Футбол.

Миллипӯшони Тоҷикистон дар радабандии ФИФА 12 зина поин рафтанд

32
(Таҷдидшуда 11:21 07.07.2017)
Дастаи мунтахаби футболи Тоҷикистон дар қиёс бо моҳи гузашта дар ҷадвали ФИФА 12 зина поин рафт ва дар 149-ум рада ҷой гирифт. Даста дар кулл 179 имтиёз дорад, ки назар ба моҳи гузашта 26 имтиёз камтар аст

ДУШАНБЕ, 6 июл — Sputnik. Федеросюни байналмилалии футбол (ФИФА) радабандии тозаи дастаҳои мунтахаби миллиро мунташир кард.

Дастаии миллипӯшони Тоҷикистон дар қиёс бо моҳи гузашта дар ҷадвали ФИФА 12 зина поён рафта ва дар 149-ум рада ҷой гирифт. Даста ҳамакнун 179 имтиёз дорад, ки назар ба моҳи гузашта 26 имтиёз камтар аст. Бо ин натоиҷ миллипӯшони тоҷик дар миёни кишварҳои Осиё акнун 28-ум мақомро доранд.

Дар ин радабандӣ миллипӯшони Андорра 57 зина боло рафта, беҳтарин нишондодҳоро ба даст овардаанд. Аммо мунтахаби Намибия баръакс 62 зина поин рафта ва охирин мақомро гирифтааст.

Дар ин ҷадвал дар хати аввал мунтахаби Олмон, дувум Бразилия ва севум мунтахаби Аргентина қарор доранд.

Аз кишварҳои Осиё — Русия дар 63-ум рада, Қазоқистон дар 106-ум, Қирғизирстон дар 127-ум ва Узбакистон дар 65-ум рада ҷой гирифтаанд.

Радабандии навбатӣ моҳи оянда — 10 август мунташир хоҳад шуд.

Ёдовар мешавем, ки мунтахаби футболи Тоҷикистон моҳи гузашта як зина боло рафта буд.

32
Барчаспҳо:
мақом, ФИФА, Тоҷикистон
Пояс чемпиона UFC

Агар Ҳабиб наояд, кӣ барои унвони қаҳрамонӣ мубориза мебарад - раҳбари UFC номҳоро гуфт

184
(Таҷдидшуда 22:58 24.01.2021)
Имрӯз номзадҳои эҳтимолӣ барои унвони қаҳрамонӣ дар як мусобиқа ширкат варзиданд. Муборизаи яке аз онҳо шомро пеш мебурду задухӯрди дигар рӯйдоди бузург буд

ДУШАНБЕ, 24 январ - Sputnik. Президенти UFC Дана Уайт гуфт, ки агар қаҳрамони феълии ин ташкилот дар вазни сабук Ҳабиб Нурмуҳаммадов дар ниҳоят карераи худро ба анҷом расонад, ба кӣ имконият медиҳад, то барои унвони қаҳрамонӣ мубориза барад.

Ӯ дар ин бора зимни нишасти хабарӣ пас аз мусобиқаи UFC 257 изҳор дошт.

Ба гуфтаи Уайт, амрикоиҳо Дастин Поре ва Майкл Чандлер барои унвони қаҳрамонӣ дар вазни сабук мубориза мебаранд.

"Агар Ҳабиб биравад, Поре ва Чандлер барои унвони қаҳрамонӣ мубориза хоҳанд бурд",- гуфт роҳбари UFC.

Уайт гуфт, пас аз рақобати варзишкор Поре ва Конор дар доираи рақобати UFC 257 аз Ҳабиб Нурмуҳаммадов дар бораи баргаштан ба майдони ҳарб пурсон шуд.

Нурмуҳаммадов гуфт, барои рақобат бо Поре боз мегардад ё не?

Ба гуфти Ҳабиб на Макгрегор ва на Поре наметавонанд барои ӯ рақиб бошанд.

"Ман бо Ҳабиб суҳбат кардам, ӯ ба ман гуфт: "Дана биё росташро мегӯем, ман чанд сатҳ аз ин бачаҳо болотарам". Намедонам ин сухан хурсандиовар нанамуд, мебинем", - гуфт раҳбари UFC Дана Уайт.

Аммо ин гуфтаҳои Ҳабиб ба варзишкори дигари амрикоӣ Майкл Чандлер хуш наомад ва ӯ Ҳабибро ба майдони ҳарб даъват кард.

Бояд гуфт, ки ҳарду варзишгари эҳтимолӣ, ки барои камарбанд имкон дорад мубориза баранд, имрӯз дар мусобиқае, ки дар "Ҷазираи муҳорибаҳо" -и Абу-Даби баргузор шуда буд, ҳунарнамоӣ карданд.

Муборизаи Чандлер бо Дэн Ҳукер аз Зеландияи Нав барҷастатарини шом буд ва муқовимати Поре ва Макгрегор муборизаи асосӣ буд.

Посухи Конор ба шарҳи Ҳабиб дар бораи шикаст: ба майдон хонд

Поре дар даври дуввум бо нокаут пирӯз шуд, Чандлер рақиби худро бо зарбаҳои шадид дар даври аввал мағлуб кард.

 

 

184
Барчаспҳо:
зӯрозмоии размикорон, қаҳрамонӣ, Ҳабиб Нурмуҳаммадов, қаҳрамони UFC
Хабиб Нурмагомедов и Конор Макгрегор

Посухи Конор ба шарҳи Ҳабиб дар бораи шикаст: ба майдон хонд

692
(Таҷдидшуда 17:05 24.01.2021)
Конор Макгрегор, размикори ирландӣ баъди шикаст аз Дастин Поре изҳор дошт, ки омода аст, бо қаҳрамони UFC дар вазни сабук Ҳабиб Нурмуҳаммадов ба майдон барояд

ДУШАНБЕ, 24 янв — Sputnik. Макгрегор ба шарҳи Ҳабиб Нурмуҳаммадов дар бораи сабабҳои шикасти Конор аз Поре изҳор дошт, ки агар Ҳабиб чизе навиштан хоҳад бигзор ба майдон баргардад.

Агар вай омода аст, ба майдон баргардад, ман омодаам бо ӯ қувваозмоӣ кунам, изҳор дошт Конор Макгрегор.

“Ман чизеро тағйир надодаам, ин тим аз аввал бо ман буд. Бояд ба рақиб бо эҳтиром муносибат кард”, - изҳор дошт Конор дар посух ба навиштаи Ҳабиб Нурмуҳаммадов дар бораи сабабҳои шикасти Макгрегор аз Дастин Поре.

Ахиран Ҳабиб Нурмуҳаммадов пирӯзии Дастин Поре бар Конор Макгрегорро дар сафҳаи Твиттери худ  шарҳ дод.

"Ин вақте рух медиҳад, ки шумо дастаро иваз мекунед, шарикони тамриниро, ки шуморо қаҳрамон карданд тарк мекунед ва мусобиқаи тамриниро бо нафарони хурд оғоз мекунеду аз воқеият дур мемонед", - изҳор дошт қаҳрамони UFC дар вазни сабук.

Сабқати қаблии Ҳабиб ва Конор дар моҳи октябри соли 2018 бо шикасти Нурмуҳаммадов анҷом ёфт.

692
Барчаспҳо:
шикаст, сабқат, Ҷаҳон