Президенти UFC рақиби навбатии Ҳабиб Нурмуҳаммадовро эълон кард

1611
(Таҷдидшуда 13:31 09.09.2019)
Ӯ аз рақибони қадимии Ҳабиб мебошад. Онҳо аллакай чор маротиба кӯшиши вохӯрӣ дар октагонро доштанд, вале рақобаташон бо сабабҳои гуногун баргузор нашуд

ДУШАНБЕ, 9 сен - Sputnik. Президенти UFC Дана Уайт исми рақиби навбатии Ҳабиб Нурмуҳаммадовро ном бурд.

Ба гуфти ӯ рақиби навбатии Ҳабиб бояд Тони Фергюсон шавад.

"Ӯ рақиби навбатии Ҳабиб аст. Албатта агар Тони розӣ шавад. Мебинем кай Ҳабиб омода мешавад",- изҳор дошт Уайт пас аз рақобати UFC 242.

То рақобати Ҳабиб ва Дастин дар Абу-Дабӣ, президенти UFC борҳо гуфта буд, ки Тони Фергюсон бо ғолиби ин рақобат ба майдон хоҳад баромад.

Шукри Худо: ҳайрат, хайр ва ҳурмати Ҳабиб Нурмуҳаммедов баъди сабқат бо Пуаре-видеоҳо

Тони Фергюсон аз рақибони қадимии Ҳабиб мебошад. Онҳо аллакай чор маротиба кӯшиши рақобат дар октагонро доштанд, вале вохӯриашон бо сабабҳои гуногун баргузор нашуд. Бори охир рақобати миёни Тони ва Ҳабиб ба далели захми варзишкори амрикоӣ, баргузор нашуд.

Шаби рақобати Ҳабиб дар Душанбе чӣ гузашт? - видео

Фергюсон 12 бор пайи ҳам пирӯз шудааст. Ин варзишкори амрикоӣ ҳамагӣ 25 бор ба октагон баромада ва танҳо се маротиба мағлуб шудааст.

Рамазон Қодиров барои табрики Ҳабиб Нурмуҳаммадов ба Абу-Дабӣ рафт

Ёдрас мешавем, ки Ҳабиб Нурмуҳаммедов, размикори шинохтаи доғистонӣ дар Абу-Дабӣ бо истифода аз усули буғикунанда рақиби амрикоияш Дастин Пуареро шикаст дод.

1611
Барчаспҳо:
ММА, варзиш, Ҳабиб Нурмуҳаммадов, Доғистон, Русия, Ҷаҳон