Волейбол, архивное фото

Дабиристонҳои Дарвоз Рӯзи Кишвардорро бо мусобиқаи волейбол ҷашн гирифтанд

40
(Таҷдидшуда 18:58 16.11.2017)
Донишомӯзони мактабҳои таҳсилоти ҳамагонии ноҳияи Дарвоз ба муносибати Рӯзи Кишвардор ва "Соли ҷавонон" мусобиқаи волейбол баргузор карданд

ДУШАНБЕ, 16 ноя — Sputnik. Ба гузориши рӯзномаи "Ҷавонони Тоҷикистон", ин мусобиқа ба ибтикори Бахши умури ҷавонону варзиши ҳукумати ноҳияи Дарвоз дар миёни мактабҳои таҳсилоти ҳамагонии ноҳия баргузор шудааст. 

Расулҷон Шокиров, мудири Бахш, ба ин расона гуфта, ки дар ин мусобиқа донишомӯзони дабиристонҳои №№ 1-ум, 4-ум, 5-ум, 6-ум, 9-ум ва 40-ум бо якдигар рақобат кардаанд.

Аз рӯи натиҷаҳои даври ниҳоӣ дастаи дабиристони № 6-уми рустои Ёгед дар ин мусобиқа баранда шуд. Ҷои дувумро дастаи дабиристони № 8-уми деҳаи Рӯзвай гирифт.

Ин дастаҳо бо нишону ифтихорномаҳои Бахши умури ҷавонону варзиши ҳукумати ноҳияи Дарвоз тақдир карда шуданд.

 

Чанде пеш аз ин ҳам дар чорчӯби барномаҳои "Соли ҷавонон" ва ба муносибати Рӯзи Кишвардор дар деҳаи Ёгед мусобиқаи дӯстона миёни дастаҳои духтарони донишомӯзи ноҳияҳои Дарвозу Рӯшон баргузор шуда буд.

Мувофиқи натиҷаҳои умумӣ дар ин бозӣ дастаи "Рӯшон" бар тими "Дарвоз" бо ҳисоби 30:26 дастболо гардида, ғолиби мусобиқа эълон шуд.

Барои ғолибону варзишгарон аз тарафи Бахш ифтихорнома ва туҳфаҳои хотиравӣ тақдим гардид.

 

40
Барчаспҳо:
Соли ҷавонон, Рӯзи раисҷумҳур, волейбол, Бахши умури ҷавонону варзиши ҳукумати ноҳияи Дарвоз, Тоҷикистон-Дарвоз
Мавзуъ
Шаш медоли тиллои варзишкорони тоҷик дар сабқати ҷудо дар Қирғизистон
Мақоми аввали варзишкорони тоҷик дар сабқати байналмилалии куштии озод
Варзишкори тоҷик Анушервон Назарзода аз Думаи Маскав ҷоиза дарёфт кард
Варзишкорони тоҷик аз қаҳрамонии самбои ҷаҳон 3 медол оварданд
Муроҷиатномаи ҷавонон ва варзишкорони пойтахт ба Рустам Эмомалӣ
Варзишкорон аз 15 кишвар барои Ҷоми Эмомалӣ Раҳмон зӯрозмоӣ мекунанд
Дзюдо, архивное фото

Беҳтарин ҷудокорони ҷавони Тоҷикистон маълум шуданд

95
(Таҷдидшуда 14:55 31.10.2020)
Кумитаи миллии олимпии Тоҷикистон мегӯяд, дар ноҳияи Ҷаббор Расулови вилояти Суғд мусобиқаи ҷумҳуривӣ оид ба ҷудо байни ҷавонони соли таваллудашон 2000-2002 баргузор шуд

ДУШАНБЕ, 31 окт – Sputnik. Кумита аз қавли Федератсияи ҷудои Тоҷикистон хабар додааст, дар мусобиқа 135 варзишгар дар ҳайати нӯҳ даста – Душанбе-1, Душанбе-2, Хатлон-1, Хатлон-2, Суғд-1, Суғд-2, Вилояти Мухтори Кӯҳистони Бадахшон, шаҳру ноҳияҳои тобеи марказ ва минтақаи Рашт ширкат карда, аз рӯи 7 дараҷаи вазнӣ миёни ҳам рақобат намуданд.

Дар шаш вазн намояндагони Душанбе, дар як вазн варзишгари ШНТМ ғалаба карданд. Дар вазни -60кг Шаҳбоз Саидаброров пас аз мағлуб намудани Фирӯз Мелибойзода соҳиби медали тилло шуд. Дар зинаи сеюм варзишгарони шаҳру ноҳияҳои тобеи марказ Сарвар Абдушукуров ва Аҳмад Аюбов қарор гирифтанд.

Эмомалии Нуралӣ дар финали вазни -66кг Абубакр Шеровро мағлуб намуда, медали тиллоро ба гардан овехт. Медалҳои биринҷӣ насиби Фарух Ҳалимов ва Худобахш Сулаймонов шуд. Дар финали вазни -73кг боз ду варзишгари Душанбе бо ҳам неру санҷиданд ва Муҳаммад Саъдуллоев тавонист Қурбоналӣ Бозоровро мағлуб намояд.

Умар Расулов аз ШНТМ дар вазни -81кг пас аз пирӯзӣ бар Аминҷон Сафаров аз шаҳри Душанбе ғолиб шуд.
Дар финали вазни 90кг боз ҳам варзишгарони шаҳри Душанбе ба ҳам омаданд. Раҳаматуло Мирзоев тавонист Фаридун Холиқовро мағлуб намуда, ҷои аввалро ишғол кунад.

