Хабиб Нурмагомедов во время открытой тренировки c Дастином Пуарье

Ҳабиб Нурмуҳаммадов дар бораи тарки октагон гуфт

792
Қаҳрамони UFC Ҳабиб Нурмуҳаммадов гуфт, пешгӯиро дӯст намедорад, вале тарки октагон пас аз муҳориба бо Фергюсон аз эҳтимол дур нест

ДУШАНБЕ, 12 ноя — Sputnik. Қаҳрамони UFC Ҳабиб Нурмуҳаммадов, ишора кард, ки пас аз рақобат бо Тони Фергюсон, ки соли 2020 баргузор мешавд, тарки октагон мекунад, хабар медиҳад, Allboxing.

Ҳабиб ҳамчунин иқрор шуд, ки муҳимтарин разм дар фаъолияти варзишиаш муҳориба бо Конор Макгрегор буд.

Дар баробари ин варзишкор гуфт, пешгӯӣ карданро дӯст намедорад ва ба зиндагӣ назари воқеъӣ дорад.

"То рақобат бо Тони Фергюсон бояд зиндагӣ кард. То он замон наздики ним сол - панҷ моҳ боқист. Ман фикр мекунам, ки пас аз он рақобат дигар чизе намемонад. Мебинем", - изҳор дошт Ҳабиб Нурмуҳаммадов.

Пештар падари Ҳабиб дар бораи анҷоми фаъолияти варзишии писараш гуфта буд.

Ба изҳори падари Ҳабиб, ӯ танҳо барои ду ё се маротибаи дигар ба октагон мебарояду халос.

Абдулманап гуфт, Ҳабиб бо анҷом додани ду-се муҳорибаи дигар тарки октагон мекунад - навор

Зимнан Абдулманап қайд намуд, ки феълан рақиби аз ҳама мувофиқу арзанда барои Ҳабиб ин Тони Фергюсон мебошад. Муҳорибаи ин ду варзишгари бақувват, бузургтарин рақобат дар таърихи UFC хоҳад буд.

Гузашта аз ин, Абдулманап дар мавриди эҳтимоли баргузор шудани муҳорибаи Ҳабиб бо Конор Макгрегор гуфт, ки рақобат танҳо дар  мавриде имкон дорад, агар рақибони Ҳабиб аз иштирок дар набард даст кашанд.

Падари Ҳабиб Нурмуҳаммедов расонаҳои Русияро барои пуштибонӣ аз Макгрегор шарманда кард

Маврид ба зикр аст, ки Ҳабиб феълан 31 сол дорад ва баҳори соли гузашта камарбанди қаҳрамони ҷаҳон дар муҳорибаи сабукро сазовор шуд ва ду маротиба тавонист онро ҳифз намояд.

Дар муҳорибаи аввал варзишгари ирландӣ Конор Макгрегорро шикаст дод ва ҳамчунин аз размикори амрикоӣ Дастин Пуаре низ дастболо шуд.

Ҳабиб алъон 28 муҳориба анҷом додаст ва боре ҳам шикаст нахурдаст.

792
Барчаспҳо:
тарк, размикор, муҳориба, қаҳрамони UFC, Ҳабиб Нурмуҳаммадов
Федор Емельяненко, архивное фото

Емеляненко гирифтори коронавирус шуд: ӯро ба бемористон интиқол доданд

144
(Таҷдидшуда 19:49 21.01.2021)
Фёдер Емеляненко гирифтори коронавирус шуда ва феълан дар бемористони рақами 52 дар шаҳри Маскав бистарӣ аст

ДУШАНБЕ, 21 янв— Sputnik. Фёдор Емеляненко, муборизи сабки омехтаи Русия (ММА) ба беморхонаи клиникии рақами 52-и шаҳри Маскав интиқол дода шуд. Дар ин бора агентии Sport РИА Новости бо такя ба муассисаи тиббӣ хабар медиҳад.

Аммо, дақиқан маълум нест, ки размикори рус дар кадом ҳолат ба бемористон оварда шуд ва вазъи беҳбудии ӯ дар кадом сатҳ аст.

Маълум аст, ки табибони беморхонаи клиникии рақами 52 барои табобати беморони гирифтори коронавирус ихтисос ёфтаанд. Муассисаи тиббӣ махсус барои сироятёфтагони бемории коронавирус мебошад.

