Шиновар, акс аз бойгонӣ

Шиноварони тоҷик дар Чемпионати ҷаҳон иштирок мекунанд

47
(Таҷдидшуда 19:45 12.07.2019)
Чемпионати ҷаҳон дар намудҳои варзиши обӣ дар шаҳри Гванҷуи Кореяи Ҷанубӣ шуруъ гардид

ДУШАНБЕ, 12 июл — Sputnik. Тибқи иттилои Кумитаи миллии олимпии Тоҷикистон, дар чемпионат, ки имрӯз оғоз гардид, дар равияҳои шиноварӣ, тӯббозӣ дар об, ҷаҳиш ба об, шинои ҳамзамон, шиноварӣ дар оби озод, ҷаҳиш ба об аз баландии 20 то 27 метр доир мегардад.

Манбаъ афзуд, ки дар ин мусобиқаи ҷаҳонӣ 2 ҳазору 623 нафар аз 194 давлати дунё иштирок мекунанд.

Аз Тоҷикистон 4 варзишгар – Олим Ишанов, Алиҷон Хайруллоев, Анастасия Тюрина ва Екатерина Бордачева ба Корея сафарбар гардиданд.

“Варзишгарони мо дар равияи шиноварӣ ба масофаҳои кӯтоҳ - 50, 100 метр бо роҳбарии сармураббӣ Алишер Чингизов ширкат мекунанд. Мусобиқаи шиноварӣ 21-28 июл доир мегардад”, - омадааст дар Кумитаи миллии олимпӣ.

Манбаъ афзуд, ки варзишгаронро қабл аз сафар, раиси Федератсияи миллии шиноварии Тоҷикистон Рамазон Раҳимзода қабул карда, дар ҷараёни суҳбат ба онҳо муваффақият таманно кард.

Рӯзҳои 12-20 июл варзишгарон дар равияи ҷаҳиш ба об ва шинои ҳамзамон, 13-19 июл дар равияи шиноварӣ дар оби озод, 14-27 июл дар равияи тӯббозӣ дар об, 22-24 июл дар ҷаҳиш ба об аз баландӣ миёни ҳам сабқат мекунанд.

47
Барчаспҳо:
шиноварӣ, чемпионати ҷаҳон, Федератсияи шиноварӣ, Тоҷикистон

Гейҷӣ ҳангоми гиряи Ҳабиб дар майдон ба ӯ чӣ гуфт?

2490
(Таҷдидшуда 15:18 25.10.2020)
Ҷастин Гейҷӣ, размикори амрикоӣ нақл кард, ки ҳангоми гиряи Ҳабиб Нурмуҳаммадов дар майдон бо кадом суханҳо ӯро дилбардорӣ кард

ДУШАНБЕ, 25 окт — Sputnik.  Гейҷӣ гуфт, баъди анҷоми сабқт ҳангоми гиряи Ҳабиб Нурмуҳаммадов ӯ ба қаҳрамони UFC дар вазни сабук изҳори ҳамдардӣ кард.

Гейҷӣ ба Нурмуҳаммадов гуфтааст, ки қаблан имкони муроҷиат кардан ба ӯро надоштаст ва илова намудааст, хеле мутаассиф аст, ки Ҳабиб падарашро аз даст дод.

"Коратро ман давом медиҳам": Макгрегор муҳорибаи Ҳабиб бо Гедҷиро баҳогузорӣ кард

“Ту дар ҳамин лаҳзаҳо падарро водор кардӣ, ки бо ту ифтихор дошта бошад”, - тавзеҳ дод Гейҷӣ суханҳои гуфтааш дар майдонро ба BT Sport.

Шаби 25 октябр Ҳабиб Нурмуҳаммадов дар даври дуюми сабқат бо Ҷастин Гейҷӣ бо истифодаи усули буғикунанда пирӯз шуд. Феълан Ҳабиб шикастнодида буда, дар 29 сабқаташ 29 пирӯзӣ дорад.

Дар пайи пирӯзӣ бар Гейҷӣ, Нурмуҳаммадов аз роҳбарияти UFC хост, ӯро дар садри беҳтарин размикорон ҷой диҳанд, чун ӯ арзанда бошад.  Дана Уайт, роҳбари UFC ба Ҳабиб Нурмуҳаммадов дар феҳрасти беҳтарин размикорони ҷаҳон мақоми аввалро дод.

Лаззат бар: Ҷонс ҷои аввалро дар рейтинги UFC ба Нурмуҳаммадов дод

Ҷон Ҷонс, ки то ҳол дар сархати беҳтарин размикорон қарор дошт, аз мақомаш ба фоидаи Нурмуҳаммадов даст кашид.

Pound-for-pound – нисбати размикоре кор бурда мешавад, ки новобаста аз вазн беҳтарини беҳтаринҳо эътироф шудааст.

