Каратэ, акс аз бойгонӣ

Мусобиқаи варзишӣ бахшида ба Рӯзи ваҳдати миллӣ дар Афғонистон

27
Ба муносибати Соли ҷавонон ва 20-солагии Рӯзи ваҳдати миллӣ дар Афғонистон мусобиқи варзишӣ доир гашт
ДУШАНБЕ, 27 май — Sputnik. 25-уми майи соли 2017 аз ҷониби Консулгарии Ҷумҳурии Тоҷикистон дар вилояти Бадахшони Ҷумҳурии Исломии Афғонистон, мусобиқаи варзишии каратэ байни наврасон ба муносибати Соли ҷавонон ва 20-солагии Рӯзи Ваҳдати миллӣ бо ҳамкории Кумитаи варзишии муҷтамаъи ҷомеаи маданӣ ва мудирияти варзиши Бадахшони Афғонистон дар ш.Файзободи ҶИА баргузор гардид, ки дар он 100 нафар иштирок карданд.

Тавре аз Вазорати умури хориҷӣ хабар доданд, дар ин мусобиқа, барои шиносоии мардуми ҳавзаи консулӣ оид ба ҷашнҳои миллии мазкур, намояндаи консулӣ суханронӣ карда, чорабинӣ дар расонаҳо ба таври васеъ бозтоб ёфт. Ҳамзамон, ба ТВ "Тулуъ" ва радиои "Ому" низ дар ин маврид иттилоъ дода шуд. Ғолибони мусобиқа аз ҷониби муассисаи консулӣ бо ҷоизаҳо сарфароз гардонида шуданд.

27
Барчаспҳо:
каратэ, варзиш, Рӯзи Ваҳдати миллӣ, ҷавонон, Афғонистон
Мавзуҳо:
Ҷашни 20 -солагии Ваҳдати миллӣ дар Тоҷикистон (18)
Боковой судья, архивное фото

Ҷазои тими “Саройкамар” аз суи ФФТ: ба ҷойи се бозигар чор нафарро иваз кард

78
(Таҷдидшуда 12:23 15.07.2020)
Кумитаи назорат ва одоби Федератсияи Футболи Тоҷикистон тими “Саройкамар”-ро барои вайрон кардани қоидаи бозӣ дар вохурии пешакии Ҷоми футболи Тоҷикистон ҷазо додааст

ДУШАНБЕ, 15 июл – Sputnik. Тибқи иттилои дафтари матбуотии Федератсияи футболи кишвар масъулони тими “Саройкамар”  дар рақобат бо “Панҷшер” ба ҷойи се бозигар чор нафарро иваз кардаанд.

Ба иттилои манбаъ, ин дар ҳолест ки дар ҳар бозӣ барои ивази се бозигар танҳо иҷозат дода шудааст.

Бозии мазкур 7 июл доир гашта бо ҳисоби 2:1 ба фоидаи “Саройкамар”   хотима ёфта буд.

Тибқи қарори ниҳоии Кумитаи одоби ФФТ тими “Саройкамар”  ба таври техникӣ маълуб ҳисобида шуда, натиҷаи бозӣ бо ҳисоби 0:3 ба фоидаи “Панҷшер” ҳал шуд.

Илова бар ин, Кумитаи интизомии ФФТ аз шӯъбаи доварони Федератсия дархост кард, ки нисбати намояндагони расмии бозӣ - дастаи ҳакамон ва нозирони ин вохӯрӣ барои хунукназарӣ нисбат ба кор  ҷазои сахтро татбиқ кунанд.

78
Команда Истиклол

Марҳилаи аввали лигаи олӣ бо пирӯзии “Истиқлол” анҷом ёфт

70
Марҳилаи аввали Чемпионати Тоҷикистон оид ба футбол миёни дастаҳои лигаи олӣ бо пирӯзии клуби "Истиқлол"-и Душанбе анҷом ёфт

ДУШАНБЕ, 13 июл — Sputnik. Бозиҳои даври ниҳоии марҳилаи аввал рӯзҳои истироҳати гузашта баргузор шуданд.

Ба иттилои Кумитаи миллии олимпии Тоҷикистон, рӯзи 11 июл "Регар-ТадАЗ" дар майдони худ бо тими "Хатлон" бозиро мусовӣ 1:1анҷом дод.

Нимҳимоятгари "Хатлон" Эҳсон Бобоев дар дақиқаи 83-юм ҳисобро кушод, вале бохтариҳо натавонистанд бо пирӯзӣ бозиро анҷом диҳанд. Қабл аз садои ҳуштаки довар футболбозони Турсунзода тавассути голи Нозим Бобоҷонов тавонистанд аз бохт наҷот ёбанд.

Дастаи "Куктош"-и ноҳияи Рӯдакӣ дар майдони худ бар тими "Файзканд"-и ноҳияи Восеъ бо ҳисоби 3:1 ғалаба кард. Ин аввалин бозии дастаи ноҳияи Рӯдакӣ бо роҳнамоии сармураббӣ Маҳмадҷон Ҳабибуллоев буд.

