Расул Боқиев, дар тамринҳо бо шогирдон

Расул Боқиев: Нарасидани маблағ ба варзишкорони тоҷик баҳонае беш нест

265
(Таҷдидшуда 16:28 25.03.2017)
Расул Боқиев- варзишкори тоҷик, ки ҳоло дар Русия кор ва зиндагӣ мекунад, мегӯяд Тоҷикистон ватани куштигирист ва бояд новобаста аз норасоии маблағ ва ҷой доштани камбудиҳо ба варзиш аҳамияти бештаре дод

Ҳоло бо чӣ корҳо машғулед?

Бо шогирдон машқ карда истодаем. Ба наздикӣ толори варзишии мактаби Расул Боқиев иваз гардид, ҳамакнун фаъолиятамонро мисли пештара давом дода истодаем. Се шогирди пешқадам дорем. Варзишгари машуҳри Русия Александр Михайлинро низ бо ман тамрин мекунад. Ба нақша гирифта шудааст, ки  31-уми март варзишкорони мактаб дар мусобиқаи куштӣ дар шаҳри Тибилисӣ иштирок кунанд.

Зуд зуд ба Тоҷикистон меравед?

Не, мутаасифона кам. Пештар ҳамчун меҳмон дар мусобиқаҳо иштирок намуда будам, аммо ҳоло фурсат надорам.

Варзиши тахассусиро кай тарк кардед?

Варзиши касбиро  ман соли 2012 баъд аз Бозиҳои олимпӣ тарк карда будам. Баъд аз бозиҳо, вақте ки ба роҳбарони варзиш ҳамсӯҳбат шудам, маслиҳат карда ба хулоса омадам, ки давом додани варзиши профиссионалӣ маъно надорад ва бояд ба кори мураббигӣ шурӯъ кунам.

Мехоҳед ба варзиши профиссионалӣ бар гашта дар Бозиҳои олимпии минбаъда иштирок кунед?

Пеш аз тарк кардани саҳнаи варзиши касбӣ, мақсад доштам, ки дар Бозиҳои олимпии соли 2016 ва 2020 ширкат варзам. Аммо, акнун мушкил мешавад. Гап дар он нест, ман тайёр нестам, балки гап дар он аст, ки ман самти фаъолитяти худро дигар кардаам ва масъулияти дигаре ба дӯш дорам.

 Аз сабабе, ки бисёр варзишгарони калонсолону хурдсол мӯҳтоҷи назорати ман ҳастанд. Тарбияи варзишгар низ марҳилаҳои зиёдро дорад ва вақту аҳамияти калонро талаб мекунад.

Расул Бокиев (слева) на Олимпийских играх 2008 года. Архивное фото
© AFP 2020 / CHRISTOPHE SIMON
Расул Боқиев дар Бозиҳои олимпии соли 2008

Чӣ гуна метавон варзишкори ҳақиқиро тарбия кард?

Ба як меҳнат варзишгари комил  шудан мушкил аст. Дастгирии молиявӣ ҳам лозим аст. Лекин пеш аз ҳама бояд аҳамият дод ва дуруст тамрин кард. Натиҷаро мусобиқаҳо нишон медиҳанд. Мешавад, ҳолатҳое, ки мураббӣ тарбияи дуруст медиҳад, аммо шогирд қисме аз қонунҳоро вайрон мекунад ва муваффақ намешавад. Мешаванд ҳолатҳое, ки шогирд пурра гуфтаҳои мураббиро иҷро мекунад, аммо мураббӣ тарбияи нодурст медиҳад. Бояд бади нокомиҳо ин сабабҳлоро дарёфт кард ва аз пайи ислоҳи он шуд.

Ба мактаби худатон чӣ гуна шогирд қабул мекунед?

Толори мо дар маҷмааи варзишӣ ҷой гирифттаст. Ҳар хоҳишманде, ки меояд обуна мешавад ва ба машқҳо омадан мегирад.

Дар ин ҷо аз шогирдони 3-сола то 40-45 сола бо дар гурӯҳҳо тамрин мекунанд.

Фаъолиятатаонро дар Тоҷикистон давом доданӣ нестед?

Ҳоло не. Аллакай ин ҷо шогирдоне пайдо кардаам, ки ба тарбияи ман ниёз доранд.

