Хабиб Нурмагомедов

Баргашти Ҳабиб ба Русия ва тасдиқи Песков аз табрикоти Путин

461
(Таҷдидшуда 20:10 08.10.2018)
Чанде пеш роҳбари UFC Дэйна Уайт гуфта буд, ояндаи Ҳабиб зери суол аст ва ӯ метавонад камарбанди чемпиониашро аз даст диҳад

ДУШАНБЕ, 8 окт — Sputnik. Чемпиони рус дар муҳорибаҳои омехта (UFC), Ҳабиб Нурмуҳаммадов баъд аз пирӯзиаш бар Конор Макгрегор ба ватан бар мегардад, гуфтааст падари варзишкор Абдулманап Нурмуҳаммедов ба хабаргузории РИА Новости.

 “Ҳабиб ба хона меояд. Ӯ камарбандро гирифт. Баъд аз 11 соат вай дар Маскав мешавад ва аз онҷо ба Махачкала парвоз хоҳад кард”, - афзуд Нурмуҳаммедови калони.

Дар ҳамин ҳол чанде пеш, падар ва мураббии Ҳабиб, ваъда дода буд, ки  писарашро барои занозанӣ баъд аз пирӯзӣ ҷазо хоҳад дод.

Барои мурабби муҳим тартибу интизом дар тим мебошад. Ба ҳамин хотир падар ба писари худ дар ин масала бояд сахтгир бошад.  

“Дар дохили майдони ҳашткунҷа (октагон) ҳар коре, ки метавони анҷом бидеҳ, аммо берун аз он не. Чунки берун аз майдон занҳо, кӯдакон ва шахсони бегона зиёд аст ва онҳо метавонанд зарар бинанд”, гуфт вай.

Абдулманап Нурмуҳаммедов рафтори писарашро пас аз муҳориба қобили қабул шуморид.

Дар ҳамин ҳол падари Ҳабиб эълон намудааст, ки гуноҳи рафтори писарашро баъд аз муҳориба бар гардани худ мегирад.   

Баъди пирӯзии варзишгари рус дар байни аъзои гуруҳи ҳарду рақиб ҷанҷолу занозанӣ бархост ва аз ин сабаб мусоҳиба бо ғолиби бозӣ ва маросими супурдани камарбанд дар ҳузури мухлисонро лағв карданд. Ҳарду рақиб баъди хотимаи набард, толорро тарк карданд.

Роҳбарияти UFC таъкид намудааст, ки алайҳи рафтори Ҳабиб тафтишот оғоз шудааст ва то анҷоми он ба тими Ҳабиб маблағ падохта намешавад.

Вай инчунин таъкид намуд, ки се нафар аз тими Ҳабибро пулиси Амрико барои занозани дар дохили майдон дастгир намудааст.

Аммо каме дератар Уайт таъкид намуд, ки ҳар се узви тими Нурмуҳаммадов, аз ҷумла менеҷери Ҳабиб, Ризвон Муҳаммадов аз озод шуданд.

Инчунин роҳбари UFC Дэйн Уайт, таъкид намуда буд, ки ояндаи Ҳабиб зери суол аст ва ӯ метавонад камарбанди чемпиониашро аз даст диҳад.  

“Мо ҳоло ҳамроҳ бо коммисия наворҳоро таҳқиқ дорем. Иштироки Ҳабиб дар рақобатҳои оянда зери суол аст. Ӯ метавонанд аз ин варзиш ронда шавад. Ҳама бад аст. Ҳоло Комиссия атлетикии Невада тафтишотро оғоз кардааст. Тими Ҳабибро таҳримҳову ҷаримаҳои ҷидди интизор аст”, гуфт вай.

Ҳоло комиссия рафтори Ҳабиб Нурмуҳаммедовро таҳқиқ дорад.

Вобаста ба ин ҳодиса менеҷери Ҳабиб Алӣ Абдулазиз, аз мухлисон ва дигар масъулин узрхоҳи кардааст.

