Шиноварон Садам Рамзиёрзода, Ардашер Гадоев ва Нурангез Нурматова ҳамроҳи мураббӣ Аҳмадҷон Умаров

Шиноварони тоҷик озими Маҷористон шуданд

63
(Таҷдидшуда 15:02 19.08.2019)
Кумитаи миллии олимпии Тоҷикистон мегӯяд, кишварро дар қаҳрамонии ҷаҳон дар риштаи шиноварӣ се варзишгар намояндагӣ мекунанд

ДУШАНБЕ, 19 авг — Sputnik. Тибқи иттилои Кумита, 20-25 август шаҳри Будапешти ҷумҳурии Маҷористон мизбони 7-ум Чемпионати ҷаҳон дар риштаи шиноварӣ миёни ҷавонон мебошад.

"Дар чемпионат иштироки ҳудуди 1000 шиновари ҷавони синнашон 15-18 миёни бонувон ва синни 14-17 миёни мардҳо аз 107 давлат дар назар аст", - омадааст дар иттилоия.

Манбаъ афзуд, аз Тоҷикистон се шогирди Мактаби ҷумҳуриявии махсуси варзишӣ оид ба намудҳои варзиши обӣ – Садам Рамзиёрзода, Ардашер Гадоев ва Нурангез Нурматова бо роҳбарии сармураббии дастаи мунтахаби наврасони кишвар Аҳмадҷон Умаров рӯзи 18 август озими Маҷористон шуданд.  

Дар ин чемпионат варзишгарон аз рӯи 42 навъи қувваозмоӣ миёни мардҳо ва бонувон барои ба даст овардани ҷойҳои ифтихорӣ талош менамоянд.

"Ҳамаи мусобиқаҳо дар маҷмааи варзишии “Дуна Арена”, ки ду ҳавзи мутобиқ ба стандарти Бозиҳои олимпӣ дорад, мегузарад", - таъкид кардааст Кумита.

Чемпионати ҷаҳон дар риштаи шиноварӣ миёни ҷавонон бо сарпарастии Федератсияи байналмилалии шиноварӣ – "FINA" бори аввал соли 2006 дар Рио де Жанейрои Бразил доир гашта, баъдан соли 2008 шаҳри Монтеррейи ҷумҳурии Мексика, 2011 Лима - Перу, 2013 Дубай -  АМА, 2015 Сингапур ва 2017 Индиана – ИМА мизбони мусобиқа буданд.

63
Барчаспҳо:
чемпионати ҷаҳон, Федератсияи шиноварӣ, шиноварӣ, Тоҷикистон-Маҷористон
Хабиб Нурмагомедов, боец смешанного стиля, чемпион абсолютного бойцовского чемпионата (UFC) в легком весе

"Кепка бо акси Масъуд": туҳфаи тоҷикон ва ваъдаи Ҳабиб барои як мусобиқа дар Душанбе-видео

2222
(Таҷдидшуда 15:28 04.12.2020)
Ҳабиб Нурмуҳаммадов қаҳрамони UFC дар вазни сабук зимни як нишасти матбуотӣ гуфт, ки ният дорад дар Тоҷикистон мусобиқа баргузор кунад

ДУШАНБЕ, 4 дек – Sputnik. Размикори доғистонӣ Ҳабиб Нурмуҳаммадов изҳор доштааст, ки мехоҳад дар Душанбе як мусобиқаи калон баргузор кунад, чун ҳаводорони ин намуд варзиш дар Тоҷикистон ниҳоят зиёданд.

Ҳабиб Нурмуҳаммадов дар як нишасти матбуотӣ дар мавриди нақшаҳои минбаъдаи худ дар ояндаи наздик ибрози назар кард.

Талоши Ҳабиб барои ворид кардани набардҳои ММА ба барномаи бозиҳои тобистонаи Олимпӣ

Дар ҷараёни нишасти хабарӣ, аз Ҳабиб пурсида шуд, ки нияти дар Тоҷикистон баргузор кардани мусобиқаро дорад ё хайр, ҷавоби мусбат дода шуд.

"Бале, мо чунин ният дорем. Зеро он ҷо теъдоди ҳаводорони ин намуд варзиш зиёд буда, ҳамзамон размикорони тайёр низ ҳаст, ки тавони гирд овардани шумораи зиёди тамошобинонро доранд", - тавзеҳ дод Нурмуҳаммадов.

