Тирандозон, акс аз бойгонӣ

Лисин ривоҷи тирандозӣ дар Тоҷикистонро баррасӣ кард

70
(Таҷдидшуда 21:15 27.09.2019)
Владимир Лисин, президенти Федератсияи байналмилалии варзиши тирандозӣ бо мақомдорони бахши варзиши Тоҷикистон густариши ин бахшро дар кишвар баррасӣ кард

ДУШАНБЕ, 27 сен — Sputnik. Тибқи иттилои Кумитаи миллии олимпии Тоҷикистон, Лисин бо Ризо Назарзода, муовини аввали раиси Кумитаи кор бо ҷавонон ва варзиши Тоҷикистон Назарзода Ризо ва Муҳаммадшо Абдуллозода, котиби генералии Кумитаи миллии олимпии Тоҷикистон рушди варзиши тирандозӣ баррасӣ намуданд.

“Қайд гардид, ки ин намуди варзиши олимпӣ дар Тоҷикистон солҳои Иттиҳоди Шӯравӣ хеле рушд карда буд, ҳатто намояндаи Тоҷикистон Анатолий Тилик соли 1958 ба гирифтани унвони чемпиони ҷаҳон даст ёфтааст”, - гузориш дод Кумитаи миллии олимпӣ.

Дар идома зикр шудааст, ки баъд аз соҳибистиқлол шудани Тоҷикистон ва бо сабаби воқеаҳои сиёсӣ бисёре аз мутахассисони соҳа кишварро тарк карданд, ки боиси каме қафо мондани намуди тирандозӣ гардид.

“Айни замон дар шаҳри Душанбе ва вилояти Суғд дар 4 марказ ҷавонону наврасон ба тамрин машғуланд ва Тоҷикистонро дар мусобиқаҳои сатҳи байналмилаливу минтақавӣ намояндагӣ мекунанд. Аз ҷумла соли 2018 варзишгари ҷавону умедбахш Бежан Файзуллоев дар 3-юм Бозиҳои олимпии наврасон дар Аргентина ширкат намуда, дар ҳайати тими омехта ба гирифтани медали нуқра мушарраф шуд”, - иттилоъ дод Кумита.

Ҷавонон барои Ҷоизаи Зебунисо Рустамова қувваозмоӣ мекунанд

Владимир Лисин дар навбати худ иброз доштааст, ки Федератсияи байналмилалии варзиши тирандозӣ ҳамеша омода аст, ки Федератсияи тирандозии Тоҷикистонро аз лиҳози лавозимоти варзишӣ дастгирӣ кунад.

Ҷонибҳо ба хулоса омадаанд, ки марказҳои тамринро дар дигар минтақаҳо низ ташкил кунанд, то наврасону ҷавонони лаёқатмандро ба дастаи мунтахаб ҷалб намоянд. Ҳамчунин, пешниҳод шудааст, ки соли 2021 ба ифтихори 30-солагии Истиқлоли давлатии Тоҷикистон дар Душанбе як мусобиқаи сатҳи байналмилалӣ баргузор карда шавад.

70
Барчаспҳо:
варзиш, рушди, Кумитаи миллии олимпии ҶТ, Тоҷикистон
Национальная сборная Таджикистана провела заключительную тренировку в Куала-Лумпуре

Мунтахаби футболи Тоҷикистон бе ягон бозии расмӣ мавсими 2021-ро ҷамъбаст мекунад

63
Мавсими футбол барои мунтахаби миллии Тоҷикистон барои имсол хотима ёфта, кулли бозиҳояш ба соли оянда гузошта шуд

ДУШАНБЕ, 12 авг — Sputnik. Тибқи иттилои Федератсияи футболи Тоҷикистон Федератсияи байналмилалии футбол ва Конфедератсияи футболи Осиё ба қароре омаданд, ки бозиҳои марҳилаи интихобии Ҷоми ҷаҳон-2022, Ҷоми Осиё-202 ба соли оянда гузошта шавад.

Ба поияи ин тасмим, бозиҳое, ки  баргузорияшон моҳҳои октябр ва ноябри соли ҷорӣ ба нақша гирифта шуда буданд, ба соли 2021 гузаронида мешаванд.

Яккачини Тоҷикистон ҳамин тавр дар соли ҷорӣ ягон бозии расмӣ доир намекунад, аммо аз рӯйи нақша бозиҳои дӯстонаашро доир мекунад.

Манбаъ мегӯяд, тасмими мазкур дар пайи паҳншавии бемории ҳамагири коронавирус гирифта шудааст.

Гуфта мешавад, бо мақсади ҳифзи саломатӣ ва бехатарии ҳамаи иштирокчиён, FIFA ва AFC минбаъд низ корро барои назорати дақиқи вазъ дар минтақа ва муайян кардани санаҳои нави мувофиқ барои бозиҳои интихобӣ,  идома медиҳанд.

Маълумоти бештар дар бораи санаҳои нави баргузории бозиҳои Ҷоми Ҷаҳон- 2022 ва Ҷоми Осиё-2023 ба зудӣ эълон хоҳад шуд.

