Паҳлавони тоҷик Маҳмадбек Маҳмадбеков дубора қаҳрамони Русия шуд
(Таҷдидшуда 17:45 26.11.2017)
Имрӯзҳо дар шаҳри Иркутск мусобиқаи қаҳрамонии ҷудои Русия миёни варзишкорони навҷавон (то 21-сола) баргузор мешавадДУШАНБЕ, 26 ноября — Sputnik. Ҷудокори тоҷик Маҳмадбек Маҳмадбеков, ки дар шаҳри Иркутск зиндагӣ дорад, дар зӯрозмоиҳо дар вазни 66 килуграм бар ҳама ҳамовардонаш пирӯз шуд ва медоли тиллоро бар гардан овехт.
Ин дувумин бор аст, ки Маҳмадбек дарин вазн қаҳрамони ҷудои Русия мешавад. Вай порсол низ медоли тиллои ин мусобиқотро ба даст оварда буд.
Аммо ин пирӯзӣ барояш душвортар ба даст омад, зеро дар майдони худ ҳунарнамоӣ мекард.
"Росташро бигӯям, тарс доштам. Сахт метарсидам, ки дар пеши чашми ҳамшаҳриёнам, хешовандонам, дӯстону устодонам дар ин зӯрозмоӣ шикаст ёбам… Аз ин рӯ, беш аз ҳадд эҳтиёркорӣ кардам", — гуфтааст Маҳмадбек дар мусоҳиба бо хабарнигорон.
Вале ин "эҳтиёткорӣ" монеъ нашуд, ки Маҳмадбек дар роҳи ба даст овардани медоли тилло се набард аз чаҳорторо бо "иппон" ба поён бирасонад. Дар набарди ниҳоӣ ӯ ҷудокори тюменӣ Иван Чернихро низ ба пушт бар замин хобонд ва дубора қаҳрамони ҷудои Русия дар миёни навҷавонон шуд.
©
Фото : Пресс-служба Федерации дзюдо России
Махмадбек Махмадбеков - чемпион России по дзюдо в категории 66 кг среди юниоров
Гуфтанист, Маҳмадбек писари амаки Сомон Маҳмадбеков аст, ки имсол медали биринҷии қаҳрамонии ҷудои ҷавононро ба Тоҷикистон овард.
Он нахустин медали чунин сабқат дар торихи ҷудо миёни ҷавонон барои Тоҷикистон аст.
Футболбозони клуби “Хуҷанд” ба Туркия мераванд: мақсад чист?
(Таҷдидшуда 20:34 05.03.2021)
Футболбозони клуби “Хуҷанд” ба Туркия сафар карда 10 рӯз он ҷо мемонанд. Пеша аз сафар раиси вилояти Суғд бо онҳо мулоқот кардДУШАНБЕ, 5 март - Sputnik. Раиси вилояти Суғд Раҷаббой Аҳмадзода бо футболбозони клуби "Хуҷанд" дидору мулоқот кард.
Бино ба гузориши мақомоти вилояти Суғд, раиси вилоят аснои мулоқот бо ҳайати даста гуфтааст, ки роҳбарияти вилоят дар партави дастурҳои Эмомалӣ Раҳмон ба рушди намудҳои варзиш, аз ҷумла футбол таваҷҷуҳи зарурӣ зоҳир намуда, клубҳои футболро мунтазам дастгирӣ менамояд.
Дар ин росто бозингарони дастаи "Хуҷанд" бо мақсади баланд бардоштани маҳорату малака ва омодагӣ ба мавсими нави футбол, инчунин омӯзиши техникаҳои нави бозии футбол ба Ҷумҳурии Туркия сафарбар карда мешаванд.
"Бозингарони "Хуҷанд" давоми 10 рӯз дар Туркия се бозии рафиқона анҷом дода, барои иштирок дар чемпионатҳо омодагӣ мебинанд", - омадааст дар хабарнома.
Таъкид гардида, ки минбаъд дастаҳои футболи "Эсхата" ва "Истаравшан" низ барои такмили маҳорат ва мубодилаи таҷриба ба кишварҳои дуру наздик фиристода мешаванд.
Раиси вилоят дар поёни мулоқот ба шахсони масъул ҷиҳати беҳтар намудани шароити бозингарон, омодагии ҳамаҷонибаи дастаҳои футбол дар лигаи олӣ, рушди варзиш дар шаҳру навоҳӣ супоришҳои мушаххас додааст.
Барчаспҳо:
Ҷаҳонгир Эргашев аз "Хуҷанд" рафт: корномаи варзишияшро дар Ӯзбекистон идома медиҳад
(Таҷдидшуда 18:50 04.03.2021)
Ҷаҳонгир Эргашев, футболбози шинохтаи тоҷик корномаи варзишиашро дар Ӯзбекистон идома медиҳад ДУШАНБЕ, 4 март - Sputnik. Бино ба иттилои Федератсияи футболи Тоҷикистон, футболбози тоҷик бо тими "Қизилқум" –и Ӯзбекистон шартнома баст.