Размикори доғистонӣ илова намуд, ки соли оянда ҳатман як мусобиқа дар Тоҷикистон баргузор мешавад.

Дар фарҷом аз номи мухлисони тоҷик ба Ҳабиб сарпӯше бо тасвири Аҳмадшоҳи Масъуд ҳадя карда шуд.

2222
Барчаспҳо:
навор, Душанбе, мусобиқа, Ҳабиб Нурмуҳаммадов

Дастпарвари футболи тоҷик беҳтарин мураббии моҳ дар Премер Лигаи Русия дониста шуд

171
(Таҷдидшуда 21:26 03.12.2020)
Зодаи Тоҷикистон, мураббии футбол Игор Черевченко дубора дар садри рейтинги Премер Лигаи Русия қарор гирифтааст

ДУШАНБЕ, 3 дек – Sputnik. Зодаи Тоҷикистон Игор Черевченко беҳтарин мураббии моҳи ноябр дар Премер Лигаи Русия эътироф шуд, хабар медиҳад хадамоти матбуотии ин созмон дар Twitter.

Мухлисон, мутахассисони Премер Лигаи Русия ва ҳамзамон шабакаи телевизионии MATCH якдилона ӯро беҳтарин номиданд.

Ёдовар мешавем, Черевченко барои кор бо тими футболи "Химки" даъват карда шуд. Таъиноти ӯ ба ҳайси мураббӣ рӯзи 25-уми сентябр тасдиқ шуд.

Давоми моҳи ноябр ба мураббӣ муяссар шуд, ки бо Рубин (2: 0), Уфа (2: 1) ва Краснодар (1: 0) се бозиро бо ғалаба анҷом диҳад.

Даспарварони Черевченко танҳо як бозиро бо тими "Зенит" (2:0) бохтанд.

Черевченко 46-сол дошта, писари Геннадий Черевченко, аз бозингарони маъруфи дастаи "Помир"-и Душанбе аст, ки то кӯч бастани хонаводааш аз кишвар дар солҳои 1993-1994 дар ҳайати мунтахаби Тоҷикистон бозӣ мекард.

Cобиқ футболбози тими миллии Тоҷикистон, сармураббии “Химки” шуд

Номбурда тавонист ҳам дар тими мунтахаби кишвар ва ҳам дар бошгоҳҳои футболи Русия бозӣ кунад.

Ӯ ба ҳайси мураббӣ дар дастаҳои "Локомотив"-и Маскав, "Балтика"-и Калининград ва "Арсенал" -и Тула фаъолият кардааст.

171
Барчаспҳо:
беҳтарин, Сармураббӣ, футбол, Русия
День 5 декабря

Ҷашнҳои рӯзи 5 декабр дар Тоҷикистон ва ҷаҳон

0
(Таҷдидшуда 20:10 04.12.2020)
Рӯзи панҷуми декабр, рӯзи байналмилалии волонтёрон (ихтиёриён) барои рушди иқтисодию иҷтимоӣ буда, дар Тайланд рӯзи падарон ва дар Украина рӯзи кормандони омор мебошад

Рӯзи 5 декабр дар ҷаҳон чӣ рух дод

Соли 1913 Бритониёи Кабир ворид намудани силоҳро ба Ирландия манъ кард.

Соли 1944 дар Олмон заноне, ки синнашон аз 18 боло аст,  ба артиш даъват карда шуданд.

Соли 1949  Байтулмуқаддас пойтахти Исроил эълон карда шуд.

Соли 1949 Ассамблеяи Генералии СММ аз кишварҳои аъзояш даъват кард, ки дар бораи мусаллаҳшавӣ ва қувваҳои мусаллаҳи худ маълумот пешниҳод намоянд.

Рӯзи 5 декабр дар Тоҷикистон чӣ рух дод

Соли 2005 Эмомалӣ Раҳмон барои ширкат дар иҷлосияи сеюми фавқулодаи сарони давлатҳои Созмони Конфронси Исломӣ ба шаҳри Маккаи Арабистони Саудӣ сафар кард.

День 4 декабря
© Sputnik/ Стас Этвеш/ Мария Вишнякова

Соли 2008 аввалин шумораи рӯзномаи "Шифобахш" нашр шуд. Он нашрияи Вазорати тандурустӣ ва ҳифзи иҷтимоии аҳолии Ҷумҳурии Тоҷикистон ва Маркази ҷумҳуриявии ташаккули тарзи ҳаёти солим мебошад.