Емеляненко 44 сол дорад. Дар тӯли фаъолияти худ ӯ дар намудҳои муҳорибаи омехта 46 муҳориба баргузор намудааст.

Аз ин миён Емеляненко 39 маротиба дастболо шудааст.

Пирӯзии Емеляненко ва мағлубияти Айдарбеков дар ИМА (ВИДЕО)

Ӯ охирин набардашро моҳи декабри соли 2019 анҷом дод. Рақиби ӯ Квинтон Ҷексони амрикоӣ буд, ки ӯро дар даври аввал нокаут кард.

144
Барчаспҳо:
беморхона, маризӣ, Федор Емеляненко
Мавзуҳо:
Пайомадҳои COVID-19 дар Тоҷикистон ва ҷаҳон
Мубинджон Ахмедов на соревнованиях

Баъди муолиҷаи захмҳои корд, Мубинҷон Аҳмадов ба тамрин шурӯъ намуд

146
(Таҷдидшуда 17:11 21.01.2021)
Мубинҷон Аҳмадов, ҷавонпаҳлавони шинохтаи тоҷик, ки дар оғози моҳи декабри соли 2020 дар пайи ҳамлаи як гурӯҳ ҷавонон дар Хуҷанд аз зарби корд захмин гашта буд, аз бемористон рухсат шудааст

ДУШАНБЕ, 21 янв – Sputnik. Аҳмадов дар суҳбат бо Sputnik Тоҷикистон гуфт, табибони Бемористони шаҳрии № 1 - и Хуҷанд беш аз ду ҳафта захмҳои бардоштаашро тадобӣ намуда, дар поёни моҳи декабр барои рухсат шудан ба хонааш иҷоза додаанд.

Бино ба гуфтаи табибон, захми корд ба ноҳияи шуш ва гурдаи варзишгар осеб расонидааст.

"Худоро шукр, ки ҷарроҳии захмҳо ба хубӣ сипарӣ шуд. Ташаккур ба табибон, ки дар барқароршавии саломатии ман кӯшиш намуданд. Ҳоло кам-кам ба машқу тамрин сар кардаам", - гуфт варзишгар.

Мубинҷон Аҳмадов дар суҳбат ба Sputnik Тоҷикистон ҳодисаи захминшавиаш аз зарби кордро нақл кард. Ӯ гуфт, "шоми санаи 6  декабри соли 2020, ҳамроҳ бо як гурӯҳ ҷавонон дар варзишгоҳи воқеъ дар боғи "Ғалаба" - и Хуҷанд футбол бозӣ кардем ва дар ҷараёни бозӣ бо як ҷавон "нофаҳмие" ба вуҷуд омада, аз ҳамдигар узр пурсида ба бозӣ идома додем.

" Баъди берун шудан аз варзишгоҳ ҳудуди 20 нафар бо он ҷавон якҷо шуда, бо корд ба ман ҳамла карданд. Дар шоми хира кӣ маро бо корд зад, дуруст дида натавонистам", - шарҳ дод Аҳмадов.

Аз Комроншоҳу Хушқадам то Баҳодур: 10 варзишгари беҳтарин Тоҷикистон аз нигоҳи АЖРВТ

Акбар Шарифӣ котиби матбуоти РВКД дар вилояти Суғд ҳодисаи рухдода ба Аҳмадовро шарҳ дода гуфт, ки ду нафар аз омилони ҳамла ба варзишгар дастгир шуда, нисбати онҳо, ки яке хонандаи мактаб (15 - сола)  ва дигаре ҷавони 21 - сола аст, парвандаи ҷиноӣ ба ҷурми "авбошӣ" ва "қасдан расонидани зарари вазнин ба саломатӣ" оғоз карда шудааст.

"Кормандони милиса муайян кардаанд, ки ҷавони 21 ва ноболиғи 15-солаи сокинони шаҳри Хуҷанд, дар варзишгоҳи боғи фароғатии "Ғалаба", воқеъ дар маҳаллаи 18-уми шаҳри мазкур бо ду ҷавони 24-солаи сокинони ҳамин шаҳр ҷанҷолу занозанӣ кардаанд.

"Сипас ноболиғи 15-сола бо корд 1 маротиба ба шиками ҷавони 24-сола задааст. Баъдан, шахси ба тафтишот номаълум ба ҷанҷоли онҳо ҳамроҳ шуда, бо корд ба бадани ҷавони дигари 24-сола зада, аз ҷойи ҳодиса ғайб задааст", - гуфт манбаъ.