“Ман мехоҳам аз комисияи атлетикии иёлоти Невада ва мақомоти Невада бахшиш пурсам. Мехоҳам аз пулиси Лас-Вегас барои ин кори мушкилашон ташаккур кунам. Ҳоло ҳама медонанд, ки инҷо ки беҳтарин аст”, - навиштааст менеҷер дар саҳифаи  Instagram.

Ин ҳам дар ҳолест, ки баъди ба даст овардани пирӯзӣ раисҷумҳури Русия Владимир Путин ба ӯ занг зада, барои пирузиаш бар Конор табрик намудааст.

Сухангӯи раисҷумҳури Русия Дмитрий Песков, аз табрикоти Путин тасдиқ кард.

“То ҷое ман медонам шаб Владимир Путин муҳорибаро тамошо накарда буд, аммо дар пахши такрорӣ тамошо кард. Албата вай ба Ҳабиб мухлиси мекард. Вай шаҳрванди Русия аст. Ин табиист, ки мо мухлиси ӯ будем ва Путин пас аз пирӯзӣ ба Ҳабиб занг зада ӯро табрик кард”, - гуфт Песков.

Аммо вай тасдиқ карда натавонистааст, ки Ҳабиб Владимир Путинро ба зодрӯзаш табрик гуфт ё не.

Ҳабиб Нурммуҳаммадов 6 октябр пас аз пирӯзиаш бар Макгрегор берун аз майдон омада ба ҳайати тими Конор ҳамла кард, ки дар натиҷа бо занозании гуруҳӣ табдил ёфт.

461
Барчаспҳо:
занги телефонӣ, Дмитрий Песков, Владимир Путин, падар, Макгрегор, занозанӣ, муҳориба, Ҳабиб
Хабиб Нурмагомедов и Конор Макгрегор

Посухи Конор ба шарҳи Ҳабиб дар бораи шикаст: ба майдон хонд

204
(Таҷдидшуда 17:05 24.01.2021)
Конор Макгрегор, размикори ирландӣ баъди шикаст аз Дастин Поре изҳор дошт, ки омода аст, бо қаҳрамони UFC дар вазни сабук Ҳабиб Нурмуҳаммадов ба майдон барояд

ДУШАНБЕ, 24 янв — Sputnik. Макгрегор ба шарҳи Ҳабиб Нурмуҳаммадов дар бораи сабабҳои шикасти Конор аз Поре изҳор дошт, ки агар Ҳабиб чизе навиштан хоҳад бигзор ба майдон баргардад.

Агар вай омода аст, ба майдон баргардад, ман омодаам бо ӯ қувваозмоӣ кунам, изҳор дошт Конор Макгрегор.

“Ман чизеро тағйир надодаам, ин тим аз аввал бо ман буд. Бояд ба рақиб бо эҳтиром муносибат кард”, - изҳор дошт Конор дар посух ба навиштаи Ҳабиб Нурмуҳаммадов дар бораи сабабҳои шикасти Макгрегор аз Дастин Поре.

Ахиран Ҳабиб Нурмуҳаммадов пирӯзии Дастин Поре бар Конор Макгрегорро дар сафҳаи Твиттери худ  шарҳ дод.

"Ин вақте рух медиҳад, ки шумо дастаро иваз мекунед, шарикони тамриниро, ки шуморо қаҳрамон карданд тарк мекунед ва мусобиқаи тамриниро бо нафарони хурд оғоз мекунеду аз воқеият дур мемонед", - изҳор дошт қаҳрамони UFC дар вазни сабук.

Сабқати қаблии Ҳабиб ва Конор дар моҳи октябри соли 2018 бо шикасти Нурмуҳаммадов анҷом ёфт.

204
Барчаспҳо:
шикаст, сабқат, Ҷаҳон

Баҳонае надорам. Паси сар карданаш душвор аст: Конор дар бораи бохташ гуфт

435
Қаҳрамони собиқи UFC дар ду зина Конор Макгрегор шикасташро аз размикори амрикоӣ Дастин Поре шарҳ дод

ДУШАНБЕ, 24 январ - Sputnik. Собиқ қаҳрамони ду дивизиони UFC Конор Макгрегор зимни як нишасти матбуотӣ дар Абу-Даби муборизаи гузаштаи худро бо Дастин Поре шарҳ дод.

