Дзюдо. Акс аз бойгонӣ

Дзюдочиёни ҶТ: то ҳол бе медал, дар интизори Гран-при қабл аз Рио-2016

28
(Таҷдидшуда 17:07 05.08.2016)
Дар риштаи ҷудо (дзюдо)Тоҷикистон расман як роҳхат дорад, ки онро Комроншоҳи Устопириён ба даст оварда буд. Боз як варзишгари тоҷик метавонад иҷозатномаро аз рейтинги Осиёӣ соҳиб шавад. Ин иҷозатномаро ё Саидҷалол Саидов ё Муҳаммадмурод Абдураҳмонов хоҳад гирифт.

ДУШАНБЕ, 12 май — Sputnik. Варзишгарони тоҷик дар сабқати байналмиллалии Grand Slam, ки дар риштаи ҷудо дар Боку доир гардид, бе медал монданд.

Дар Озарбойҷон бошад мусобиқаи бузурги Grand Slam (Большой шлем) аз рӯи ҳафт котегорияи вазнӣ байни занон ва мардон баргузор гардид.

Аз Тоҷикистон се варзишгар-Фарҳод Раҳимов(81кг), Саидҷалол Саидов(100кг) ва Муҳаммадмурод Абдураҳмонов(+100 кг) ба майдони разм баромаданд. Саидов дар рақобати аввал аз варзишгари бразилӣ Рафаэло Бузакарини шикаст хурд, Абдураҳмонов бошад дар рақобати  нахуст дзюдочии Чехия-Мичел Хоракро мағлуб намуда дар муборизаи баъдӣ аз варзишгари монгол Темуулен Баттулга шикаст хурд. Раҳимов дар муборизаи якум бо Карлос Лузи португалӣ рақобат намуда, мағлуб гардид.

Аз рӯи ҳисоби умумӣ Ҷопон бо з медали тилло ва 2 нишони биринҷӣ дар ҷои аввал қарор дорад. Варзишгарони Ҳолланд соҳиби 2 медали тилло ва 1 биринҷӣ шуданд. Мусобиқаҳои дигар аз 13 то 15 май-Гран-при дар Алмато баргузор мешаванд. Ин мусобиқаҳои охирин қабл аз Олимпиадаи Рио хоҳад буд.

Хазинаи мукофот 154000 долларро дар бар мегирад: барои ҷои 1-ум-5000 доллар (4000 барои варзишгар ва 1000 барои мараббӣ), ҷои 2-юм: 3000 доллар (2400 барои дзюдочӣ ва 600 барои мураббӣ), ҷои 3-юм: 1500 доллар (1200 барои варзишгар ва 300 барои мураббӣ). Дар мусобиқаҳо 447 варзишгар (279 мард ва 168 зан) аз 76 давлати дунё иштирок намуданд.

Ёдовар мешавем, ки марҳилаи интиҳоии интихобӣ барои Бозиҳои Рио-2016 рӯзи 30 май ба анҷом мерасад. Ва 22 намояндагони беҳтарин аз байни мардон ва 14 варзишгар аз байни занон ба Олимпиада-2016 роҳ хоҳанд ёфт.

Дар риштаи ҷудо Тоҷикистон расман як роҳхат дорад, ки онро Комроншоҳи Устопириён қаҳрамони нотакрор ба даст овард. Боз як варзишгари тоҷик метавонад иҷозатномаро аз рейтинги Осиёӣ соҳиб шавад. Ин иҷозатномаро ё Саидҷалол Саидов ё Муҳаммадмурод Абдураҳмонов хоҳад гирифт. Дарёфти роҳхати онҳо аз мусобиқаҳои дар пеш истода вобаста аст.

28
Барчаспҳо:
мағлубият, варзишгарони тоҷик, дзюдо, Grand Slam, Муҳаммадмурод Абдураҳмонов, Саидҷалол Саидов, Фарҳод Раҳимов, Комроншоҳи Устопириён, Боку
Мавзуҳо:
Олимпиадаи Рио-де-Жанейро: ба пеш барои ғолибият (26)
Мавзуъ
Дзюдочиёни Тоҷикистон ба Боку ва Алмато мераванд
Зал со зрителями на Fight Nights Global Global 71, архивное фото

Размикори ММА бо усули ғайримаъмулӣ рақибашро аз пой зад - видео

640
(Таҷдидшуда 14:53 09.08.2020)
Ин рақобат дар бахши дуюм хотима ёфт. Пас аз чандин зарбаи сангин бар пой, варзишкори амрикоӣ натавонист рақобатро идома диҳад

ДУШАНБЕ, 9 авг — Sputnik. Варзишкори муҳорибаҳои омехта Чарли Кэмпбелл аз ИМА, дар мусобиқаи Bellator 243 бо усули ғайримаъмулӣ бар варзишкори ҳамшаҳрияш Найндоа Данг пирӯз шуд.

Навори лаҳзаи нокаeт дар саҳифаи баргузоркунандагони рақобат дар Twitter нашр шудааст.

Ин рақобат дар бахши дуюм хотима ёфт.

Муин Ғафуров: ба ҷои UFC, размикор метавонад ба Ҷопон биравад

Кэмпбелл бар пойи рақибаш пай дар пай шалллоқҳои сангин равон мекард. Дар натиҷа Данг тавони идомаи рақобатро аз даст дод.

Рефери дар ин росто, рақобатро бо хулосаи нокаути техникӣ хотима бахшид.

