Таджикские спортсмены получают премию президента

Кумитаи ҷавонон 42 варзишкори беҳтарини солро бо маблағҳои пулӣ қадрдонӣ кард

335
(Таҷдидшуда 09:53 25.12.2019)
Кумитаи кор бо ҷавонон ва варзиши Тоҷикистон эълон кард, ба 42 нафар варзишкорони тоҷик, ки барандаи ҷоизаи Президентӣ шуданд беш аз 900 ҳазор сомонӣ мукофотпулӣ тақдим карда шуд

ДУШАНБЕ, 25 дек — Sputnik. Ахиран Кумитаи кор бо ҷавонон ва варзиши Тоҷикистон эълон кард 42 нафар варзишгарони беҳтарини сол барандаи Ҷоизаи Президентӣ шуданд.

Тибқи иттилои манбаъ, барои 42 нафар варзишгарони муваффақи кишвар ва мураббиёни онҳо бо маблағи 911 ҳазору 250 сомонӣ маблағи молиявӣ ҷудо карда шудааст.

Кумита таъкид доштааст, ки ҷоизаи Президенти Тоҷикистон ҳамасола барои варзишгарони муваффақи кишвар аз ҳисоби Фонди Президенти Тоҷикистон барои ҳавасманд намудани варзишгарону мураббиёни онҳо тақдим карда мешавад.

“Дар асоси Комиссияи Ҷоизаи Президенти Ҷумҳурии Тоҷикистон барои ғолибон ва ҷоизадорони мусобиқаҳои байналмилалии варзишӣ дар соли 2019 аз Фонди захиравии Президенти Ҷумҳурии Тоҷикистон барои 42 нафар варзишгарони муваффақи кишвар ва мураббиёни онҳо бо маблағи 911 ҳазору 250 сомонӣ маблағи молиявӣ ҷудо карда шудааст”, - зикр намудааст Кумитаи ҷавонон.

Аз  ҷумла, ҷоизаи мазкур ба Дилшод Назаров дар варзиши сабук  барои ҷои якум дар чемпионати Осиё (Қатар) ба маблағи  75 ҳазор  сомонӣ, Баҳодур Усмонов дар бокс барои ҷои якум дар  чемпионати Осиё (Бангкок, Тайланд) ба маблағи  75 ҳазор  сомонӣ.

Ҳамчунин бп Темур Раҳимов дар гӯштини дзюдо  барои ҷойи дуюм дар чемпионати Осиё (Фуҷайра, АМА) ба маблағи  50 000 сомонӣ, Комроншоҳи Устопириён  дар  гӯштини дзюдо барои ҷойи дуюм дар чемпионати Осиё (Фуҷайра, АМА) ба маблағи  50 000 сомонӣ, Сомон Маҳмадбеков дар гӯштини дзюдо барои ҷойи якум дар чемпионати ҷаҳон байни ҷавонон (ш.Марокаш) бо маблағи 50 000 сомонӣ, Ғаниҷон  Ғаниев, дзюдо, барои ҷойи якум дар Чемпионати Осиё байни наврасон (ш.Тайпейи Чин) бо маблағи 18  750 сомонӣ, Шаҳриёр Даминов дар қаиқронӣ барои ҷойи дуюм дар чемпионати Осиё  дар масофаи  3600 м (Хуанджоу,Чин), бо маблағи 50 000 сомонӣ, Шаҳриёр Даминов дар қаиқронӣ барои ҷойи сеюм дар чемпионати Осиё  дар масофаи  25,90 км (Хуанджоу Чин) бо маблағи 25 000 сомонӣ супорида шуд.

Бояд гуфт, ки 19 декабри соли равон, амри Президенти Тоҷикистон дар бораи Ҷоизаи Президенти Ҷумҳурии Тоҷикистон барои ғолибон ва ҷоизадорони мусобиқаҳои байналмилалии варзишӣ барои варзишгарони муваффақи кишвар ва мураббиёни онҳо дар соли 2019 ба тасвиб расида буд.