Баҳси бозии "Истиқлол"-у "Хуҷанд" ва муроҷиат ба Рустам: доварон обрӯи футболро мерезонанд

Ба голи задаи бозингари "Файзканд”"Наврӯз Рӯстамов, футболбозони "Куктош" бо се голи Бунёд Шодиев, Аббос Икромов ва Муҳсин Абдуғаффоров ҷавоб доданд.

Дар бозии дигар КМВА дар сафар тими "Истаравшан"-ро мағлуб намуд – 2:1. Ҳар ду голи тими артишро Шервонӣ Мабатшоев зад. Дар ҳайати дастаи Истаравшан Илҳом Баротов голро ба номаш сабт кард.
Ду бозии дигари даври нуҳум рӯзи 12 июл доир гардид. "Хуҷанд" бар дастаи "Душанбе-83" ва "Истиқлол" бар тими "Локомотив-Помир" бо ҳисоби якхелаи 1:0 ғалаба карданд.

Бидуни бохт: “Истиқлол” “Хуҷанд”-ро дар даври ҳафтуми Чемпионати Тоҷикистон шикаст дод

Голи дастаи Хуҷандро Фирдавс Чақалов ва голи тими Душанберо Рустам Соиров ба номашон сабт карданд.
Ҳамин тариқ, марҳилаи аввали Чемпионати Тоҷикистон ба анҷом расид. Дастаҳо ба танаффуси дуҳафтаина рафтанд ва имкон доранд бозингарони навро ҷалб намоянд.

Дар ҷадвали чемпионат "Истиқлол" бо 25 хол пешсафи ягона аст. Дар ҷои дуюм "Хуҷанд" бо 19 хол, дар ҷои сеюм "Хатлон" бо 18 хол мавқеъ гирифтаанд.

70
Барчаспҳо:
пирӯз, "Истиқлол", футбол

Туркманистон: коронавирус нест, аммо мардумро ба пӯшидани ниқоб муваззаф мекунанд

0
(Таҷдидшуда 14:02 15.07.2020)
Кормандони пулис дар кӯчаву хиёбонҳои Туркманистон тариқи баландгӯяк мардумро ба пӯшидани ниқоб ҳангоми сайру гашт дар берун даъват мекунанд

ДУШАНБЕ, 15 июл – Sputnik. Туркманистон, ки то ҳол аз орияти худ аз маризии сироятии коронавирус пофишорӣ мекунад, акнун сокинонро маҷбур мекунад,ки дар берун танҳо бо ниқоби тиббӣ сайру гашт кунанд.

Дар мавриди ҷорӣ шудани режими ниқоб дар ин кишвар хабаргузории Turkmen.news хабар медиҳад.

Манбаъ меафзояд дар Ашқобод ҳоло бузургтарин Маркази тиҷоратӣ - фароғатӣ "Берқарар" ва бозори "Талкучка" барои қаратин баста шудаанд.

Зимнан, дар роҳи кӯчаву хиёбонҳо кормандони пулис тариқи баландгӯяк мардумро ба пӯшидани ниқоби тиббӣ муваззаф мекунанд.

Ҳамчунин дар сарҳад, аснои ворид шудани ба қаламрави Туркманистон кормандони пулис ниқоби тиббӣ ва маводҳои безараргардониро ба таври ройгон тақсим мекунанд.

Ёдовар мешавем, ҳайати Созмони ҷаҳонии беҳдошт оид ба масоили коронавирус рӯзи 6 - уми июл вориди Туркманистон гардиданд.

Аз СУТ наметарсем: Туркманистон боз гуфт, ки дар кишвар коронавирус нест

Интизор меравад, намояндагони СҶБ тули 10 рӯз дар ин кишвар хоҳанд монд ва бо мутахассисони соҳаи тандурустӣ мулоқот намуда, кори муштаракро оид ба арзёбии хатар ва таҳияи механизмҳои вокуниш ба COVID-19 баррасӣ мекунанд.

Ҳамчунин, ҳайати коршиносон аз муассисаҳои тиббӣ, марказҳои саломатии давлатӣ, озмоишгоҳҳо ва дигар муассисаҳои сатҳи ҷумҳуриявӣ, вилоятиву шаҳрӣ ва нуқтаҳои даромадгоҳӣ дидан хоҳанд кард.

Қаблан вазири умури хориҷаи Туркманистон Рашид Мередов дар рафти нишасти матбуотӣ изҳор дошта буд, ки ҷумҳурӣ омода аст ҳайати СҶБ-ро аввалҳои моҳи июл пешвоз гирад.

Мередов дар ҳамин нишасти матбуотӣ таъкид кард, ки то ҳол Туркманистон ба кишварҳое шомил мешавад, ки бо коронавирус рӯ ба рӯ нашудааст.

Ӯ далоили набудани коронаро на саривақт бастани марз, балки ба рушди низоми тандурустӣ рабт дода буд.

0
Барчаспҳо:
маризӣ, Туркманистон
Мавзуҳо:
Пайомадҳои COVID-19 дар Тоҷикистон ва ҷаҳон