Ричард Торрез (США) в нокауте

Нокаут: мушти Баҳодур Ҷалолов рақиби амрикоияшро бистарӣ кард - акс

1002
(Таҷдидшуда 17:15 19.09.2019)
Размикори амрикоӣ Ричард Торрес пас аз рақобат бо муштзани узбакистонӣ Баҳодур Ҷалолов дар даври чорякниҳоӣ дар Қаҳрамонии ҷаҳон, бистарӣ шуд

ДУШАНБЕ, 19 сен — Sputnik. Варзишкори амрикоӣ Ричард Торрес пас аз рақобат бо муштзани узбакистонӣ Баҳодур Ҷалолов ба бемористон интиқол ёфт, хабар медиҳад РИА Новости.

Даври чорякниҳоии Қаҳрамонии ҷаҳон дар риштаи бокс, ки дар шаҳри Екатеринбурги Русия ҷараён дорад, дар вазни беш аз 91 кило, бо пирӯзии намояндаи Узбакистон анҷом ёфт.

Ричард Торрез (США) и Баходир Жалолов (Узбекистан)
© Sputnik / Павел Лисицын
Ричард Торрез (США) и Баходир Жалолов (Узбекистан)

Торрес аз дасти размикори узбакистонӣ Баҳодур ба нокаут фиристода шуд ва рингро дар ҳолати вазнин тарк кард.

Марг дар ринг: варзишкори мексикоиро то мурдан куфтанд-видео

Гуфта мешавад, ки варзишкори амрикоӣ тавонист то мошини ёрии таъҷилӣ мустақилона қадам занад ва пасон ба яке аз табобатхонаҳои шаҳри Екатеринбург нтиқол дода шудааст.

Муборизи ММА рақибашро дар 17 сония аз пой афтонд - Видео

Ёдрас мешавем, ки рӯзи чоршанбе дар шаҳри Екатеринбург даври чорякниҳоии Қаҳрамонии ҷаҳон оид ба муштзанӣ ҷамъбаст шуд.

Панҷ намояндаи Узбакистон аз даври чорякниҳоӣ гузашта ва ба даври нимниҳоӣ роҳ ёфтаанд.

1002
Барчаспҳо:
зӯрозмоии муштзанҳо, варзишкор, Амрико, Узбакистон
Ребенок на тренировке, архивное фото

Ифтитоҳи 21 иншооти варзишӣ дар Суғд

29
(Таҷдидшуда 14:14 11.07.2020)
Мақомоти иҷроияи вилояти Суғд гузориш дод, ки расман дар қаламрави вилоят то ҳол 2 ҳазору 655 иншооти варзишӣ ба қайд гирифта шудаанд

ДУШАНБЕ, 11 июл — Sputnik. Ба иттилои ҳукумати вилояти Суғд, дар натиҷаи амалисозии тадбирҳои мушаххас давоми нимсолаи якуми соли 2020 дар вилоят 21 иншооти нави варзишӣ мавриди истифода қарор дода шуд.

“Аз ин шумора 5 адад толори варзишӣ буда, 16 адади дигар майдончаҳои варзишӣ мебошад. Иншооти зикршуда бо маблағгузории буҷети давлатӣ ва ҳамчунин аз ҳисоби соҳибкорон бунёд гардидааст”, - омадааст дар иттилоия.

Манбаъ зикр намудааст, ки мувофиқи маълумоти оморӣ дар вилоят 2655 иншооти варзишӣ ба қайд гирифта шудаанд.

“Аз ин 45 варзишгоҳ, 1833 майдончаи варзишӣ, 563 толори варзишӣ, 33 ҳавзи шиноварӣ ва 181 маҷмаа, иншооти махсуси варзишӣ аз қабили тир, боулинг, фитнес ва клубҳои ихтиёрӣ аст”, - тавзеҳ дод ҳукумати Суғд.

Таъкид гардид, ки дар вилоят ба рушди соҳаи варзиш ва фароҳамсозии шароити муосид барои тарбияи ҷисмонии наврасону ҷавонон таваҷҷуҳи хоса зоҳир мегардад.

