Тими футболи кӯдаконаи Шаҳринав

Кӯдакони ятим аз Тоҷикистон барои медали тиллои Ҷоми ҷаҳонии футбол мубориза мебаранд

389
(Таҷдидшуда 15:50 11.05.2018)
Дастаи футболи “Наврӯз” аз Тоҷикистон дар мусобиқаи Ҷоми ҷаҳонии футбол байни кӯдакони ятим қувваозмоӣ мекунанд

ДУШАНБЕ, 10 мая — Sputnik. Тими футболи "Наврӯз"-и  мактаб-интернати ноҳияи Шаҳринав Тоҷикистонро дар аввалин мусобиқаи таърихии Ҷоми ҷаҳонии футбол байни кӯдакони ятим таҳти унвони "Оянда аз ту вобастагӣ дорад", намояндагӣ мекунад.

Сабқат дар Маскав аз 11 то 16 май сурат гирифта, дастаҳоро аз 21 кишвари дунё ҷамъ меоваранд.

Роҳхати худро ба бозиҳои "Ҷоми ҷаҳонии бачагона" дастаи футболи "Наврӯз" дар рафти бозиҳои сахт, вале зебои ниҳоӣ дар шаҳри Сочи, ба даст оварданд.

Пас аз марҳилаҳои интихобии шаҳрӣ ва минтақавӣ, дар зери офтоби сӯзони шаҳри Сочи 19 даста аз Тоҷикистон, Русия ва Осетияи Ҷанубӣ ба майдон баромаданд. Мусобиқа дар ду гурӯҳи синну солҳои гуногун — гурӯҳи якум тарбиятгирандагони солҳои таваллуди 2004-2005 ва гурӯҳи дуввум тарбиятгирандагони солҳои таваллуди 2002-2003 — гузаронида шуд.  

Дар ҳайати дастаи "Наврӯз" футболбози бомаҳорату умедбахш Зиёвуддин Каримов, ки дар соли 2016 беҳтарин бозингари сабқат гардидааст, ҳунарнамоӣ мекунад.

Бо вуҷуди ғалабаҳои дастаҳои Русия, кӯдакони тоҷик  барои онҳо рақибони хеле қавӣ буданд. Ҳамин буд, ки маҳз тоҷикистониён беҳтарин нишонрасҳои мусобиқот шуда буданд: байни нисбатан калонон Зиёвиддин Каримов аз дастаи "Наврӯз" ва байни нисбатан хӯрдон — Худобахш Раҳимов ("Дӯстӣ", мактаб-интернети №1 ш. Душанбе) соҳиби ҷоиза шуданд.

Ва ба ҳайати дастаи нисбатан калонон "нуқра" супурда шуда, ҳамчунин ба онҳо ҷоизаи махсуси Иттиҳодияи хабарнигорони варзишӣ Fair Play ("Бозии одилона") ҳамчун ба дастае, ки беш аз ҳама нисбат ба рақибаш ҳангоми бозиҳои футбол эҳтиром гузоштааст.

Бозии зебо ва одилона ба писарон аз Шаҳринав имконият дода буд, ки довталаби ғалаба дар мусобиқаҳои байналмилалӣ "Ояндаро аз ту вобаста аст" дар соли 2018 шаванд.

Даста аз Тоҷикистон роҳи сангинро тай кардааст. Аввал бачагон барои ба даст овардани ҳаққи сафар ба Русияро дар ватанашон Тоҷикистон, мубориза бурдаанд.

Сипас, наврасон худро дар Сочи хеле хуб нишон дода, дӯстдоштагони мухлисон ва доварон гардиданд.

Хабарнигорон, ташкилкунандагон ва худир иштирокдорон аз самими қалб дастаи Тоҷикистонро дӯст доштанд. Бачагон ба Сочи бидуни донистани забон, метавон гуфт, ба меҳмонӣ, омада буданд. Онҳо аз хабарнигорон шарм медоштанду, аз аккосон пинҳон мешуданд.

Эҳсосоти мизбонони хеле самимӣ ва воқеӣ буд - ҳангоми мукофотсупорӣ иштироккунандагони дигар бачаҳоро аз дастаи "Помир" бо табассуму қарсакзании дурудароз пешвоз гирифтанд. Ва на он қадар муҳим аст, ки ин бачагон кадом ҷойро ишғол кардаанд.

Аз ҳама муҳим - ба ин мусобиқа омадани онҳо, амалӣ гаштани орзӯяшон буд. Инчунин имконияти боварӣ ҳосил кардан ба он ки тамоми чиз имконпазир аст, ва ҳама аз худи ту вобаста аст.