335
Барчаспҳо:
мукофотпулӣ, президентӣ, ҷоиза, тоҷик, Кумитаи кор бо ҷавонон ва варзиш, варзиш, Тоҷикистон
Пресс-секретарь Федерации футбола Таджикистана Фаридун Салиев

Чаро футболбозони тоҷик ба дастаҳои бузург роҳ намеёбанд?: шарҳи мутахассис

181
Фаридун Салиев, котиби матбуоти Федератсияи футболи Тоҷикистон шарҳ дод, ки чаро футболбозони тоҷик аз ҷониби клубҳои ҷаҳонӣ бо арзиши воқеии худ харида намешаванд ва ҳамзамон ба он дастаҳо роҳ намеёбанд

ДУШАНБЕ, 2 авг — Sputnik. Портали олмонии transfermarkt.de, ки маълумотҳоро оид ба гузариш ва нархномаи бозигарон нашр мекунад, маълумотро дар бораи арзиши бозигарон дар Лигаи олии Тоҷикистон нав кард. Тибқи нишондоди он, дар маҷмӯъ, айни ҳол, чемпионати Тоҷикистон тавонист нишондиҳандаи 18 миллион евроро паси сар кунад.

Ҳар як рейтинги варзишӣ шартӣ аст, гуфт Фаридун Салиев, котиби матбуоти Федератсияи футболи Тоҷикистон дар суҳбат бо Sputnik Тоҷикистон.

"Дар солҳои  гузашта, то ҳол чунин ҳолате рух надодааст, ки як бозигар аз клуби футболи Тоҷикистон ба маблағи 200 ҳазор евро ё 150 ҳазор евро гузариш карда бошад", - гуфт Салиев.

Ба гуфти ӯ, ҳамаи бозигарони тоҷик асосан ба ҳайси агенти озод интиқол дода мешаванд.

"Асосан, футболбозони мо ба чемпионатҳои Индонезия, Бангладеш, Малайзия мераванд: дар он ҷо ба онҳо маоши хуб пешниҳод карда мешавад. Чӣ қадаре ки бозигарон таҷрибаи бозӣ дар клубҳои хориҷиро доранд, тими миллии Тоҷикистон қавитар хоҳад буд", қайд кард коршинос.

Тошев дар бораи сатҳи омодагии мунтахаби миллии футболи Тоҷикистон гуфт: видео

Сухангӯи ФТФ гуфт, ки мушкили асосӣ ин набудани агентҳо дар бозори футболи тоҷик аст, ки бозингаронро ба Аврупо бурда тавонад.

181
Тренер Усмон Тошев

Тошев дар бораи сатҳи омодагии мунтахаби миллии футболи Тоҷикистон гуфт: видео

67
(Таҷдидшуда 11:28 02.08.2020)
Сармураббии тими миллии футболи Тоҷикистон Усмон Тошев гуфт, ки дар ин мавсим ҳамаи бозингарон барои муайян кардани сатҳи омодагии худ санҷишҳои махсуси тахассусӣ гузаштанд

ДУШАНБЕ, 2 авг — Sputnik. Сармураббии тими миллии футболи Тоҷикистон Усмон Тошев натиҷаҳои тамриноти бозингаронро дар мусоҳиба бо шабакаи телевизионии "Варзиш" гуфт.

Тошев гуфт, ки дар давоми машқҳо шаш бозигари навро дар майдон пешвоз гирифтанд, ки ба тими миллӣ пайвастаанд.

Ӯ гуфт, имсол ҳамаи бозингарон барои муаян кардани тахассуси худ дар Федератсияи футболи Тоҷикистон санҷишҳои махсусро таҳти назорати Рустам Абдуллоев гузаштанд.

"Ҷолиб он аст, ки пас гузаштани ҳама бошгоҳҳо аз санҷишҳо, Академияи ФФТ бо варзишгарони ҷавон ва Лигаи олӣ моро ҳайрон карданд, ки варзишгарони ҷавон назар ба Лигаи олӣ натиҷаҳои баландтар нишон доданд" гуфт Тошев.

Ҳамзамон, вай қайд кард, ки футболбозони “Истиқлол” ҳанӯз дар санҷишҳои тахассусӣ иштирок накардаанд, зеро онҳо дар тамринҳо буданд.

Ба гуфтаи сармураббӣ, аз 40 варзишгар танҳо ду нафарашон ба меъёрҳои баландтарин ҷавобгӯ мебошанд. Инҳо нимҳимоятгарон Хуршед Абдуллоев аз “Душанбе-83” ва Фирӯз Бобиев аз “CСКA-и пойтахт мебошанд.

