Сабрина Абророва боз пирӯз шуд: дар қаҳрамонии Осиёи Ғарбӣ ӯ 2 медали нуқра гирифт

100
(Таҷдидшуда 13:27 11.09.2019)
Сабрина Абророва шоҳмотбози навраси тоҷик дар Қаҳрамонии Осиёи Ғарбӣ ду медали нуқра гирифт

ДУШАНБЕ, 11 сен — Sputnik.  Дирӯз дар шаҳри Деҳлии Ҳиндустон Қаҳрамонии Осиёи Ғарбӣ оид ба шоҳмот миёни наврасон дар равияҳои гуногуни ба мисли классикӣ, рапид ва блитс ба анҷом расид, хабар медиҳад Кумитаи миллии олимпии Тоҷикистон.

Сабрина Абророва, шоҳмотбоздухтари тоҷик
сомонаи Кумитаи миллии олимпии Тоҷикистон

Ба иттилои манбаъ, шоҳмотбози тоҷик  Сабрина миёни духтарони то 14-сола дар равияи шоҳмоти классикӣ ҷои дуюмро ишғол кард.

Дар ноҳияи Рӯшони ВМКБ мусобиқаи шоҳмот баргузор мегардад

Сабрина дар 9 давр бо 6 ғалаба бар намояндагони Ҳиндустон, Узбакистон ва Шри Ланка, 2 мусовӣ бо намояндагони Ҳиндустон ва 1 бохт бар намояндаи Ҳиндустон сазовори 7 хол гардид.

Ҷойҳои якуму сеюмро варзишгарони Ҳиндустон ишғол намуданд.

Маврид ба зикр аст, ки Сабрина Абророва дар рӯзи аввали мусобиқот дар равияи рапид (босуръат) низ медали нуқра ба даст оварда буд, аммо дар равияи блитс, ки дар рӯзи охири мусобиқа доир гашт, пас аз 4 ғалаба, 3 мусовӣ ва 2 бохт дар 9 давр бо 5,5 хол ҷои 11-умро ишғол кард. Дар ин равия ҷойҳои якуму сеюмро намояндагони Ҳиндустон, ҷои дуюмро намояндаи Узбакистон ба даст оварданд.

Шоҳмотбози тоҷик дар Қирғизистон медали тилло гирифт

Ҳамин тариқ, дар чемпионати Осиёи Ғарбӣ миёни наврасон, ки бо иштироки 336 шоҳмотбоз аз 10 давлат - Амрико, Бангладеш, Қазоқистон, Қирғизистон, Непал, Тоҷикистон, Узбакистон, Ҳиндустон, Шри Ланка ва Эрон аз рӯи 8 синну сол ҷараён гирифт, дар ҷадвали ҳисоби медалҳо Ҳиндустон бо 116 медал ҷои аввалро ишғол кард. Узбакистон бо 6 медал ҷои дуюм, Қазоқистон бо 3 медал ҷои сеюмро сазовор шуданд.

Тоҷикистон бо 2 медали нуқра дар мақоми 4-ум мавқеъ гирифт. 

100
Барчаспҳо:
пирӯз, тоҷик, варзишгар, шоҳмот, мусобиқа, Ҳиндустон

Дана Уайт: Ман ҳанӯз шарт мебандам, ки Ҳабиб рекорди 30:0 мегузорад. Инро падараш мехост

368
(Таҷдидшуда 18:12 22.11.2020)
Президенти UFC Дана Уайт эълони қаҳрамони UFC Ҳабиб Нурмуҳаммадовро, ки гуфт ҳама имконот барои бозгашти дубора ба майдонро рад кард, шарҳ дод

ДУШАНБЕ, 22 ноя - Sputnik. Президенти UFC гуфтааст, минбаъд низ ба он боварӣ дорад, ки Ҳабиб бармегардад ва рекорди 30-0 сабт мекунад, ҳамон тавре ки падараш мехост.

"Ҳабиб бо Гетҷи охирин муборизаи хеле эҳсосотӣ дошт, аз ин рӯ ман ба бозгашти ӯ боварӣ дорам", - гуфтааст, Уайт.

Ӯ гуфтааст, дар ин масъала ҳоло ҳеҷ чиз ҳал нашудааст, аммо ба рушди ҳаводис нигариста шарт мебандад, ки Ҳабиб бармегардад.

