Ифтитоҳи осорхонаи Назруллоҳи Латиф дар Душанбе

Ифтитоҳи осорхонаи таърихи варзиши тоҷик дар манзили зисти шореҳи шинохтаи кишвар

368
(Таҷдидшуда 15:34 30.09.2019)
Шореҳи шинохтаи варзиши Тоҷикстон Нарзуллоҳи Латиф дар хонаи худ гушаи таърихи варзиши Тоҷикистонро ифтитоҳ кард

ДУШАНБЕ, 30 сен — Sputnik. Нарзуллоҳи Латиф, шореҳи шинохтаи варзиш ва раиси Ассотсиатсияи журналистони риштаи варзиши Тоҷикистон осорхонаи шахсии худро чанде пеш дар ҳавлиаш, берун аз Душанбе, ифтитоҳ кард.

Осорхонаи ӯ ҳамагӣ дар масоҳати 65 метри мураббаъ ташкил шудааст ва дар  он ҳазорҳо нигора ҷамъоварӣ шудааст.

Нарзуллоҳи Латиф дар суҳбат бо Sputnik Тоҷикистон таъкид кард, ки ҳадаф аз таъсиси он, ин зинда нигоҳ доштани таърихи варзиши тоҷик ва таърихи фарҳангу таърихи хонаводагӣ аст.

© Sputnik
Осорхонаи Нарзуллоҳи Латиф дар Душанбе

Вай афзуд, дар ин осорхона ҳосили кори панҷоҳсолааш ҷамъоварӣ шудааст.

“Дар ин осорхона гушаҳои зиёде ҳаст. Гушаи варзиш, хонаводагӣ, фаъолияти корӣ, сафарҳо ба кишварҳои мухталиф, ҳамсуҳбатҳо ва аксҳо аз Олипиадаҳо, бозиҳои Осиё ва Ҷаҳон. Барои ҳаммаи гушаҳои номбурда аксу навори таърихӣ ҷамъоварӣ шудааст”,- қайд намуд шореҳи шинохтаи варзиш.

Нарзуллоҳи Латиф зикр кард, ки баъзе аз аксҳо бисёр арзиши таърихӣ доранд.

“Барои мислол дар ин осорхона аввалин акси дастаи футболи шаҳри Душанбе, ки "Строител" ном дошт, ва дар соли  1931 аксбардорӣ шудааст мавҷуд аст. Дар акси дигар, аъзои бошгоҳи футболи “Динамо”-и Душанбе, ки таърихи 80-сола дорад, дида мешавад. Чунин аксҳои таърихӣ дар осорхона бисёранд. Ҳар меҳмони осорхона имкон дорад дар ин осорхона бо таърихи тақрибан садсолаи варзиши тоҷик ошноӣ пайдо кунад”, - гуфт соҳиби осорхона.   

Нарзуллоҳи Латиф яке аз чеҳраҳои шиносхта дар варзиши Тоҷикистон аст. Садои ӯ ба аксари насли ҷавону кӯҳансоли Тоҷикистон маълум аст. Маъруфияти ӯ аз замони шореҳияш тавассути телевизиону радиои Тоҷикистон дар бораи бозиҳои дастаи "Помир"-и Душанбе оғоз ёфт. Ҳаводорони бузургсолу миёнасоли футбол ӯро хуб ёд доранд.

Нарзуллоҳи Латиф гуфт, ҳар лаҳзаи истироҳаташро дар осорхона сипарӣ мекунад.

“Фақат рӯзҳои истироҳатам ба инҷо меоям. Тамоми чизе, ки дар ин ҷо ҳаст, бароям ҷолиб аст, зеро аз гузашта ба ёдам меорад ва ман аз дидану шунидану хонданаш лаззат мебарам. Ин осорхона ҷоест, ки бароям эҳсоси оромӣ мебахшад”, - таъкид дошт Нарзуллоҳи Латиф  

Назруллоҳи Латиф дар Осорхонаи худ
© Sputnik
Осорхонаи Нарзуллоҳи Латиф дар Душанбе

Нарзуллоҳи Латиф, соли 1952 дар шаҳри Душанбе ба дунё омада, пас аз хатми ДДМТ дар расонаҳои мухталифи кишвар ва идораҳои давлатӣ ифои вазифа кардааст.

