Спартакиада в честь алмазного юбилея

Спартакиада: дастаи "Рӯшон" - барандаи "Ҷоми Нур"

36
(Таҷдидшуда 19:38 24.07.2017)
Мақоми аввал ва "Ҷоми Нур" насиби дастаи "Рӯшон" шуд. Ҷои дувумро тими "Ишкошим" аз худ кард ва мақоми севумро дастаи "Боми Ҷаҳон" гирифт.

ДУШАНБЕ, 24 июл — Sputnik. Дирӯз дар варзишгоҳи "Янтар" спартакида ё бозиҳои варзишии ҷамоъати исмоъилиёни тоҷики Русия баргузор шуд.

Мусобиқаи футбол яке аз муҳимтарин барномаҳои ин бозиҳои варзишӣ буд, ки ба муносибати 60-умин солгарди имомати шоҳзода Карим ал-Ҳусайнӣ Оқохони IV баргузор шуданд.

Нуздаҳ даста аз 20 май то 23 июл барои ба даст овардани Ҷоми футболи "Ҷашни Алмосӣ" бо якдигар рақобат доштанд. Дар даври ниҳоӣ дастаҳои "Рӯшон" ва "Ишкошим" ба майдони набард баромаданд.

Дар ин бозӣ, ки бо навои дафу доира ва кафкӯбиҳои мухлисони ҳар ду даста сурат гирифт, футболбозҳои "Рӯшон" бар рақибонашон аз "Ишкошим" бо ҳисоби 2:0 пирӯз шуданд.

Мақоми аввал ва "Ҷоми Нур" насиби дастаи "Рӯшон" шуд. Ҷои дувумро тими "Ишкошим" аз худ кард ва мақоми севумро дастаи "Боми Ҷаҳон" гирифт.

Ёдовар мешавем, ки соли гузашта "Ҷоми Нур" насиби дастаи "Вамар" шуда буд.

36
Барчаспҳо:
Ҷашни Алмосӣ, Ҷоми Нур, Ҷоми Оқохон, футбол, Ҷашни Алмосӣ, спартакикада, Маскав, Русия-Тоҷикистон
Мавзуъ
Даври ниҳоӣ: "Рӯшон" ё "Ишкошим" - кадом даста барандаи "Ҷоми Оқохон" хоҳад шуд?
Барандагони пешини “Ҷоми Оқохон” бозиро бохтанд
Рақобат барои "Ҷоми Оқохони IV": пирӯзии дастаи Сохчарв бар Поршинев
Рақобат барои "Ҷоми Оқохони IV" идома дорад: кӣ бурду кӣ бохт
Гузориши аксӣ аз мусобиқаи футбол барои "Ҷоми Оқохони IV" дар Маскав
"Ҷоми Оқохони IV": рақобати нуздаҳ даста барои ҷоми футбол дар Маскав
Маҳмадҷон Ҳабибуллоев, сармураббии дастаи Регар ТадАЗ, аз чап

Маҳмадҷон Ҳабибуллоев сармураббии нави дастаи "Куктош" таъйин шуд

39
(Таҷдидшуда 12:45 07.07.2020)
Маҳмадҷон Ҳабибуллоев, мураббии муваффақ ва шинохтаи тоҷик ба вазифаи сармураббии дастаи “Куктош”-и ноҳияи Рӯдакӣ таъйин шуд

ДУШАНБЕ, 7 июл — Sputnik. Ӯ дар ин вазифа Раҳматулло Фузайловро иваз кард, хабар медиҳад сомонаи varzishtv.tj.

Ҳабибуллоеви 55-сола аз соли 2001 то 2013 дар бошгоҳи “Регар ТадАЗ” фаъолият намуда, шаш карат чемпиони Тоҷикистон (солҳои 2001, 2002, 2003, 2004, 2006, 2007, 2008), се карат барандаи Ҷоми Президенти КФО (2005, 2008, 2009) ва Ҷоми Тоҷикистон (2001, 2005, 2006) шудааст.

 Номбурда  соли 2014 дар вазифаи сармураббии “Делерон-Уротеппа”-и Истаравшан фаъолият намуда, дар соли нахуст дастаро ба зинаи сеюми ҷадвал баровард.

Ҳамчунин моҳи феврали соли 2015 як муддат тими “Равшан”-и Кӯлобро тамрин дод ва июли ҳамон сол пас аз чанд моҳи сармураббӣ шуданаш истеъфо дод.

Баъдан, худи ҳамон сол  ба вазифаи сармураббии дастаи “Ҳосилот” даъват шуда, тими мазкурро аз Лигаи якум ба Лигаи олӣ баровард, медалҳои нуқраи мусобиқаро ба даст овард.

Ӯ соли 2007 як муддат сармураббии тими миллии кишвар ва баъдан яккачини ҷавонони Тоҷикистон оид ба футбол (U-21) буд.

