Муҳорибаи тан ба тан. Акс аз бойгонӣ

Варзишгарони тоҷик дар Абу-Даби соҳиби ду медал шуданд

73
(Таҷдидшуда 13:04 28.04.2016)
Чемпионати ҷаҳон дар риштаи ҷиу-ҷитсу (джиу-джитсу)-и брозилӣ дар Абу-Даби баргузор гардид. Сабқат аз рӯи вазнҳои гуногун доир шуд. Дар мусобиқа миёни калонсолон варзишгари маъруфи Тоҷикистон Комил Боймуродов ширкат варзид.

ДУШАНБЕ, 28 апр — Sputnik. Варзишгарони тоҷик дар қаҳрамонии ҷаҳон дар риштаи ҷиу-ҷитсуи брозилӣ, ки дар байни муутахассисони ин намуди варзиш баргузор шуд, дар АМА ширкат варзиданд.

Дар Абу-Даби (АМА) чемпионати ҷаҳон аз рӯи ҷиу-ҷитсу дар байни мутахассисони ин соҳа таҳти унвони "Abu Dhabi World Youth Jiu-Jitsu Championship-2016" сурат пазируфт.

Сабқат аз рӯи вазнҳои гуногун доир гардид. Дар мусобиқа миёни калонсолон варзишгари машҳури тоҷик Комил Боймуродов ширкат варзид.

"Қабл аз мусобиқа дар тамринҳои омӯзишӣ дар АМА дар гурӯҳи Team Nogueira машқ кардам. Интизори медали тилло будам, вале бо сабаби баҳогузории нодурусти довар чунин нашуд. Дар мубориза бо варзишгари бразилиягӣ ман натавонистам ба зудӣ ӯро мағлуб намоям, аммо аз ҷиҳати фаъол будан аз ӯ пешсаф будам, бо вуҷуди ин довар ғолибиятро ба рақибам дод. Дар баробари ин Ардамеҳр Собиров дар гурӯҳи варзишгарони 12- сола ҷои аввал гирифта, Салмон Имомзод дар байни варзишгарони ҷавон соҳиби медали биринҷӣ гардид",- изҳор дошт варзишгар.

Ёдовар мешавем, ки Комил Боймуродов дар баробари фаъолияти варзишӣ, мураббӣ низ ҳаст. Дар мусобиқаи қаблӣ —қаҳрамонии Тоҷикистон ӯ дар вазни 75 кг мақоми аввалро соҳиб шуд, ҳамчунин шогирдонаш Фаррух Боймуродов (65 кг), Абубакр Боймуродов(45 кг), Навруз Камолов(60 кг) ва Довуд Аҳёев қаҳрамони ин намуди варзиш гардиданд.

Ҷиу-ҷитсуи брозилӣ, санъати муборизаи тан ба тан болои гилеми варзишӣ буда, ҳамчунин аз усулҳои гуногунро дар бар мегирад. Ин намуди варзиш аввали асри ХХ  дар асоси ҷудои (дзюдо) Кокодан, ки намуди варзиши мустақили ҷавон (соли 1882 таъсис ёфт) мебошад,  аз ҷониби як қатор мактабҳои ҷиу-ҷитсуи ҷопонӣ таъсис ёфтааст.

 

 

73
Барчаспҳо:
медал, ҷиу-ҷитсу, ғолибият, сабқат, мусобиқа, Abu Dhabi World Youth Jiu-Jitsu Championship-2016, Комил Боймуродов, Абу-Даби, АМА
Мавзуъ
Варзишгарони тоҷик аз Бишкек ҳашт медал оварданд
Таджикские мастера готовят подарок к зимней Олимпиаде в Пекине

Туҳфаи устоҳои тоҷик барои Бозиҳои зимистонаи олимпии Пекин

161
Ҷамшед Ҷӯраев ва Насим Негматов ду устои бомаҳорати тоҷик мебошанд, ки шӯҳрати наққошкориҳои онҳо берун аз Тоҷикистон ҳам паҳн шудааст

ДУШАНБЕ, 6 авг — Sputnik. Ҷамшед Ҷӯраев ва Насим Негматов ду устои машҳури тоҷик мебошанд, ки амалҳои ҷолиби наққошии онҳо иншоотҳои фарҳангӣ ва маконҳои дӯстдоштании кишварро оро медиҳанд. Ифтихори котиботи Созмони Ҳамкории Шанхай – толори рамзи қароргоҳи СҲШ – тариқи ҳамин ҳунар оро ёфтааст. 

Ҳамчунин, ороиши павилони СҲШ дар доираи Намоишгоҳи ҷаҳонии санъати боғдорӣ соли 2019 дар Пекин ба Ҷамшед ва Насим супорида шуда буд. Павилони СҲШ миёни меҳмонони намоишгоҳ машҳур шуд, хусусан ҳунари рассомон баҳои баланд гирифт.

Арчаи миллӣ бо розигии Президент: дастур барои насб пеши идораю хонаҳо - аксҳо

Кумитаи милли олимпии Тоҷикистон хабар медиҳад, ки устоҳои тоҷик омодагиро ба Бозиҳои зимистонаи олимпӣ, ки аз 4 то 20 феврали соли 2022 дар Пекин баргузор мешаванд, шуруъ карданд. Тилисми ин чорабинии бузурги варзишӣ – панда бо номи Бин-Дундун интихоб шудааст.