Тошев дар мусоҳибааш қайд кардааст, ки ҳангоми тамринҳом  кӯшиш мекунад, барои ҳар як варзишгар як хати алоҳидаро интихоб кунад.

"Ман одатан ба бачаҳо мегӯям, ки ҳар кадоми онҳо бояд вазифаҳои худро иҷро кунанд ва ба дигарон гузаранд, масалан, нимҳимоятгарон ё ҳамлаварон. Дар дастаҳое, ки аз онҳо меоянд, одатан ҳолату вазифаҳои дигар ҳастанд. Даста интизом ва қоидаҳои худро дорад." , - илова кард Усмон Тошев.

Вай гуфт, ки барои ӯ, ҳамчун мураббӣ, муҳим аст, ки оё варзишгар ӯро мефаҳмад ва оё варзишгар ба дастуроташ пайравӣ мекунад ё не.

Бо таҳлили бозиҳои гузаштаи бисёр дастаҳо, Тошев қайд кард, ки мутаассифона, бошгоҳҳо танҳо 30% омодагии худро дар бозии ҷиддӣ нишон доданд.

Ёдовар мешавем, ки тими миллии футболи Тоҷикистон дар даври дуюми мусобиқоти интихобии Ҷоми ҷаҳон-2022 дар гурӯҳи “F “се вохӯрии дигар дорад.

Футбол: бозиҳои ниҳоии Ҷоми Тоҷикистон-2020 маълум шуд 

Тибқи ҷадвал  8 октябр мунтахаби Тоҷикистон бо дастаи Муғулистон, 17 ноябр - бо футболбозони Мянмар, ҳарду бозӣ дар Душанбе баргузор мешаванд.

Илова бар ин, рӯзи 12 ноябр дастаи Тоҷикистон ба Ҷопон сафар карда, бо дастаи мунтахаби ин кишвар бозӣ хоҳад кард.

67

Хайр Маскав: маросими пӯшидашавии Олимпиадаи соли 1980 - аксҳои нодир

0
(Таҷдидшуда 19:45 03.08.2020)
  • Маросими пӯшидашавии Олимпиадаи XXII соли 1980
  • Оташи олимпӣ дар маросими пӯшидашавии Олимпиадаи XXII соли 1980 дар майдони ба номи Ленин (Лужники).
  • Маросими пӯшидашавии Олимпиадаи XXII соли 1980
  • Маросими пӯшидашавии Олимпиадаи XXII соли 1980
  • Маросими пӯшидашавии Олимпиадаи XXII соли 1980
  • Маросими пӯшидашавии Олимпиадаи XXII соли 1980
  • Маросими пӯшидашавии Олимпиадаи XXII соли 1980
  • Маросими пӯшидашавии Олимпиадаи XXII соли 1980
  • Маросими пӯшидашавии Олимпиадаи XXII соли 1980
  • Президенти Кумитаи байналмилалии Олимпӣ лорд Килани дар маросими пӯшидашавии олимпиада варзишкорон ва тамошобинонро хушомадед мегӯяд
Рӯзи 3 августи соли 1980 дар Маскав маросими пӯшидашавии Бозиҳои тобистона баргузор гардид. Ин маросим аз зеботарин маросимҳо дар таърихи олимпиада шинохта шудааст

Бозиҳои тобистонаи олимпии соли 1980 дар Маскав аз 19 июл то 3 август идома кард. Ин нахустин олимпиада дар қаламрави Урупои Шарқӣ буд. 

Макони асосии баргузории мусобиқаҳо шаҳри Маскав буд. Вале бархе аз рақобатҳо дар Таллин, Киев, Ленинград ва Минск низ гузаронида шуданд.

Ба Бозиҳои тобистонаи олимпии соли 1980 - 5179 варзишкор аз 80 давлати ҷаҳон омада буданд.

Номбардорони Тоҷикистон дар Олимпиадаи соли 1980

Маросими пӯшидашавии Олимпиада рӯзи 3 август баргузор гардид. Барномаи консертӣ чанд соат идома кард.

Байрақи сафеди олимпӣ фароварда шуд ва таҳти навои Эдуард Артёмов "Эй варзиш ту ҳамеша пешравӣ ҳастӣ" духтарон бо пироҳанҳои якранг ба майдон баромаданд ва композитсияи даврони Юнони қадимро нишон доданд. Оташи олимпӣ ҳамон лаҳза хомӯш шуд.