Дана Уайт 4 размикори беҳтарини UFC - ро ном бурд: миёнашон як зан - Ҳабиб нест

Ин пирӯзии дуввуми Чарли Кэмпбелл дар фаъолияти варзишиаш мебошад.

Ӯ ҳамагӣ як маротиба мағлуб шудааст.

640
Барчаспҳо:
Ҷаҳон, нокаут, варзишкор, размикор
Душанбинский ФК Истиклол на тренировке в Ташкенте

"Истиқлол" дубора бозигарашро аз тими "Навбаҳор"-и Ӯзбекистон овард

83
(Таҷдидшуда 09:12 08.08.2020)
Амирбек Ҷурабоев, нимҳимоятгари дастаи “Истиқлол” –и Душанбе пас аз танаффуси яксола боз ба ба ин даста  баргашт

ДУШАНБЕ, 8 авг — Sputnik.  Бино ба иттилои сомонаи бошгоҳи “Истиқлол”нимҳимоятгар Амирбек Ҷурабоев, ки тӯли як сол дар тими “Навбаҳор”-и  Ӯзбекистон бозӣ мекард,  дубора ба тим баргашӣ.

Ба иттилои манбаъ, шартномаи ҷадиди бозигар бо қаҳрамони Тоҷикистон муддати як солро дар бар мегирад, аммо дар бораи маблағи гузариш иттилоъ дода нашудааст.

Амирбек Ҷурабоев қаблан се сол тули мавсимҳои 2016-2019 дар ҳайати “Истиқлол” ҳунарнамоӣ карда бо дастаи пойтахт чандин бор қаҳрамони кишвар, соҳиби Ҷоми Тоҷикистон ва Абарҷоми мамлакат гардидааст.

Гуфта мешавад, дар ҳайати “Истиқлол” Амирбек Ҷурабоев бо пероҳани рақами 22 ҳунарнамоӣ мекунад.

Ёдовар мешавем, қаблан низ бозигари дигари даста Аҳтам Назаров, капитани дастаи мунтахаби Тоҷикистон оид ба футбол низ дубора ба тими “Истиқлол”-и пойтахт пайваст
Аҳтам Назаров дар дастаи футболи “Башундара Кингз”-и Бангладеш ҳунарнамоӣ мекард, дубора бо “Истиқлол” шартнома баст.

83
Неделя моды в Душанбе. архивное фото

Фарзонаи Хуршед дар бораи бегонагӣ бо Фаридун ва "шери нар" - и наваш - видео

1352
(Таҷдидшуда 20:58 10.08.2020)
Сарояндаи машҳури тоҷик Фарзонаи Хуршед дар бораи бегонагӣ бо собиқ ҳамcараш овозхони шинохта Фаридуни Хуршед ва ишқи наваш гуфт

ДУШАНБЕ, 10 авг – Sputnik. Сарояндаи машҳури эстрадаи тоҷик Фарзонаи Хуршед дар барномаи шабакаи "Пешсаф" дар бораи зиндагии шахсияш нақл кард.

Ӯ гуфт бо ҳамсари пешинаш Фаридуни Хуршед чор сол шуд ягон иртиботе надорад ва аз тавлиди фарзанд дар хонаводаи Фаридун хушҳол аст.

"Вақте дар хонае тифл ба дунё меояд дар он хонавода 60 рӯз фариштаҳо фурӯд меояд. Закияҷони азиз ба табрики додараш рафт, ман хушҳол шудам. Хурсандии як банда барои ман хурсандӣ аст. Худованд шоҳид ҳаст, ки ман нисбати Фаридун ғайр аз он кӣ ӯ падари фарзандонам ҳаст, ягон эҳсосоти дигар надорам. Фақат ҳурматаш мекунам ба он хотире кӣ ӯ падари фарзандонам аст", - гуфт Фарзона ва афзуд, ки Закияро худ барои табрикоти падараш равон кард.

Фарзона ба мухлисонаш муроҷиат карда хоҳиш намуд, ки ба ӯ аз Фаридун суол накунанд, чун аллакай барои ӯ инсони бегона аст.

"Шавҳар наздиктарин шахс барои зан аст, вале вақте ҷудо шудӣ бегонатарин инсон барои ту мешавад", - таъкид мекунад Фарзона.

Фарзонаи Хуршед аз камтарин сарояндаҳоест, ки бо дигар ҳунармандон дӯстӣ надорад ва ба қавли аксари мардум бисёр ҳавобаланд аст.

Фарзона мегӯяд аз тарси халалдор кардани ин ё он нафар ӯ бо касе ошноӣ намекунад ва дӯстони наздиктаринаш модару аппаҳояш ҳастанд.

"Вақте касе бо ман аз наздик ошно мешавад, мегӯяд ту чӣ қадар духтари хуб будаӣ, вале ман фикр мекардам, ки ту бисёр ҳавобаланд ҳастӣ".

Фарзонаи Хуршед такаббури худро кори ген гуфт.

"Бобои падариям рус ҳаст ва бибии падарам бошад эронист. Шояд аз ин сабаб виқори баланд дорам, вале дилам соф аст", - мегӯяд Фарзона.

Сароянда дар хотимаи барнома ҳамчунин дар бораи ишқи наваш гуфт ва ҳатто акси марди ҳаёташро ба муҷрии барнома нишон дод.

"Марди воқеъӣ - шери нар интихобатро нигоҳ намекунад. Албатта дар зиндагии ман шери нар ҳаст",- гуфт Фарзона.

1352
Барчаспҳо:
бегона, шавҳар, ҳамсар, Фаридуни Хуршед, Фарзонаи Хуршед