Пеш аз ба Русия омаданд, вақте ки бо роҳбарони варзиши Тоҷикистон ҳамсӯҳбат шудам, аввалин пешниҳоди ман баромадҳои худро давом донад буд, аммо дастгирӣ накарданд. Сипас, пешниҳод кардам, ки мактаби варзиши ифтитоҳ кунам ва соҳаи дзюдоро дар Тоҷикистон пеш барам, аммо аз ин ҷиҳат низ дастгирӣ наёфтам. Сипас кӯшиш кардам, ки худам мустақилона толореро ба иҷора гирифта, ба тамрини варзишкорон машғул шавам, аммо ба баъзе сабабҳо натавонистем толорҳоро ба иҷора гирем. Баъд аз он ба Русия омомдам ва фаъолияти худро дар ҳамин ҷо давом додам.

Ифтитоҳи мактаби варзишӣ дар Русия мушкил набуд?         

Не, дар мактаби "Самбо-70" тамрин мекардам. Аз ҷониби ноиби президенти федератсияи дзюдои  Русия пешниҳод гардид, ки дар Деҳаи олимпӣ мактаби дзюдо ифтитоҳ кунем. Роҳбарони варзиш ба хотири дорандаи ҷоизаи олимпӣ буданам "маҷбур" карданд, ки номи мактабро Расул Боқиев гузорем.  Ҳоло дар толори нав ва васеътар мактаб фаъолияташро давом дода истодааст ва метавонем дар байни шогидрдонамон мусобиқаҳо низ баргузор кунем.

Спортивные награды Расула Бокиева
© Sputnik
Ҷоизаҳои паҳлавони тоҷик

 

Вазъияти дзюдоро дар Тоҷикистон чӣ гуна баҳодиҳӣ мекунед?

Ростӣ аз рафт ва ҳодисаҳои варзишӣ дар Тоҷикистон хабар надорам. Зеро, хело серкор ҳам ҳастам.

Аммо, мехоҳам як нуқтаро қайд кунам, ки агар дастгирии молӣ ҳам нарасад, бояд соҳаи варзиш дурурст ташкил кард. Роҳбари пешинаи кумитаи варзиш Маликшо Неъматов моро бо сухани хуб ба варзиш дилгарм мекард. Инсоне буд, ки моро новобаста аз мушкилиҳо дастгирӣ  мекард ва сарҷамъ нигоҳ медошт.

Ба варзиши касбӣ бар мегардед?

Ҳоло, ки вазифаи мураббигиро дорам, ба насли наврас ва оянда додани донишу малакаи хешро як қарзӣ инсонии худ медонам. Дар оянда шояд соҳаи варзишро тарк кунам. Агар фаҳмидам, ки шогирдон малакаи манро пурра аз худ кардаанд, ман тарки мураббигӣ  мекунам. Аммо кай, намедонам. Шояд 1 сол давом кунад, 2 сол ё 10 соли дигар.  Ман гуфта наметавонам, ки кай ин намуди фаъолиятамро тарк мекунам, лекин аниқ медонам, ки ин саҳанаро ҳам тарк карда, ҷоеро пурра хоҳам кард, ки ба он варзиш мӯҳтоҷ аст.

Шояд сармоягузоронро ба соҳаи варзиш ҷалб кунам ва ташкилоте барои худ ифтитоҳ диҳам. Медонед, варзишкори ҳақиқро аввал дарёфт кардан мушкил аст, агар ки варзишкори болаёқатро ёфтӣ, пас вайро новобаста аз маҳал, забон ё дин бодя дастгирӣ кард. Зеро, варзишгар наметавонад тамоми умр тамрин кунаду ба саҳна барояд.

Дери дер қувваи як варзишкор ба 3-4 Бозиҳои олимпӣ мерасад. Бояд дар ана ҳамин марҳила варзишкорро хуб тайёр намуд ва натиҷа ба даст овард. Агар дар Тоҷикистон ҳам чунин варзишкорон ёфт шаванд ба дастгирии ҳамҷониба ниёз доранд, зеро онҳо зери парчвами Тоҷикистон дар арсаҳои байналмиллаӣ мусобиқа хоҳанд кард.

Рост аст, ки ба варзишкорони тоҷик маблағ намерасад?

Онҳо ҳама даъво мекунад, ки дар Тоҷикистон молия намерасад. Бояд дар ин масъаларо роҳбарони варзиш дида бароянд. Агар дар мусобиқаҳо муваффақ нашуд, бояд сабабро дарёфт кард, на маблағро баҳона кард. Ман фикр мекнуам, баъзан нарасидани маблағ барои варзишкорон баҳонае беш нест. Аз ҳама асосаш бояд дар назди худ мақсад гузошт. Дар ҳама ҷо камбудӣ аст, аммо бояд ба кори худ содиқ ва дилбаста буд. Бояд варзишгарони ҳақиқро дарёфт кард. Тоҷикистон ватани куштӣ аст дар он ҷо ба ин намуди варзиш, назар ба намудҳо, аҳмияти бештар медиҳанд.