Соли 2008 дар Украина баъди анҷоми мулоқоти хосса Президенти Украина Виктор Юшенко Президенти Ҷумҳурии Тоҷикистон Эмомалӣ Раҳмонро бо мукофоти олии давлатӣ – Ордени княз Ярослави Ҳаким дараҷаи 1 сарфароз гардонид. 

Ҷашнҳои рӯзи 3 декабр дар Тоҷикистон ва ҷаҳон

Ҳамчунин Эмомалӣ Раҳмон Президенти Украина Виктор Юшенкоро бо ордени Исмоили Сомонӣ дараҷаи 1 сарфароз намуд.

Соли 2008 дар Украина Шартнома миёни Донишгоҳи Миллии Тоҷикистон ва Донишгоҳи Миллии Киев ба номи Тарас Шевченко оид ба ҳамкории илмӣ, таълимӣ ва фарҳангӣ ба имзо расид.

День 2 декабря
© Sputnik/ Стас Этвеш/ Мария Вишнякова

Соли 2012 дар шаҳри Ишқобод-пойтахти Туркманистон ҷаласаи навабатии Шӯрои сарони кишварҳои аъзои Иттиҳоди Давлатҳои Мустақил (ИДМ) баргузор гардид. Пас аз анҷоми ҷаласа Эъломияи сарони кишварҳои ИДМ оид ба рушди минбаъдаи ҳамкории ҳамаҷониба ба имзо расид.

Соли 2013 дар ҷаласаи навбатии сессияи панҷуми Парлумони Точикистон, даъвати чорум масъалаи ворид намудани тағйиру иловаҳо ба Қонуни Ҷумҳурии Тоҷикистон "Дар бораи энергетика" баррасӣ карда шуд.

Соли 2016 Эмомалӣ Раҳмон ба Президенти тозаинтихоби Ҷумҳурии Узбакистон Шавкат Мирзиёев дар иртибот ба пирӯзии баҳснопазираш дар интихоботи Президенти Ҷумҳурии Узбакистон барқияи табрикӣ ирсол намуд.

Ҷашнҳои рӯзи 5 декабр

  • Рӯзи байналмилалии волонтёрон (ихтиёриён) барои рушди иқтисодию иҷтимоӣ.
  • Рӯзи падарон дар Тайланд.
  • Рӯзи кормандони омор дар Украина.

Рӯзи 5 декабр дар Тоҷикистон кӣ таваллуд шуд

  • Фозил Абдураҳмонов (1930) – доктори илми тиб, профессор, Ходими шоистаи илми Тоҷикистон.
  • Азиза Азимова (1915 – 1997) – актрисаи балет, Ҳунарпешаи мардумии Тоҷикистон.
  • Мендел Биндер (1919 – 1991) – доктори илми ҳуқуқ, профессор.
    Хосият Бобоева (1923) – доктори илми таърих, профессор.
  • Холмурод Буйдоқов (1930-2011) – доктори илми педагогӣ, профессор.
  • Хушқадам Давлатқадамов (1924-1995)- арбоби давлатӣ, файласуф.
  • Зафар Абдулло (1976)- публисист.
  • Ботур Қобилов (1931) – навобардори кино ва ТВ, Ходими шоистаи ҳунари Тоҷикистон.
  • Хайриддин Қосимӣ (1954)- нависанда.
  • Озод Меликов (1964)- кинорежиссёр, кинооператор.
  • Файзалӣ Муродов (1936-2010)- доктори илми филологӣ.
  • Муҳаммадалӣ Шамс (1950)- шоир.
  • Сайқал (Самиев Қунғурот) (1939)- шоир.
  • Саодат Саломова (1967)- раққоса, Ҳунарпешаи шоистаи Тоҷикистон.
  • Барот Содиқов (1929)- актёри театр.
  • Солеҳзода Саодатхоҷа (1950) – нависанда.
  • Мерган Султонов (1922 - 1997) – журналист, Корманди шоистаи маданияти Тоҷикистон.
  • Ҳазрат Сабоҳӣ (1948)- санъатшинос (кино).
  • Ҳабибулло Холҷӯраев (1933) – доктори илми таърих, профессор.
  • Мӯсо Ҷумъаев (1927 – 1995) – доктори илми кишоварзӣ, профессор, Ходими шоистаи илми Тоҷикистон.
0
Барчаспҳо:
ҷашн, ҷаҳон, Тоҷикистон