Муборизаи тан ба тан. Акс аз бойгонӣ

Дар Душанбе қаҳрамонии пойтахт оид ба муборизаи умумӣ доир гардид

14
Дар сабқатҳо варзишгарони синну солашон аз 10 то 17 сола аз рӯи 22 категорияи вазнӣ иштирок карданд. Дар баробари ин намояндагони шаҳри Душанбе аз рӯи муборизаи универсалӣ дар байни варзишгарони шаҳрҳои гуногуни кишвар ҷои якумро соҳиб шуданд.

ДУШАНБЕ, 4 май- Sputnik. Дар мусобиқаҳои шаҳрӣ зиёда аз 100 варзишгари наврас аз Душанбе иштирок карданд.

Иштирокчиён мусобиқа варзишгарони  аз 10 то 17 сола буда, аз рӯи 22 категорияи вазнӣ байни ҳам рақобат карданд.

Ғолибони қаҳрамонии Душанбе аз рӯи варзиши муборизаи умумӣ: аз байни варзишгарони синну солашон (10-11) Назирмадов Зиёдулло, Ҳамитов Саидакбар, Саидов Сулаймон, Муҳаммадҷони Насриддин; (12-13) Сафаров Ёқуб, Оев Бахтиёр, Саидов Ҳайдар, Алиҷони Набиулло; (14-15) Раҳматуллои Асадулло, Хокироев Некрӯз, Эгамов Заррух, Рустамов Ҷаҳонгар, Саидов Абдураҳмон; (16-17) Ҳакими Карим, Самариддини Улуғбек, Зардиев Дилшод, Забиров Аюб ва Салимов Сангалӣ гардиданд.

Дар баробари ин дар ноҳияи Ҷаббор Расулов мусобиқаи кушод оид ба муборизаи тахассусии умумӣ баргузор гардида, варзишгарони Душанбе, ноҳияи Турсунзода, Рӯдакӣ ва Қирғизистонро ба ҳам овард.

Намояндагони пойтахт-Олимон Шамил ва Сафаров Абубакр соҳиби ҷои авввал гардиданд. Акнун онҳо ба мусобиқаҳои ҷаҳонӣ байни наврасон, ки моҳи июн дар Русия баргузор мешавад омодагӣ мебинанд.

Ҳамчунин қаблан гурӯҳи варзишгарони Тоҷикистон дар сабқати бузург, қаҳармонии Осиё оид ба муборизаи миллии эронӣ,ки дар шаҳри Кирмоншоҳи Эрон баргузор гардид, ширкат карда, соҳиби чор медал гардиданд.

Дар қаҳрамонии Осиё варзишгарони 24 давлати дунё, аз ҷумла Тоҷикистон иштирок карданд. Намояндагони тоҷик: дар ҳайати Асила Каримова дар вазни (51кг), Сайфиддин Сафаралӣ (60кг), Афзалшо Урозов (65кг), Бахтибек Каримов (65кг), Фирдавсҷон Шарипов (70кг) ширкат варзиданд.

Варзишгарони мо дар ин мусобиқа чор медали биринҷӣ ба даст оварданд. Соҳибони нишонҳо Асила Каримова, Сайфиддин Сафаралӣ, Афзалшо Урозов ва Фирдавсҷон Шарипов мебошанд.

14
Барчаспҳо:
қаҳрамонии Осиё, медал, варзишгарони тоҷик, сабқат, мубориза, Эрон, Душанбе, Тоҷикистон, Русия
Мавзуъ
Варзишгарони тоҷик дар Абу-Даби соҳиби ду медал шуданд
Рақобати варзишгарони тоҷик барои имтиёзҳои олимпӣ дар Тошканд
Комёбии варзишгарони тоҷик дар Гран-прии гӯштин дар Қирғизистон