Мубинҷон Аҳмадов сокини 24 - солаи шаҳри Хуҷанд аст. Ӯ барандаи медали бринҷии қаҳрамоии Осиё аз рӯи гуштини тарзи юнонӣ - румӣ дар вазни 63 кг аст, ки феврали соли 2020 дар шаҳри Деҳлии кишвари Ҳиндустон ба даст овардааст.

Ба ҷуз ин, ӯ соли 2019 дар чандин мусобиқаҳои минтақавию байналмиллалӣ дар кишвари Қазоқистон, Қирғизистон, Чин ва Фаронса иштирок карда, мақоми ифтихориро ишғол намудааст. Ғолиби 5 каратаи Тоҷикистон аз рӯи гуштини тарзи юнониву румӣ дар вазни 63 кг аст.

Ӯ аз соли 2007 то соли 2018 дар мактаб ва Омӯзишгоҳи захиравии олимпии Русия дар шаҳри Маскав таҳсил кардааст. Шурӯъ аз соли 2018 ӯ ба кишвар баргашта, узви тими мунтахаби Олимпии Тоҷикистон мебошад.

Аҳмадов гуфт, мутаасифона бо сабаби рухдоди ҳодисаи рӯзи 6 декабр ба мусобиқаи ҷаҳонии шаҳри Белгарди кишвари Сербистон иштирок карда натавонист.

“Кӣ медонад, ки пагоҳ чӣ иттифоқе рух медиҳад, ба ҷуз Офаридгор ҳеҷ кас. Барои ба даст овардани роҳхат ба Олимпиядаи шаҳри Токиои Ҷопон омодагӣ мебинам ва умедворам, ки ба ин ниятам муваффақ гардам", - зикр кард варзишгар.

146
Барчаспҳо:
тамрин, корд, Хуҷанд, варзишгар

Маскав дар ҷустуҷӯи 13 ҳазор муҳоҷири корӣ

0
(Таҷдидшуда 10:16 22.01.2021)
Аз 26 ҳазор ҷойҳои кории холӣ дар соҳаи сохтмон, хоҷагии манзилию коммуналӣ, хадамоти хаткашон, таксиҳо дар вилояти Маскав фақат нисфаш банд аст

ДУШАНБЕ, 22 янв — Sputnik. Намояндаи Хадамоти давлатии муҳоҷирати назди Ҳукумати Қирғизистон дар Русия Майрамбек Бейшенов гуфт, дар кадом соҳаҳо дар Федератсияи Русия эҳтиёҷоти шадид ба коргарони хориҷӣ эҳсос мешавад.

Ба гуфти ӯ, корфармоён дар Маскав ва вилояти Маскав барои пайдо кардани муҳоҷирон барои сохтмон, хадамоти манзилию коммуналӣ, хадамоти хаткашон, таксиҳо ва хӯроки умум дархостҳо равон кардаанд.

Аз 26 ҳазор ҷойҳои холии корӣ танҳо барои нисфи онҳо коргарон пайдо шуданд ва шумораи ҷойҳои корӣ низ меафзояд, илова намуд Бейшенов.

"Корфармоён, ҳам аз муассисаҳои давлатӣ ва ҳам ширкатҳои бузурги хусусӣ бо мо тамос гирифтанд. Онҳо ба ҷалби муташаккилона манфиатдор буданд. Аммо масъала ҳалли худро намеёбад, зеро барои овардани шаҳрвандони мо парвозҳои мунтазамро зиёд кардан лозим аст", - гуфт ӯ.

Дар Маскав қувваи корӣ намерасад: ВУД муҳоҷирони тоҷику ӯзбекро ҷалб мекунад

Ёдовар мешавем, ки муовини якуми сардори Вазорати корҳои дохилии Русия Александр Горовой дар ҷаласа изҳор дошт, ки Маскав норасоии муҳоҷирони кориро баръало эҳсос мекунад.

Дастури Путин барои сода кардани ҷалби муҳоҷирон ба сохтмонҳо

Вай афзуд, ки дар ҳоли ҳозир корҳои густардае барои ҷалби нерӯи корӣ аз хориҷ ба минтақа идома дорад.

0
Барчаспҳо:
муҳоҷирон, вилояти Маскав, Маскав, кор