"Допинги Дилшод" додгоҳӣ мешавад? Назаров вакили дифоъ гирифт

Обуна шудан
Дилшод Назаров, қаҳрамони олимпӣ гуфт, барои исботи бепоя будани барканорияш аз мусобиқаи қаҳрамонии ҷаҳон дар Доҳа ва ҳифзи шаъну эътибораш омода аст, то додгоҳ биравад

ДУШАНБЕ, 25 сен — Sputnik. Гурзандози тоҷик гуфт, алайҳи тасмими барканорияш аз қаҳрамонии ҷаҳон дар Доҳа барои гӯиё истифодаи допинг омода аст, ба додгоҳ муроҷиат кунад.

Дилшод Назаров из Таджикистана на чемпионате Азии по легкой атлетике в Дохе, Катар - Sputnik Тоҷикистон
Дилшод Назаров муваққатан аз ҳаққи иштирок дар мусобиқаҳо маҳрум гардид

“Ман дар ҳолати шокам, ҳам барои он ки гӯиё дар намунаҳои соли 2011 истифодаи допингро ошкор кардаанду ҳам барои барканориям аз қаҳрамонии ҷаҳон дар Доҳа. Ҳамаи ҷоизаҳоро дар зӯрозмоиҳои мунсифонаю воқеӣ ба даст овардаам”, - изҳор доштааст Назаров дар суҳбати телефонӣ бо РИА Новости.

Қаҳрамони олимпӣ таъкид кардааст, ки ҳамаҷониба омода аст, бо ниҳодҳои варзишӣ ҳамкорӣ кунад.

“Бо ин мақсад вакили мудофеи шинохтаи аврупоиро ҷалб кардам, ки аз ҳаққу эътиборам, дар сурати зарурат то марҳилаи додгоҳӣ ҳимоят хоҳад кард. Умед дорам, ки дар ояндаи наздик номи неки худро барқарор мекунаму парчами давлатамонро дар мусобиқаҳои байналмилалӣ боз боло мебардорам”, - таъкид намуд Назаров.

Дилшод Назаров қаҳрамони Чемпионат Осиё-2019 шуд

Ахиран ниҳоди мустақили мубориза бо падидаҳои манфӣ дар варзиши сабук хабар дода буд, ки дар робита ба истифодаи допинг варзишгари маъруфи Тоҷикистон Дилшод Назаров муваққатан ҳаққи ширкат дар мусобиқаҳои байналмилалиро надорад.

Ҷойи аввали Дилшод Назаров дар феҳристи беҳтарин варзишкорони Осиё

Дилшод Назарови 37-сола нахустин ва то имрӯз ягона варзишгари тоҷик аст, ки дар Бозиҳои олимпӣ таҳти парчами Тоҷикистон сазовори унвони қаҳрамонӣ ва медали тилло шуд.

Лентаи хабарҳо
0