Муҳаммадмурод Абдураҳмонов. Акс аз бойгонӣ

Муҳаммадмурод ба Бозиҳои Рио де Жанейро роҳ ёфт

89
(Таҷдидшуда 17:06 05.08.2016)
Паҳлавони шинохтаи тоҷик Муҳаммадмурод Абдураҳмонов ба Бозиҳои тобистонаи олимпии Рио де Жанейро роҳхат гирифт.

ДУШАНБЕ, 6 июн — Sputnik. Дзюдочии номдори тоҷик Муҳаммадмурод Абдураҳмонов барои иштирок дар Олимпиадаи тобистонаи Рио де Жанейро соҳиби иҷозатномаи гардид.

Варзишгари тоҷикистонӣ тавассути ба даст овардани квотаи минтақавӣ ба Бозиҳои олимпӣ роҳ ёфт. Муҳаммадмурод Абдураҳмонов дар рейтинги охири Федератсияи байналмиллалии ҷудо дар вазни аз 100 кило зиёд миёни 188 довталаб дар зинаи 48-ум ҷой гирифтааст.

Ёдовар мешавем, ки Муҳаммадмурод Абдураҳмонов сеюмин варзишгари тоҷик аст, ки ба Бозиҳои Олимпии Бразилия роҳхат гирифтааст. Аз ин қабл Дилшод Назаров дар риштаи гурзандозӣ ва Комроншоҳи Устопириён дар намуди варзиши ҷудо соҳиби иҷозатномаи иштирок дар Бозиҳои Олимпии 2016 гардида буданд.

Қаблан хабар дода шуд, ки боз як варзишгари тоҷик аз ҷониби рейтинги Осиё соҳиби иҷозатномаи иштирок дар бозиҳои ҷаҳонӣ хоҳад шуд. Ба ин иҷозатнома аз ҷумҳурии мо ду варзишгар- Саидҷалол Саидов ва Муҳаммадмурод Абдураҳмонов пешбарӣ карда шудаанд. Гирифтани иҷозатнома баъди натиҷаҳои мусобиқаи моҳи май маълум мегардад.

Ёдрас мешавем, ки Олимпиадаи XXXI-ум  аз 5 то 21 август дар Рио-де-Жанейро (Бразилия) баргузор мегардад. Ин бозиҳои олимпии аввалин дар Америкаи Ҷанубӣ, дуввумин дар Америкаи Лотинӣ (баъди Олимпиадаи соли 1968) ва аввалинин сабқати олимпӣ пас аз соли 2000 инҷониб дар нимкураи ҷанубист.

Дар бозиҳои олимпӣ шумораи рекордии медалҳо (306) ва иштироки  рекордии  кишварҳои ҷаҳон (206) дар назар аст, аз ҷумла мамлакатҳои Косово ва Судани Ҷанубӣ бори нахуст дар Олимпиада ширкат хоҳанд варзид.

То имрӯз наздики 146 кишвар роҳхати ба Рио рафтанро гирифтаанд, ки теъдоди варзишгаронашон ба 5412 нафар мерасад. Дар бозиҳои олимпии соли 2016 аз рӯи 28 намуди варзиш медалҳо соҳибонашонро интизоранд.

89
Барчаспҳо:
роҳхат ба Рио, Бозиҳои тобистонаи олимпии соли 2016, Муҳаммадмурод Абдураҳмонов, Тоҷикистон
Мавзуҳо:
Олимпиадаи Рио-де-Жанейро: ба пеш барои ғолибият (26)
Мавзуъ
Дзюдочиёни ҶТ: то ҳол бе медал, дар интизори Гран-при қабл аз Рио-2016
Дзюдочиёни Тоҷикистон ба Боку ва Алмато мераванд
Ҷоизаи КМО ҶТ ба қаҳрамони ҷудои Осиё