Мэр города Душанбе Рустам Эмомали

Футбол бе тамошобинон: дастури Рустами Эмомалӣ дар бораи бозии “Истиқлол” ва “Хуҷанд”

1457
(Таҷдидшуда 10:19 08.03.2020)
Бозии даври аввали футбол барои дарёфти Ҷоми AFC– 2020 байни ду дастаи Тоҷикистон – “Истиқлол” ва “Хуҷанд” дар варзишгоҳ бе иштироки тамошобинон доир карда мешавад

ДУШАНБЕ, 8 март — Sputnik. Cомонаи Федератсияи футболи Тоҷикистон хабар медиҳад, ки ин дастур аз сӯи Рустами Эмомалӣ, раиси ФФТ, бо ҳадафи пешгирӣ аз ҳолатҳои сироятёбӣ аз маризии коронавирус роҳандозӣ карда мешавад.

“Ба хотири беҳдошти саломатии мардум, Вазорати тандурусии Тоҷикистон баргузории як қатор чорабиниҳои дастаҷамъонаро дар ҳудуди мамлакат манъ кард. Федератсияи футболи Тоҷикистон ҳам ин иқдомро ҷонибдорӣ намуда, қарор баровард, ки бозии байналмилалӣ бо иштироки ду дастаи кишварро бе иштироки мухлисон баргузор намояд”,  - иттилоъ медиҳад сомонаи ФФТ.

Аммо ФФТ иттилоъ додааст, ки аз ин тасмим на бояд мухлисон ноумед шаванд, зеро ин бозии футболро шабакаҳои телевизионии кишвар “Варзиш” ва “Футбол” ба таври мустақим пешкаши тамошобинон карда метавонанд. Қарор аст, дар доираи бозиҳои Ҷоми КФО ё AFC – 2020 дар гурӯҳи “D” дастаҳои “Истиқлол” ва “Хуҷанд” и Тоҷикистон бо ҳам сабқат кунанд.

 Баргузории бозӣ миёни ин ду дастаҳо рӯзи 11- уми март, соати 18:00 дар Варзишгоҳи марказии шаҳри Душанбе дар назар дошта шудааст. Зимнан ин нахустин баргузории бозии футбол бе иштироки тамошобинон ба ҳисоб меравад, ки бо мақсади ҳифз ва пешгирӣ аз маризии коронавирус гуфта мешавад.

Чанде пеш тибқи як дастури Шӯрои уламои кишвар хондани номоз дар масҷидҳои панҷвақта ва ҷомеъ муваққатан манъ карда шуд. Мақомоти беҳдоштии Тоҷикистон дар бораи сапт нашудани мавриди сирояти коронавирус дар кишвар таъкид меварзанд.

1457
Барчаспҳо:
тамошобинон, Варзишгоҳ, варзиш, Хуҷанд, истиқлол, Футбол, Тоҷикистон
Хабиб Нурмагомедов и Конор Макгрегор

Посухи Конор ба шарҳи Ҳабиб дар бораи шикаст: ба майдон хонд

475
(Таҷдидшуда 17:05 24.01.2021)
Конор Макгрегор, размикори ирландӣ баъди шикаст аз Дастин Поре изҳор дошт, ки омода аст, бо қаҳрамони UFC дар вазни сабук Ҳабиб Нурмуҳаммадов ба майдон барояд

ДУШАНБЕ, 24 янв — Sputnik. Макгрегор ба шарҳи Ҳабиб Нурмуҳаммадов дар бораи сабабҳои шикасти Конор аз Поре изҳор дошт, ки агар Ҳабиб чизе навиштан хоҳад бигзор ба майдон баргардад.

Агар вай омода аст, ба майдон баргардад, ман омодаам бо ӯ қувваозмоӣ кунам, изҳор дошт Конор Макгрегор.

“Ман чизеро тағйир надодаам, ин тим аз аввал бо ман буд. Бояд ба рақиб бо эҳтиром муносибат кард”, - изҳор дошт Конор дар посух ба навиштаи Ҳабиб Нурмуҳаммадов дар бораи сабабҳои шикасти Макгрегор аз Дастин Поре.

Ахиран Ҳабиб Нурмуҳаммадов пирӯзии Дастин Поре бар Конор Макгрегорро дар сафҳаи Твиттери худ  шарҳ дод.

"Ин вақте рух медиҳад, ки шумо дастаро иваз мекунед, шарикони тамриниро, ки шуморо қаҳрамон карданд тарк мекунед ва мусобиқаи тамриниро бо нафарони хурд оғоз мекунеду аз воқеият дур мемонед", - изҳор дошт қаҳрамони UFC дар вазни сабук.

Сабқати қаблии Ҳабиб ва Конор дар моҳи октябри соли 2018 бо шикасти Нурмуҳаммадов анҷом ёфт.

475
Барчаспҳо:
шикаст, сабқат, Ҷаҳон

Баҳонае надорам. Паси сар карданаш душвор аст: Конор дар бораи бохташ гуфт

663
Қаҳрамони собиқи UFC дар ду зина Конор Макгрегор шикасташро аз размикори амрикоӣ Дастин Поре шарҳ дод

ДУШАНБЕ, 24 январ - Sputnik. Собиқ қаҳрамони ду дивизиони UFC Конор Макгрегор зимни як нишасти матбуотӣ дар Абу-Даби муборизаи гузаштаи худро бо Дастин Поре шарҳ дод.

