Бонувони футболбоз, акс аз бойгонӣ

Пирӯзӣ бар андешаи куҳна: тавсифи Умед Давлатзод аз қолабшикании бонувони футболбози тоҷик

185
Умеди Давлатзод, яке аз ходимони давлатӣ ва чеҳраҳои саршиноси тоҷик мегӯяд, дастаи бонувони футболбози Тоҷикистон набояд аз бохт бо ҳисоби бузург навмед шавад

ДУШАНБЕ, 21 авг — Sputnik. Давлатзод дар шарҳи шикасти тими мунтахаби Тоҷикистон аз дастаҳои Чин ва Кореяи шимолӣ бо ҳисоби умумии 0:32 изҳор дошт, ки худи ширкати тим дар ин бозиҳо аллакай муваффақияти бузургест.

Ӯ пирӯзии бонувони футболбози тоҷикро дар он хонд, ки тафаккури куҳнаи роиҷ дар ҷомеаро шикаст доданд.

"Худи ширкати тим дар ин бозиҳо аллакай муваффақияти бузургест. Ин аллакай шикасти қолаби кӯҳнаи андешарониҳои мост. Бале, мутаассифона, ҳисоби бузург аст, аммо навмед набояд шуд. Пирӯзиҳо, иншоаллоҳ, дар пешанд", — таъкид кард Давлатзод.

Ин назар дар ҳолест, ки дар бархе аз доираҳои Тоҷикистон футбол хоси занон хонда намешавад ва бисёре аз мардон рисолати занро танҳо дар анҷоми корҳои хона, таваллуди фарзанд ва тарбияи онҳо медонанд.

Мунтахаби бонувони Тоҷикистон 20 август дар Бозиҳои Осиё-2018 дар гурӯҳи "В" аз тими Чин бо ҳисоби 16:0 шикаст хӯрд. Қаблан дастаи Тоҷикистон дар  аввалин дидораш бо тими Кореяи шимолӣ бо ҳисоби 16:0 мағлуб гардида буд.

Рӯзи 22 август бозии тими Тоҷикистон бо бонувони футболбози Ҳонгконг дар назар аст.

185
Барчаспҳо:
Умеди Давлатзод, навмед, шикаст, футбол, Тоҷикистон
Зал со зрителями на Fight Nights Global Global 71, архивное фото

Размикори ММА бо усули ғайримаъмулӣ рақибашро аз пой зад - видео

620
(Таҷдидшуда 14:53 09.08.2020)
Ин рақобат дар бахши дуюм хотима ёфт. Пас аз чандин зарбаи сангин бар пой, варзишкори амрикоӣ натавонист рақобатро идома диҳад

ДУШАНБЕ, 9 авг — Sputnik. Варзишкори муҳорибаҳои омехта Чарли Кэмпбелл аз ИМА, дар мусобиқаи Bellator 243 бо усули ғайримаъмулӣ бар варзишкори ҳамшаҳрияш Найндоа Данг пирӯз шуд.

Навори лаҳзаи нокаeт дар саҳифаи баргузоркунандагони рақобат дар Twitter нашр шудааст.

Ин рақобат дар бахши дуюм хотима ёфт.

Муин Ғафуров: ба ҷои UFC, размикор метавонад ба Ҷопон биравад

Кэмпбелл бар пойи рақибаш пай дар пай шалллоқҳои сангин равон мекард. Дар натиҷа Данг тавони идомаи рақобатро аз даст дод.

Рефери дар ин росто, рақобатро бо хулосаи нокаути техникӣ хотима бахшид.

Дана Уайт 4 размикори беҳтарини UFC - ро ном бурд: миёнашон як зан - Ҳабиб нест

Ин пирӯзии дуввуми Чарли Кэмпбелл дар фаъолияти варзишиаш мебошад.

Ӯ ҳамагӣ як маротиба мағлуб шудааст.

620
Барчаспҳо:
Ҷаҳон, нокаут, варзишкор, размикор
Душанбинский ФК Истиклол на тренировке в Ташкенте

"Истиқлол" дубора бозигарашро аз тими "Навбаҳор"-и Ӯзбекистон овард

83
(Таҷдидшуда 09:12 08.08.2020)
Амирбек Ҷурабоев, нимҳимоятгари дастаи “Истиқлол” –и Душанбе пас аз танаффуси яксола боз ба ба ин даста  баргашт

ДУШАНБЕ, 8 авг — Sputnik.  Бино ба иттилои сомонаи бошгоҳи “Истиқлол”нимҳимоятгар Амирбек Ҷурабоев, ки тӯли як сол дар тими “Навбаҳор”-и  Ӯзбекистон бозӣ мекард,  дубора ба тим баргашӣ.

Ба иттилои манбаъ, шартномаи ҷадиди бозигар бо қаҳрамони Тоҷикистон муддати як солро дар бар мегирад, аммо дар бораи маблағи гузариш иттилоъ дода нашудааст.