Дар вазни -100кг Абубакри Акобир Фарзин Ҳусайнов аз вилояти Суғдро шикаст дода, ғолиб шуд.

Ниҳоят дар вазни +100кг Бобоҷон Бобоев Иброҳим Элмуродовро мағлуб намуда, соҳиби медали тилло гардид.

95
Барчаспҳо:
мусобиқа, ҷудо, Тоҷикистон
Хабиб Нурмагомедов

Шарҳи Кремл дар бораи мулоқоти Путин бо Нурмуҳаммадов

1358
(Таҷдидшуда 15:53 27.10.2020)
Дмитрий Песков, сухангӯи президенти Русия хабарҳо дар бораи дидор ва мулоқоти Владимир Путин бо размикор Ҳабиб Нурмуҳаммадовро шарҳ дод

ДУШАНБЕ, 27 окт - Sputnik. Сухангӯи президенти Русия Дмитрий Песков тасдиқ кардааст, ки Владимир Путин бо Ҳабиб Нурмуҳаммадов, қаҳрамони UFC мулоқот хоҳад кард, аммо санаи дақиқи ин дидор ҳоло мушаххас нашудааст, хабар додааст РИА Новости.

Қаблан президенти Русия Владимир Путин тавассути телефон Ҳабиб Нурмуҳаммадовро бо пирӯзӣ дар набард бо Ҷастин Гетҷии амрикоӣ табрик гуфтааст.

"Дар ҳақиқат, президент гуфт, ки ин ҳатмист, вақте худи Ҳабиб каме истироҳат мекунад ва вазъи эпидемиологӣ ... ором мешавад, онҳо ҳатман мулоқот хоҳанд кард", - гуфт Песков дар посух ба пурсиши журналистон оид ба имкони мулоқоти президент бо варзишгар.

Ёдовар мешавем, шаби 25 октябр Ҳабиб Нурмуҳаммадов дар даври дуюми сабқат бо Ҷастин Гейҷӣ бо истифодаи усули буғикунанда пирӯз шуд.

Баъди пирӯзӣ Ҳабиб эълон кард, ки дигар ба майдони набар нахоҳад омад ва ин охирин рақобаташ буд, зеро ба модараш ваъда додааст, ки дигар ҷанг нахоҳад кард.

Феълан Ҳабиб шикастнодида буда, дар 29 сабқаташ 29 пирӯзӣ дорад.

Коршинос дар бораи қарори Ҳабиб: бе падараш ӯ наметавонист ба қуллаҳои баланд расад

Дар пайи пирӯзӣ бар Гейҷӣ, Нурмуҳаммадов аз роҳбарияти UFC хост, ӯро дар садри беҳтарин размикорон ҷой диҳанд, чун ӯ арзанда аст.  Дана Уайт, роҳбари UFC ба Ҳабиб Нурмуҳаммадов дар феҳрасти беҳтарин размикорони ҷаҳон мақоми аввалро дод.

Охирин парвози Уқоб: Ҳабиб пас аз мубориза бо Гетҷи "карера"-ашро ҷамъбаст кард

Ҷон Ҷонс, ки то ҳол дар сархати беҳтарин размикорон қарор дошт, аз мақомаш ба фоидаи Нурмуҳаммадов даст кашид.

1358
Барчаспҳо:
Кремл, Дмитрий Песков, Владимир Путин, размикор, Ҳабиб Нурмуҳаммадов
Пожар, архивное фото

Сержант то омадани оташнишонҳо сӯхторро хомӯш кард

0
Вазорати умури дохилии Тоҷикистон мегӯяд, новобаста аз бурдани корҳои зиёди пешгирикунанда, ҳамоно бисёре аз масъулини дӯкону марказҳои савдо, мағозаву бозорҳо қоидаҳои бехатарӣ аз сӯхторро нодида мегиранд

ДУШАНБЕ,  31 окт — Sputnik. Тибқи иттилои ВУД, шаби 29 ба 30-юми октябри соли равон тахминан соати 01:00, дар маҳаллаи 91-уми шаҳри Душанбе, дар нуқтаи савдои тезтайёр сӯхтор сар зад.

"Дар ин ҳангом корманди ШБДА РВКД дар шаҳри Душанбе, сержанти хурди милитсия Мирзоев Хуршед, ки дар ин минтақа хизмат мебурд, ин ҳодисаро пай бурда, дар баробари хабар додани ба бахши оташнишонӣ, худ низ дарҳол аз паи хомӯш намудани сӯхтор мешавад. Мавсуф ба воситаи тирезаи нуқтаи савдо ворид онҷо шуда, оташро дар як муддати кӯтоҳ хомӯш мекунад", - омадааст дар иттилоияи ВУД.

Манбаъ афзуд, дар натиҷа аз таъсири алангаи оташ қисми рости пешонии сержанти хурди милитсия Мирзоев Хуршед осеб дидааст. Айни ҳол номбурда бо бардоштани ҷароҳати ҷисмонӣ дар Раёсати тибби ВКД таҳти муоинаи табибон қарор дорад.

ВУД таъкид кардааст, ҷасорат, масъулият ва садоқати корманди милитсия буд, ки ин ҳодисаи сӯхтор хомӯш карда шуду дигар ашёҳои нуқтаи савдо аз коми оташ эмин нигоҳ дошта шуданд.

0
Барчаспҳо:
оташхомӯшкунӣ, сӯхтор, Тоҷикистон