Шодихон Ҷамшед бар пои тандиси Исмоили Сомонӣ гулдаста гузошт

© Фото : Исполнительный орган гос.власти Согдийской областиДни культуры ГБАО в Согде
Дни культуры ГБАО в Согде - Sputnik Тоҷикистон
Обуна шудан
Раиси вилояти мухтори Кӯҳистони Бадахшон Шодихон Ҷамшед ҳамроҳ бо фарҳангиёни ин вилоят дар идомаи сафар ба вилояти Суғд дар пояи муҷассамаи Исмоили Сомонӣ дар шаҳри Хуҷанд гулдаста гузошт

ДУШАНБЕ, 23 августи — Sputnik. Ба гузориши равобити умумии ҳукумати вилояти Суғд, пайкараи Исмоили Сомонӣ соли 2011 дар шаҳри Хуҷанд, дар соҳили рости Сирдарё дар остонаи 20-умин солгарди Истиқлоли Тоҷикистон бо ширкати раисҷумҳур Эмомалӣ Раҳмон ифтитоҳ шуда буд.

Манбаъ меафзояд, ки меҳмонон аз Маҷмааи таърихию фарҳангии "Истиқлол" боздид карданд.

Фестиваль культур России и Таджикистана, Памир-Москва - Sputnik Тоҷикистон
Барномаи фарҳангии бадахшониҳо дар Суғд: аз намоиши театрӣ то рақсу суруд

Фарҳангиёни Бадахшон ҳамчунин аз нақшаи барҷастаи Тоҷикистон дар он шаҳр дидан карда, сипас бо осорхонаи маҷмаъаи торихӣ ошно гардиданд.

Гурӯҳе аз фарҳангиён аз Минтақаи озоди иқтисодии "Суғд" аз корхонаҳои истеҳсолӣ, аз ҷумла корхонаи "Арча" боздид карданд.

Таваҷҷуҳи меҳмононро фаъолияти корхонаи муштараки тоҷикиву туркии "Силкоат бойя" ҷалб кард, ки ҷузви Минтақаи озоди иқтисодии "Суғд" буда, ба истеҳсоли навъҳои гуногуни ранг ва пардоздиҳӣ машғул аст.

Роҳбарияти корхонаҳои истеҳсолӣ омодагии хешро барои ҳамкориҳои судманд бо ВМКБ баён доштанд.

Пештар хабар дода будем, ки фарҳангиёни Бадахшонро дар вилояти Суғд бо нону асал таҳти навои карнаю сурнай пешвоз гирифтанд.

Ҳафтаи фарҳанги вилояти мухтори Кӯҳистони Бадахшон дар шаҳру ноҳияҳои вилояти Суғд аз 21 то 26-уми августи соли 2017 баргузор мешавад.

Лентаи хабарҳо
0