Ба иттилои манбаъ, муҳлати шартномаи Ҷаҳонгир Эргашев то охири мавсими ҷорӣ буда, ҳамакнун ӯ дар Суперлигаи Ӯзбекистон бозӣ мекунад.
Ҷаҳонгир Эргашеви 26-сол дошта нимҳимоятгари тими миллии Тоҷикистон мебошад ва яке аз футболбозони умедбахши кишвар гуфта мешавад
Тими охирини Эргашев “Хуҷанд” буд, ки ӯ бо он даста медали нуқраи Чемпионати Тоҷикистонро дар мавсими гузашта ба даст овард.
Қабл аз “Хуҷанд” ӯ дар тими "Саиф Спортинг Клуб"-и Бангладеш бозӣ мекарда ва тобистони гузашта дубора ба ин дастаи аввалааш баргашт.
Восиев, футболбози тими миллии Тоҷикистон ба "Тамбов" гузашт
Ҷаҳонгир Эргашев дастпарвари футболи Суғд аст. Фаъолияти касбии худро дар “Хуҷанд” оғоз кардааст. Дар ҳайати асосӣ "Хуҷанд" ӯ чаҳор маротиба ноиби чемпиони кишвар (2015, 2017, 2018, 2019) ва барандаи Ҷоми Тоҷикистон (2017) шуд.
Президенти ФФТ ба деҳот рӯй овардааст: ташкили лига ва чемпионати нав
Ёдовар мешавем, авохири моҳи гузашта ҳимоятгари дастаи мунтахаби Тоҷикистон, Фарҳод Восиев бо бошгоҳи футболи "Тамбов" шартнома баст.
Зодрӯзи Парвин Юсуфӣ ва таъсиси клуби "Реал": имрӯзи таърих
(Таҷдидшуда 18:04 02.03.2021)
Рӯзи шашуми март дар Ҷумҳурии Муғулистон Рӯзи матбуот ва дар Гана Рӯзи истиқлолият ҷашн гирифта мешавад
Рӯзи 6 март дар ҷаҳон чӣ рух дод
Соли 1665 дар Лондон аввалин маротиба дар таърихи ҷаҳон маҷаллаи "Асарҳои файласуфонаи ҷомеаи шоҳигарӣ" нашр шуд.
Соли 1834 дар Канада шаҳри Йорк ба Торонто тағйири ном кард.
Соли 1902 клуби футболи "Реал" (Мадрид) таъсис дода шуд.
Соли 1960 дар Швейтсария ба занон ҳуқуқи дар интихоботи мунитсипалӣ иштирок намудан дода шуд.
Соли 1994 дар раъйпурсӣ аксарияти аҳолии Молдова барои ба даст овардани истиқлолияти мамлакат овоз доданд.
Рӯзи 6 март дар Тоҷикистон чӣ рух дод
Соли 2009 ВАО хабар доданд, ки дар Ҷумҳурии Тоҷикистон «Равзанаи ягона» оид ба тартиби раванди воридоту содирот сохта шуд.
© Sputnik/ Стас Этвеш/ Мария Вишнякова
Соли 2010 дар шаҳри Куала — Лумпури Малайзия маросими қуръакашии мусобиқоти Ҷоми президенти КФО баргузор гардид, ки дастаи "Вахш"-и Тоҷикистон ба гурӯҳи "В" шомил шуд.
Соли 2014 дар шаҳри Душанбе ба раисҷумҳури Тоҷикистон Эмомалӣ Раҳмон сафирони нави фавқулода ва мухтори Туркманистон, Куба, Ҷумҳурии Сербия, Амороти Муттаҳидаи Араб, Ҷумҳурии Корея, Ҷумҳурии Словакия, Давлати Фаластин, Ҷумҳурии Мисри Араб, Ҷумҳурии Судон, Ҷумҳурии Кипр ва Гурҷистон эътимодномаҳои худро тақдим намуданд.
Соли 2015 Эмомалӣ Раҳмон бинои нави сохтмонаш анҷомёфтаи Маркази ҷумҳуриявии иммунопрофилактикаро мавриди баҳрабардорӣ қарор дода, ба сохтмони бинои нави маъмурии Вазорати тандурустӣ ва ҳифзи иҷтимоии аҳолӣ ва се хобгоҳи иловагӣ барои донишҷӯёни Донишгоҳи миллии Тоҷикистон оғоз бахшиданд.
Ҷашнҳои рӯзи 6 март
- Дар Муғулистон – Рӯзи матбуот.
- Дар Гана – Рӯзи истиқлолият.
Рӯзи 6 март кӣ ба дунё омадааст
Соли 1928 - доктори илмҳои филология, профессор Расул Ҳодизода.
Соли 1938 - шоир Одина Мирак.
Соли 1945 - иқтисодшинос Муртазо Қаҳҳоров.
Соли 1969 - сорояндаи маъруфи тоҷик Парвин Юсуфӣ.