"Ки рақиби ӯ хоҳад буд? Ин метавонад на танҳо Сен-Пейр бошад. Конор ва Порйе мубориза мебаранд, ҳамзамон Фергюсон ва Чандлер низ ҳастанд...",- гуфтааст Дана Уайт.

Номбурда гуфт, ҳоло интизор мешавем, ки Ҳабиб ин таваққуфро то кай нигоҳ дошта метавонад. Агар ӯ қарор диҳад, ки баргардад ва ин корро бикунад, пас ин бачаҳо омодаанд бо ӯ мубориза баранд, гуфт президенти UFC.

Санаи рақобати дуввуми собиқ ҳарифони Ҳабиб - Конор ва Порйе дақиқ шуд

Ёдовар мешавем, Нурмуҳаммадов дар пайи пирӯзӣ бар Ҷастин Гетҷи, бо 29 ғалаба ва бидуни шикаст изҳор дошт, ки фаъолияти касбияшро хотима медиҳад.

368
Барчаспҳо:
бозгашт, муҳорибаи омехта, Ҳабиб Нурмуҳаммадов, қаҳрамони UFC
Ожирение, архивное фото

Мубориза бо фарбеҳӣ: дар Ӯзбекистон ба назорати вазни мансабдорон шурӯъ мекунанд z

115
(Таҷдидшуда 14:59 22.11.2020)
Дар мақомоти Ӯзбекистон барои аз байр бурдани фарбеҳӣ сар аз соли оянда давоми рӯзи корӣ барои машқҳои гимнастикӣ вақти махсус ҷудо карда мешавад

ДУШАНБЕ, 22 Ноябр - Sputnik. Бино ба иттилои “УзА”, им мавзӯъ дар нишасти матбуотие, ки дар Агентии иттилоот ва коммуникатсияи оммавӣ бо иштироки намояндагони Вазорати тарбияи ҷисмонӣ ва варзиш садо дод.

Дар ҷараёни чорабинӣ масъалаҳо оид ба таҳияи меъёрҳои арзёбии фарбеҳии мансабдорон ва роҳандозии системаи онлайнии мониторинг барои таҳлили натиҷаҳои ба даст овардашуда дар асоси рейтинг тартиб дода шуданд.

Тибқи фармони президент "Дар бораи чораҳои васеъ ҷорӣ намудани тарзи ҳаёти солим ва рушди минбаъдаи варзиши оммавӣ", роҳбарон, кормандони идораҳои давлатӣ ва ташкилотҳо ба тарбияи ҷисмонии фаъол ҷалб карда мешаванд ва барои онҳо мусобиқаҳои гуногуни варзишӣ ба нақша гирифта шудаанд.

Дар ин санад қайд шудааст, ки аз 1 январи соли 2021 онҳо вазифадоранд, ки ҳадди аққал як маротиба дар як ҳафта бо мақсади "коҳиш додани фарбеҳӣ ва беҳтар намудани саломатӣ" варзиш кунанд.

Ғайр аз ин, аз соли оянда сар карда, дар давоми рӯзи корӣ барои машқҳои гимнастикӣ вақти махсус ҷудо карда мешавад.

Гуфта мешавад, ҳамзамон дар назар аст то 1 сентябри соли 2021 "Энсиклопедияи варзишҳои миллии варзишӣ ва бозиҳои халқии Ҷумҳурии Ӯзбекистон" омода ва нашр шавад.

ВКД Тоҷикистон аз кормандон талаб кард, ки аз фарбеҳӣ халос шаванд

Дар тоҷикстон бошад, чунин тасмими вижа набуд, аммо дар гузашта Вазорати корҳои дохилии кишвар аз ҳама кормандони сохторҳояш талаб карда буд, ки аз вазни зиёдатӣ халос шаванд ва ба намуди зоҳирии худ таваҷҷӯҳ зоҳир намоянд. ВКД ҳатто ба кормандон муҳлат ҳам дода буд, ки ин камбудашонро ислоҳ кунанд.