“Пои ман комилан хароб шудааст. Ҳатто вақте зарбаҳои пойи ҳарифро мегардондам, дардовар буд. Дастин муборизаи олиҷаноб дошт. Ман шунидам, ки Тиаго Алвеш дар кунҷ ба Дастин мегуфт: “Зарбаи хуб”, ҳангоме ки Поре бо пой зарба зад. Фикр мекардам, ки "Бале ..., ин зарбаи хуб аст.".

"Ман дар ин ҷо ҳеҷ баҳонае надорам, ин иҷрои фавқулодаи Дастин буд. Ман бо ҳамлаҳо каме шитоб доштам ва мутобиқ нашудам, тамом. Ин ҳаби талх аст, ки бояд фуру бурд".

Конор гуфт, худро ба даст хоҳад гирифт ва пас аз барқарор шудан, дубора ба майдон хоҳад омад. Ҳамзамон таъкид кард, ки усулҳои нави муҳорибаороиро эҷод мекунад ва аз он зидди Дастин кор мегирад.

Ирода ва тактика: Поре Макгрегорро шикаст дод

Конор инчунин ба паёми Ҳабиб Нурмуҳаммадов посух дод: “Ман аз рӯзи аввал бо ҳамин даста будам. Ман ҳеҷ чизро тағир надодаам. Буду шудаш ҳамин. Варзишгаронро эҳтиром кунед. Ин албатта шахсро тавсиф мекунад. Дар ҳар сурат, ӯ чӣ кор кардан мехоҳад? Оё ӯ мехоҳад баргардад ё не? Агар ӯ мехоҳад шарҳҳои беэҳтиромона нависад, баргард ва дубора ҷанг кунед, дӯстам. Барои ҳамин ман дар инҷо ҳастам".

Аммо Ҳабиб эълон кард, ки корномаашро идома нахоҳад дод.

Нурмуҳаммадов гуфт, барои рақобат бо Поре боз мегардад ё не?

 

663
Барчаспҳо:
бохт, размикор, қаҳрамони UFC, Макгрегор
Абдуқодир Тошқулов, вазири маорифи Ӯзбекистон, акс аз бойгонӣ

Норозигии вазири тоҷиктабори навтаъйин дар Ӯзбекистон аз коғазу маҷлисбозӣ ва беташаббусӣ

0
(Таҷдидшуда 20:18 24.01.2021)
Абдуқодир Тошқулов, ки ба тозагӣ аз ҷониби президенти Ӯзбекистон Шавкат Мирзиёев ба вазифаи вазири таҳсилоти олӣ ва миёнаи махсус таъйин шуд, гуфтааст, ки таассуроти рӯзҳои аввали кор дар ин вазорат вайро ҳаргиз қаноатманд намесозад

ДУШАНБЕ, 24 янв— Sputnik. Тошқулов гуфт, дар ин ҷо касе ташаббускорӣ намекунад, зеро тартиби кор дуруст ташкил нашудааст, захираҳои инсонӣ нодуруст идора мешаванд, хабар додааст хабарнигори сомонаи “Фараж” дар Тошканд бо такя ба дафтари матбуоти вазорат дар саҳифаи шабакаи интернетии худ навиштааст.

“Ходимон аз ҷиҳати равонӣ ва ҷисмонӣ хаста шудаанд. Чунин ба назар мерасад, ки онҳо ба оила ва тарбияи фарзандони худ расидагӣ намекунанд. Дар ҷое, ки озод кор кардан ва фикрронӣ нест, барои истироҳат шароит фароҳам оварда нашудааст, натиҷаи кори босамарро талаб кардан имконнопазир мегардад”, - гуфтааст Абдуқодир Тошқулов.

Манбаъ афзуд, ки вазир аз фаъолияти баъзе сохторҳои ин ниҳод ибрози норизоӣ кардааст Ӯ зарур хондааст, ки минбаъд фаъолияти ин сохторҳо мунтазам мониторинг карда мешавад ва мутахассисони хуб қадрдонӣ, вале шартномаи онҳое, ки аз ӯҳдаи иҷрои кори худ намебароянд, бекор карда мешавад.

Ба гузориши “Фараж”, вазири навтаъйин тақозо намудааст, ки ба коғазбозиҳои беҳуда хотима гузоранд, баҳудаву беҳуда маҷлисбозӣ накунанд, ба кору вазифаашон бо эҳсоси масъулият муносибат намоянд.

Абдуқодир Тошқулов аз адами шароит барои профессорҳо-устодони макотиби олӣ ибрози нигаронӣ карда, афзудааст, ки шунидани ҳарфу дарди роҳбарони он аз вазифаҳои муҳими ӯ хоҳанд буд.

Натоиҷи интихоботи такрории Ӯзбекистон эълон гардид: се вакил тоҷиктабор ҳастанд

Тошқулов, ки 29 августи соли 1976 дар деҳаи Пасурхии ноҳияи Бойсуни вилояти Сурхондарё зода шуда, миллаташ тоҷик мебошад, ахиран аз ҷониби президент ва парлумони Ӯзбекистон ба мақоми вазирӣ таъйин гардид.

Бар асоси ҳолнома, Тошқулов соли 1998 факултаи молия ва қарзи Донишгоҳи давлатии Тирмизро хатм кардааст ва дар ҳамин донишгоҳ ба фаъолият оғоз намудааст. Номзади илмҳои иқтисодӣ мебошад. Абдуқодир Тошқулов узви Ҳизби либерал-демократии Ӯзбекистон аст ва дар соли 2017 ректори Донишгоҳи давлатии Тирмиз таъйин шуда, то таъйиноти наваш дар ин мақом кор кардааст.

0
Барчаспҳо:
таъйин, вазир, Ӯзбекистон