Дастаи мунтахаби наврасони Тоҷикистон (U-16) барандаи Ҷоми ҳокими Остона шуд

Пирӯзии тими наврасони Тоҷикистон дар Ҷоми ҳокими Остона оид ба футбол

77
(Таҷдидшуда 18:44 15.07.2018)
Ду футболбози навраси тоҷик дар сабқат барои Ҷоми ҳокими Остона беҳтарин эътироф шудаанд

ДУШАНБЕ, 15 июл — Sputnik. Дастаи мунтахаби наврасони то 16-солаи Тоҷикистон барандаи Ҷоми ҳокими Остона оид ба футбол шуд.

Тибқи иттилои Федератсияи футболи Тоҷикистон, дар бозии ниҳоӣ мунтахаби наврасони тоҷик, таҳти роҳбарии мураббӣ Зайниддин Раҳимов,  дастаи “Шахтёр”-и Қарағандаро бо ҳисоби 5:0 шикаст дод.

Дар роҳ ба бозии ниҳоӣ тими Тоҷикистон дастаҳои “Иртиш U-17”  ва “Астана U-17”-и Қазоқистонро мутаносибан бо ҳисоби 5:2 ва 3:1 шикаст дода, сабқат бо тими Қирғизистонро мусовӣ — 1:1 ба анҷом расондааст.

Мақомоти Қазоқистон ва раёсати Федератсияи футболи ин кишвар дар ҷамъбасти озмун ду навраси тоҷик  Нидоёр Забировро ҳамчун беҳтарин зарбазан ва ҳамлагар - Ислом Зоировро беҳтарин бозигари мусобиқа эътироф кардаанд.

Мусобиқаи Остона барои тими Тоҷикистон марҳилаи омодагӣ барои иштирок дар Ҷоми Осиё-2018 мебошад, ки аз 20 сентябр то 7 октябр дар Малайзия баргузор мешавад. Тоҷикистон дар гуруҳи А бо Малайзия  (20 сентябр), Ҷопон (23 сентябр) ва Таиланд (26 сентябр) қувваозмоӣ хоҳад кард.

77
Барчаспҳо:
футболи наврасон, Қазоқистон

Рабаданов: барои муолиҷаи Абдулманап хостем ба раисҷумҳур муроҷиат кунем, аммо дер шуд

888
(Таҷдидшуда 17:45 03.07.2020)
Дӯсти хонаводаи Нурмуҳаммадовҳо, Рамазан Рабаданов дар шарҳи фавти падар ва мурабии Қаҳрамони UFC дар вазни сабук гуфт, ки "хостем ҳатто ба раисҷумҳур низ муроҷиат кунем, аммо аллакай дер шуд"

ДУШАНБЕ, 3 июл — Sputnik. Ба изҳори Рамазон Рабаданов, шореҳи варзишӣ ва дӯсти қарини хонаводаи Нурмуҳаммедовҳо, Абдулманап ба сактаи қалбӣ ва мағзи сар гирифтор шуда буд.

"Сактаи қалбиро пизишкон тавонистанд барқарор кунанд, вале сактаи мағзи сарашро муолиҷа карда натавонистанд. Мутаасифона ӯ аз ҳолати беҳушӣ (ком) набаромада, ҷон дод", - бо таассуф афзудааст Рабаданов дар сӯҳбат бо мухбири расонаи "Чемпион".

Ӯ аҳволи Абдулманапро ниҳоят вазнин арзёбӣ кард. Ба гуфтаи Рабаданов ҳатто пешниҳод шуд, ки барои муолиҷаи мураббии варзида ба худи раисҷумҳур муроҷиат намоем, "аммо аллакай бисёр дер шуда буд", - таъкид намуд ӯ.

Ёдовар мешавем, ки падари Ҳабиб Нурмуҳаммедов қаҳрамони ҷаҳон оид ба муҳорибаҳои омехта дар вазни сабукро санаи 25 - уми апрел бо нишонаҳои маризии коронавирус ба яке аз дармонгоҳҳои Доғистон бистарӣ намуданд.

Маълум шуд, ки Ҳабиб барои як баромади оммавияш чанд пул мегирад

Зимнан, бо бад шудани вазъи саломатӣ, Абдулманапро рӯзи 3 - юми май ба шаҳри Маскав интиқол доданд. 

Он замон Рамазон Рабаданов гуфта буд, ки ҳудуди 75 дарсади шушҳои Абдулманап аз коронавирус сироят шудаанд.

Имрӯз, 3 - юми июл бо гузашти беш аз 2 моҳи маризӣ, Абдулманап Нурмуҳаммедов дар синни 58 солагӣ ҷаҳонро падруд гуфт.

888
Мавзуҳо:
Пайомадҳои COVID-19 дар Тоҷикистон ва ҷаҳон
Хабиб Нурмагомедов, боец смешанного стиля, чемпион абсолютного бойцовского чемпионата (UFC) в легком весе

Маълум шуд, ки Ҳабиб барои як баромади оммавияш чанд пул мегирад

556
(Таҷдидшуда 14:43 03.07.2020)
Алӣ Абдул-Азиз, мененҷери Ҳабиб Нурмуҳаммадов гуфт, қаҳрамони UFC барои як баромади оммавӣ чанд пул мегирад

ДУШАНБЕ, 3 июл — Sputnik. Ба гуфтаи Алӣ Абдул-Азиз, ҳазинаи Ҳабиб Нурмуҳаммадов барои суханронӣ дар назди мардум ҳадди аққал 300 ҳазор доллар дар як рӯз аст.

