Криштиану Роналду ва Лионелем Месси, акс аз бойгонӣ

Шикасти тимҳои Роналду ва Месси боиси хонавайронии як оила шуд

970
(Таҷдидшуда 17:01 03.07.2018)
Бозиҳои ҷоми футболи ҷаҳон сабаби хонавайронии оилае дар Челябинск шуд. Бозии тимҳои Португалия ва Нигерия охирон сабқате буд, ки ин ҷуфт тамошо карданд

ДУШАНБЕ, 3 июля — Sputnik. Ҷоми футболи ҷаҳон дар Русия далели хонавайронии оилае дар Челябинск шуд, хабар медиҳад Life.

Ҳамсарон мухлиси ашаддии футбол буданд. Онҳо 14 сол зиндагии якҷоя доштанд, аммо дар авҷи мусобиқоти ҷоми футбол бо дархости талоқ ба САҲШ муроҷиат карданд.

Арсен ва Лариса дар рафти ҷоми футболи ҷаҳон-2002 бо ҳам ошно шуда буданд. Ҳар ду ҳам мухлиси футбол буданд, вале яке ҳаводори тими Португалия ва дигаре Аргентина. Арсен футболбози машҳур Мессиро дастгирӣ мекард, Лариса бошад, ҳаводори Криштиану Роналду буд.

Баҳонаи ҷудошавии ин ҷуфт пирӯзии Аргентина бар Нигерия гардид.

Шавҳар шикоят кардаст, ки дигар талху пичингҳои ҳамсарашро тоқат карда натавонист. Ба гуфтаи вай, суханҳои гӯшхароши ҳамсараш нисбати шодиҳои вай аз голҳои Месси косаи сабрашро шикаст.

"Ҳамсарам аз аввали бозӣ ман ва бозингари дӯстдоштаам Мессиро таъна мекард. Ӯ мегуфт, ки Месси дар бозӣ бо тими Исландия ҳатто пеналтӣ зада натавонист. Дар бозии тими Аргентина бо Нигерия бошад, бар қасди ман рақиби тими Мессиро дастгирӣ мекард", — шикоят кардааст ҳасмар.

Ба он нигоҳ накарда, ки на тими Аргентина ва на тими Португалия ба давраи чорякфиналӣ нагузаштанд, баҳсҳои Арсен ва Лариса тамом намешуданд.

Пас аз шикасти  тими Месси, Арсен ба САҲШ рафтааст ва дархости талоқ бо ҳамсараш кардааст.

Ёдрас мешавем, бозии Аргентина бо Исландия, ки 16 июн дар варзишгоҳи "Спартак"-и Маскав баргузор шуд,  бозии "тақдирсозе" барои аргентиниҳо буд. Ҳамлагари даста Месси натавонист, голи 11-метраро ба ҳадаф расонад ва барои тимаш пирӯзӣ биёрад.

Рӯзи якшанбеи гузашта, Португалия дар мусобиқа бо Уругвай ба давраи чорякфиналии ҷоми футболи ҷаҳон роҳ наёфт. Бозӣ бо ҳисоби 2:1 ба хотима расид. Тамоми кӯшишҳои Криштиану Роналду барбод рафт ва ҳамин тавр Португалия низ сабқатро тарк кард.

970
Барчаспҳо:
зану шавҳар, талоқ, пирӯзӣ, футбол, Криштиану Роналду, Лионел Месси, Дар ҷаҳон
Футзал, архивное фото

Бошгоҳи "Истиқлол" клуби нав таъсис медиҳад: дар футзал низ нерӯ санҷиданист

54
(Таҷдидшуда 13:49 19.01.2021)
Роҳбарияти бошгоҳи футболи "Истиқлол" тасмим гирифт, ки ба футзал, ки дар Тоҷикистон рӯз то рӯз маъруфият пайдо мекунад, таваҷҷӯҳ зоҳир кунад

ДУШАНБЕ, 19 январ - Sputnik. Тими футболи "Истиқлол" -и Душанбе тасмим гирифт, ки дар заминаи даста клуби футзал таъсис диҳад.

