Самбо, архивное фото

Варзишгари 20 солаи тоҷик аз Русия бо медали тилло баргашт

319
Варзишгари 20 - солаи тоҷик Қаландаршо Шокир дар вазни 62 кг баромад намуда, парчами Тоҷикистонро парафшон намуд

ДУШАНБЕ, 18 дек — Sputnik. Дар шаҳри Твери кишвари Россия 25-умин мусобиқаи ҷаҳонӣ аз намуди самбои муҳорибавӣ баргузор гардид.

Дар ин мусобиқаи фароҷаҳонӣ варизшгарони тоҷик ҳам иштироки фаъол намуда, соҳиби медал шуданд.

Варзишгари 20-солаи тоҷик Қаландаршов Шокир Султоншоевич дар ин мусобиқаи бошукӯҳ сазовори медали тилло гардид. Номбурда дар вазни 62 кг баромад намуда парчами Тоҷикистонро парафшон намуд.

Насиҳати Ҳабиб Нурмуҳаммадов барои тарбияи "дуруст" - и фарзанд - видео

Қаблан Қаландаршоев Шокир Султоншоевич дар мусобиқаҳои дохилии Тоҷикстон ҳам сазовори медалҳо ва ҷойҳои намоён гаштааст. Мураббии нахустини ӯ Шафиев Бахтиёр буд, ки зери роҳбарии ӯ Шокир дар зодгоҳи худ, ноҳияи Ишкошими ВМКБ сазовори мақомҳои ифтихорӣ гардид.

Хушқадам Хусравов аз қаҳрамонии ҷаҳон медали дигар барои Тоҷикистон овард

Дар шаҳри Душанбе варзишгари ҷавон дар Донишкадаи тарбияи ҷисмонӣ таълим гирифта, зери роҳбарии мураббии худ Абдураҳмон Абдуллоев дар мусобиқаҳои ҷумҳуриявӣ иштироки фаъолона намуда ҷойҳои намоёнро ба даст овардаст.

Варзишгари 20 – солаи тоҷик айни замон номзад ба устоди варзиш аз намуди самбо ва муҳорибаҳои юнону румӣ ба ҳисоб меравад.

319
Барчаспҳо:
медал, Русия, тоҷик, варзишгар

Дана Уайт: Ман ҳанӯз шарт мебандам, ки Ҳабиб рекорди 30:0 мегузорад. Инро падараш мехост

382
(Таҷдидшуда 18:12 22.11.2020)
Президенти UFC Дана Уайт эълони қаҳрамони UFC Ҳабиб Нурмуҳаммадовро, ки гуфт ҳама имконот барои бозгашти дубора ба майдонро рад кард, шарҳ дод

ДУШАНБЕ, 22 ноя - Sputnik. Президенти UFC гуфтааст, минбаъд низ ба он боварӣ дорад, ки Ҳабиб бармегардад ва рекорди 30-0 сабт мекунад, ҳамон тавре ки падараш мехост.

"Ҳабиб бо Гетҷи охирин муборизаи хеле эҳсосотӣ дошт, аз ин рӯ ман ба бозгашти ӯ боварӣ дорам", - гуфтааст, Уайт.

Ӯ гуфтааст, дар ин масъала ҳоло ҳеҷ чиз ҳал нашудааст, аммо ба рушди ҳаводис нигариста шарт мебандад, ки Ҳабиб бармегардад.

"Ки рақиби ӯ хоҳад буд? Ин метавонад на танҳо Сен-Пейр бошад. Конор ва Порйе мубориза мебаранд, ҳамзамон Фергюсон ва Чандлер низ ҳастанд...",- гуфтааст Дана Уайт.

Номбурда гуфт, ҳоло интизор мешавем, ки Ҳабиб ин таваққуфро то кай нигоҳ дошта метавонад. Агар ӯ қарор диҳад, ки баргардад ва ин корро бикунад, пас ин бачаҳо омодаанд бо ӯ мубориза баранд, гуфт президенти UFC.

Санаи рақобати дуввуми собиқ ҳарифони Ҳабиб - Конор ва Порйе дақиқ шуд

Ёдовар мешавем, Нурмуҳаммадов дар пайи пирӯзӣ бар Ҷастин Гетҷи, бо 29 ғалаба ва бидуни шикаст изҳор дошт, ки фаъолияти касбияшро хотима медиҳад.

382
Барчаспҳо:
бозгашт, муҳорибаи омехта, Ҳабиб Нурмуҳаммадов, қаҳрамони UFC
Ожирение, архивное фото

Мубориза бо фарбеҳӣ: дар Ӯзбекистон ба назорати вазни мансабдорон шурӯъ мекунанд z

116
(Таҷдидшуда 14:59 22.11.2020)
Дар мақомоти Ӯзбекистон барои аз байр бурдани фарбеҳӣ сар аз соли оянда давоми рӯзи корӣ барои машқҳои гимнастикӣ вақти махсус ҷудо карда мешавад

ДУШАНБЕ, 22 Ноябр - Sputnik. Бино ба иттилои “УзА”, им мавзӯъ дар нишасти матбуотие, ки дар Агентии иттилоот ва коммуникатсияи оммавӣ бо иштироки намояндагони Вазорати тарбияи ҷисмонӣ ва варзиш садо дод.

