Российский борец Мирзаев отвечает на вопросы журналистов

Мирзаевро кӣ зад: бародари Ҳабиб мегӯяд оилаи онҳо дар латукӯби варзишгар даст надоранд

1704
(Таҷдидшуда 18:50 18.10.2019)
Умар Нурмуҳаммедов, писарамаки Ҳабиб Нурмагомедов гуфт, ки оилаи ӯ дар латукӯби варзишгари муҳорибаҳои омехта Расул Мирзаев иртибот надорад

ДУШАНБЕ, 18 окт — Sputnik. Писарамаки Ҳабиб Нурмуҳаммедов даст доштани пайвандонашро дар латукӯби бераҳмонаи Расул Мирзаев размикори муҳорибаҳои омехта, комилан рад мекунад, хабар медиҳад Спорт Экспресс.

Умар мегӯяд, ин кори дасти ягон нафар аз дӯстон ва пайвандони Ҳабиб нест. Номбурда латукӯб шудани Мирзаевро кори дасти "бача"-ҳои Артём Лобов мепиндорад.

"Оилаи мо дар ин кор тамоман даст надорад. Ин кор пас аз он сар зад, ки Мирзаев бо Артём Лобов дар як ҷо нишаста буданд ва сари кадом масъала байни онҳо нофаҳмӣ сар зад", - афзудааст Умар Нурмуҳаммедов.

Зимнан Умар илова намудаст, ки Ҳабиб гуё аз нияти нопоки ҳамроҳони Артём пай бурд ва ҳатто ӯро ҳушдор дода буд, ки эҳтиёт шавад.

Ҳамла ба хонаи Мирзаев ҳанӯз моҳи марти соли 2016 рух дода буд, вале навори латукӯби варзишгар ба наздикӣ пайдо шуд.

Он замон сару садоҳо баланд шуданд, ки гӯё дар латукӯби Мирзаев одамони Ҳабиб Нурмуҳаммедов даст доранд.

Вале писарамакаш ҳамаи ин иддаоро беасос хонада гуфт, ки чунин бархурд намудани ҷавонон бо Мирзоевро ноҷавонмардӣ меҳисобад.

"Агар нисбати шахс алам дошта бошӣ – рафта як ба як ҳал намо, бо худ одам гирифтан лозим нест", - мегӯяд Умар Нурмуҳаммедов.

Маврид ба зикр аст, ки дастандаркорони латукӯби варзигар  Расул Мирзаев бинобар пайдо накардани онҳо то ҳол беҷазо монданд.

1704
Барчаспҳо:
варзишгар, латукӯб, Ҳабиб Нурмуҳаммадов

Тавсифи Трамп аз Нурмуҳаммадов: беҳтарин размикори ҷаҳон аст

1337
(Таҷдидшуда 08:50 17.09.2020)
Кишвардори Амрико Доналд Трамп изҳор доштаст, ки новобаста аз серкорӣ, муҳорибаи Ҳабиб Нурмуҳаммадов ва Ҷастин Гейтҷиро ҳатман тамошо хоҳад кард

ДУШАНБЕ, 17 сен — Sputnik. Ба изҳори раисҷумҳури Амрико Доналд Трамп, размикори доғистонӣ Ҳабиб Нурмуҳаммадов беҳтарин варзишгари ҷаҳон дар муҳорибаи омехта новобаста аз вазн, ба ҳисоб меравад, хабар медиҳад Russia Today. 

Трамп мегӯяд, новобаста аз он ки, дар арафаи интихоботи президентӣ бисёр серкор аст, бо вуҷуди ин ҳам, муҳорибаи размикори доғистонӣ бо ҳамтои амрикоии ӯро ҳатман тамошо мекунад.

Филме, ки аз зиндагиномаи Абдулманап Нурмуҳаммадов қисса мекунад, нашр шуд - видео

"Гейтҷиро муҳорибаи вазнин дар пеш аст, зеро бо беҳтарин размикори ҷаҳон вориди рақобат мешавад. Ин як муҳорибаи бебаҳо хоҳад буд ва ман онро ҳатман тамошо мекунам", - изҳор доштааст Трамп.

Ёдовар мешавем, муҳорибаи Ҳабиб Нурмуҳаммадов ва Ҷастин Гейтҷи рӯзи 24 - уми октябр дар АМА баргузор мешавад. Гейтҷии 31 - сола аз 22 муҳорибаи худ танҳо дар ду маврид бохтааст.

Ҳарифи ӯ, размикори доғистонӣ Ҳабиб Нурмуҳаммадов бошад, ҳамаи 28 рақобати худро бидунӣ мағлубият анҷом додааст.

Бояд гуфт, ки Нурмуҳаммадов дар рейтинги UFC пас аз Ҷон Ҷонс дар мақоми дуюм қарор дорад.