Дар рӯи экран симои Хирсак - рамзи Олимпиадаи соли 80-ум намудор шуд. Расми Хирсакро навиштаҷоти "Роҳи сафед" ҳамроҳӣ мекард.

Яке аз ҳассостарин лаҳазот ашкрезии хирсак шуд.

Дар охири маросим меҳмононро сюрприз интизор буд. Дар мобайни майдон таҳти суруди "Хайр Маскав" дар иҷрои Лев Лешенко ва Татяна Антсиферева хирси бузурге бо пуфакҳо пайдо шуд.

Таҳти суруд ва замоне, ки Хирсак ба ҳаво бармехост, аксари мардум ашк мерехтанд.

Олимпиадаи соли 1980 то ҳол дар хотири меҳмонон ва аксари тамошобинону варзишкорон нақш бастааст. Ин бозиҳо яке аз боадолаттарин дар таърихи варзиш шинохта шудаанд, зеро пас аз итмоми онҳо ягон аризаи шикоятӣ ба комиссияи варзишӣ ворид нашудааст.

0
  • Маросими пӯшидашавии Олимпиадаи XXII соли 1980
    © Sputnik / Сергей Гунеев

    Маросими пӯшидашавии Олимпиадаи XXII соли 1980, 3 август дар майдони ба номи Ленин (Лужники) баргузор гардид.

  • Оташи олимпӣ дар маросими пӯшидашавии Олимпиадаи XXII соли 1980 дар майдони ба номи Ленин (Лужники).
    © Sputnik / Дмитрий Донской

    Оташи олимпӣ дар маросими пӯшидашавии Олимпиадаи XXII соли 1980 дар майдони ба номи Ленин (Лужники).

  • Маросими пӯшидашавии Олимпиадаи XXII соли 1980
    © Sputnik / Юрий Сомов

    Маросими пӯшидашавии Олимпиадаи XXII соли 1980.

  • Маросими пӯшидашавии Олимпиадаи XXII соли 1980
    © Sputnik / Владимир Акимов

    Олимпиадаи соли 1980 натанҳо барои шаҳрвандони ИҶШС балки мардуми ҷаҳон рухдоди муҳиме шуд.

  • Маросими пӯшидашавии Олимпиадаи XXII соли 1980
    © Sputnik / Юрий Абрамочкин

    Торжественная церемония закрытия Игр XXII Олимпиады. Центральный стадион имени В.И. Ленина 3 августа 1980 года.

  • Маросими пӯшидашавии Олимпиадаи XXII соли 1980
    © Sputnik / Владимир Акимов

    Барои миллионҳо меҳмони хориҷӣ Бозиҳои олимпии соли 1980 дар Маскав бо меҳмоннавозӣ ва меҳрубонии мардуми рус ёддошт шуд.

  • Маросими пӯшидашавии Олимпиадаи XXII соли 1980
    © Sputnik / Сергей Гунеев

    Оташбозӣ дар маросими пӯшидашавии Олимпиадаи XXII соли 1980 дар майдони Лужники.

  • Маросими пӯшидашавии Олимпиадаи XXII соли 1980
    © Sputnik / Юрий Абрамочкин

    Олимпиадаи соли 1980 яке аз бозиҳои боадолаттарин дар ҷаҳони варзиш шинохта шудааст, чун дар давоми мусобиқот ягон аризаи шикоятӣ дар бораи натиҷаҳои бозиҳо навишта нашудааст.

  • Маросими пӯшидашавии Олимпиадаи XXII соли 1980
    © Sputnik / Владимир Акимов

    Маросими пӯшидашавии Олимпиадаи XXII соли 1980 дар майдони Лужники.

  • Президенти Кумитаи байналмилалии Олимпӣ лорд Килани дар маросими пӯшидашавии олимпиада варзишкорон ва тамошобинонро хушомадед мегӯяд
    © Sputnik / Владимир Акимов

    Президенти Кумитаи байналмилалии Олимпӣ лорд Килани дар маросими пӯшидашавии олимпиада варзишкорон ва тамошобинонро хушомадед мегӯяд.

Барчаспҳо:
маросим, олимпиада, Маскав