Амирбек Ҷурабоев қаблан се сол тули мавсимҳои 2016-2019 дар ҳайати “Истиқлол” ҳунарнамоӣ карда бо дастаи пойтахт чандин бор қаҳрамони кишвар, соҳиби Ҷоми Тоҷикистон ва Абарҷоми мамлакат гардидааст.

Гуфта мешавад, дар ҳайати “Истиқлол” Амирбек Ҷурабоев бо пероҳани рақами 22 ҳунарнамоӣ мекунад.

Ёдовар мешавем, қаблан низ бозигари дигари даста Аҳтам Назаров, капитани дастаи мунтахаби Тоҷикистон оид ба футбол низ дубора ба тими “Истиқлол”-и пойтахт пайваст
Аҳтам Назаров дар дастаи футболи “Башундара Кингз”-и Бангладеш ҳунарнамоӣ мекард, дубора бо “Истиқлол” шартнома баст.

83
Девочка плачет, архивное фото

Шарҳи пурраи ҳодисаи таҷовузи духтарчаи сесола дар Душанбе

51
(Таҷдидшуда 13:59 10.08.2020)
Прокуратураи генералии Тоҷикистон шарҳи бештари ҳодисаи таҷовузи духтарчаи сесола дар пойтахтро аз суи як ҷавон нашр кард

ДУШАНБЕ, 10 авг — Sputnik.  Бино ба иттилои дафтари матбуотии ин ниҳод, Зиёев Юсуф Раҷабалиевич, ки қаблан ду маротиба суд шуда буд, аз гузаштаи худ хулосаи зарурӣ набароварда, боз дар ҳолати ретсидиви хавфнок ба содир намудани ҷиноятҳои қасдонаи махсусан вазнин - таҷовуз ба номус ва ҳаракати зӯроварии дорои хусусияти шаҳвонӣ нисбат ба шахси баръало ба синни чордаҳсолагӣ нарасида даст задааст. 

Манбаъ мегӯяд, ӯ бо мақсади мардикорӣ ба шаҳри Душанбе омада, дар ҳудуди шаҳри Душанбе ҷои зисти доимӣ надошт, мунтазам машруботи спиртӣ истеъмол намуда, дар даромадгоҳҳои хонаҳои истиқоматии баландошёна, майдончаҳои варзишӣ ва кӯчаву паскӯчаҳои беодам шабҳоро гузаронидааст.

  “05 майи соли 2020 ҳангоми гузаштан аз кӯчаи Н.Ҳувайдуллоев, бинобар ҳолати мастии майзадагӣ ҳиссиёти шаҳвониаш боло рафта буд, хурдсол “А”, соли таваллудаш 2017-ро танҳо дида, дар вуҷудаш қасди содир намудани алокаи ҷинсӣ ва ҳаракатҳои зӯроварии дорои хусусияти шаҳвонӣ ба вуҷуд омадааст”,-афзудааст манбаъ.

  Ӯ бо роҳи фиреб, бо баҳонаи аз мағоза барояш харидани маводи хурока, охиринро тариқи автомашинаҳои мусофиркаши ҷамъиятӣ аз кӯчаи Н.Ҳувайдуллоев ба кӯчаи Зарафшон-2 ноҳияи Сино бурдааст.

  “Зиёев Ю.Р. баъд аз ин, ба назди истгоҳи трансформатори № 9/4 ноҳияи Сино омада, аз ҳолати кушода будани дари хуҷраи трансформатори мазкур ва набудани одамони гирду атрофи он истифода карда, духтари хурдсол “А”-ро дохили ҳуҷраи номбурда, ки тавоноии 1000 кВА-ро дорад, даровардааст. Барои озодона анҷом додани қасди ҷинояткоронаи худ, шароит фароҳам оварданӣ шуда, аз гирду атроф як адад палос ва курпаи истифодашудаи фарсударо пайдо карда, дар замин партофтааст”,-мегӯяд манбаъ.

  Тибқи иттилои манбаъ, ӯ аз ҳолати оҷизии духтари хурдсол “А” истифода карда, нафси шаҳвонии худро қонеъ намудааст. Баъди содир намудани ҷинояти таҷовуз ба номус ва анҷом додани ҳаракати зӯроварии дорои хусусияти шаҳвонӣ аз ҷои ҳодиса ғайб задааст.

 Гуфта мешавад духтарчаро 7 майи соли 2020 шаҳрвандон дар кӯча танҳо дарёфт намуда, дар ин хусус ба ШВКД-2 дар ноҳияи Синои шаҳри Душанбе хабар додаанд.

Дар пайи чорабиниҳои оперативӣ ҷустуҷӯйи номбурда боздошт гашта, аз суи додгоҳи шаҳри Душанбе санаи 9 июли соли 2020 бо моддаҳои 138 қисми 3 банди “а”, 139 қисми 4 банди “а” ва 127 қисми 1 КҶ Ҷумҳурии Тоҷикистон барои ҳамеша зиндонӣ шуд.

Дар ҳамин ҳол мақомот, аз вазъи саломативу равонии духтарча иттилоъ надодааст.

 

51