Зимнан, рассомони тоҷик тасмим гирифтаанд якчанд лавҳаро бо наққошии панда – ҳайвони дӯстдори миллионҳо нафар дар ҷаҳон – омода кунанд.

Дар доираи Бозиҳои олимпӣ, онҳо инчунин умед доранд, ки намоишгоҳ ташкил мекунанд ва ҳунарашонро ба пекиниҳо ва меҳмонони пойтахти Чин ошно менамоянд.

161
Барчаспҳо:
тоҷик, усто, туҳфа, Бозиҳои олимпӣ
Парвизҷон Умарбоев, нимҳимоятгари дастаи мунтахаби Тоҷикистон, бо тимаш Суперҷоми Булғористонро ба даст овард.

"Мессии тоҷик": Парвизҷон Умарбоев бо тимаш Суперҷоми Булғористонро соҳиб шуд

224
(Таҷдидшуда 11:15 04.08.2020)
Парвизҷон Умарбоев, нимҳимоятгари дастаи мунтахаби Тоҷикистон, ки дар дастаи “Локомотив” (Пловдив) бозӣ мекунад, бо тимаш Суперҷоми Булғористонро ба даст овард

ДУШАНБЕ, 4 авг — Sputnik. Тибқи иттилои Федератсияи футболи Тоҷикистон, дар бозӣ барои Суперҷом “Локомотив” (Пловдив) қаҳрамони Булғористон “Лудогоертс”-ро бо ҳисоби 1:0 шикаст дод.

Ба иттилои манбаъ, умарбоев дар ҳайати “Локомотив” 90 дақиқа ҳунарнамоӣ кард.

Гуфта мешавад, ин сеюмин дастовардест, ки Парвизҷон Умарбоев дар ҳайати “Локомотив”-и Пловдив соҳиб шудааст.

Қабл аз ин футболбози тоҷик ду маротиба ҳамроҳ бо тимаш Ҷоми Булғористонро ба даст овардааст.

Дар ҳайати “Локомотив” Умарбоев имсол дар даври муқаддамотии Лигаи Аврупо-2020/2021 бозӣ хоҳад кард.

Ёдовар мешавем Парвизҷон Умарбоев сар аз соли 2016 дар ҳайати  “Локомотив” ҳунарнамоӣ карда, давоми ҷаҳор соли фаъолияташ дар беш аз 100 бозӣ ширкат кардааст.

Парвизҷон Умарбоев аз бозигарони шинохтаи кишвар буда миёни ҳаводоронаш бо "Мессии тоҷик" шинохта шудааст.

 

224
Садамаи маргборе, ки дар пайи он Баҳром Ғафурӣ ба ҳалокат расид

КҲФ низ садамаи Баҳром Ғафуриро шарҳ дод ва чанд акс аз ҷои ҳодиса нашр кард

0
Кумитаи ҳолатҳои фавқуллода менависад, ки агар ҳодиса соати 4:00 рух дода бошад, соати 4:18 дастаи наҷоти КҲФ ба ҷои ҳодиса сафарбар шуданд. Аммо мутаассифона ҳунармандро натавонистанд аз марг наҷот диҳанд

ДУШАНБЕ, 7 авг — Sputnik. КҲФ низ садамаи мудҳишеро, ки дар пайи он овозхони номӣ Баҳром Ғафурӣ ҳалок шуд шарҳ додааст.

Бино бар иттилои манбаъ, 04:16 дақиқа ба навбатдори Раёсати Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикисон дар шаҳри Душанбе хабар расид, ки дар кўчаи  Рудакӣ  106 ноҳияи И.Сомонӣ, садамаи нақлиёти рўх додааст.

Соати 04:18 дақиқа Дастаи зудамали наҷоти Раёсат ба ҷои ҳодиса сафарбар шуд, афзудааст манбаъ.

Садамаи маргбори Баҳром Ғафурӣ
Дафтари матбуоти КҲФ
Садамаи маргбори Баҳром Ғафурӣ

Гуфта мешавад, дар натиҷа муаян карда шуд, ки ронандаи автомашинаи тамғаи «Тайота-Ланкурузер» (200)  рақами давлатиаш 1991 КК 01ТҶ, аз ўҳдаи идораи мошин набаромада, ба автомашинаи партовкаши тамғаи «Камаз»  бармехӯрад.

Бар асари ин бархурди мудҳиш як нафар мусофири он сарояндаи хушхону маъруф Баҳром Ғафурӣ ба ҳалокат расидааст. Дар ин садама ду нафари дигар: Зарипов Баҳодур ва Анварзода Ислом бо ҷароҳатҳои вазнини ҷисмонӣ ба беморхонаи Қарияи Боло интиқол дода шудаанд.

Сабаби ҳодисаи мазкур аз ҷониби кормандони шуъбаи ВКД ва БДА-и ноҳияи Исмоили Сомонӣ муаяйн карда мешавад.

0