Омодагии мунтахаби наврасони Тоҷикистон барои бозӣ бо тими Аргентина

273
(Таҷдидшуда 12:43 02.11.2019)
Мунтахаби наврасони Тоҷикистон имрӯз ба омодагӣ барои бозии навбатӣ бо мунтахаби наврасони Аргентина шурӯъ намуд

ДУШАНБЕ, 1 ноя — Sputnik. Футболбозони навраси Тоҷикистон пас аз тими Испания мағлуб шудан, имрӯз ба омодагӣ барои бозии навбатии худ шурӯъ намуданд. Мунтахаби наврасони тоҷик дар даври сеюми гурӯҳи "Е" бо дастаи ҷавонони Аргентина вориди майдон мешаванд.

Аз ин рӯ, субҳи имрӯз футболбозони тоҷик барои барпо кардани тамрини навбатӣ ба майдони "Кампо да Эстива"-и Витория ҷамъ шуданд, хабар медиҳад сомонаи "Варзиш".

Ба фарқ аз се машқи қаблии барқароршавӣ футболбозон умуман дар ҷараёни тамрини имрӯза бо тӯб кор накарданд.

Шикасти мунтахаби наврасони Тоҷикистон аз Испания бо ҳисоби калони 5:1

Қатъи назар аз натиҷаи бозӣ бо Испания ҳоло барои наврасони Тоҷикистон имкони баромадан аз гурӯҳ ба даври ҳазфӣ ҳаст. Пас аз ҷамъбасти бозиҳои даври сеюми гурӯҳӣ номи ҳамаи 16 тими ба марҳилаи ҳазфӣ мебаромада муайян мешавад. 

Бояд гуфт, ки пас аз ду даври мусобиқа дар гурӯҳи "Е", мунтахабҳои наврасони Испания ва Аргентина, ки ҳар кадоме 4 имтиёзӣ доранд. Дастаи мунтахаби ҷавонони Тоҷикистонро бошад, барои ба бозиҳои плей-оффи мусобиқа баромадан дар бозии даври ҷамъбастии марҳилаи гурӯҳӣ муқобили Аргентина мусовӣ ҳам қаноат мекунонад.

Довари бозии мунтахаби наврасони Тоҷикистон ва Испания муайян шуд
Ин вохӯрӣ рӯзи якшанбе, 3 ноябр, соати 17:00 ба вақти маҳаллӣ (соати 01:00-и санаи 4-уми ноябр ба вақти Душанбе) дар варзишгоҳи "Estаdio Klеber Andrade" дар шаҳри Кариасики Бразилия оғоз меёбад.

273
Барчаспҳо:
Аргентина, Тоҷикистон, наврасон, мунтахаб, футбол

Гейҷӣ ҳангоми гиряи Ҳабиб дар майдон ба ӯ чӣ гуфт?

2974
(Таҷдидшуда 15:18 25.10.2020)
Ҷастин Гейҷӣ, размикори амрикоӣ нақл кард, ки ҳангоми гиряи Ҳабиб Нурмуҳаммадов дар майдон бо кадом суханҳо ӯро дилбардорӣ кард

ДУШАНБЕ, 25 окт — Sputnik.  Гейҷӣ гуфт, баъди анҷоми сабқт ҳангоми гиряи Ҳабиб Нурмуҳаммадов ӯ ба қаҳрамони UFC дар вазни сабук изҳори ҳамдардӣ кард.

Гейҷӣ ба Нурмуҳаммадов гуфтааст, ки қаблан имкони муроҷиат кардан ба ӯро надоштаст ва илова намудааст, хеле мутаассиф аст, ки Ҳабиб падарашро аз даст дод.

"Коратро ман давом медиҳам": Макгрегор муҳорибаи Ҳабиб бо Гедҷиро баҳогузорӣ кард

“Ту дар ҳамин лаҳзаҳо падарро водор кардӣ, ки бо ту ифтихор дошта бошад”, - тавзеҳ дод Гейҷӣ суханҳои гуфтааш дар майдонро ба BT Sport.

Шаби 25 октябр Ҳабиб Нурмуҳаммадов дар даври дуюми сабқат бо Ҷастин Гейҷӣ бо истифодаи усули буғикунанда пирӯз шуд. Феълан Ҳабиб шикастнодида буда, дар 29 сабқаташ 29 пирӯзӣ дорад.

Дар пайи пирӯзӣ бар Гейҷӣ, Нурмуҳаммадов аз роҳбарияти UFC хост, ӯро дар садри беҳтарин размикорон ҷой диҳанд, чун ӯ арзанда бошад.  Дана Уайт, роҳбари UFC ба Ҳабиб Нурмуҳаммадов дар феҳрасти беҳтарин размикорони ҷаҳон мақоми аввалро дод.

Лаззат бар: Ҷонс ҷои аввалро дар рейтинги UFC ба Нурмуҳаммадов дод

Ҷон Ҷонс, ки то ҳол дар сархати беҳтарин размикорон қарор дошт, аз мақомаш ба фоидаи Нурмуҳаммадов даст кашид.