29
Барчаспҳо:
Суғд, иншоот, варзиш, Тоҷикистон
Матч между душанбинским Истиклолом и Худжандом

Дархости Тоҷикистон барои баргузории бозиҳои гуруҳии Ҷоми Осиё-2020 дар Душанбе

150
Конфедератсияи футболи Осиё ҷадвали рақобатҳо марҳилаи гурӯҳии Ҷоми Конфедератсияи футболи Осиё-2020-ро дар минтақаи Осиёи Марказӣ нашр намуд.

ДУШАНБЕ, 9 июл – Sputnik. Тибқи иттилои федератсияи Футболи кишвар,  тақвими бозиҳо пас аз баррасиҳои зиёд аз ҷониби раҳбарияти Конфедератсияи футболи Осиё ва ҳайаташ гирифта шуд.

Тоҷикистон дар Ҷоми Конфедератсияи футболи Осиё-2020 шомили гуруҳи "D" мебошад.

Ба иттилои манбаъ, бозиҳои гурӯҳи "D" бо иштироки дастаҳои футболи  "Истиқлол"-и Тоҷикистон, "Алтин Асир"-и Туркманистон, "Дордой"-и  Қирғизистон ва "Хуҷанд"-и  Тоҷикистон аз 23  октябр то 4  ноябри соли равон, доир мешаванд.

Ба иттилои манбаъ, ҳар чор бозӣ  дар як кишвар доир мегардад, ки  то ҳануз дақиқи набуда, тасмими ниҳоӣ дар бораи макони баргузорӣ рӯзҳои наздик гирифта мешавад.

ФФТ мегӯяд, барои баргузории ин рақобатҳо дар Душанбе дархост ирсол кардаанд.

Ғолиби гурӯҳ дар нимфинали байниминтақавӣ, ки 24-25 ноябр пешбинӣ шудааст, бозӣ мекунад. Бозии финалии байниминтақавӣ 2 декабр ва рақобати ниҳоии Ҷоми AFC 12 декабр доир мешавад.

 

150
Жители Тегерана идут по одной из центральных улиц в медицинских масках

Охирон омори коронавирус дар Эрон: фавти 194 нафар дар як рӯз

0
(Таҷдидшуда 17:44 12.07.2020)
Дар тӯли 24 соати гузашта, 194 нафар аз беморони коронавирус ҷони худро аз даст додаанд ва маҷмӯи ҷонбохтагони ин беморӣ ба 12 829 нафар расидааст.

ДУШАНБЕ, 12 июл — Sputnik. Сухангӯи Вазорати дармон, омӯзиш ва пизишкии Эрон аз шиносоии беш аз 2000 бемори ҷадиди мубтало ба коронавирус ва беҳбудии ҳудуди 220 000 нафар дар кишвар хабар дод.

Симо Содоти Лорӣ, сухангӯи Вазорати беҳдошт, дармон ва омӯзиши пизишкии Эрон рӯзи якшанбе дар бораи охирин омори мубталоён ба коронавирус дар кишвар эълом кард.

Бар асоси меъёрҳои қатъии ташхисӣ, дар 24 соати гузашта, 2 186 бемори ҷадиди мубтало ба коронавирус дар Эрон шиносоӣ шуд, ки 1 499 маврид бистарӣ в шуданд ва ба бақия низ ба сурати сарпоӣ хадамоте ироа шуд.

Рӯҳонӣ: Эрон ба ғайр аз ду кишвар бо ҳамсоягони худ равобити хуб дорад

Лорӣ бо баёни ин, ки маҷмӯи беморони коронавирус дар Эрон ба 257 303 нафар расидаст, афзуд: Дар тӯли 24 соати гузашта, 194 нафар аз беморони коронавирус ҷони худро аз даст додаанд ва маҷмӯи ҷонбохтагони ин беморӣ ба 12 829 нафар расидааст.

 

0