Юношеская сборная Таджикистана по футболу

ФУТБОЛ: ҳарифони дастаҳои мунтахаби то 16-сола ва то 19-солаи Тоҷикистон муайян шуданд

301
(Таҷдидшуда 18:06 10.05.2019)
Дастаи мунтахаби наврасони то 16-солаи тоҷик дар гурӯҳи "А" бо дастаҳои Урдун, Непал Шри –Ланка ва  Кувайт ва тими интихобии то 19-солаи ба гурӯҳи "С" шомил шуда бо дастаҳои Сурия, Лубнон ва Малдив қувва месанҷанд

ДУШАНБЕ, 10 май — Sputniк. Дастаҳои  мунтахаби наврасони то 16-сола ва 19-солаи Тоҷикистон дирӯз баъди қуръакашӣ, ки  дар шаҳри Куала – Лумпури Малайзия баргузор гардид, ҳарифони худро дар бозиҳои интихобии Чемпионати Осиё-2020 шинохтанд, иттилоъ додааст Федератсия Футболи Тоҷикистон.

Манбаъ афзудааст, ки дастаи мунтахаби наврасони то 16-сола дар гурӯҳи "А" бо дастаҳои мунтахаби Урдун, Непал Шри –Ланка ва  Кувайт қувва месанҷанд. Бозиҳо дар мамлакати Урдун аз 14 то 22 сентябри соли равон гузаронида мешаванд.

Дар бозиҳои интихобии ин мусобиқа 47 дастаи қораи Осиё ширкат меварзанд, ки ба 11 гурӯҳ тақсим шудаанд. Аз Осиёи Ғарбӣ 6 ва аз Осиёи Шарқӣ 5 гурӯҳ таркиб ёфтаанд.

Тибқи низомномаи мусобиқа, 11 ғолиб ва  4 дастаи беҳтарини гурӯҳҳо ба бозиҳои ниҳоӣ роҳхат мегиранд.

То кунун макони баргузории бозиҳо интихоб нашудаанд. Дар сурати ба бозиҳои финалӣ роҳхат гирифтани давлате, ки макони баргузории бозиҳои ниҳоӣ интихоб мешавад,  дастаи панҷуми беҳтарини ҷои дуввум ҳуқуқ пайдо мекунад, ки дар бозиҳои финалӣ  ширкат кунад.

Қуръакашӣ дастаҳои мунтахаби то 16-солаи Осиёро чунин тақсим кард:

Осиёи Ғарбӣ

Гурӯҳи "А": Тоҷикистон, Урдун (мизбон), Непал, Шри-Ланка, Кувайт.

Гурӯҳи "В": Ҳиндустон, Ӯзбекистон (мизбон), Баҳрайн, Туркманистон.

Гурӯҳи "С": Эрон (мизбон), Афғонистон, Фаластин, Малдив.

Гурӯҳи "D": Уммон, Арабистони Саудӣ (мизбон), Сурия, Покистон.

Гурӯҳи "Е": Яман, Бангладеш, Катар (мизбон), Бутан.

Гурӯҳи "F": Ироқ, Қирғизистон (мизбон), Лубнон, АМА.

Осиёи Шарқӣ

Гурӯҳи "G": Индонезия (мизбон), Чин, Бруней, Филиппин, Ҷазираҳои Марианаи Шимолӣ.

Гурӯҳи "Н": Австралия, Ветнам (мизбон), Тимори Шарқӣ, Муғулистон, Макао.

Гурӯҳи "I": Кореяи Шимолӣ, Гон-Конг, Сингапур (мизбон), Гуам.

Гурӯҳи "J": Япония, Малайзия, Камбоҷа, Лаос (мизбон).

Гурӯҳи "К":  КореяиҶанубӣ, Таиланд, Мянма (мизбон), Тайбэйи Чин.

Дастаи мунтахаби то 19-солаи Тоҷикистон дар натиҷаи  ин қуръакашиҳо ба гурӯҳи "С" шомил шуд ва бо дастаҳои мунтахаби Сурия, Лубнон ва Малдив дар шаҳри Душанбе аз 6 то 10 ноябр қувва месанҷад.

Дар ин баробар дар бозиҳои интихобии Чемпионати Осиё байни дастаҳои мунтахаби то 19-сола 46 даста ширкат меварзанд ва низомномаашон мисли дастаҳои мунтахаби навтасони то 16-сола аст.