Pound-for-pound – нисбати размикоре кор бурда мешавад, ки новобаста аз вазн беҳтарини беҳтаринҳо эътироф шудааст.

2974
Барчаспҳо:
Ҳабиб Нурмуҳаммадов, сабқат, Русия

Шарҳи Кремл дар бораи пирӯзӣ ва тасмими тарки майдон кардани Ҳабиб

2257
(Таҷдидшуда 15:25 25.10.2020)
Дар Кремл сабқати Ҳабиб Нурмуҳаммадов, размикори русиягӣ ва рақиби амрикоияш Ҷастин Гейҷиро шарҳ доданд

ДУШАНБЕ, 25 окт — Sputnik. Дмитрий Песков, сухангӯи раисиҷумҳури Русия, Ҳабиб Нурмуҳаммадов, қаҳрамони UFC дар вазни сабукро бо пирӯзияш бар Ҷастин Гейҷӣ шодбош гуфт.

Ӯ ҳамчунин дар мавриди изҳороти Нурмуҳаммадов дар бораи хатми ҳунарнамоиҳояш дар майдон гуфт, ин интихоби шахсии ӯ мебошад.

“Мо аз пирӯзияш шодем, ӯро шодбош мегӯем. Боқӣ дигар интихоби худи ӯст”, - таъкид кард сухангӯи раисиҷумҳури Русия.

"Коратро ман давом медиҳам": Макгрегор муҳорибаи Ҳабиб бо Гедҷиро баҳогузорӣ кард

Шаби 25 октябр Ҳабиб Нурмуҳаммадов дар даври дуюми сабқат бо Ҷастин Гейҷӣ бо истифодаи усули буғикунанда пирӯз шуд. Феълан Ҳабиб шикастнодида буда, дар 29 сабқаташ 29 пирӯзӣ дорад.

Дар пайи пирӯзӣ бар Гейҷӣ, Нурмуҳаммадов аз роҳбарияти UFC хост, ӯро дар садри беҳтарин размикорон ҷой диҳанд, чун ӯ арзанда бошад.  Дана Уайт, роҳбари UFC ба Ҳабиб Нурмуҳаммадов дар феҳрасти беҳтарин размикорони ҷаҳон мақоми аввалро дод.

Маълум шуд, ки Ҳабиб Нурмуҳаммадов пас аз хатми “карера”-аш чӣ кор хоҳад кард-видео

Ҷон Ҷонс, ки то ҳол дар сархати беҳтарин размикорон қарор дошт, аз мақомаш ба фоидаи Нурмуҳаммадов даст кашид.

2257
Барчаспҳо:
Кремл, пирӯзӣ, Ҳабиб Нурмуҳаммадов, Русия
Марзбони тоҷик, акс аз бойгонӣ

КДАМ Тоҷикистон моҷаро дар марз ва тирпаронии марзбонҳои қирғизро шарҳ дод

398
(Таҷдидшуда 22:44 25.10.2020)
Қӯшунҳои сарҳадии Кумитаи давлатии амнияти миллии Тоҷикистон моҷарои 25 октябр дар марз ва тирпаронии сарҳадбонҳои қирғизро шарҳ доданд

ДУШАНБЕ, 25 окт — Sputnik. Тибқи иттилои нерӯҳои марзбонии КДАМ, рӯзи 25-уми октябри соли 2020, соати 15:30 дақиқа, сокинони деҳаи Хоҷаи Аълои ноҳияи Исфара дар дохили деҳа қубури обгузарро, ки кӯҳнаву афсурда шудааст, иваз мекарданд.

"Дар ин вақт 25-30 нафар сарҳадбонони мусаллаҳи Ҷумҳурии Қирғизистон ба назди деҳаи мазкур ҳозир шуда, аз сокинон талаб мекунанд, ки корро қатъ созанд.  Онҳо даъво пеш меоранд, ки маҳали кори шаҳрвандони Тоҷикистон минтақаи баҳсӣ дониста мешавад ва аз силоҳи оташфишон ҷониби сокинони Хоҷаи Аъло тир мекушоянд", - омадааст дар изҳороти КДАМ.

КДАМ таъкид кардааст, ки ин қитъа қаламрави Ҷумҳурии Тоҷикистон буда, иғвогарии навбатии марзбонони қирғиз ба мураккаб намудани вазъият дар хатти сарҳади ду давлат равона гардидааст.

Манбаъ афзуд, хушбахтона, аз тирпаронии марзбонони қирғиз сокинони Хоҷаи Аъло осеб надидаанд. Корҳо дар маҳали муноқиша муваққатан қатъ карда шуданд.

Байни сарҳадбонони Ҷумҳурии Тоҷикистон ва Ҷумҳурии Қирғизистон, бо иштироки намояндагони мақомоти иҷроияи ҳокимияти давлатии ду кишвар  гуфтушунид идома дорад.

Хадамоти марзбонии Қирғизистон қаблан бо нашри як изҳорот гуфт, марзбонҳои қирғиз барои ҳифзи ҳаёту саломатӣ ва ҷилавгирӣ аз шиддати вазъ ба ҳаво тир холӣ карданд.

398
Барчаспҳо:
тирпаронӣ, марз, Тоҷикистон