Лучшие моменты женской сборной Таджикистана по футболу в отборочном туре кубка Азии

Нахустин мусобиқаи футзал дар Душанбе баргузор мегардад

46
(Таҷдидшуда 16:44 09.01.2020)
Қарор аст Душанбе мизбони Қаҳрамонии CAFA-2020 оид ба футзал миёни духтарони то 19 - сола гардад

ДУШАНБЕ, 9 янв — Sputnik. Дар Душанбе барои маротибаи нахуст Қаҳрамонии CAFA-2020 оид ба футзал баргузор мегардад, хабар медиҳад Кумитаи миллии олимпиии Тоҷикистон.

Бар хабари манбаъ, мусобиқаи мазкур аз 24 то 29 январ баргузор мегардад, ки дар кори он духтарони то 19 -сола иштирок мекунанд. 

Гуфта мешавад, дар Қаҳрамонии CAFA-2020 6 даста аз Тоҷикистон, Эрон, Узбакистон, Қирғизистон, Туркманистон ва Афғонистон ширкат меварзанд.

Манбаъ меафзояд, дар доираи Чемпионати CAFA-2020 миёни духтарони то 19-сола ҳамагӣ 15 бозӣ баргузор мешавад. Мусобиқа тибқи системаи даврӣ дар як давр сурат мегирад. Дастае, ки холҳои бештар ба даст меорад, ғолиб мегардад.

Тоҷикистон дар футзал аз Олмон пештар будааст

Дар мусобиқа Тоҷикистонро тими мунтахаби бонувони ҷавон оид ба футзал бо роҳбарии сармураббӣ Шерзод Ҷумъаев намояндагӣ мекунад.

46
Барчаспҳо:
қаҳрамонӣ, Душанбе, футзал