Баходур Усмонов стал чемпионом по боксу

Муштзани тоҷик дар мусобиқаи байналмилалӣ медали тилло гирифт

360
Дар мусобиқаи байналмилалӣ оид ба бокс, ки дар Қазоқистон Варзишгари тоҷик Баҳодур Усмонов соҳиби медали тилло гашт

ДУШАНБЕ, 26 ноя — Sputnik. Баҳодур Усмонов, муштзани маъруфи Тоҷикистон дар мусобиқаи байналмилалӣ оид ба бокс, ки  дар Қазоқистон ба хотираи Шокир Болтеулу баргузор шудааст, соҳиби медали тилло шуд, иттилоъ додааст Кумитаи олимпии Тоҷикистон.

Бино бар иттилои манбаъ, мусобиқаи байналмилалӣ аз 21-24 ноябр бо иштироки беш аз 70 варзишгар аз кишварҳои Қазоқистон, Қирғизистон, Тоҷикистон, Туркия, Россия ва Узбекистон дар шаҳри Актау баргузор шуд.

Баҳодур дар вазни 63кг дар даври аввал бар Темирлан Кенирбаев, сипас бар Бағдат Увайдаев, дар нимфинал бар Зокир Сафиуллин ва дар финал бар Эртуган Зайнулинов (ҳама аз кишвари мизбон) ғалаба карда, ҷои аввалро ишғол намуд.

Варзишгари дигари Тоҷикистон Иззатулло Алиев (вазни -52кг) дар даври аввал аз ҳарифи қазоқаш Куаниш Дуйсебай мағлуб гашт.

Ёдовар мешавем, ки ин шашум медали Баҳодур Усмонов дар соли 2019 мебошад. Ӯ медали тиллои Чемпионати Осиё ва дар мусобиқаҳои байналмилалӣ 2 тилло, 1 нуқра ва 1 биринҷӣ ба даст оварда буд.

360
Барчаспҳо:
бокс, муштзан, Қазоқистон, байналмилалӣ, медали тилло, варзишгар, тоҷик, мусобиқа
Диего Марадона

Диего Марадона номвартарин ситораи ҷаҳонии футбол даргузашт: 61 сол дошт

184
(Таҷдидшуда 22:48 25.11.2020)
Номвартарин ситораи ҷаҳонии футбол, қаҳрамони ҷаҳон дар соли 1986, Диего Марадонаи 61 - сола аз олам гузашт

ДУШАНБЕ, 25 ноя — Sputnik. Ассосиатсияи футболи Аргина дар Twitter хабари даргузашти ситораи ҷаҳонии футболро тасдиқ намуд.

Бар хабари TN, санаи 30 - юми октябр Марадонаро барои гузаштан аз ташхиси тиббӣ ба бемористон оварда буданд, зеро ӯ қаблан ҷарроҳии мағзи сар шуда буд.

Манбаъ меафзояд, Марадона рӯзи 12 уми декабр пас аз ҷарроҳии мағзи сар, аз дармонгоҳ мураххас шуда буд.

Дар ҳамин ҳол, рӯзномаи Perfil сабаби марги ситораи ҷаҳониро, аз тапидан бозмондани қалбаш рабт медиҳад. Ин манбаъ меафзояд, ки фишори хуни Марадона ба якборагӣ пас шуд ва пизишкони Ёрии таъҷилӣ натавонистанд ӯро аз чанголи марг раҳонанд.

Дар дақиқаи чорум: Роналдо аллакай ҳисоби бозии Португалия ва Марокашро боз кард

Дар робита ба даргузашти Марадона, кишвардори Аргентина Алберто Фернандес дар қаламрави кишвараш се рӯзи мотам  эълон намуд.

Диего Армандо Марадона 30 октябри соли 1960 таваллуд шудааст. Дар синни 10 солагӣ ба тими наврасони "Лос Себолитас" пайваст.

Аз соли 1977 Диего ба ҳайати тими миллӣ шомил гардид.

Бозии охирони Марадона бо тими "Ривер Плейта" санаи 25 октябри соли 1997 сурат гирифта буд. Пас аз ин бозӣ, санаи 30 - юми октябр ситораи футбол аз анҷоми "карера"- и худ хабар дод.

