Хабиб Нурмагомедов, боец смешанного стиля, чемпион абсолютного бойцовского чемпионата (UFC) в легком весе

Ҳабиб гуфт, барои мубориза бо Фергюсон сад фоиз омода аст: фақат ҷояшро гӯянд

706
(Таҷдидшуда 12:44 03.04.2020)
Қаҳрамони UFC Ҳабиб Нурмуҳаммадов гуфт, ки омода аст бо Тони Фергюсон мубориза барад, агар тавонад аз Русия ба Амрико парвоз кунад

ДУШАНБЕ, 3 апр — Sputnik. Ҳабиб Нурмуҳаммадов, размикори доғистонӣ баръакси эълони ду рӯз қаблаш, ки мубориза лағв шуд, гуфт, ки ӯ омода аст бо Тони Фергюсони амрикоӣ вориди набард шавад.

Аммо ин кор замоне мешавад, ки агар ӯ аз Русия парвоз карда тавонад.

"Дар ҷаҳон бесарусомонист. Ман дар Иёлоти Муттаҳида дар тӯли 40 рӯз тамрин кардам. Баъд маълум шуд, ки мубориза дар Абу-Дабӣ мегузарад ва ман ба он ҷой рафтам. Сарҳадҳо дар ҳама ҷо баста шуданд. Баъд ман ба Доғистон парвоз кардам ва дар онҷо машқро идома додам" -гуфт Ҳабиб дар сафҳаи Instagram-и худ.

Ҳамзамон, вай қайд кард, ки мушкилоти мубориза дар он аст, ки "ҳама кишварҳо марзҳоро бастаанд ва ба ҳеҷ куҷо имкони рафтан нест".

Вай инчунин таъкид кард, ки ҳамарӯза барои рақобати навбатияш тамрин мекунад, зеро дар пеш муҳорибаи оддӣ нест.

Ӯ ҳамчунин баргузории чорабиниро ғайрикасбӣ ълон карда гуфтааст, то ҳол дар бораи макони баргузории чорабинӣ намедонад.

"Агар онҳо ҳоло ба ман макони баргузории рақобатро гӯянд ва ман имкони аз Русия ба он ҷой парвоз кардан бошад, ҳарҷое набошад меравам ва сад фоиз ҷанг мекунам", - афзуд ӯ.

Қаблан Ҳабиб Нурмуҳаммедов эълон кард, ки муҳориба бо варзишкори амрикоӣ Тонӣ Фергюсон баргузор намешавад.

Вай таъкид мекунад, дар ҳоле ки тамоми ҷаҳон барои пешгирӣ аз паҳншавии коронавирус кӯшиш мекунад, ӯ наметавонад истисно бошад.

"Ҳабиб бошад, аз тамоми ӯҳдадориҳо озод аст ва намоишкорона тамрин мекунаду аз кишваре ба кишвари дигар парвоз анҷом медиҳад? Барои муҳориба ҷонамро дар хатар монам?", - менависад вай дар саҳифааш дар Инстагарм.

Тони Фергюсон дар ҷавоб гуфтТонