Расул Боқиев ҳангоми машқ додани кӯдакон. Акс аз бойгонӣ

Расул Боқиев: кӯдаконро набояд ба муҳорибаҳои омехта ҷалб кард

75
(Таҷдидшуда 15:18 06.10.2016)
Дорандаи медали биринҷии Бозиҳои Олимпии соли 2008 Расул Боқиев изҳороти Федор Емеляненкаро оиди зидд будан барои ҷалби кӯдакони 8-сола ба муҳорибаҳои омехта дастгирӣ кард.

ДУШАНБЕ, 6 окт — Sputnik. Рӯзҳои истироҳати гузашта дар Грозний (Русия) мусобиқа дар риштаи муҳорибаҳои омехта баргузор гардид, ки дар он баромади намоишии кӯдакони 8-сола низ дар назар буд.

Sputnik Тоҷикистон оиди ин ҳодиса назари дорандаи медали биринҷии Бозиҳои Олимпии соли 2008-ум Расул Боқиевро, ки дар Шаҳраки Олимпии Маскав мактаби дзюдои худро кушодааст, пурсон шуд.

"Иштироки кӯдакон дар чунин мусобиқот ғайри қобили қабул аст. Ҳатто бо шлем мубориза дар чунин синну сол хатар дорад, кӯдакон бояд аз ҷиҳати ақлонӣ рушд кунанд, китоб хонанд на ба чунин навъи варзиши хатарнок машғул шаванд. Дар ин намуди рақобат як зарба метавонад кӯдакро то охири умр маъюб кунад ва ин барои аъзоёни оилаи онҳо дарди сахт хоҳад буд",-гуфт Расул Боқиев.

Қаблан президенти Иттиҳоди муҳорибаҳои омехта (ММА)-и Русия Федор Емеляненко тариқи изҳороти расмӣ мусобиқоти шаҳри Грознийро баҳодиҳӣ карда аз он изҳори норозигӣ кард.

"Баромади кӯдакони 8-сола бояд намоишӣ мебуд, вале дар ҳақиқат ин мусобиқа шуд. Мувофиқи қоидаҳои варзиши Вазорати тарбияи ҷосмонии Федератсия Русия варзишгарони 21-сола бояд ба майдони ҳарб бо шлем ва то 12 сола бо либоси махсуси варзишӣ бароянд. Ба кӯдакони то 12 сола баромад кардан аз рӯи қоидаҳои муҳорибаҳои омехта умуман манъ карда шудааст. Ҳодисае, ки дар сабқати Грозний ба вуқӯъ пайваст ғайри қобили қабул аст",-гуфт Емеляненко.

Дар баробари ин варзишгари маъруф аз он, ки кӯдакони 8-сола дар назди ҷавонони бузург ҳамдигарро лату кӯб мекарданд, изҳори норозигӣ кард.

"Иштирок дар чунин мусобиқаҳо дар як сатҳ бо калонсолон ҳам ба саломатии ҷисмонии кӯдакон ва ҳам аз ҷиҳати равонӣ метавонад зарари ҷуброннопазир расонад",-навиштааст Емеляненко.

Ҷониби ташкилкунандагони мусобиқа дар Грозний аз ин изҳорот изҳори норозигӣ карда, гуфтанд, ки барои гузаронидани чунин мусобиқаҳо ҳуқуқ доранд.

75
Барчаспҳо:
кӯдакони 8-сола, муҳорибаҳои омехта, мусобиқот, ММА, Федор Емеляненко, Расул Боқиев, Грозний, Русия
Мавзуъ
Таъсиси "Мактаби дзюдои Расул Боқиев" дар Маскав
Петр Ян, размикори рус

Дана Уайт: "Мо набарди ҷавобии Стерлинг ва Янро ташкил хоҳем кард"

133
(Таҷдидшуда 21:16 07.03.2021)
Дана Уайт, президенти UFC гуфт, ки набарди ҷавобии размикори рус Пётр Ян дар рақобат бо намояндаи ИМА Алҷемейн Стерлинг унвони худро аз даст дод

ДУШАНБЕ, 7 мар — Sputnik. Президенти UFC Дана Уайт эълом дошт, ки набарди қаҳрамони собиқи дар вазни сабук Петр Ян ва Алҷамейн Стерлингро баргузор хоҳад кард.

