Шаш медоли тиллои варзишкорони тоҷик дар сабқати ҷудо дар Қирғизистон

CC BY 3.0 / wikimedia / Дзюдо, архивное фото
Дзюдо, архивное фото - Sputnik Тоҷикистон
Обуна шудан
Дар рӯзи аввали мусобиқа се варзишкори тоҷик се медол ба даст оварданд. Эҳсон Мирсоқиев дар вазни 32 кг, Саидмансур Охунов дар вазни 38 кг ва Муҳаммадаюб Сафаров дар вазни 42 кг ба пирӯзӣ расиданд

ДУШАНБЕ, 15 ноя — Sputnik. Дар шаҳри Ӯш сабқати байналмилалии ҷудо баргузор шуд, ки дар он варзишкорони тоҷик 8 медол, аз он ҷумла 6 тилло, ба даст оварданд.

Дар ин сабқат, ки ба муносибати Рӯзи ҷаҳонии ҷудо баргузор шуд, беш аз 400 варзишкори 9 — 10-сола аз Тоҷикистон, Русия, Қирғизистон ва Қазоқистон ширкат карданд.

Пешвози Беҳрӯз Хоҷазода дар Тоҷикистон - Sputnik Тоҷикистон
Ифтихори миллат: пешвози мардум аз ҷаҳонпаҳлавон Беҳрӯз Хоҷазода дар Душанбе

Дар рӯзи аввали мусобиқа се варзишкори тоҷик се медол ба даст оварданд. Эҳсон Мирсоқиев дар вазни 32 кг, Саидмансур Охунов дар вазни 38 кг ва Муҳаммадаюб Сафаров дар вазни 42 кг ба пирӯзӣ расиданд.

Дар рӯзи дувум низ мунтахаби ҷудокорони Тоҷикистон се медоли тилло ба даст овард: ин бор Убайдулло Қурбонов дар вазни 29 кг, Мустафо Аюбӣ дар вазни 38 кг ва Салмон Мақсудзода дар вазни 46 кг бар ҳамовардонашон чира шуданд.

Варзишкори дигари тоҷик Сафиалло Маҳмадалӣ дар вазни 35 кг медоли биринҷӣ ба даст овард. Ҳамчунин Деваштич Фаридун — писари Фаридун Устопириён дар вазни 55 кг медоли нуқра ба даст овард.

Лентаи хабарҳо
0