Ба иттилои дафтари матбуотии бошгоҳи "Истиқлол", дар назар аст, дастаи навтаъсис аз мавсими нав дар чемпионати кишвар бозӣ кунад.

"Тартиби сабти номи дастаи нав тақрибан ба итмом расидааст, ҷалби футболбозон идома дорад ва ҳайати мураббиён ба зудӣ эълон хоҳад шуд",-афзудааст, манбаъ.

Гуфта мешавад, раванди тамрин ва бозиҳои хонагии даста дар маҷмааи варзишии Кумитаи андози ҷумҳурӣ баргузор мешавад.

Ду бозигари шинохтаи "Хатлон" ва "Истиқлол" ба Ӯзбекистон ва Малайзия мераванд

Ёдовар мешавем, ки "Истиқлол" -и Душанбе аввалин тими касбӣ дар Тоҷикистон аст, ки ҳам дар футболи калон ва ҳам футзал намояндагӣ хоҳад кард.

54
Барчаспҳо:
футзал, тими "Истиқлол", Тоҷикистон
Рустам Ходжаев стал новым главным тренером Панджшера

Ваъдаи пирӯзӣ дар ҳар бозӣ: тими "Хуҷанд" сармураббии навашро эълон кард

266
(Таҷдидшуда 11:58 19.01.2021)
Ба ҳайати тими Рустам Хоҷаев Фаррух Марофиев мураббии калон, Мансур Ҳакимов мураббии интихобӣ ва Алишер Тӯйчиев ҳамчун мураббии дарвозабонҳо шомил шудаанд

ДУШАНБЕ, 19 янв — Sputnik. Рӯзи 18 январ ноиби чемпиони Тоҷикистон, клуби футболи "Хуҷанд" номи сармураббии нави дастаро эълон кард. Бино ба иттилои дафтари матбуотии Федератсияи футболи Тоҷикистон ҳамакнун тими "Хуҷанд"-ро мутахассиси 48-сола Рустам Ҳоҷаев тамрин хоҳад дод, ки солҳои 2013 ва 2017 ба ҳайси мураббии беҳтарини Тоҷикистон шинохта шуда буд.

Ба ҳайати тими Рустам Хоҷаев Фаррух Марофиев мураббии калон, Мансур Ҳакимов мураббии интихобӣ ва Алишер Тӯйчиев ҳамчун мураббии дарвозабонҳо шомил шудаанд.

Рустам Хоҷаев аз соли 2017 то 2018 "Хуҷанд"-ро роҳбарӣ карда, бо клуб Ҷоми Тоҷикистон-2017-ро ба даст овард ва дар чемпионати соли 2017 медали нуқра гирифт.

Дар мавсими 2020, Хоҷаев ба ҳайати мураббиёни Никола Лазаревич дохил шуд, пас аз рафтанаш иҷрокунандаи вазифаи сармураббӣ буд ва бо омадани Ҳаким Фузайлов ёвари ӯ шуд.

"Ҳиссиёти махсус дорам, хеле шодам, ки бори дигар ба ин тими калон, ки дорои таърих ва анъанаҳои бой аст, боварӣ карданд. Мехоҳам ба роҳбарияти вилояти Суғд, муҳтарам Раҷаббой Аҳмадзод ва директори маҳфил Муроҷон Умаров барои эътимодашон ташаккур гӯям. Ман аз мавсими оянда интизориҳои хуб дорам, ба бозигаронам боварӣ дорам, мо тасмим гирифтаем, ки дар ҳар як бозӣ пирӯз шавем. Ва албатта, дар кори худ мо мунтазири дастгирии мухлисони "Хуҷанд" ҳастем".

Ҳаким Фузайлов сармураббии тими “Динамо”-и Самарқанд шуд

Ӯ гуфтааст, ҳамчун як футболбоз ба Хуҷанд омад, ин дастаро тамрин медод ва медонад, ки мардум дар ин ҷо ба таври хос тимро дӯст медоранд ва дастаи худро дастгирӣ мекунанд.