"Ин як муборизаи хуб буд, ҷойи таассуф аст, ки чунин шуд. Табиист, ки мо ҳарчи зудтар бозии ҷавобиро ташкил мекунем. Кай? Ҳоло номаълум аст. Мусобиқа  нав ба охир расид. Ман намефаҳмам, ки чаро Ян ба ин зарба зад, зеро Стерлинг аллакай дар даври чорум дар ҳоли ногувор буд, - гуфт Уайт.

Ёдовар мешавем, размикори UFC аз Русия Пётр Ян дар рақобат бо намояндаи ИМА Алҷемейн Стерлинг унвони худро аз даст дод.

Нуқтаи ниҳоӣ дар муқовимат зарбаи варзишкори Русия буд.

Амрикои дар ҳолати номусоид наздик ба шикаст буд. Дар пеши размикори рус зарурати хотима додани набард ба миён омад.

Қабл аз ин, ӯ аз мураббиёнаш дар бораи эҳтимоли зарбаи зону пурсид ва посухи мусбат гирифт.

Ҳамин ки зарбаи сангини ҳалкунанда зада шуд - Стерлинг ба нокаут рафт ва довар фавран муборизаро қатъ кард.

Доварон Пётер Янро аз ҳақ идомаи рақобат маҳрум карданд ва намояндаи ИМА ба таври автоматӣ қаҳрамон шуд.

Барои паҳлавони Русия ин бохти дуввум дар карераи касбӣ бо 15 пирӯзист.

Аммо, Стерлинг аз ин натиҷаи мубориза норозӣ буд, унвонро қабул накард ва камарбанди қаҳрамониро ба октагон партофт.

Қаҳрамони UFC аз Русия барои истифодаи усули ғайриқонунӣ аз унвонаш маҳрум шуд: видео

Петр Ян унвони қаҳрамониро тобистони гузашта пас аз рақобат бо ҳарифи бразилиягиаш Жозе Алдо дар доираи барномаи UFC 251 дар Абу-Дабӣ ба даст оварда буд.

 

133
Росийский боец Ислам Махачев

Пас аз тавсияи Ҳабиб: Махачев ҳарифи амрикоияшро бо усули буғӣ кардан ширкаст дод-видео

291
(Таҷдидшуда 14:34 07.03.2021)
Ислом Махачев дар тамоми мубориза бартарӣ дошт ва яке аз пуштибону таҳрикдиҳандаи ӯ Хабиб Нурмуҳаммадов буд

ДУШАНБЕ, 7 март - Sputnik. Размикори шинохта Ислом Махачев дар UFC 259 дар Лас Вегас бар Дрю Добери амрикоӣ пирӯзии комил ба даст овард.

Номбурда дар тӯли тамоми мубориза бартарӣ дошт ва Добери 32-соларо маҷбур кард, ки дар даври севум бо усули буғи кардан таслим шавад.

Яке аз маслиҳатгарони Махачёв Ҳабиб Нурмуҳаммадов буд.
Пас аз даври аввал, ӯ ба доғистонӣ тавсия дод, ки "ҳамаи ҳамон корро" иҷро кунад, рақибро афтонад ва ҳама чизро дар замин ҳал кунад.

Посмотреть эту публикацию в Instagram

Публикация от UFC Russia (@ufcrussia)

Мавриди зикр аст, ки Махачеви 29-сола дӯсти ситораи UFC Ҳабиб Нурмуҳаммадов мебошад. Пас аз ин набарди Махачев 19-умин пирӯзияшро ба даст овард. ғалаба ба даст овард. Дар корномаи варзишияш ӯ танҳо як мағлубият дорад.

Посмотреть эту публикацию в Instagram

Публикация от UFC Russia (@ufcrussia)

Махачев фавран пас аз мубориза гуфт, ки вай омодааст бо рақибони олӣ, ба монанди Тони Фергюсон мубориза барад.

291
Барчаспҳо:
тавсия, Ҳабиб Нурмуҳаммадов, зӯрозмоии размикорон, қаҳрамони UFC

ВКД: дар се садамаи ахир чаҳор нафар ба ҳалокат расиду шаш нафари дигар маҷрӯҳ шуданд

0
(Таҷдидшуда 14:09 08.03.2021)
Вазорати умури дохилаи Тоҷикистон аз сар задани се садамаи нақлиётии мадҳуш хабар дод. Дар натиҷаи ин се садамаи нақлиётӣ чаҳор нафар ба ҳалокат расидаасту шаш нафари дигар осеб дида дар бемористон бистарӣ гардиданд

ДУШАНБЕ, 8 мар — Sputnik. Бино бар иттилои дафтари матбуоти Вазорати корҳои дохилаи Тоҷикистон санаи 6-уми марти соли равон, ронандаи автомашинаи “Опел-Вектра”, Солиев Бороналӣ, сокини ҷамоати деҳоти К.Исмоилови шаҳри Ваҳдат, ҳангоми ҳаракат дар роҳи нақлиётгарди “Норак-Ваҳдат”, дар ҳудуди деҳаи Элоки шаҳри маҳкур аз уҳдаи идораи воситаи нақлиёт набаромада, ба қафои автомашинаи боркаши тамғаи “Дулан”, ки дар канори рости роҳ истода будааст, бармехурад.