Қуракашӣ дастаҳои мунтахаби то 19-солаи Осиёро чунин тақсим кард:

Осиёи Ғарбӣ

Гурӯҳи "А": Ироқ (мизбон), Уммон, Фалестин, Кувайт, Покистон.

Гурӯҳи "В": Қатар (мизбон), Яман, Туркманистон, Шри-Ланка.

Гурӯҳи "С": Тоҷикистон (мизбон), Сурия, Лубнон,  Малдив.

Гурӯҳи "D": АМА, Эрон (мизбон), Қирғизистон,  Непал.

Гурӯҳи "Е": Урдун, Баҳрайн (мизбон), Бангладеш, Бутан.

Гурӯҳи "F": Арабистони Саудӣ  (мизбон), Ӯзбекистон, Ҳиндустон, Афғонистон.

Осиёи Шарқӣ

Гурӯҳи "G": Таиланд, Малайзия, Камбодҷа (мизбон), Бруней, Ҷазираҳои Марианаи Шимолӣ.

Гурӯҳи "Н": Австралия, Тайбэйи Чин (мизбон), Макао, Лаос.

Гурӯҳи "I":  Кореяи Ҷанубӣ, Чин, Мьянма (мизбон), Сингапур.

Гурӯҳи "J": Япония, Ветнам (мизбон), Муғулистон, Гуам.

Гурӯҳи "К": Индонезия (мизбон), Кореяи Шимолӣ, Гон-Конг, Тимори Шарқӣ.

301
Барчаспҳо:
ғолиб, наврасон, Тоҷикистон, футбол
Майк Тайсон и Рой Джонс-младший на битве взглядов

Емеляненко гуфт, дар сабқати Тайсону Ҷонс киро пирӯз мебинад

574
(Таҷдидшуда 16:48 28.11.2020)
Александр Емеляненко, размикори шинохтаи Русия, назарашро дар бораи натиҷаи сабқати муштзанҳои машҳур – Майк Тайсон ва Рой Ҷонс баён кард

ДУШАНБЕ, 28 ноя — Sputnik. Размикори шинохтаи Русия, Александр Емеляненко бар ин аст, ки дар ин сабқат Рой Ҷонс зарфияти бештар барои пирӯзиро дорад.

Ӯ дар суҳбат бо пойгоҳи хабарии  "Все про спорт.ру" таъкид кардааст, ки имконоти Рой Ҷонс бештар аст.

“Имконоти Ҷонс бештар аст, чун ӯ рақобатҳои хеле мураккабро пушти сар кардааст, дар вазни вазнин низ барои рақибонаш рақобати шадидро нишон дод”, - таъкид кард Емеляненко.

Ӯ илова намуд, ки дар ҳар сурат онҳо ба ҳамдигар раҳм нахоҳанд кард ва рақобати хубе хоҳад буд. Ба гуфтаи Емеляненко, Ҷонс сабур аст, метавонад фурсати муносибро интизор шаваду зарбаи шикананда занад.

Сабқати Тайсон ва Ҷонси хурдӣ рӯзи субҳи 29 ноябр тақрибан соати 7:30 бо вақти Душанбе баргузор хоҳад шуд. Тибқи қавоиди маъмул, як шабонарӯз пеш аз рақобат муштзанҳо вазнашонро чен карданд.

То ҳол Тайсон - 58 сабқат гузарондааст, ки дар 50 адад, аз ҷумла дар 44 сабқат бо накаут пирӯз шудааст. Рой Ҷонси хурдӣ 75 сабқат, 66 пирӯзӣ ва 47 нокаут дорад.

Ин нахустин майдондории Тайсон баъди соли 2005 ва Рой Ҷонс баъди соли 2018 мебошад. Рой Ҷонс инчунин шаҳрвандии Русияро низ дорад.

574
Барчаспҳо:
муштзанӣ, сабқат, Русия
Мусалмон ҳангоми дуо, акс аз бойгонӣ

Даргузашти Ғайратполвон

789
Устоди варзиш, Ҳукуматшо Ғайратов, ки асри гузашта дар навоҳии ҷумҳурӣ ҳамчун Ғайратполвон машҳур буду аз ӯ пири гӯштини мардуми Ванҷ ном мебаранд, имрӯз даргузашт

ДУШАНБЕ, 28 ноя — Sputnik. Ҳукуматшо Ғайратов, устоди варзиши Тоҷикистон, устоди аксари паҳлавонҳои зодаи ноҳияи Ванҷ имрӯз дар синни 80-солагӣ даргузашт.

