Эълони беҳтаринҳои футболи Тоҷикистон дар соли 2018

ФФТ беҳтаринҳои футбол дар соли 2018-ро эълон кард

92
(Таҷдидшуда 16:47 29.12.2018)
Федератсияи футболи Тоҷикистон беҳтаринҳо дар ин бахши варзишро дар соли 2018 эълон карда, бо ҷоиза қадрдонӣ намуд

ДУШАНБЕ, 29 дек – Sputnik. Тибқи иттилои ФФТ, маросими тантанавии ҷоизасупорӣ, таҳти унвони “Файзи футболи тоҷик” 28 декабр дар “Кохи Суруш”-и шаҳри Душанбе баргузор гашта, беҳтаринҳои лигаҳои наврасон, футболи бонувон, футболи толорӣ, ҷавонон, лигаи якум, лигаи олӣ ва ғайра қадрдонӣ шуданд.

Манбаъ афзуд, нимҳимоятгари дастаи “Истиқлол”-и Душанбе, капитани тими мунтахаби ҷавонони кишвар (U-19) Эҳсони Панҷшанбе беҳтарин футболбози соли 2018 дониста шуд.

Манбаъ дар қатори беҳтаринҳои лигаи наврасон - “U-15” бозингар – Кароматулло Боронов, аз дастаи “Хатлон”-и шаҳри Бохтар, беҳтарин нишонзан – Муҳаммадворис Сайдалиев аз “Соро компания” ва беҳтарин мураббӣ – Исмоил Саидов аз “Соро компания”-ро ном бурд.

Дар лигаи наврасон – “U-17” беҳтарин бозингар – Нушервон Ҳомидов аз “Истиқлол”, беҳтарин нишонзан – Сунатулло Азизов аз “Хатлон” ва беҳтарин мураббӣ – Юсуф Рабиев аз “Истиқлол” дониста шуданд.

ФФТ беҳтаринҳои лига ва бахшҳои дигарро чунин ном бурд:

Лигаи наврасон – “U-18”

Беҳтарин бозингар – Алинур Ниёзбеков аз тими “Орзу-2026” Академияи футболи ФФТ;

Беҳтарин нишонзан – Абдуллоҷони Қурбоналӣ аз тими “Истиқлол” ;

Беҳтарин мураббӣ – Ҳикмат Фузайлов аз “Орзу-2026” Академияи футболи ФФТ;

Лигаи бонувон

Беҳтарин дарвозабон – Сайёра Саидова аз тими “Зебонисо;

Беҳтарин нишонзан – Лайло Ҳалимова аз “Хатлон”, Бохтар;

Беҳтарин мураббӣ – Нодира Мирзоева аз тими “Регар-ТадАЗ;

Беҳтаринҳои собиқадорон

Беҳтарин нишонзан – Сайҳомид Амиршоев  тими “Кӯлоб”, Душанбе;

Беҳтарин мураббӣ – Сайдалӣ Абдуллоев, “Ромис-Испечак”;

Беҳтарин бозингар – Мансур Ҳакимов аз “Хуҷанд;

Лигаи касбии футболи толорӣ

Беҳтарин нишонзан – Баҳодур Хоҷаев аз “Садовая”, 72 гол;

Беҳтарин мураббӣ – Пайрав Воҳидов аз “Соро компания”;

Беҳтарин бозингар – Раҳмоналӣ Шарифов аз “Соро компания”;

Лигаи аввал

Беҳтарин нишонзан – Бахтовар Наҷмиддинов, “Сомон”, 26 гол;

Беҳтарин мураббӣ – Шуҳрат Шамсиев, “Истаравшан”;

Беҳтарин бозингар – Илҳом Баротов, “Истаравшан”;

Ҳайати ҷавонони лигаи олӣ

Беҳтарин нишонзан – Тоҳир Малодӯстов аз тими “Барқчӣ”, 17 гол;

Беҳтарин мураббӣ – Уктам Сатторов, “Регар-ТадАЗ”;