2490
Барчаспҳо:
Ҳабиб Нурмуҳаммадов, сабқат, Русия

Шарҳи Кремл дар бораи пирӯзӣ ва тасмими тарки майдон кардани Ҳабиб

1981
(Таҷдидшуда 15:25 25.10.2020)
Дар Кремл сабқати Ҳабиб Нурмуҳаммадов, размикори русиягӣ ва рақиби амрикоияш Ҷастин Гейҷиро шарҳ доданд

ДУШАНБЕ, 25 окт — Sputnik. Дмитрий Песков, сухангӯи раисиҷумҳури Русия, Ҳабиб Нурмуҳаммадов, қаҳрамони UFC дар вазни сабукро бо пирӯзияш бар Ҷастин Гейҷӣ шодбош гуфт.

Ӯ ҳамчунин дар мавриди изҳороти Нурмуҳаммадов дар бораи хатми ҳунарнамоиҳояш дар майдон гуфт, ин интихоби шахсии ӯ мебошад.

“Мо аз пирӯзияш шодем, ӯро шодбош мегӯем. Боқӣ дигар интихоби худи ӯст”, - таъкид кард сухангӯи раисиҷумҳури Русия.

"Коратро ман давом медиҳам": Макгрегор муҳорибаи Ҳабиб бо Гедҷиро баҳогузорӣ кард

Шаби 25 октябр Ҳабиб Нурмуҳаммадов дар даври дуюми сабқат бо Ҷастин Гейҷӣ бо истифодаи усули буғикунанда пирӯз шуд. Феълан Ҳабиб шикастнодида буда, дар 29 сабқаташ 29 пирӯзӣ дорад.

Дар пайи пирӯзӣ бар Гейҷӣ, Нурмуҳаммадов аз роҳбарияти UFC хост, ӯро дар садри беҳтарин размикорон ҷой диҳанд, чун ӯ арзанда бошад.  Дана Уайт, роҳбари UFC ба Ҳабиб Нурмуҳаммадов дар феҳрасти беҳтарин размикорони ҷаҳон мақоми аввалро дод.

Маълум шуд, ки Ҳабиб Нурмуҳаммадов пас аз хатми “карера”-аш чӣ кор хоҳад кард-видео

Ҷон Ҷонс, ки то ҳол дар сархати беҳтарин размикорон қарор дошт, аз мақомаш ба фоидаи Нурмуҳаммадов даст кашид.

1981
Барчаспҳо:
Кремл, пирӯзӣ, Ҳабиб Нурмуҳаммадов, Русия
Пограничник на смотровой вышке на границе Кыргызстана. Архивное фото

Баҳс ва тирпаронӣ дар марзи Тоҷикистону Қирғизистон - шарҳи ҷонибҳо: аксу видео

338
(Таҷдидшуда 21:27 25.10.2020)
Хадамоти давлатии марзбонии Қирғизистон аз моҷаро дар марз бо Тоҷикистон ва тирпаронии сарҳадбонҳои қирғиз хабар дод

ДУШАНБЕ, 25 окт — Sputnik.  Хадамоти марзбонии Қирғизистон иттилоъ дод, ки баъди зуҳри 25 октябр, тақрибан соати 16:45, шаҳрвандони Тоҷикистон дар маҳаллаи Уч-Добои ноҳияи Бодканд лӯлаи об гузаронданӣ буданд, хабар додааст Sputnik Қирғизистон.

Манбаъ афзуд, ки ба ҷои ҳодиса ҳайати марзбонҳои қирғиз ҳозир шуда, аз шаҳрвандони Тоҷикистон хостаанд, ки корҳоро дар қисмати аломатгузоринашудаи марз қатъ кунанд.

Аммо сокинони деҳаи Хоҷа Аълои Тоҷикистон мегӯянд, ба иваз кардани лӯлаи куҳна бо нав дар назди хонаи омӯзгори маҳаллӣ машғул буданд, ки марзбонҳои қирғиз омада ба тирпаронӣ оғоз карданд. Дар навори нашркардаи корбарон, марзбонҳои қирғиз дар ҳоле тирпаронӣ мекунанд, ки марде дар хитоб ба онҳо мегӯяд, он ҷо сокинони мулкиянд.

Иқбол Илёсзода, сухангӯи ҳукумати шаҳри Исфара низ моҷарои 25 октябр ва тирпаронии марзбонҳои қирғизро иғво хонда, афзудааст, ки сокинони Хоҷаи Аъло ба иваз кардани лӯлаи куҳна ба нав машғул буданд.

Аммо ба иттилои Хадамоти марзбонии Қирғизистон, атбои Тоҷикистон ба талаботи марзбонҳо итоат накарда, бо онҳо вориди баҳси лафзӣ шудаанд.

“Бо мақсади ҳифзи ҳаёту саломатии низомиён ва ҷилавгирӣ аз шиддати вазъ марзбонҳо маҷбур шуданд ба ҳаво тирҳои огоҳкунандаро холӣ намоянд”, - тавзеҳ додааст Хадамоти марзбонии  Қирғизистон.

Манбаъ илова намудааст, ки феълан корҳо қатъ шуда, намояндагони Тоҷикистону Қирғизистон мулоқот гузаронда истодаанд.  Вазъ дар марз муътадил арзёбӣ мешавад.

Мақомоти Тоҷикистон то ҳол қазияи мазкурро шарҳ надодаанд.

338
Барчаспҳо:
тирпаронӣ, моҷаро, Қирғизистон, Тоҷикистон