“Дар натиҷа, ронандаи автомашинаи тамғаи “Опел-Вектра”, Солиев Б.У. ва мусофираш, Сидиқов Рамазон, сокини ҷамоати деҳоти К.Исмоилов, ҷароҳати ҷисмонӣ бардошта, дар ҷойи ҳодиса ба ҳалокат расидаанд”, - таъкид доштааст ВКД кишвар.

Инчунин, худи ҳамон рӯз, ронандаи автомашинаи “Мерседес-Бенс”, Фаёзӣ Афзал, сокини шаҳри Хуҷанд, ҳангоми ҳаракат дар шоҳроҳи “Душанбе-Хуҷанд-Чанок” дар ҳудуди деҳаи Фирдавсии ноҳияи Шаҳристон, аз уҳдаи идораи воситаи нақлиёт набаромада, ба самти муқобили роҳ баромада, ба бетони муҳофизати болои пули сойи деҳаи мазкур бархӯрдааст.

Дар натиҷа, ронандаи автомашинаи тамғаи “Мерседес-Бенс”, Фаёзӣ Афзал ҷароҳати вазнини ҷисмонӣ бардошта, дар ҷойи ҳодиса ба ҳалокат мерасад.

Гуфта шудааст, ки мусофирони дигар ин автомашина Ҷалилова Истанбону, сокини ҷамоати деҳоти Хистеварзи ноҳияи Б.Ғафуров, Ҳакимова Мафтуна, сокини ҷамоати деҳоти Ҳ.Усмони ноҳияи Б.Ғафуров, Фаёзӣ Малика Валиевна, сокини шаҳри Хуҷанда ва 2-фарзанди хурдсолаш Фаёзова Раъно Афзаловна, соли таваллудаш 2015, Фаёзова Ҳанифа Афзаловна, соли таваллудаш 2017,  ҷароҳати ҷисмонӣ бардошта, дар беморхона бистарӣ гардидаанд.

Ҳамзамон ВКД Тоҷикистон аз як ҳодисаи дигари нохуш низ хабар доданд. Тибқи иттилои манбаъ, санаи 6-уми марти соли равон, ронандаи автомашинаи “Ренҷ-Ровер Спорт”, Мирзоев Муҳсин, сокини ноҳияи Рӯдакӣ, ҳангоми ҳаракат дар шоҳроҳи “Душанбе-Хуҷанд-Чанок” дар ҳудуди ҷамоати деҳоти Т.Улҷабоеви ноҳияи Спитамен, аз уҳдаи идораи воситаи нақлиёт набаромада, ба автомашинаи тамғаи “Дэу-Дамас”, таҳти идораи Раҳимов Умедҷон, сокини ҷамоати деҳоти Т.Улҷабоев, ки дар як самт ҳаракат мекард, бархӯрдааст.

Дар натиҷа, мусофири автомашинаи “Дэу Дамас” Қулдошева Муҳайё Сайдуллоевна, сокини ҷамоати деҳоти Т.Улҷабоев ҷароҳати вазнини ҷисмонӣ бардошта, дар ҷойи ҳодиса ба ҳалокат мерасад.

Манбаъ зикр кардааст, ки ронандаи автомашинаи “Дэу Дамас” Раҳимов У.А. ва мусофираш, Нормаҳмадова Оиша, соли таваллудаш 1947, сокини ҷамоати деҳоти Т.Улҷабоеви ҳамин ноҳия ҷароҳати ҷисмонӣ бардошта, дар беморхона бистарӣ гардидаанд.

Мақомоти ҳифзи ҳуқуқи Тоҷикистон таъкид доштааст, ки дар ҳоли ҳозир, таҳқиқоти ҳодисаҳои мазкур аз ҷониби кормандони милитсия идома дорад.

0
Барчаспҳо:
бемористон, бистарӣ, ҳалокат, нақлиёт, садама, Тоҷикистон