“Пои ман комилан хароб шудааст. Ҳатто вақте зарбаҳои пойи ҳарифро мегардондам, дардовар буд. Дастин муборизаи олиҷаноб дошт. Ман шунидам, ки Тиаго Алвеш дар кунҷ ба Дастин мегуфт: “Зарбаи хуб”, ҳангоме ки Поре бо пой зарба зад. Фикр мекардам, ки "Бале ..., ин зарбаи хуб аст.".

"Ман дар ин ҷо ҳеҷ баҳонае надорам, ин иҷрои фавқулодаи Дастин буд. Ман бо ҳамлаҳо каме шитоб доштам ва мутобиқ нашудам, тамом. Ин ҳаби талх аст, ки бояд фуру бурд".

Конор гуфт, худро ба даст хоҳад гирифт ва пас аз барқарор шудан, дубора ба майдон хоҳад омад. Ҳамзамон таъкид кард, ки усулҳои нави муҳорибаороиро эҷод мекунад ва аз он зидди Дастин кор мегирад.

Ирода ва тактика: Поре Макгрегорро шикаст дод

Конор инчунин ба паёми Ҳабиб Нурмуҳаммадов посух дод: “Ман аз рӯзи аввал бо ҳамин даста будам. Ман ҳеҷ чизро тағир надодаам. Буду шудаш ҳамин. Варзишгаронро эҳтиром кунед. Ин албатта шахсро тавсиф мекунад. Дар ҳар сурат, ӯ чӣ кор кардан мехоҳад? Оё ӯ мехоҳад баргардад ё не? Агар ӯ мехоҳад шарҳҳои беэҳтиромона нависад, баргард ва дубора ҷанг кунед, дӯстам. Барои ҳамин ман дар инҷо ҳастам".

Аммо Ҳабиб эълон кард, ки корномаашро идома нахоҳад дод.

Нурмуҳаммадов гуфт, барои рақобат бо Поре боз мегардад ё не?

 

435
Барчаспҳо:
бохт, размикор, қаҳрамони UFC, Макгрегор
Значок немецкого концерна Мерседес на автомобиле,

Дучархадуздӣ рафту мошинро дуздид-видеои ВУД

0
(Таҷдидшуда 17:40 24.01.2021)
Вазорати умури дохилии Тоҷикистон аз ошкор шудани як ҳолати мошиндуздӣ дар ноҳияи Рӯдакӣ хабар додааст

ДУШАНБЕ, 24 янв— Sputnik. Тибқи иттилои Вазорати умури дохилии Тоҷикистон, ба идораи милиса дар ноҳияи Рӯдакӣ Абдулманит Ҷӯраев муроҷиат карда, аз дуздии мошинаш хабар додааст.

Муроҷиаткунанда, сокини деҳаи Алачабофи ноҳияи Рӯдакӣ арз доштааст, ки шаби 16 декабр шахсони номаълум вориди манзили истиқоматияш шуда, мошини “Мерседес бенз”-ашро дуздидаанд.

Маъмурини милиса дар пайи чорабиниҳои оперативӣ-ҷустуҷӯӣ Алиев Ҳасан, сокини ноҳияи Исмоили Сомониро боздошт кардаанд. ВУД мегӯяд, ин ҷавони соли таваллудаш 2002 қаблан низ суд шудааст.

Муттаҳам дар гузориши ВУД изҳор медорад, ки бо ҳадафи дуздии дучарха вориди манзили истиқоматӣ шуд, ки калидҳоро даруни мошин дид ва онро ҳай карда бурдааст.

Ба гузориши ВУД, феълан алайҳи Алиев парвандаи ҷиноӣ оғоз карда шуда, ӯ дар ҳабси пешакӣ қарор дорад. Таъкид шудааст, ки мошин ба соҳибаш баргардонда шуд.

Назари бевоситаи муттаҳам ва ё ҷониби ҳимояаш дар бораи ин қазия маълум нест.

0
Барчаспҳо:
боздошт, дуздӣ, мошин, Тоҷикистон