Беҳтарин бозингар – Сунатулло Исмоилов, “Хатлон”, Бохтар;

Лигаи олӣ

Беҳтарин дарвозабон – Никола Стошич, “Истиқлол”;

Беҳтарин ҳимоятгар – Хуршед Бекназаров, “Хуҷанд”;

Беҳтарин нимҳимоятгар – Кароматулло Саидов “Хатлон”;

Беҳтарин ҳамлагар – Ҷаҳонгир Эргашев, “Хуҷанд”;

Беҳтарин нишонзан – Шериддин Бобоев, “Истиқлол”, 12 гол;

Беҳтарин довар – Сайёдҷон Зайниддинов, Душанбе;

Беҳтарин мураббӣ – Алиҷон Турдиназаров, “Куктош”;

Беҳтарин бозингари сол – Эҳсони Панҷшанбе, “Истиқлол”.

92
Парвизҷон Умарбоев, нимҳимоятгари дастаи мунтахаби Тоҷикистон, бо тимаш Суперҷоми Булғористонро ба даст овард.

"Мессии тоҷик": Парвизҷон Умарбоев бо тимаш Суперҷоми Булғористонро соҳиб шуд

221
(Таҷдидшуда 11:15 04.08.2020)
Парвизҷон Умарбоев, нимҳимоятгари дастаи мунтахаби Тоҷикистон, ки дар дастаи “Локомотив” (Пловдив) бозӣ мекунад, бо тимаш Суперҷоми Булғористонро ба даст овард

ДУШАНБЕ, 4 авг — Sputnik. Тибқи иттилои Федератсияи футболи Тоҷикистон, дар бозӣ барои Суперҷом “Локомотив” (Пловдив) қаҳрамони Булғористон “Лудогоертс”-ро бо ҳисоби 1:0 шикаст дод.

Ба иттилои манбаъ, умарбоев дар ҳайати “Локомотив” 90 дақиқа ҳунарнамоӣ кард.

Гуфта мешавад, ин сеюмин дастовардест, ки Парвизҷон Умарбоев дар ҳайати “Локомотив”-и Пловдив соҳиб шудааст.

Қабл аз ин футболбози тоҷик ду маротиба ҳамроҳ бо тимаш Ҷоми Булғористонро ба даст овардааст.

Дар ҳайати “Локомотив” Умарбоев имсол дар даври муқаддамотии Лигаи Аврупо-2020/2021 бозӣ хоҳад кард.

Ёдовар мешавем Парвизҷон Умарбоев сар аз соли 2016 дар ҳайати  “Локомотив” ҳунарнамоӣ карда, давоми ҷаҳор соли фаъолияташ дар беш аз 100 бозӣ ширкат кардааст.

Парвизҷон Умарбоев аз бозигарони шинохтаи кишвар буда миёни ҳаводоронаш бо "Мессии тоҷик" шинохта шудааст.

 

221
Пресс-секретарь Федерации футбола Таджикистана Фаридун Салиев

Чаро футболбозони тоҷик ба дастаҳои бузург роҳ намеёбанд?: шарҳи мутахассис

186
Фаридун Салиев, котиби матбуоти Федератсияи футболи Тоҷикистон шарҳ дод, ки чаро футболбозони тоҷик аз ҷониби клубҳои ҷаҳонӣ бо арзиши воқеии худ харида намешаванд ва ҳамзамон ба он дастаҳо роҳ намеёбанд

ДУШАНБЕ, 2 авг — Sputnik. Портали олмонии transfermarkt.de, ки маълумотҳоро оид ба гузариш ва нархномаи бозигарон нашр мекунад, маълумотро дар бораи арзиши бозигарон дар Лигаи олии Тоҷикистон нав кард. Тибқи нишондоди он, дар маҷмӯъ, айни ҳол, чемпионати Тоҷикистон тавонист нишондиҳандаи 18 миллион евроро паси сар кунад.