39

"Сахт пазмонат мешавам": таассуфи роҳбари UFC аз марги Абдулманап ва нашр намудани навор

908
Дана Уайт дар робита ба фавти Абдулманап Нурмуҳаммадов падар ва мурабии қаҳрамони UFC дар вазни сабук Ҳабиб Нурмуҳаммадов навореро нашр намудааст

ДУШАНБЕ, 5 июл — Sputnik. Роҳбари UFC Дана Уайт дар Twitter навореро нашр намудааст, ки ба Абдулманап Нурмуҳаммадов бахшида шудааст.

Уайт аз марги мураббии шинохта изҳори таассуф намуда, зери навор чунин навиштааст:

"Сахт пазмонат мешавам, ҷаноби Нурмуҳаммадов".

Ёдовар мешавем, Абдулманап Нурмуҳамадовро 25 апрел бо нишонаҳои коронавирус ба яке аз дармонгоҳҳои Доғистон бистарӣ намуданд.

Аммо чун вазъи саломатии ӯ рӯ ба бадшавӣ ниҳод, ӯро 3 - юми май фавран ба шаҳри Маскав интиқол доданд.

Ба изҳори Рамазон Рабаданов дӯсти ин хонавода, Абдулманап сактаи қалбӣ ва мағзи сар шуда, ки дар натиҷа кори дилаш мӯътадил шуд, аммо сактаи мағзи сар бидуни таӯйир монд.

"Ӯ ба ҳуш наомада ҷон бохт", - афзуд Рабаданов пас аз марги Абдулманап.

Путин ба Ҳабиб Нурмуҳаммадов занг зад ва изҳори ҳамдардӣ кард

Абдулманап Нурмуҳаммадов 10 декабри соли 1962 дар Ҷумҳурии автономии Советии Доғистон таваллуд шудааст. Вай аз кӯдакӣ бо гӯштини тарзи озод машғул буд ва дар артиш ба тамрини ҷуо ва самбо сар кардааст.

Марҳум дорандаи унвони Устоди варзиш аз намуди  гӯштини озод мебошад.

Моҳи сентябри соли 2019 Абдулманап Нурмуҳаммадов барои тарбияи шумораи зиёдтарини чемпионҳои самбои муҳорибавӣ ба Китоби рекордҳои Русия дохил карда шуд.

908
Пациенту ставят капельницу, архивное фото

Ҳушдори сарвазир аз афзоиши коронавирус дар минтақаҳо: "маводи доруворӣ захира кунед"

0
Кубатбек Боронов сарвазири Қирғизистон аз эҳтимоли зиёд шудани ҳолатҳои сироятшавӣ ба коронавирус дар манотиқҳои ин кишвар ҳушдор дод

ДУШАНБЕ, 7 июл — Sputnik. Сарвазири Қирғизистон Кубатбек Боронов дар ҷаласаи ситоди марказии ҷумҳуриявӣ гуфт, ки мақомоти минтақавӣ бояд ба афзоиши мавориди мубталошавии шаҳрвандон ба коронавирус ва ё илтиҳоби шуш омода бошанд.

Ӯ таъкид намуд, ки аз ҳоло бояд дар минтақаҳо захираи маводи доруворӣ пурзӯр карда шавад. Ҳамчунин сарвазир ба таъмин намудани минтақаҳои Қирғизистон аз табибони ҳирфаӣ таъкид кард.

269 ҳолати ҷадид ва фавти 3 маризи коронавирус дар Қирғизистон давоми як рӯз

"Дар Бишкек, бинобар шумораи зиёди маризон, беморхонаҳо зуд пур мешаванд ва дар дармонгоҳҳо кормандони тиб намерасанд. Аз ин рӯ, мақомоти минтақавӣ бояд ба ҳолати афзун шудани шумораи сироятёфтагон аз коронавирус ва илтиҳоби шуш омода бошанд. Вазъияте, ки ҳоло дар пойтахт дида мешавад, набояд дар дигар минтақаҳо такрор шавад", - афзудааст Боронов.

Зимнан, сарвазири Қирғизистон тактикаи мубориза бурдан бо коронавирус дар минтақаҳоро баён намуд:

"Таҷриба нишон дод, ки ба мо танҳо катҳои хоб лозиманд. Мо бояд ҷойҳоро барои беморони вазнин ва беморони миёна омода кунем. Барои онҳое, ки шакли сабук доранд, бояд дар утоқҳои алоҳида бистарӣ шаванд. Ҳоло дар Бишкек духтурон ва ҳамшираҳои шафқат намерасанд. Ҳамаи ин нозукиҳоро дар минтақаҳо бояд ба назар гирифт", - илова намудааст сарвазир дар ҷаласа.

Дар Қирғизистон вазъият дар робита ба паҳншавии маризии коронавирус бисёр ваҳим аст. Теъдоди қурбониёни вируси COVID - 19 дар Қирғизистон наздик ба 100 нафар расидааст. Ҳамарӯза дар ин кишвар то 500 ҳолати ҷадиди сироятшавӣ ба ин маризӣ сабт мегардад.

0
Барчаспҳо:
сарвазир, захира, маводи доруворӣ, афзоиш, маризӣ, Қирғизистон