Дар ҷараёни чорабинӣ масъалаҳо оид ба таҳияи меъёрҳои арзёбии фарбеҳии мансабдорон ва роҳандозии системаи онлайнии мониторинг барои таҳлили натиҷаҳои ба даст овардашуда дар асоси рейтинг тартиб дода шуданд.

Тибқи фармони президент "Дар бораи чораҳои васеъ ҷорӣ намудани тарзи ҳаёти солим ва рушди минбаъдаи варзиши оммавӣ", роҳбарон, кормандони идораҳои давлатӣ ва ташкилотҳо ба тарбияи ҷисмонии фаъол ҷалб карда мешаванд ва барои онҳо мусобиқаҳои гуногуни варзишӣ ба нақша гирифта шудаанд.

Дар ин санад қайд шудааст, ки аз 1 январи соли 2021 онҳо вазифадоранд, ки ҳадди аққал як маротиба дар як ҳафта бо мақсади "коҳиш додани фарбеҳӣ ва беҳтар намудани саломатӣ" варзиш кунанд.

Ғайр аз ин, аз соли оянда сар карда, дар давоми рӯзи корӣ барои машқҳои гимнастикӣ вақти махсус ҷудо карда мешавад.

Гуфта мешавад, ҳамзамон дар назар аст то 1 сентябри соли 2021 "Энсиклопедияи варзишҳои миллии варзишӣ ва бозиҳои халқии Ҷумҳурии Ӯзбекистон" омода ва нашр шавад.

ВКД Тоҷикистон аз кормандон талаб кард, ки аз фарбеҳӣ халос шаванд

Дар тоҷикстон бошад, чунин тасмими вижа набуд, аммо дар гузашта Вазорати корҳои дохилии кишвар аз ҳама кормандони сохторҳояш талаб карда буд, ки аз вазни зиёдатӣ халос шаванд ва ба намуди зоҳирии худ таваҷҷӯҳ зоҳир намоянд. ВКД ҳатто ба кормандон муҳлат ҳам дода буд, ки ин камбудашонро ислоҳ кунанд.

 

116
Барчаспҳо:
мансабдорон, Ӯзбекистон, мубориза, фарбеҳӣ
Президент Республики Таджикистан Эмомали Рахмон

Раҳмон муовини раиси вилояти Хатлонро иваз кард

0
(Таҷдидшуда 16:36 24.11.2020)
Имрӯз раисҷумҳури Тоҷикистон бо имзои як фармони муовини раиси вилояти Хатлонро аз вазифаааш сабукдӯш кард

ДУШАНБЕ, 24 ноя — Sputnik.  Дафтари матбуоти раисҷумҳур хабар дод, ки имрӯз таъиноти кадрӣ дар мақомоти иҷроияи ҳокимияти давлатии вилояти Хатлон сурат гирифт.

Бино бар иттилои манбаъ, Эмомалӣ Раҳмон, раисҷумҳури Тоҷикистон бо судури як фармон муовини раиси вилояти Хатлонро аз вазифаи ишғолнамудааш сабукдӯш кард.

Гуфта шудааст, ки мутобиқи моддаи 20 Қонуни конститутсионии Тоҷикистон “Дар бораи мақомоти маҳаллии ҳокимияти давлатӣ” Раҷабов Раҷабалӣ Сайфиддинович аз вазифаи муовини раиси вилояти Хатлон озод карда шуд.

Ҳамзамон манбаъ қайд намудааст, ки  ба ҷои Раҷабов Раҷабалӣ Сайфиддинович ба вазифаи муовини раиси вилояти Хатлон Сулаймонзода Акрам Раҳим таъин карда шуд.

Ёдрас мешавем, ки кишвардори Тоҷикистон Эмомалӣ Раҳмон бо судури 13 фармони раисони шаҳру ноҳияҳои мамлакатро барканор ва таъйин кард.  

Эмомалӣ Раҳмон, Шарифзода Лутфия ба мақоми раиси ноҳияи Мӯъминободи вилояти Хатлон таъйин гардид.

Гуфта мешавад, Шарифзода дар ин симмат Амиршозода Тоҳирхон Темирро иваз кард.

Ҳамчунин бо фармони Эмомалӣ Раҳмон,Сулаймонзода Акрам Раҳим аз вазифаи раиси шаҳри Исфараи вилояти Суғд озод гардид. Ҷойгузини ӯ Баҳодурзода Баҳоваддин Баҳодур таъйин гардид.

Акрамзода Рустам низ бо фармони раисҷумҳур аз вазифаи раиси ноҳияи Рӯдакӣ озод карда шуд. Бо фармони Эмомалӣ Раҳмон Исматзода Азизулло Убайдулло ба курсии раиси ноҳияи мазкур такя зад.

Раисони ноҳияҳои Файзобод ва Шаҳринав низ бо фармони кишвардори Тоҷикистон иваз карда шуданд. Ба ҷойи Раҷабзода Миралӣ раиси ноҳияи Файзобод, Холзода Бобишо таъин гардид.

Раиси Шаҳринав Аюбзода Нусратулло аз мақом сабукдӯш ва ба ҷойи ӯ Носирзода Ҷаббор интихоб гардид.

0
Барчаспҳо:
сабукдӯш, муовини раис, тағийрот, тағийроти кадрӣ, Хатлон, Тоҷикистон