Дар солҳои гуногун ноиби президенти Федератсияи футболи Тоҷикистон ва сармуҳаррири нашрияҳои "Футбол", "Варзиш – Спорт" буда, чандин сол боз раиси Ассотсиатсияи рӯзноманигорони риштаи варзиши Тоҷикистон мебошад.

Аз ҷумла шореҳи шинохтаи варзиши Тоҷикистон барандаи Ҷоизаи Иттифоқи журналистони Тоҷикистон ба номи Абулқосим Лоҳутӣ буда, бо унвон ва нишонҳои баланди фахрии Тоҷикистон қадрдонӣ шудааст.

368
Барчаспҳо:
таърих, шореҳ, осорхона, варзиш, Тоҷикистон

Дана Уайт: Ман ҳанӯз шарт мебандам, ки Ҳабиб рекорди 30:0 мегузорад. Инро падараш мехост

385
(Таҷдидшуда 18:12 22.11.2020)
Президенти UFC Дана Уайт эълони қаҳрамони UFC Ҳабиб Нурмуҳаммадовро, ки гуфт ҳама имконот барои бозгашти дубора ба майдонро рад кард, шарҳ дод

ДУШАНБЕ, 22 ноя - Sputnik. Президенти UFC гуфтааст, минбаъд низ ба он боварӣ дорад, ки Ҳабиб бармегардад ва рекорди 30-0 сабт мекунад, ҳамон тавре ки падараш мехост.

"Ҳабиб бо Гетҷи охирин муборизаи хеле эҳсосотӣ дошт, аз ин рӯ ман ба бозгашти ӯ боварӣ дорам", - гуфтааст, Уайт.

Ӯ гуфтааст, дар ин масъала ҳоло ҳеҷ чиз ҳал нашудааст, аммо ба рушди ҳаводис нигариста шарт мебандад, ки Ҳабиб бармегардад.

"Ки рақиби ӯ хоҳад буд? Ин метавонад на танҳо Сен-Пейр бошад. Конор ва Порйе мубориза мебаранд, ҳамзамон Фергюсон ва Чандлер низ ҳастанд...",- гуфтааст Дана Уайт.

Номбурда гуфт, ҳоло интизор мешавем, ки Ҳабиб ин таваққуфро то кай нигоҳ дошта метавонад. Агар ӯ қарор диҳад, ки баргардад ва ин корро бикунад, пас ин бачаҳо омодаанд бо ӯ мубориза баранд, гуфт президенти UFC.

Санаи рақобати дуввуми собиқ ҳарифони Ҳабиб - Конор ва Порйе дақиқ шуд

Ёдовар мешавем, Нурмуҳаммадов дар пайи пирӯзӣ бар Ҷастин Гетҷи, бо 29 ғалаба ва бидуни шикаст изҳор дошт, ки фаъолияти касбияшро хотима медиҳад.

385
Барчаспҳо:
бозгашт, муҳорибаи омехта, Ҳабиб Нурмуҳаммадов, қаҳрамони UFC
Ожирение, архивное фото

Мубориза бо фарбеҳӣ: дар Ӯзбекистон ба назорати вазни мансабдорон шурӯъ мекунанд z

116
(Таҷдидшуда 14:59 22.11.2020)
Дар мақомоти Ӯзбекистон барои аз байр бурдани фарбеҳӣ сар аз соли оянда давоми рӯзи корӣ барои машқҳои гимнастикӣ вақти махсус ҷудо карда мешавад

ДУШАНБЕ, 22 Ноябр - Sputnik. Бино ба иттилои “УзА”, им мавзӯъ дар нишасти матбуотие, ки дар Агентии иттилоот ва коммуникатсияи оммавӣ бо иштироки намояндагони Вазорати тарбияи ҷисмонӣ ва варзиш садо дод.

Дар ҷараёни чорабинӣ масъалаҳо оид ба таҳияи меъёрҳои арзёбии фарбеҳии мансабдорон ва роҳандозии системаи онлайнии мониторинг барои таҳлили натиҷаҳои ба даст овардашуда дар асоси рейтинг тартиб дода шуданд.

