10 апрел "Хайр" бо "Равшан" ва "Ҳосилот" бо "Барқчӣ" рақобат мекунанд.

Маврид ба ёдоварист, мусобиқаи соли гузашта (2015) бо пирӯзии дастаи "Истиқлол" анҷом ёфта буд. Футболбозони Душанбе барои бори чаҳорум ба унвони қаҳрамони Тоҷикистон даст ёфта, бо медалҳои тило сарфароз гаштанд. Дастаи "Хуҷанд", ки ҷойи дувумро касб кард, бо медалҳои нуқра мукофотонида шуд. Ҷойи севум ва медалҳои биринҷӣ насиби дастаи "Равшан" гардида буд.

37
Барчаспҳо:
тӯб, даҳ даста, мусобиқа, сабқат, лигаи олӣ, футбол, "Ҳосилот"-и Фархор, дастаи Хуҷанд, тими "Истиқлол", Федератсияи футболи Тоҷикистон, ФФТ, Душанбе, Тоҷикистон
Мавзуъ
Футбол: тилло насиби “Истиқлол”-у нуқра аз “Хуҷанд”, биринҷӣ номаълум