Футболбозон, акс аз бойгонӣ

Эълони танаффуси сеҳафтаина дар чемпионати Тоҷикистон

54
(Таҷдидшуда 15:45 27.05.2019)
Кумитаи миллии олимпии Тоҷикистон иттилоъ дод, ки дар сабқати қаҳрамонии кишвар дар риштаи футбол танаффуси сеҳафтаина эълон шудааст

ДУШАНБЕ, 27 май — Sputnik. Тибқи иттилои Кумита, ин танаффус ба бозиҳои рафиқонаи тими миллии Тоҷикистон бо дастаҳои мунтахаби Афғонистон ва Чин рабт дорад.

Қувваозмоӣ бо мунтахаби Афғонистон рӯзи 7 июн дар шаҳри Душанбе  ва бо тими Чин рӯзи 11 июн дар Гуанжоу дар назар аст.

Манбаъ афзуд, ки бозиҳои даври нуҳуми лигаи олӣ 15-16 июн доир мегарданд.

“Дар даври навбатӣ “Истиқлол” бо КМВА “Помир”, “Хуҷанд” бо “Панҷшер”, “Истаравшан” бо “Регар-ТадАЗ”, “Хатлон” бо “Куктош” вомехӯранд”, - омадааст дар иттилоия.

Пас аз натиҷагирии 8 давр дар ҷадвали чемпионат мисли пеш “Истиқлол” бо 22 хол садрнишин аст. Дар ҷои дуюм “Куктош” бо 14 хол мавқеъ дорад. “Регар-ТадАЗ” (12 хол) сегонаи аввалро ҷамъбаст мекунад.

54
Барчаспҳо:
таътил, Чемпионати Тоҷикистон, футбол, Тоҷикистон