ДУШАНБЕ, 9 авг — Sputnik. Имрӯз дар Варзишгоҳи марказии шаҳри Душанбе Қаҳрамонии CAFA-2019 миёни футболбозони то 19-сола оғоз мешавад, хабар медиҳад Федератсияи футболи Тоҷикистон.
Бар хабари манбаъ, бозӣ соати 17:00 (ба вақти маҳаллӣ) бо сабқати футболбозони ҷавони Афғонистону Туркманистон оғоз гардида, онро соати 20:00 дастаҳои мунтахаби футболи Ӯзбекистон ва Эрон идома медиҳанд.
Дар мусобиқаи мазкур дастаҳои мунтахаби футболи ҷавонони Тоҷикистон, Эрон, Ӯзбекистон, Туркманистон ва Афғонистон иштирок мекунанд.
Дар доираи ин мусобиқа ҳамагӣ даҳ бозӣ доир шуда, ҳамаи онҳо дар Варзишгоҳи марказии шаҳри Душанбе баргузор мегарданд.
Мавқеи Тоҷикистон дар радабандии ҷаҳонӣ муайян шуд
Ёдовар мешавем, ки иштирок дар Чемпионати CAFA-2019 барои дастаи мунтахаби футболи то 19-солаи Тоҷикистон ин як марҳилаи омодагӣ ба даври муқаддамотии Чемпионати Осиё-2020 маҳсуб мешавад.
Маврид ба зикр аст, ки тими наврасони зери синни 16- солаи Тоҷикистон дар Қаҳрамонии СAFA-2019 бо ба даст овардани 13 хол ғолиби ин мусобиқа гардида буданд.