 

115
Барчаспҳо:
мансабдорон, Ӯзбекистон, мубориза, фарбеҳӣ
День 24 ноября

Ҷашнҳои рӯзи 24 ноябр дар Тоҷикистон ва ҷаҳон

0
(Таҷдидшуда 17:10 23.11.2020)
Рӯзи бисту чоруми ноябр, дар Тоҷикистон Рӯзи Парчами давлатӣ, дар Русия Рӯзи модарон ва дар Амрико Рӯзи дӯстон таҷлил мешавад

Рӯзи 24 ноябр дар ҷаҳон чӣ рух дод

Соли 1996 дар раъйпурсии умумихалқӣ дар Беларус беш аз 70 фоизи аҳолӣ Конститутсияи пешниҳоднамудаи президент Александр Лукашенкоро ҷонибдорӣ карданд.

БелТА
Президент Беларуси Александр Лукашенко

Соли 1961 изҳороти СММ дар бораи манъи истифодаи яроқи ядроӣ қабул гардид.

День 23 ноября
© Sputnik/ Стас Этвеш/ Мария Вишнякова

Соли 1969 киштии кайҳонии "Аполлон-12" ба самти Моҳтоб парвоз кард.

Соли 2005 дар шаҳри Алмато Анҷумани 5-уми мутахассисони корҳои молияи Қазоқистон доир гардид.

Рӯзи 24 ноябр дар Тоҷикистон чӣ рух дод

Соли 1986 дар фурудгоҳи шаҳри Душанбе аввалин маротиба ҳавопаймои ТУ-154 М фуруд омад.

Соли 2010 бо ширкати раисҷумҳури Тоҷикистон Эмомалӣ Раҳмон дар маркази шаҳри Душанбе бунёди парчами давлатии Ҷумҳурии Тоҷикистон расман оғоз ёфта, он 30 августи соли 2011 дар пояи 165 — метра, ки дар ҷаҳон баландтарин маҳсуб меёфт, парафшон гардид.

Соли 2017 дар шаҳри Душанбе ба муносибати 25 — солагии барқарорсозии муносиботи дипломатии Ҷумҳурии Тоҷикистон ва Корея конфронси илмӣ — амалии байналмилалӣ доир шуд.

Соли 2016 дар Маркази исмоилияи шаҳри Душанбе конфронси байналмилалии "Таҳсилоти пайваста барои рушди устувор" доир шуд.

Исмаилитский центр в Душанбе, архивное фото
© Sputnik / Амир Исаев
Исмаилитский центр в Душанбе, архивное фото

Соли 2017 дар шаҳри Душанбе шарҳи муштараки ҳарсолаи  амалигардии барномаи "Стратегияи миллии саломатии аҳолии Ҷумҳурии Тоҷикистон барои солҳои 2010-2020" гузаронида шуд.

Соли 2014 доираи васеи ҳамкории дуҷонибаи Тоҷикистону Кувайт баррасӣ шуд.

Ҷашнҳои рӯзи 24 ноябр

  • Дар Ҷумҳурии Тоҷикистон - Рӯзи Парчами давлатӣ.
  • Дар Русия - Рӯзи модарон.
  • Дар Амрико - Рӯзи дӯстон.

Рӯзи 24 ноябр дар Тоҷикистон кӣ ба дунё омадааст

Солҳои (1939-1984) – адабиётшинос Назира Қаҳарова.

Соли 1942 – Ҳунарманди халқии Сайрам Исоева.

Председатель согда Раджаббой Ахмадзода, мэр Худжанда Маъруф Мухамадзода посетили актрису Сайрам Исоеву
Пресс-служба мэра Худжанда
Председатель согда Раджаббой Ахмадзода, мэр Худжанда Маъруф Мухамадзода посетили актрису Сайрам Исоеву

Соли 1947 – рӯзноманигор ва нависанда, сармуҳаррири "Курер Таджикистана" Муҳаммадҷон Тоштемиров.

Соли 1950 – хабарнигори Шаҳбозхон Саркориев.

0
Барчаспҳо:
Ҷаҳон, Тоҷикистон, ҷашн
Мавзуъ
Ҷашнҳои рӯзи 17 ноябр дар Тоҷикистон ва ҷаҳон
Ҷашнҳои рӯзи 19 ноябр дар Тоҷикистон ва ҷаҳон
Зодрӯзи Бозор Собир ва инқилоб дар Мексика: ҷашнҳои рӯзи 20 ноябр
Ҷашнҳои рӯзи 21 ноябр дар Тоҷикистон ва ҷаҳон
Пирӯзии Парвиз Собиров ва унвонгирии Майк Тайсон: ҷашнҳои 22 ноябр
Ҷашнҳои рӯзи 23 ноябр дар Тоҷикистон ва ҷаҳон