Дар бораи муҳорибаҳои омехта чӣ гуфта метавонед?

Муҳорибаҳои омехта — ба фикри ман як намуди варзише ба ҳисоб меравад, ки инсони оқил ва бохирад бо он машғул намешавад. Иштироки кӯдакон бошад дар муҳорибаҳои омеха аз девонагие беш нест. Истифодаи кӯдакон дар ин муҳорибаҳо тамоман хатост.

Оё мехоҳед фарзандонатон аз пайи Шумо раванд?

Ман панҷ фарзанд дорам ва илова бар ин бо фарзандхонӣ ҳам қабул  кардаам. Се нафари дигарро фарзанзхонӣ кардаам, ки ба онҳо тамрин низ медиҳам.

Мактаби варзишии Расул Боқиев чӣ нақшаҳо дорад?

Чуноне ки дар боло қайд кардам, пештар мо имконияти ташкил намудани мусобиқаҳоро надоштем. Дар ифтитоҳи толори нав ба мо Сафорати Тоҷикистон дар ФР низ кӯмак расонидааст, ки акнун мо метавонем дар байни варзишкорон мусобиқаҳо ташкил кунем.  Санаи 31-уми март ба мусобиқаҳои варзишӣ ба Тибилисӣ меравем, баъд аз он санаи 1-уми апрел бахшида ба Наврӯз байни варзишкорони мактаб мусобиқа дорем ва асосан ба Чемпионати Аврупо-2017 омодагӣ дида истодаем.

© Sputnik
Расул Боқиев ба ҳамватанон ва тоҷикони Русияро Наврӯзро муборакбод гуфт
265
Барчаспҳо:
муҳориба, куштӣ, варзиш, сармоягузорӣ, Расул Боқиев, Тоҷикистон, Русия
Пояс чемпиона UFC

Агар Ҳабиб наояд, кӣ барои унвони қаҳрамонӣ мубориза мебарад - раҳбари UFC номҳоро гуфт

954
(Таҷдидшуда 22:58 24.01.2021)
Имрӯз номзадҳои эҳтимолӣ барои унвони қаҳрамонӣ дар як мусобиқа ширкат варзиданд. Муборизаи яке аз онҳо шомро пеш мебурду задухӯрди дигар рӯйдоди бузург буд

ДУШАНБЕ, 24 январ - Sputnik. Президенти UFC Дана Уайт гуфт, ки агар қаҳрамони феълии ин ташкилот дар вазни сабук Ҳабиб Нурмуҳаммадов дар ниҳоят карераи худро ба анҷом расонад, ба кӣ имконият медиҳад, то барои унвони қаҳрамонӣ мубориза барад.

Ӯ дар ин бора зимни нишасти хабарӣ пас аз мусобиқаи UFC 257 изҳор дошт.

Ба гуфтаи Уайт, амрикоиҳо Дастин Поре ва Майкл Чандлер барои унвони қаҳрамонӣ дар вазни сабук мубориза мебаранд.

"Агар Ҳабиб биравад, Поре ва Чандлер барои унвони қаҳрамонӣ мубориза хоҳанд бурд",- гуфт роҳбари UFC.

Уайт гуфт, пас аз рақобати варзишкор Поре ва Конор дар доираи рақобати UFC 257 аз Ҳабиб Нурмуҳаммадов дар бораи баргаштан ба майдони ҳарб пурсон шуд.

Нурмуҳаммадов гуфт, барои рақобат бо Поре боз мегардад ё не?

Ба гуфти Ҳабиб на Макгрегор ва на Поре наметавонанд барои ӯ рақиб бошанд.

"Ман бо Ҳабиб суҳбат кардам, ӯ ба ман гуфт: "Дана биё росташро мегӯем, ман чанд сатҳ аз ин бачаҳо болотарам". Намедонам ин сухан хурсандиовар нанамуд, мебинем", - гуфт раҳбари UFC Дана Уайт.

Аммо ин гуфтаҳои Ҳабиб ба варзишкори дигари амрикоӣ Майкл Чандлер хуш наомад ва ӯ Ҳабибро ба майдони ҳарб даъват кард.