Дар баробари гурӯҳҳои бештар омодадида, бачагон аз Тоҷикистон дар ҳар як қитъаи майдон мубориза мебурданд, ба якдигар боварӣ доштанд ва дар ҳақиқат бозии сатҳи хуберо нишон доданд.

Дар байни ташкилкунандагони мусобиқот — Вазоратҳои варзиш, маориф ва илм, корҳои хориҷии ФР, Иттиҳодияи футболии Русия ва Донишгоҳи давлатии дӯстии халқҳо, иштирок доштанд.

Мусобиқа дар Маскав дар майдони "Сапсан-Арена" дар арафаи Мундиал ФИФА баргузор гашта, дастаҳои бачагонаро аз кишварҳои Англия, Белорус, Бразилия, Ҳиндустон, Қазоқистон, Кения, Мексика ва дигар давлатҳо ҷамъ хоҳад овард. Барои унвони чемпионҳои ҷаҳон 12 дастаи бачагона ва духтаронаи синну солашон аз 14 то 17-сола рақобат хоҳанд кард.

"Аллакай ҳашт сол аст, ки дар лоиҳа дастаи бозингарони тоҷик низ ширкат меварзиданд. Бачагони мо ғолиби финали Сочи шудаанд, чанд маротиба ба сегонаи беҳтарин шомил шудаанд, ҳамчун беҳтарин нишонрасҳо мукофот гирифтаанд", — шарҳ дод мудири иҷроияи ширкати "МегаФон Тоҷикистон" Анатолий Изюмников.

Ӯ инчунин гуфт, ки дар тӯли 13 сол қариб 40 000 писарону духтарон аз якчанд кишвар дар мусобиқот иштирок доштаанд. Соли ҷорӣ чемпионати иштироккунандагони навро ба худ ҷалб намуд, аз ҷумла дастаҳоро аз Миср, Англия, Мексика, Бурунди, Либерия, аз ҷазираҳои Маврикий ва Филиппин.

Анатолий Изюмников ба дастаи "Наврӯз", ки дорои таҷрибаи бузурги бозингарӣ аст, ғалаба бар дилхоҳ рақибро орзӯ намуда, хоҳони он шуд, ки даста ба Тоҷикистон медалҳои тиллоии Ҷоми ҷаҳонро биёрад.

389
Барчаспҳо:
медали тилло, мусобиқа, кӯдакони ятим, Шаҳринав, Тоҷикистон, Маскав
Хабиб Нурмагомедов

Хабиб зидди Гетҷи: навори пурраи муҳориба

296
(Таҷдидшуда 03:27 25.10.2020)
Ҳабиб Нурмуҳаммадов бори дигар дар майдон пирӯзӣ ба даст овард ва ба Ҷастин Гетҷи имкон надод, ки бар ӯ дастболо шавад

ДУШАНБЕ, 25 окт — Sputnik. Мубориза миёни ду варзишгар хеле шадид оғоз шуд ва Нурмуҳаммадо бошад аз усулҳои маъмулаш кор мегирифт. Гетҷи низ аз худ маҳорат нишон дода, ба ҳамлаҳои Ҳабиб ҷавоб медода ва ҳатто як-ду лаҳзаи хатарнокро низ ба вуҷуд овард.

Дар даври аввал Ҳабиб аз рақибаш бартарӣ дош.

Марҳилаи дувуми панҷ дақиқагӣ низ ба ҳамин монанд оғоз ёфт - Нурмагомедов рақиби худро фишор дод, аммо табодули шадиди муштзанӣ ба вуқӯъ наомад

Паҳлавони Доғистон кӯшиш кард, ки рақиби худро бо услуби ғайриоддӣ зарба зада, аммо дар охир аз усули анъанавияш кор гирифт.

Пас аз 1,5 дақиқаи даври дуюм, Хабиб Гетҷиро ба кунҷи майдон афтонид ва ҳангоми талоши раҳоӣ кардани ҳарифаш ӯро буғӣ кард. Дар натиҷа Гетҷи мағлубиятро пазируфт ва ғолибият насиби Ҳабиб гашт.

Пас аз анҷоми муҳориба ӯ гуфт ғалабаашро ба падари марҳумаш мебахшад ва аз внҷоми корномаи варзишияш хабар дод.

Уқоб боз болои қулла аст: Ҳабиб Гетҷиро бо усули "буғӣ" шикаст дод-видео

Ӯ гуфт, ба модараш ваъда додааст, ки ин охирин муҳорибааш хоҳад буд.