Ин нуктаро менеҷери размикор дар шарҳи матлаби нашрияи Forbes, ки ҳазинаи Ҳабибро барои як баромади оммавӣ 78 ҳазор доллар гуфт.

"Падарам маро мешиносад, аммо ҳарф намезанад": Ҳабиб вазъи Абдулманапро шарҳ дод

"Ин каме маълумоти нодуруст аст. Музди ӯ барои суханронии оммавӣ дар як рӯз ҳадди аққал 300 ҳазор аст”,-гуфт Абдeл-Азиз.

Қаблан падари размикор низ дар бора дороиҳо ва даромади писараш аз муҳорибаҳо гуфта буд.

Ба гуфтаи ӯ калонтарин маблағро Ҳабиб Нурмуҳаммадов дар рақобат бо варзишкори амрикоӣ Дастин Поре ба даст овардааст.

"Дороии ӯ наздики 100 миллион доллар аст. Дар ҷаҳон одамоне ҳастанд, ки дороияшон аз ин бештар аст", - гуфт падари Ҳабиб.

Бояд қайд кард, ки моҳи июли соли 2019 рӯзномаи Forbes Ҳабибро миёни доротарин ашхоси аз 40 сола поёни Русия, дар мақоми аввал ҷой дода буд.
Ҳабиб Нурмуҳаммадов 28 бор аз рӯи муҳорибаҳои омехта ба октагон баромадааст ва боре ҳам мағлуб нашудааст.

Нунздаҳ рақобати Ҳабиб таҳти сарпарастии UFC баргузор шудааст. Рақобати охирин бо Дастин Поре ба Ҳабиб калонтарин музд - 6 миллион доллар овард. Ин бештарин ҳаққи музд дар фаъолияти Ҳабиб Нурмуҳаммадов мебошад.

556
Линии электропередачи

Барқхомӯшкунӣ дар тобистон: сокинон мегӯянд, бо равшании телефон таъоми шом мехӯрем

0
(Таҷдидшуда 18:21 04.07.2020)
Сокинони деҳоти ноҳияи Деваштичи Суғд аз мушкили қатъ шудани нерӯи интиқоли барқ ба манзилҳояшон таъкид мекунанд. Онҳо мегуянд, ин вазъ беш аз як моҳ ба ин тарф дар фасли тобистон давом дорад

ДУШАНБЕ, 4 июл – Sputnik. Масрур як сокини ҷамоати Ваҳдат дар суҳбат бо Sputnik Тоҷикистон гуфт, қатъи интиқоли барқ дар вақти шомгоҳон барои онҳо дар шароити рустоҳо мушкилӣ меорад.

"Бегоҳ аз кори саҳро меоӣ, ки дар хонаҳо барқ нест ва ҳама ҷо торик. Дар торикӣ чи гуна хуроки шом хурданро намедонӣ. Бо истифода аз равшании фонари телефонҳо хӯроки шом мехурем", - гуфт ӯ.

Фирӯз як сокини деҳаи Басманда ҳам аз мушкили хомӯшшавии барқ иброз намуд. Ӯ гуфт, хомӯшкунии барқи ин деҳа шомгоҳон аз соати 19 то 20 ва гоҳо аз соати 20 то соати 21: 30 дақиқа тӯл мекашад.

Муҳиддин Аҳмадзода, сармуҳандиси шабакаҳои барқии Истаравшан дар суҳбат ба Sputnik Тоҷикистон вазъи мавҷударо шарҳ дод.

Ӯ гуфт, "бо сабаби таъмири ноқилҳо ва чораҳои профилактикӣ ин гуна ҳолат ба вуҷуд меояд".

Вале сокинон таъкид меварзанд, ки чунин вазъ беш аз як моҳ ба ин тараф идома дорад, аммо ҳеҷ яке аз масъулини шабакаҳои барқи минтақа бо пахши эълон, расман аҳолиро огоҳ намекунанд.

Баъзе аз соҳибназарон иллати қатъи интиқоли нерӯи барқро ба фаъолияти чоҳҳои амудии (скважина) ҳудуди ҷамоат рабт медиҳанд.

Бино ба гуфтаи онҳо, ҳоло шумори ин гуна чоҳҳои обрасони зироати сокинон зиёд шудааст ва дар як вақт кор кардани аксари ин чоҳҳо, сабаби зиёд тасфидани зеристогоҳҳои барқӣ мегардад ва аз ҳамин хотир масъулин бо хомӯш намудани барқ то якуним соат кори зеристгоҳҳоро дам доданиянд.

Аммо сокинон мегӯянд, назар ба ин, ки барқи манзилҳои онҳо хомӯш карда шавад, бояд масулини идораи барқ, танзими кори чоҳҳои амудиро ба роҳ монанд.

0
Барчаспҳо:
маводи хӯрока, барқ, Суғд