Бояд гуфт, ки ҳарду варзишгари эҳтимолӣ, ки барои камарбанд имкон дорад мубориза баранд, имрӯз дар мусобиқае, ки дар "Ҷазираи муҳорибаҳо" -и Абу-Даби баргузор шуда буд, ҳунарнамоӣ карданд.

Муборизаи Чандлер бо Дэн Ҳукер аз Зеландияи Нав барҷастатарини шом буд ва муқовимати Поре ва Макгрегор муборизаи асосӣ буд.

Посухи Конор ба шарҳи Ҳабиб дар бораи шикаст: ба майдон хонд

Поре дар даври дуввум бо нокаут пирӯз шуд, Чандлер рақиби худро бо зарбаҳои шадид дар даври аввал мағлуб кард.

 

 

954
Барчаспҳо:
зӯрозмоии размикорон, қаҳрамонӣ, Ҳабиб Нурмуҳаммадов, қаҳрамони UFC
Хабиб Нурмагомедов и Конор Макгрегор

Посухи Конор ба шарҳи Ҳабиб дар бораи шикаст: ба майдон хонд

1055
(Таҷдидшуда 17:05 24.01.2021)
Конор Макгрегор, размикори ирландӣ баъди шикаст аз Дастин Поре изҳор дошт, ки омода аст, бо қаҳрамони UFC дар вазни сабук Ҳабиб Нурмуҳаммадов ба майдон барояд

ДУШАНБЕ, 24 янв — Sputnik. Макгрегор ба шарҳи Ҳабиб Нурмуҳаммадов дар бораи сабабҳои шикасти Конор аз Поре изҳор дошт, ки агар Ҳабиб чизе навиштан хоҳад бигзор ба майдон баргардад.

Агар вай омода аст, ба майдон баргардад, ман омодаам бо ӯ қувваозмоӣ кунам, изҳор дошт Конор Макгрегор.

“Ман чизеро тағйир надодаам, ин тим аз аввал бо ман буд. Бояд ба рақиб бо эҳтиром муносибат кард”, - изҳор дошт Конор дар посух ба навиштаи Ҳабиб Нурмуҳаммадов дар бораи сабабҳои шикасти Макгрегор аз Дастин Поре.

Ахиран Ҳабиб Нурмуҳаммадов пирӯзии Дастин Поре бар Конор Макгрегорро дар сафҳаи Твиттери худ  шарҳ дод.

"Ин вақте рух медиҳад, ки шумо дастаро иваз мекунед, шарикони тамриниро, ки шуморо қаҳрамон карданд тарк мекунед ва мусобиқаи тамриниро бо нафарони хурд оғоз мекунеду аз воқеият дур мемонед", - изҳор дошт қаҳрамони UFC дар вазни сабук.

Сабқати қаблии Ҳабиб ва Конор дар моҳи октябри соли 2018 бо шикасти Нурмуҳаммадов анҷом ёфт.

1055
Барчаспҳо:
шикаст, сабқат, Ҷаҳон
Президент Республики Таджикистан Эмомали Рахмон

Дастури Раҳмон: то моҳи март кодекси нави андоз омода шавад

0
(Таҷдидшуда 11:26 26.01.2021)
Эмомалӣ Раҳмон дастур дод, ки соҳибкорони кишвар дастгирӣ карда шаванд, монеаҳо аз роҳи онҳо бардошта шавад

ДУШАНБЕ, 26 янв — Sputnik. Эмомалӣ Раҳмон, раисҷумҳури Тоҷикистон имрӯз ҳангоми ироаи паёми солана дастур дод, ки Кодекси андози Тоҷикистон такмил дода шавад.

Президент мӯҳлат дод, ки то моҳи март Кодекси нави андоз омода гардад.

Дар Тоҷикистон андоз аз истифодабарандагони роҳҳои мошингард бекор карда мешавад

Вай афзуд, ки дар кодекси нав ба дастгирии соҳибкорон диққати бештар дода шавад.

Ба соҳибкорон, хусусан соҳибкорони истеҳсолӣ сабукиҳо дода шавад, таъкид кард Эмомалӣ Раҳмон.

Эмомалӣ Раҳмон аз зиёд будани саҳми бахши хусусӣ дар ММД тавсиф карда гуфт, ки саҳми бахши хусусӣ дар маҷмуи маҳсулоти дохилӣ 70%, ташкил кардани ҷойҳои корӣ 68%  ва даромадҳои андозӣ ба буҷаи давлат 80% аст.

0