296
Хабиб Нурмагомедов

Ба модарам ваъда додам: Ҳабиб пас аз мубориза бо Гетҷи "карера"-ашро ҷамъбаст кард

367
Размикори доғистонӣ Ҳабиб Нурмуҳаммадов гуфт, ки 29-умин пирӯзияшро ба падараш, ки имсол даргузашта буд, мебахшад

ДУШАНБЕ, 25 окт — Sputnik. Қаҳрамони  UFC дар вазни сабуки Ҳабиб Нурмуҳаммадов аз поёни корномаи варзишияш хабар дод.

Ӯ ин қарорашро пас аз пирӯзӣ бар размикори амрикоӣ Ҷастин Гейҷ эълон кард.

Зимни баромади худ Нурмуҳаммадов таъкид кард, ки пирӯзияшроро дар ин рақобаӣ ба ба падараш Абдулманап Нурмуҳаммадов бахшидааст.

Ёдовар мешавем, Абдулманап Нурмуҳаммадов 3 июл дар синни 58-солагӣ бинобар сабаби беморӣ аз  коронавирус даргузашт.

Ҳабиб иқрор шуд, ки ба модараш ваъда дода буд, ки 29-умин набарди охирини ӯ хоҳад буд.

"Ман танҳо як саробон дорам - ин модари ман аст. Мехостам ба ӯ вақти бештаре ҷудо кунам" гуфт ӯ.

Ғайр аз он, Ҳабиб аз роҳбарияти UFC хоҳиш кард, ки ӯро дар рейтинги нави размикорони беҳтарин дар ҷои аввал гузорад.

"Имрӯз охирин муборизаи ман дар UFC буд. Танҳо аз UFC мехоҳам, ки рӯзи сешанбе новобаста аз дараҷаи вазн дар ҷои 1-ум маро қарор диҳад. Ман сазовори он ҳастам ",-таъкид кард размикор.

Дар тӯли корномаи варзишии худ Нурмуҳаммадов 29 муҳорибаро бидуни ягон шикаст аз сар гузаронидааст.

Дана Уайт: Ҳабиб дар роҳи бузургтарин размикори таърих шудан аст

Охирин муҳорибае, ки ӯ пеш аз хотимаи корномааш дошт, бар зидди Ҷастин Гетҷи, размикори амрикоӣ буд.

Тариқи анъанавӣ Хабиб ӯро низ бо усули буғӣ кардан мағлуб кард.

 

367
Генеральный директор Ассоциации Аэропорт Виктор Горбачев

Горбачёв дар бораи омодагии фурудгоҳҳои Тоҷикистон барои барқарории парвозҳо гуфт

0
(Таҷдидшуда 23:48 24.10.2020)
Пас аз кушодани сарҳадҳо, ҳаракати ҳавоӣ байни кишварҳои ИДМ-ро аз сар гирифтан мумкин аст, гуфт директори генералии Ассотсиатсияи "Фурудгоҳ" Виктор Горбачёв

ДУШАНБЕ, 25 окт — Sputnik. Мақомоти Тоҷикистон ва Узбакистон дар бораи азсаргирии парвозҳо байни Тошканд ва Душанбе ба созиш расиданд.

Тибқи маълумоти пешакӣ, нахустин парвози ҳавопаймоҳо байни пойтахтҳои Тоҷикистон ва Узбакистон рӯзи 28 октябр сурат мегирад.

"Ҳоло муҳим аст, ки парвозҳо ҳадди аққал ба ҳамсоягон ва Русия дубора аз сар гирифта  шаванд, дар он сурат барқарорсозӣ хоҳад шуд",- гуфт Горбачёв ба Sputnik Тоҷикистон.

Ба гуфтаи ӯ, авлавияти аввалин кушодани марзҳост. Вақте ки табибон марзро боз мекунанд, он гоҳ муҳокимаи барқарор кардани парвозҳо оғоз мешавад, таъкид кард ӯ.

Ба андешаи ӯ, ширкатҳои ҳавопаймоӣ метавонанд дубора парвозҳоро дар тӯли як ҳафта омода кунанд, дар ин давра нуқтаҳои санҷиши иловагӣ кушода мешаванд, вагарна онҳое, ки меоянд, пас аз расидан бояд карантинии дуҳафтаинаро гузаранд.

Ҳама фурудгоҳҳои ИДМ пас аз иҷозаи тиббӣ пас аз як ҳафта омода мешаванд.

Беш аз сад парвоз то охири моҳ: ҷадвали нави парвозҳо миёни Русия ва Тоҷикистон

Вай инчунин қайд кард, ки ҳамаи фурудгоҳҳои Русия, ки парвозҳо ба хориҷ аз он анҷом дода мешаванд, бо ҳама чизҳои зарурӣ барои ташхисҳои экспресс таъмин мебошанд, ки натиҷаро дар як соат медиҳанд.

0
Барчаспҳо:
фурудгоҳҳо, парвозҳо, Русия, Тоҷикистон