ФИФА ба Федератсияи футболи Тоҷикистон 1,5 миллион доллар медиҳад

Ёдовар мешавем яккачини Тоҷикистон мебоист моҳҳои октябр ва ноябр бо тимҳои миллии Муғулистон, Ҷопон ва Мянма дар доираи мусобиқоти интихобӣ барои Ҷоми ҷаҳон-2022 рақобат кунад.

63
Барчаспҳо:
Ҷоми АФК, ФИФА, ФФТ, футбол, мунтахаби Тоҷикистон, Тоҷикистон
Зал со зрителями на Fight Nights Global Global 71, архивное фото

Размикори ММА бо усули ғайримаъмулӣ рақибашро аз пой зад - видео

663
(Таҷдидшуда 14:53 09.08.2020)
Ин рақобат дар бахши дуюм хотима ёфт. Пас аз чандин зарбаи сангин бар пой, варзишкори амрикоӣ натавонист рақобатро идома диҳад

ДУШАНБЕ, 9 авг — Sputnik. Варзишкори муҳорибаҳои омехта Чарли Кэмпбелл аз ИМА, дар мусобиқаи Bellator 243 бо усули ғайримаъмулӣ бар варзишкори ҳамшаҳрияш Найндоа Данг пирӯз шуд.

Навори лаҳзаи нокаeт дар саҳифаи баргузоркунандагони рақобат дар Twitter нашр шудааст.

Ин рақобат дар бахши дуюм хотима ёфт.

Муин Ғафуров: ба ҷои UFC, размикор метавонад ба Ҷопон биравад

Кэмпбелл бар пойи рақибаш пай дар пай шалллоқҳои сангин равон мекард. Дар натиҷа Данг тавони идомаи рақобатро аз даст дод.

Рефери дар ин росто, рақобатро бо хулосаи нокаути техникӣ хотима бахшид.

Дана Уайт 4 размикори беҳтарини UFC - ро ном бурд: миёнашон як зан - Ҳабиб нест

Ин пирӯзии дуввуми Чарли Кэмпбелл дар фаъолияти варзишиаш мебошад.

Ӯ ҳамагӣ як маротиба мағлуб шудааст.

663
Барчаспҳо:
Ҷаҳон, нокаут, варзишкор, размикор
Народный поэт Таджикистана Гулназар Келди

Гулназар Келдӣ зери дастгоҳи нафасдиҳии сунъӣ гузаронда шуд

0
(Таҷдидшуда 17:14 12.08.2020)
Вазъи саломатии Гулназар Келдӣ, шоири шинохтаи тоҷик, муаллифи суруди миллии Тоҷикистон бадтар шудааст

ДУШАНБЕ, 12 авг — Sputnik. Табибон дар пайи бадтар шудани вазъи Гулназар Келдӣ, ӯро ба дастоҳи нафасдиҳии сунъӣ пайваст кардаанд, иттилоъ дод хабарнигори Sputnik Тоҷикистон.

"Гулназар Келдӣ худро бадтар эҳсос кард ва табибон тасмими гирифтанд, ки ӯро зери дастгоҳи нафасдиҳии сунъӣ гузаронанд”, - изҳор дошт манбаъ.

Ахиран шоири халқӣ ва муаллифи Суруди миллии Тоҷикистон бо гумони ибтило ба “вируси корона” ба Маҷмааи тандурустии “Истиқлол” интиқол ёфта буд.

Худи шоир 11 август ба Sputnik Тоҷикистон гуфт, як рӯзи қабл дарди ногуворе саропои вуҷудашро ларзонд ва наздиконаш салоҳ донистанд, ки ӯро ба шифохона интиқол диҳанд.

“Каме хастагиро эҳсос мекунам. Дар умум, вазъи сиҳатиам хуб аст. Ҳоло табобати профилактикӣ мегирам. Аз дӯстон хоҳиш мекунам, ки ташвиш накашанд, аммо худро сахт эҳтиёт кунанд”, - гуфт шоири халқии Тоҷикистон.

Гулназар Келдӣ 20 сентябри соли 1945 таваллуд шуда, ба номи худ Ҷоизаи давлатии Тоҷикистон ба номи Абӯабдуллоҳи Рӯдакӣ (1994), Ҷоизаи Комсомоли Тоҷикистон, Ҷоизаи ба номи М. Турсунзода, Шоири халқии Тоҷикистон (1995) – ро сабт кардааст. Муаллифи матни Cуруди миллии Тоҷикистон мебошад. "Расми сарбозӣ" - нахустин маҷмӯаи шеърҳои ӯ соли 1969 чоп шудааст.

"Дастархон" (1972), "Нордбон" (1975), "Ағба" (1978), "Паҳно" (1981), "Лангар" (1983), "Пайи дарё" (1985), "Чашми нигин" (1988), "Табхола" (1992 г.), “Туву хубиву раъноӣ” маҳсули фаъолияти беш аз нимасраи ӯ мебошанд. Маҷмӯаҳои вай ба забони русӣ бо номи "Звезда Улугбека" (1981) ва "Безымянный родник" (1986) дар нашриёти "Советский писатель" – и Русия ва "Тень тутовника" (1989) дар Душанбе чоп шудаанд. Осори ӯ дар Афғонистону Эрон ва дигар кишварҳо низ ба нашр расидаанд.

0