Тибқи иттилои сомонаи Ванҷ.инфо, Ҳукуматшо Ғайратов, яке аз беҳтарин намояндагони насли миёнаи гӯштигирон, соли 1940 дар деҳаи Лахши деҳшӯрои Водхуд дар оилаи корманди колхоз ба дунё омадааст.

Манбаъ афзуд, ки санъати гӯштигирии Ҳукуматшо Ғайратов махсусан солҳои дар факултаи тарбияи ҷисмонии Донишгоҳи давлатии омӯзгории ба номи Т.Г.Шевченкои шаҳри Душанбе таҳсил гирифтанаш сайқал ёфт.

“Дар охири солҳои 50 ва ибтидои солҳои 60-уми асри гузашта, ӯ дар тамоми маъракаҳои расмию ғайрирасмии гӯштии ҷумҳурӣ ширкат варзида, дар аксари онҳо дастболо мешуд”, - омадааст дар иттилоия.

Таъкид шудааст, ки Устоди варзиши Ҷумҳурии Тоҷикистон Ҳукуматшо аз соли 1968 инҷониб ба ҳайси мураббии ҷавонони шавқу шуғли варзишдошта дар ноҳияи Ванҷ хизмат мекард ва қариб тамоми паҳлавонони баъди солҳои 60-ум дар ноҳияи Ванҷ, таълимгирифта аз мактаби варзишии ӯ мебошанд.

789
Барчаспҳо:
даргузашт, варзиш, Тоҷикистон
Флаг с эмблемой саммита ШОС

Эрон аз СҲШ хостори муҳокимаву муҷозоти муртакибони террори Муҳсини Фахризода шуд

0
(Таҷдидшуда 11:21 29.11.2020)
Сафири Эрон дар Чин дар номае ба дабири кули Созмони Ҳамкории Шанхай аз вай хост, аз тамоми зарфиятҳои дипломатӣ ва қонӯнии ин созмон ба манзури кумак ба шиносоӣ ва муҳокимаву муҷозоти муртакибони террори шаҳид Муҳсини Фахризода истифода кунад

ДУШАНБЕ, 29 ноя — Sputnik. Ба нақл аз хабаргузории ИРНА, дар остонаи баргузории нишасти сарони созмони Шанхай, Муҳаммади Кишоварззода, сафири Эрон дар Чин дар номае хитоб ба Владимир Норов, дабири кули Созмони Ҳамкории Шанхай бо ишора ба террори яке аз барҷастатарин донишмандони эронӣ дар сояи сукӯт ва беамалии ҷомеъаи байналмилалӣ таъкид кардааст: “ин ҷиноят аввалин маврид аз ин дасти набуда ва дар идомаи сиёсатҳо ва иқдомоти ғайриқонӯнӣ ва хасмонаи бархе давлатҳо алайҳи Ҷумҳурии Исломии Эрон дар террори донишмандон ва нухбагони эронӣ аст”.

Дар идомаи ин нома омадааст: яке аз аҳдофи аслӣ аз ташкили Созмони Ҳамкории Шанхай, ки Эрон низ ба унвони узви нозир дар он ҳузур дорад, талоши ҷамъии мутааҳҳидонаи кишварҳои узв барои таъмини амният ва субот дар минтақаи Авруосиёва муқобила бо таҳдидоти ношӣ аз тероризм, ҷудоиталабӣ ва ифротгароӣ аст.

Сафири Эрон дар Чин таъкид кардааст, акнӯн ва дар шароите, ки бархе кишварҳои минтақаӣ ва фароминтақаӣ бо иртикоби ҷиноёти мухталиф саъй дар афзоиши танишҳо ва моҷароҷӯиҳои хатарнок дар ғарби Осиё доранд, шоиста аст Созмони Шанхай зимни маҳкӯмияти иқдоми террористии ахир, аз тамоми зарфиятҳои дипломатӣ ва қонӯнии дар ихтиёри худ ба унвони як созмони байналмилалӣ барои кумак ба шиносоӣува муҳокимаи муртакибон ва омирону ҳомиёни давлатӣ ва ғайридавлатии ин амали муҷримона ва ҷилавгирӣ аз такрори он дар оянда истифода кунад.

19- умин нишасти сарони кишварҳои узви Созмони Ҳамкории Шанхай рӯзи душанбе дар Деҳлии Нав баргузор ме‌шавад.

0
Барчаспҳо:
донишмандон, муҷозот, муҳокима, хостор, СҲШ, Эрон