Тибқи фармони президент "Дар бораи чораҳои васеъ ҷорӣ намудани тарзи ҳаёти солим ва рушди минбаъдаи варзиши оммавӣ", роҳбарон, кормандони идораҳои давлатӣ ва ташкилотҳо ба тарбияи ҷисмонии фаъол ҷалб карда мешаванд ва барои онҳо мусобиқаҳои гуногуни варзишӣ ба нақша гирифта шудаанд.

Дар ин санад қайд шудааст, ки аз 1 январи соли 2021 онҳо вазифадоранд, ки ҳадди аққал як маротиба дар як ҳафта бо мақсади "коҳиш додани фарбеҳӣ ва беҳтар намудани саломатӣ" варзиш кунанд.

Ғайр аз ин, аз соли оянда сар карда, дар давоми рӯзи корӣ барои машқҳои гимнастикӣ вақти махсус ҷудо карда мешавад.

Гуфта мешавад, ҳамзамон дар назар аст то 1 сентябри соли 2021 "Энсиклопедияи варзишҳои миллии варзишӣ ва бозиҳои халқии Ҷумҳурии Ӯзбекистон" омода ва нашр шавад.

ВКД Тоҷикистон аз кормандон талаб кард, ки аз фарбеҳӣ халос шаванд

Дар тоҷикстон бошад, чунин тасмими вижа набуд, аммо дар гузашта Вазорати корҳои дохилии кишвар аз ҳама кормандони сохторҳояш талаб карда буд, ки аз вазни зиёдатӣ халос шаванд ва ба намуди зоҳирии худ таваҷҷӯҳ зоҳир намоянд. ВКД ҳатто ба кормандон муҳлат ҳам дода буд, ки ин камбудашонро ислоҳ кунанд.

 

116
Барчаспҳо:
мансабдорон, Ӯзбекистон, мубориза, фарбеҳӣ
Гололедица , архивное фото

Ҳушдори КҲФ ба ронандаҳо: то 27 ноябр яхбандӣ ва тармафароӣ мешавад

0
(Таҷдидшуда 19:16 24.11.2020)
Тибқи пешгӯии Ожонсии ҳавошиносии ҷумҳурӣ, то 27 ноябр дар ҷумҳурӣ боридани борон ва дар доманакӯҳҳо ва ноҳияҳои кӯҳистонӣ бориши барфи шадид дар назар аст

ДУШАНБЕ, 24 ноя — Sputnik. Кумитаи ҳолатҳои фавқулода аз яхбандӣ дар роҳҳои мошингард ва ҳамзамон тармафароӣ ҳушдор медиҳад.

Ба иттилои манбаъ, дар қитъаҳои роҳҳои мошингарди "Душанбе — Чанок", "Душанбе — Ваҳдат — Лахш", "Душанбе — Рашт", "Душанбе — Сангвор", "Душанбе — Кӯлоб", "Шоҳин — Дарвоз", "Ванҷ- Хоруғ", "Хоруғ — Ишкошим — Мурғоб" эҳтимоли яхбандӣ, тӯдашавии барф дар баъзе ҷойҳо, инчунин дараҷаи баланди хатари фаромадани тарма мавҷуд аст.

КҲФ аз сардшавии ҳаво, боришоту яхбандӣ ва лағзиши тарма ҳушдор медиҳад

Ба шаҳрвандон тавсия дода мешавад, ки дар ин рӯзҳо аз мусофират, сафарҳо ба мавзеъҳои аз лиҳози фаромадани тарма хатарнок худдорӣ кунанд, ҳушёр ва эҳтиёткор бошанд.

"Ронандагон ҳангоми ҳаракат дар минтақаҳои кӯҳӣ ё қитъаҳои дорои хатари фаромадани тарма бояд фосилаи муқарраршудаи байни мошинҳоро қатъиян риоя кунанд, дар роҳҳо бодиққат ва эҳтиёткор бошанд", - шарҳ доданд дар Кумитаи ҳолатҳои фавқулода.

Тибқи пешгӯии Ожонсии ҳавошиносии ҷумҳурӣ, то 27 ноябр дар ҷумҳурӣ боридани борон ва дар доманакӯҳҳо ва ноҳияҳои кӯҳистонӣ бориши барфи шадид дар назар аст.

0
Барчаспҳо:
тармафароӣ, ҳушдор аз яхбандӣ, яхбандӣ, ҳушдор