"Истиқлол" ва "Регар - Тадаз" боз ба финали Ҷоми Тоҷикистон - 2019 роҳ ёфтанд

© ФФТБозии тими "Истиқлол" бо дастаи филиппинӣ
Бозии тими Истиқлол бо дастаи филиппинӣ - Sputnik Тоҷикистон
Обуна шудан
Бозиҳои даври нимфинали Ҷоми Тоҷикистон-2019 оид ба футбол баргузор ва иштирокчиёни даври финалӣ муайян гардиданд.

ДУШАНБЕ, 1 ноя — Sputnik.  Ба иттилои Кумитаи миллии олимпии Тоҷикистон, имсол низ ба мисли солҳои қабл дастаҳои "Истиқлол"-и Душанбе ва "Регар-ТадАЗ"-и Турсунзода вомехуранд.

Истиклол - Регар-ТадАЗ - Sputnik Тоҷикистон
Дастаи “Истиқлол” чемпиони ҳашткаратаи Тоҷикистон шуд

Бозии ҷавобии даври нимфинал миёни дастаҳои "Ҳулбук"-и Восеъ ва "Истиқлол"мусовӣ (1:1) анҷом ёфт. Аз ҳисоби ғалаба дар бозии аввал (5:0) дастаи Душанбе ба пеш баромад.

Дар бозии дигар "Регар-ТадАЗ" дар майдони худ "Хуҷанд"-ро қабул намуд. Вақти асосӣ мисли бозии аввал мусовӣ анҷом ёфт – 1:1. Дар вақти иловагӣ низ мухлисон шоҳиди гол нашуданд. Дар задани зарбаҳои ёздаҳметра бошад, бахти футболбозони Турсунзода омад кард – 4:3.

Бозии даври финалии Ҷоми Тоҷикистон-2019 миёни дастаҳои "Истиқлол" ва "Регар-ТадАЗ" 24 ноябр дар Варзишгоҳи марказии шаҳри Ҳисор доир мегардад.

"Истиқлол" дастаи "Помир"-ро бо ҳисоби калон мағлуб намуд

Агар "Регар-ТадАЗ" дар ин бозӣ пирӯз шавад, пас Тоҷикистонро дар Ҷоми КФО-2020, аз даври интихобӣ, намояндагӣ мекунад. Агар "Истиқлол" ғалаба ба даст оварад, пас дар Ҷоми КФО-2020 барандаи медали нуқраи Қаҳрамонии Тоҷикистон-2019, дастаи "Хуҷанд" ширкат менамояд.

Лентаи хабарҳо
0