266
Барчаспҳо:
интихоби сармураббӣ, тими футболи "Хуҷанд", Тоҷикистон
Премьер-министр РТ Кохир Расулзода

Ҷамъбасти соли 2020 ва супоришҳо барои 2021: маҷлиси Расулзода дар вилояти Хатлон

0
(Таҷдидшуда 11:52 20.01.2021)
Расулзода масъулини вилояти Хатлонро барои таъсиси коргоҳу корхонаҳои истеҳсолӣ, сарфаю сариштакории неруи барқ, самаранок истифода бурдани заминҳои наздиҳавлигию саҳроӣ вазифадор кард

ДУШАНБЕ, 20 янв – Sputnik. Сарвазири ТоҷикистонҚоҳир Расулзода натиҷаҳои рушди иҷтимоию иқтисодии вилояти Хатлон дар соли 2020 - ро ҷамъбаст кард.

Расулзода зимни суханронӣ ҷиҳати тақвият бахшидани тадбирҳои ободонию бунёдкорӣ, таъсиси коргоҳу корхонаҳои истеҳсолӣ, сарфаю сариштакории неруи барқ, самаранок истифода бурдани заминҳои наздиҳавлигию саҳроӣ ва тақвият бахшидани корҳои тарғиботию ташвиқотӣ ба хотири риояи гигиенаи шахсию ҷамъиятӣ масъулинро вазифадор намуд.

Зикр гардид, ки раҳоӣ аз бунбасти коммуникатсионӣ, таъмини амнияти озуқаворӣ, расидан ба истиқлоли комили энергетикӣ ва саноатикунонии босуръати кишвар чор ҳадафи стратегии мамлакатанд, ки дар доираи ин ҳадафҳо ва дигар барномаву стратегияҳо дар вилояти Хатлон пайваста тадбир андешида мешавад.

Сарвазир таъкид карда, ки “Барномаи рушди иҷтимоию иқтисодии вилояти Хатлон барои солҳои 2016-2020” аз нақшаҳое мебошанд, ки ҷиҳати расидан ба ҳадафҳои стратегӣ ва вазифаҳои умумӣ дар доираи афзалияти сатҳи миллӣ, маҳаллӣ ва соҳавӣ бо дарназардошти истифодаи босамари захираҳои табиӣ, моддӣ ва молиявӣ дар давраи муайян қабул карда шуда, татбиқи онҳо ҳатмӣ мебошад.

Барномаи рушди маориф дар Хатлон ҳамагӣ 22% иҷро шуд: нигарониҳои раисиҷумҳур

Бо мақсади рушди соҳаи саноат дар ҳудуди вилоят се минтақаи озоди иқтисодӣ таъсис дода шуда, дар доираи қонунҳои амалкунанда ба соҳибкорону сармоягузорон афзалият дода мешавад.

Ҳамзамон дар доираи тадбирҳои ободонию бунёдкорӣ ба истиқболи ҷашни 30-солагии Истиқлоли давлатӣ ва Солҳои рушди деҳот, сайёҳӣ ва ҳунарҳои мардумӣ дар шаҳру ноҳияҳои вилояти Хатлон бунёди иншооти таъйиноти гуногун ҷараён дошта, рӯз то рӯз инфрасохтори вилоят беҳтар карда мешавад.

Гуфта мешавад, ки ҷиҳати мақсаднок истифода бурдани заминҳои наздиҳавлигию саҳроӣ хоҷагидорону кишоварзони вилоят бо эҳсоси баланди масъулият талош доранд.

Натиҷаи баланди истеҳсолӣ дар мавсими ҳосилғундории солҳои 2020 исботи заҳматҳои ҳамешагии аҳли заҳмати вилоят мебошад. 

Дар заминаи Стратегияи миллии рушди Ҷумҳурии Тоҷикистон барои давраи то соли 2030 низ чораҳои таъхирнопазир амалӣ карда мешаванд.

Расулзода ҳамчунин таъкид намуд, ки истифодаи самараноки захираву имконияти мавҷуда ва таъмин намудани пешрафти устувори иқтисодиву иҷтимоии вилоят, пеш аз ҳама, ба заҳмати содиқона ва азму талоши созанда, инчунин ҳисси ватандӯстиву ватанпарастии ҳар сокини вилоят вобаста мебошад.

0
Барчаспҳо:
натиҷагирӣ, ҷаласа, Қоҳир Расулзода, Хатлон