Бозӣ барои қаҳрамонии Тоҷикистон, акс аз бойгонӣ

Шикасти дастаҳои мизбон аз меҳмонҳо дар даври 11-уми Чемпионати Тоҷикистон

116
(Таҷдидшуда 14:53 14.08.2019)
Кумитаи миллии олимпии Тоҷикистон аз анҷоми бозиҳои даври 11-уми Чемпионати Тоҷикистон-2019 миёни дастаҳои лигаи олӣ хабар дод, ки аз аз чор бозӣ дар сетоаш меҳмонон ғалаба карданд

ДУШАНБЕ, 14 авг — Sputnik. Тибқи иттилои Кумитаи миллии олимпӣ, дастаи "Истиқлол"-и Душанбе бар тими "Истаравшан", КМВА "Помир" бар дастаи "Хатлон", "Хуҷанд" бар "Регар-ТадАЗ" бо ҳисоби якхелаи 1:0 пирӯз гардиданд. Бозӣ миёни дастаҳои "Панҷшер" бо "Куктош" мусовӣ бо ҳисоби 1:1 анҷом шуд.

Манбаъ афзуд, дар пайи натиҷагирии даври ёздаҳум КМВА “Помир” зинаи охири ҷадвалро тарк кард ва ҷояшро ба "Панҷшер" супорид.

Феълан дастаи "Истиқлол" бо 31 хол дар ҷои 1, "Хуҷанд" бо 20 хол дар ҷои 2, “Куктош” бо 18 хол – 3, сипас "Регар-ТадАЗ"- 13 хол, "Хатлон" – 12 хол, "Истравшан" – 11 хол, КМВА "Помир" – 9 хол ва дар охири ҷадвал "Панҷшер" бо 8 хол қарор дорад.

Кумитаи миллии олимпии Тоҷикистон таъкид кардааст, ки дар даври 12-уми Чемпионати кишвар 17 август "Истиқлол" – "Куктош" ва "Регар-ТадАЗ" - "Панҷшер" қувваозмоӣ хоҳанд кард. Рӯзи 18 август қувваозмоии КМВА "Помир" – "Хуҷанд" ва "Истаравшан" – "Хатлон" дар назар аст.

116
Барчаспҳо:
пирӯзӣ, шикаст, тим, футбол, Чемпионати Тоҷикистон, Тоҷикистон
Зал со зрителями на Fight Nights Global Global 71, архивное фото

Размикори ММА бо усули ғайримаъмулӣ рақибашро аз пой зад - видео

565
(Таҷдидшуда 14:53 09.08.2020)
Ин рақобат дар бахши дуюм хотима ёфт. Пас аз чандин зарбаи сангин бар пой, варзишкори амрикоӣ натавонист рақобатро идома диҳад

ДУШАНБЕ, 9 авг — Sputnik. Варзишкори муҳорибаҳои омехта Чарли Кэмпбелл аз ИМА, дар мусобиқаи Bellator 243 бо усули ғайримаъмулӣ бар варзишкори ҳамшаҳрияш Найндоа Данг пирӯз шуд.

Навори лаҳзаи нокаeт дар саҳифаи баргузоркунандагони рақобат дар Twitter нашр шудааст.

Ин рақобат дар бахши дуюм хотима ёфт.

Муин Ғафуров: ба ҷои UFC, размикор метавонад ба Ҷопон биравад

Кэмпбелл бар пойи рақибаш пай дар пай шалллоқҳои сангин равон мекард. Дар натиҷа Данг тавони идомаи рақобатро аз даст дод.

Рефери дар ин росто, рақобатро бо хулосаи нокаути техникӣ хотима бахшид.

Дана Уайт 4 размикори беҳтарини UFC - ро ном бурд: миёнашон як зан - Ҳабиб нест

Ин пирӯзии дуввуми Чарли Кэмпбелл дар фаъолияти варзишиаш мебошад.

Ӯ ҳамагӣ як маротиба мағлуб шудааст.