Ӯ аз соли 2008 то 2010 мураббии тими миллии Аргентина буд.

184
Барчаспҳо:
даргузашт, Диего Марадона
Комроншохи Устопириен, архивное фото

Ҷарроҳии Комроншоҳи Устопириён дар Туркия

625
(Таҷдидшуда 21:27 25.11.2020)
Комроншоҳи Устопириён - аз машҳуртарин паҳлавонони Тоҷикистон дар яке аз бемористонҳои Туркия ҷарроҳӣ шуд

ДУШАНБЕ, 25 ноя – Sputnik. Варзишкори номдори тоҷик Комроншоҳи Устопириён дар яке аз беморхонаҳои шаҳри Карси Туркия ҷарроҳӣ шуд, дар ин бора  Sputnik Тоҷикистон хабар медиҳад.

Ҷарроҳии дасти Комроншоҳ ба хубӣ анҷом дода шуд ва аҳволи варзишкор беҳбуд меёбад. Ҳафтаҳои оянда паҳлавони тоҷик табобати физиотерапияро гузаронида ва баъд ба тамрин бармегардад.

Эҳтимолан варзишкор соли 2021 ба майдони варзиш бозмегардад.

Ёдовар мешавем, ки Будапешт соли оянда мизбони қаҳрамонии ҷаҳон оид ба ҷудо мегардад. Дар аввал, пойтахти Маҷористон мебоист Ҷоми ҷаҳонро дар соли 2022 ташкил мекард, дар ҳоле ки Ҷоми Ҷаҳон-2021 ба Тошканд (Ӯзбекистон) супорида шуда буд.

Аммо Федератсияи байналмилалӣ тақвимро ислоҳ кард ва Будапешт ҳуқуқи баргузории қаҳрамонии ҷаҳонро дар соли оянда ба даст овард. Интизор меравад, ки ин рақобат мақоми роҳхат ба Олимпиадаи Токиоро доро мешавад.

Кумитаи байналмилалии олимпӣ эълом дошт, ки Олимпиадаи Токио-2020 аз 23 июл то 8 августи соли 2021 баргузор хоҳад шуд. Аз ин лиҳоз, Ҷоми Ҷаҳон марҳилаи интихобии Олимпиада хоҳад шуд, ки бо эҳтимоли зиёд то моҳи майи соли 2021 баргузор мешавад.

Медали биринҷии Комроншоҳи Устопириён дар Қаҳрамонии ҷаҳон

Комроншоҳи Устопириён дар қаҳрамонии ҷаҳонии самбо медали биринҷӣ ба даст овард.

Ҷудочиёни тоҷик аллакай ба мусобиқа омодагӣ мебинанд. Комроншоҳи Устопириён яке аз пешвоёни ҷудои тоҷик аст. Инчунин, умед ба ҷудочиёни дигар: Сомон Маҳмадбеков, Темур Раҳимов, Беҳрӯз Хоҷазода, Саидҷалол Саидов ва дигарон низ ҳаст.

Дар мавсими ҷорӣ Комроншоҳи Устопириён дар қаҳрамонии ҷаҳон оид ба самбо, ки дар Сербия баргузор шуд, ширкат кард ва дар вазни 90 кило медали биринҷиро ба даст овард.

"Ташаккур ба ҳамаи ҳаводорон. Ман минбаъд низ барои ба даст овардани натиҷаҳои хуб саъй хоҳам кард. Мехостам қаҳрамони ҷаҳон шавам, кӯшиш мекунам, ки дар қаҳрамонии оянда аввалин бошам, -  гуфт варзишгар.

625
Барчаспҳо:
Туркия, даста, ҷарроҳӣ, варзишкор, Комроншоҳи Устопириён
День 26 ноября

Ҷашнҳои рӯзи 26 ноябр дар Тоҷикистон ва ҷаҳон

0
(Таҷдидшуда 18:50 25.11.2020)
Рӯзи бисту шашуми ноябр, Рӯзи байналмилалии мубориза алайҳи хушунати занон ва Рӯзи сулҳи низомии Русия таҷлил мешавад

Рӯзи 26 ноябр дар ҷаҳон чӣ рух дод

Соли 1667 бар асари заминларза дар шаҳри Шамахии Озарбойҷон 80 ҳазор нафар ба ҳалокат расиданд.

