ДУШАНБЕ, 15 окт — Sputnik. Қаҳрамони муҳорибаҳои омехтаи UFC дар вазни сабук , варзишкори доғистонӣ Ҳабиб Нурмуҳаммадов исми рақиби навбатиашро эълон кард, хабар медиҳад нашриёти Netcast Zone.
Ба гуфти Нурмуҳаммадов рақиби навбатии ӯ дар октагон бояд варзишкори амрикоӣ Тони Фергюсон шавад.
"Дигар рақиб нест. Рақиби навбатиям Тони Фергюсон хоҳад шуд. Тони сазовор аст, мо бояд биҷангем", - гуфт варзишкори русиягӣ.
Размикори номдори русиягӣ Ҳабиб Нурмуҳаммадов гуфт, намехоҳад вазнашро зиёд кунад. Ӯ қасд дорад дар ҳамин вазни худ қаҳрамони ҷаҳон бошад.
"Ман мехоҳам унвони худро дар ҳамин вазни сабук ҳимоя кунам ва беҳтарин варзишкор дар таърихи размикорони ҷаҳон шавам", - қайд кард Ҳабиб.
Ёдрас мешавем, Ҳабиб Нурмуҳаммадов, размикори шинохтаи доғистонӣ рӯзи 8 сентябр дар Абу-Дабӣ бо истифода аз усули буғикунанда рақиби амрикоияш Дастин Пуареро шикаст дод.
Назан, дар замин хобону шикан: Нурмуҳаммадов гуфт, модараш ба ӯ чӣ маслиҳат медиҳад
Дар мусоҳиба бо Шабакаи аввали Русия варзишкор гуфт, 80 дарсад бовар дорад, ки рақобати навбатӣ дар Русия баргузор мешавад.
Аз тилло гаронтар : "футболка" - и рақобати Ҳабиб ва Пуареро 100 ҳазор доллар фурӯхтанд
Бояд гуфт, Ҳабиб Нурмуҳаммадов дар фаъолияти варзишиаш 28 бор ба майдон баромада ва пирӯз шудааст.