565
Барчаспҳо:
Ҷаҳон, нокаут, варзишкор, размикор
Душанбинский ФК Истиклол на тренировке в Ташкенте

"Истиқлол" дубора бозигарашро аз тими "Навбаҳор"-и Ӯзбекистон овард

83
(Таҷдидшуда 09:12 08.08.2020)
Амирбек Ҷурабоев, нимҳимоятгари дастаи “Истиқлол” –и Душанбе пас аз танаффуси яксола боз ба ба ин даста  баргашт

ДУШАНБЕ, 8 авг — Sputnik.  Бино ба иттилои сомонаи бошгоҳи “Истиқлол”нимҳимоятгар Амирбек Ҷурабоев, ки тӯли як сол дар тими “Навбаҳор”-и  Ӯзбекистон бозӣ мекард,  дубора ба тим баргашӣ.

Ба иттилои манбаъ, шартномаи ҷадиди бозигар бо қаҳрамони Тоҷикистон муддати як солро дар бар мегирад, аммо дар бораи маблағи гузариш иттилоъ дода нашудааст.

Амирбек Ҷурабоев қаблан се сол тули мавсимҳои 2016-2019 дар ҳайати “Истиқлол” ҳунарнамоӣ карда бо дастаи пойтахт чандин бор қаҳрамони кишвар, соҳиби Ҷоми Тоҷикистон ва Абарҷоми мамлакат гардидааст.

Гуфта мешавад, дар ҳайати “Истиқлол” Амирбек Ҷурабоев бо пероҳани рақами 22 ҳунарнамоӣ мекунад.

Ёдовар мешавем, қаблан низ бозигари дигари даста Аҳтам Назаров, капитани дастаи мунтахаби Тоҷикистон оид ба футбол низ дубора ба тими “Истиқлол”-и пойтахт пайваст
Аҳтам Назаров дар дастаи футболи “Башундара Кингз”-и Бангладеш ҳунарнамоӣ мекард, дубора бо “Истиқлол” шартнома баст.

83
Сомони и рубли, архивное фото

Бонки миллӣ арзиши рубл, доллар ва евроро барои имрӯз эълон кард

0
(Таҷдидшуда 08:56 10.08.2020)
Бонки миллии Тоҷикистон арзиши сомониро нисбат ба асъори хориҷӣ барои имрӯз, душанбе, аввали ҳафтаи равон эълон кард

ДУШАНБЕ, 10 авг — Sputnik.  Тибқи нишондоди Бонки миллии Тоҷикистон арзиши 1 рубли русӣ барои имрӯз 0.1400 сомонӣ  ва дар бозори нақд бошад 0.1430 сомонӣ нишон дода шудааст.

Ин ниҳод қурби миёнаи фурӯши 1 доллари ИМА дар муассисаҳои қарзии Тоҷикистонро аз  10.3120 то 10.3200 сомонӣ арзёбӣ кардааст. 

Бонки миллӣ қурби миёнаи фурӯши 1 евроро аз 12.1991 то 12.3000 сомонӣ арзёбӣ кардааст, ки нисбат ба ҳафтаи гузашта гаронтар шудааст.

Дар бонкҳои дигари кишвар, аз ҷумла “Бонки Эсхата” нишондоди асъор  нисбат ба дигарон каме болотар нишон дода шудааст.

Ин бонк хариду фурӯши 1 рублро имрӯз аз 0,1425 то 0,1445 сомонӣ муқаррар шудааст.

Дар “Спитаменбонк” бошад арзиши 1 рубл аз 0.1390 то 0.1460 ва дар “Алифбонк” бошад 1 рубл аз 0,1415 то 0,1470 сомонӣ нишон дода шудааст.

Бонки миллӣ гуфт дар беқурбшавии сомонӣ ва болоравии арзиши доллар кӣ гунаҳгор аст

БМТ огоҳ менамояд, ки “берун аз сарбонк, филиал, марказҳои хизматрасонии бонкӣ, нуқтаи интиқоли пул ва банкомату терминалҳо анҷом додани амалиёти мубодилавӣ қатъиян манъ аст ва риоя накардани талаботи мазкур аз ҷониби шахсони воқеӣ қонуншиканӣ ба ҳисоб рафта, сабаби ба ҷавобгарии маъмурӣ ва ҷиноятӣ кашидан мегардад”.

0
Барчаспҳо:
евро, сомонӣ, доллар, рубл, арзиш, Бонки Миллӣ, Тоҷикистон