Ҳар як рейтинги варзишӣ шартӣ аст, гуфт Фаридун Салиев, котиби матбуоти Федератсияи футболи Тоҷикистон дар суҳбат бо Sputnik Тоҷикистон.

"Дар солҳои  гузашта, то ҳол чунин ҳолате рух надодааст, ки як бозигар аз клуби футболи Тоҷикистон ба маблағи 200 ҳазор евро ё 150 ҳазор евро гузариш карда бошад", - гуфт Салиев.

Ба гуфти ӯ, ҳамаи бозигарони тоҷик асосан ба ҳайси агенти озод интиқол дода мешаванд.

"Асосан, футболбозони мо ба чемпионатҳои Индонезия, Бангладеш, Малайзия мераванд: дар он ҷо ба онҳо маоши хуб пешниҳод карда мешавад. Чӣ қадаре ки бозигарон таҷрибаи бозӣ дар клубҳои хориҷиро доранд, тими миллии Тоҷикистон қавитар хоҳад буд", қайд кард коршинос.

Тошев дар бораи сатҳи омодагии мунтахаби миллии футболи Тоҷикистон гуфт: видео

Сухангӯи ФТФ гуфт, ки мушкили асосӣ ин набудани агентҳо дар бозори футболи тоҷик аст, ки бозингаронро ба Аврупо бурда тавонад.

186
Генеральный секретарь Организации Объединенных Наций Антониу Гутерриш

“Ин фоҷиа аст”: нигаронии Дабири кулли Созмони Милали Муттаҳид аз таътилии мактабҳо

0
(Таҷдидшуда 02:21 05.08.2020)
Дабири кулли Созмони Милали Муттаҳид аз таътилии мактабҳо дар саросари ҷаҳон ба далели шуюи вируси корона ибрози нигаронӣ кард

ДУШАНБЕ, 5 авг — Sputnik. Антонио Гуттереш, дабири кулли Созмони Милали Муттаҳид ахиран таъкид кардааст, ки бозгашти бехатар ва амни донишомӯзон ба мактабҳо бояд авлавияти аслии кишварҳо бошад, иттилоъ додааст сомонаи хабаргузории “Парстудей”.

"Аз авосити моҳи июл ба баъд мактабҳо дар ҳудуди 160 кишвар баста шудаанд, ки беш аз як миллиард донишомӯзро шомил мешавад ва ин дар ҳоле аст, ки ҳудуди 40 миллион кӯдак, даврони томактабиро аз даст додаанд", - гуфт дабири кулли СММ.

Вай инчунин қайд кардааст, ки ин теъдод ба беш аз 250 миллион кӯдаке, ки пеш аз ин бемории ҳамагирӣ ба мактаб намерафтанд афзуда шуд ва танҳо танҳо чоряки донишҷӯёни мактабҳои миёнаи кишварҳои рӯ ба тараққӣ малакаҳои асосӣ доранд.

"Акнун мо бо як фоҷиаи наслӣ рӯбарӯ ҳастем, ки метавонад зарфиятҳои бешумори башарро ҳадар диҳад, чандин даҳсолаҳои пешрафтро заиф кунад ва нобаробариҳои шадидро боз ҳам шиддат диҳад”, - зикр кард Гуттереш.

Дабири кулли Созмони Милали Муттаҳид дар идома аз баробарии як пуйиши ҷадид ба номи "ояндаи моро наҷот диҳед"хабар дод.

Вай дар идома афзуд, тасмимоте, ки акнун давлатҳо ва муттаҳидони онон мегиранд, таъсири доимӣ бар садҳо миллион нафар аз ҷавонон ва бар чашмандози тавсеаи кишварҳо дар даҳсолаҳои оянда хоҳад гузошт.

Бо ин ҳол Гуттереш тавсиа кард мактабҳо танҳо дар сурате боз шаванд, ки вируси корона таҳти назорат қарор гирад.

0
Барчаспҳо:
таътил, таътилот, нигаронӣ, вирус, мактаб, ҷаҳон, Созмони Милали Муттаҳид, Тоҷикистон