Соли 1867  Алфред Нобел моддаи тарканда- динамитро ихтироъ кард.

Портрет Альфреда Нобеля, выполненный шведским фотографом Гестом Флорманом
Портрет Альфреда Нобеля, выполненный шведским фотографом Гестом Флорманом

Соли 1918 Розике Швиммер аввалин зане шуд, ки дар тӯли таърихи дипломатияи ҷаҳонӣ сафир интихоб гардид.

Соли 1991 Ҳизби сотсиалистии Украина ба қайд гирифта шуд.

Флаг Украины на здании Правительства Украины в Киеве, архивное фото
© Sputnik / Стрингер
Флаг Украины на здании Правительства Украины в Киеве, архивное фото

Соли 1996 СММ ба Ироқ барои фурӯхтани нафт бар ивази маводи озуқаворӣ иҷозат дод.

Соли 2014 раисҷумҳури Чехия Милош Земан бо сафари расмии серӯза ба Душанбе омад.

День 25 ноября
© Sputnik/ Стас Этвеш/ Мария Вишнякова

Рӯзи 26 ноябр дар Тоҷикистон чӣ рух дод

Соли 2010 дар шаҳри Душанбе раисҷумҳури Тоҷикистон Эмомалӣ Раҳмон дар ҳамоиши сарони ҳукуматҳои кишварҳои аъзои Созмони Ҳамкории Шанхай, ки дар бӯстонсароии шаҳрии Ҳукумати  Тоҷикистон баргузор гардид, суханронӣ карданд.

Соли 2010 раисҷумҳури Тоҷикистон Эмомалӣ Раҳмон бо раиси вақти Ҳукумати Федератсияи Русия Владимир Путин масоили гуногунҷанбаи Тоҷикистону Россия ва ҳамгироии ду кишвар дар таҳкими амнияту субот дар минтақаи Осиёи Марказӣ, мусоидат ба барқарорсозии иқтисодиёт ва ҳаёти осоиштаи Афғонистонро баррасӣ намуданд.

Рабочий визит В.Путина в Белоруссию. Архивное фото
© Sputnik / Алексей Никольский
Рабочий визит В.Путина в Белоруссию. Архивное фото

Соли 2013 палатаи поёнии Парлумони Тоҷикистон Қонуни Тоҷикистон "Дар бораи ворид намудани тағйиру иловаҳо ба Қонуни Ҷумҳурии Тоҷикистон "Дар бораи милитсия""-ро муҳокима намуд.

Соли 2014 қонунҳои Тоҷикистон дар бораи ворид намудани тағйиру иловаҳо ба қонунҳои Ҷумҳурии Тоҷикистон "Дар бораи амният", "Дар бораи мубориза бар зидди терроризм", "Дар бораи мубориза бар зидди экстремизм" ба имзо расида буданд.

Ҷашнҳои рӯзи 26 ноябр

  • Рӯзи байналмилалии мубориза бо хушунат алайҳи занон.
  • Дар Ҷумҳурии Суринам-Рӯзи истиқлолият.
  • Рӯзи сулҳи низомии Русия

Рӯзи 26 ноябр дар Тоҷикистон кӣ ба дунё омадааст

Солҳои (1887-1943) – генетик, ботаник ва географи машҳури рус Николай Вавилов.

Солҳои (1934-1984) – оҳангсоз Дости Орзуев.

Солҳо (1938-2007) – ходими хизматнишондода Асрор Рашидов.

0
Барчаспҳо:
Ҷаҳон, Тоҷикистон, ҷашн
Мавзуъ
Ҷашнҳои рӯзи 21 ноябр дар Тоҷикистон ва ҷаҳон
Пирӯзии Парвиз Собиров ва унвонгирии Майк Тайсон: ҷашнҳои 22 ноябр
Ҷашнҳои рӯзи 23 ноябр дар Тоҷикистон ва ҷаҳон
Ҷашнҳои рӯзи 24 ноябр дар Тоҷикистон ва ҷаҳон
Ҷашнҳои рӯзи 25 ноябр дар Тоҷикистон ва ҷаҳон