1337
Барчаспҳо:
тавсиф, Ҳабиб Нурмуҳаммадов, Доналд Трамп
Футбольный матч, душанбинский Истиклол против турсунзадевского Регар-ТадАЗом

Ҷоми футболи Тоҷикистон: "Регар-ТадАЗ" ва "Истаравшан" ба давраи нимниҳоӣ роҳ ёфтанд

74
Даври нимфинали Ҷоми Тоҷикистон-2020 22-23 сентябр баргузор мегардад. Дастаҳои футболи "Равшан"-и шаҳри Кӯлоб бо "Регар-ТадАЗ"-и шаҳри Турсунзода ва "Хатлон"-и шаҳри Бохтар бо "Истаравшан"-и шаҳри Истаравшан байни ҳам рақобат мекунанд

 ДУШАНБЕ, 16 сен – Sputnik. "Регар-ТадАЗ" ва "Истаравшан" ба давраи нимниҳоии Ҷоми футболи Тоҷикистон роҳ ёфтанд, хабар медиҳад Федератсияи футболи Тоҷикистон.

Бино бар иттилои манбаъ, шоми  дирӯз  дар варзишгоҳҳои мамлакат бозиҳои   даври чорякфинали Ҷоми Тоҷикистон-2020 ба анҷом расиданд.

Дар баробари дастаҳои футболи  "Равшан"-и шаҳри Кӯлоб  ва "Хатлон"-и шаҳри  Бохтар дастаҳои "Регар-ТадАЗ"-и шаҳри Турсунзода  ва "Истаравшан"-и шаҳри Истаравшан  низ ба даври навбатӣ роҳ ёфтанд. 

Дар бозиҳои  чорякфинал  дастаи  футболи "Регар-ТадАЗ"-и шаҳри Турсунзода бар дастаи  "Локомотив-Помир"  бо ҳисоби 4:2 ғалаба кард.

Дар ҳайати дастаи ғолиб Шавкати Ҳотам се гол зад. Як голи дигарро Иброҳим Зокиров ба нишон расонид. Дар бозии дигар  дастаи футболи "Истаравшан"-и шаҳри Истаравшан  пас аз силсилаи зарбаҳои ёздаҳметра дастаи футболи  "Кӯктош"-и ноҳияи Рӯдакиро мағлуб намуд.

Баъди "рондан" аз "Ротор": футболбози шинохтаи тоҷик ба тими “Нижний Новгород” гузашт

Вақти асосии дидор бо ҳисоби мусовии 0:0 анҷом ёфт. Дар вақти изофӣ дастаҳо ба дарвозаи якдигар якголӣ заданд. Дар силсилаи зарбаҳои ёздаҳметра бахти истаравшаниҳо омад карду бо ҳисоби 5:4 ғолиб омаданд.

Ҳамин тариқ, даври нимфинали Ҷоми Тоҷикистон-2020 22-23 сентябр баргузор мегардад. Дастаҳои футболи  "Равшан"-и шаҳри Кӯлоб  бо "Регар-ТадАЗ"-и шаҳри Турсунзода  ва «Хатлон»-и шаҳри Бохтар бо "Истаравшан"-и шаҳри Истаравшан байни ҳам рақобат мекунанд.

74
премьер-министр Узбекистана Абдулла Арипов

Санаи сафари сарвазири Ӯзбекистон ба Тоҷикистон маълум шуд

0
(Таҷдидшуда 21:34 19.09.2020)
Палатаи савдо ва саноати Тоҷикистон мегӯяд, сафари Абдулло Арипов, сарвазири Ӯзбекистон ба Душанбе ба рӯзҳои 28-30 сентябр рост меояд

ДУШАНБЕ, 19 сен — Sputnik.  Омодагӣ ба сафари Абдулло Арипов дар Палатаи савдо ва саноати Тоҷикистон баррасӣ шуд. Дар доираи ин сафар анҷумани соҳибкорони Тоҷикистону Ӯзбекистон рӯзҳои 28-30 сентябр ба нақша гирифта шудааст.

Инчунин зимни ин сафар ҷаласаи навбатии Комиссияи байниҳукуматии Тоҷикистон ва Ӯзбекистон баргузор мегардад

Дафтари матбуоти вазорати иқтисод ва савдои Тоҷикистон, мегӯяд, ҳоло омодагиҳо ба ҷаласаи навбатии Комиссияи байниҳукуматии Тоҷикистон ва Ӯзбекистон давом доранд.

Тибқи иттилои манбаъ, ин нукта зимни вохӯрии  Вазири рушди иқтисод ва савдои Тоҷикистон Завқӣ Завқизода ва муовини якуми Вазири сармоягузорӣ ва савдои хориҷии Ӯзбекистон Лазиз Қудратов, муовини Вазири иқтисод ва паст кардани сатҳи камбизоатии Ӯзбекистон Акмалхон Ортиқов, ки 18 сентябр дар шаҳри Душанбе баргузор гардид, мавриди баррасӣ қарор гирифт.

Ҳамзамон манбаъ таъкид доштааст, ки зимни вохӯрӣ ҷонибҳо инчунин вазъ ва дурнамои ҳамкории дуҷонибаро дар соҳаи тиҷоратию иқтисодӣ, аз ҷумла зиёд намудани нишондиҳандаҳои ҳаҷми гардиши савдои дуҷониба, таъсиси корхонаҳои муштарак дар минтақаҳои озоди иқтисодии Тоҷикистон баррасӣ намуданд.

0
Барчаспҳо:
ҷаласа, ҳамкорӣ, Ӯзбекистон, Тоҷикистон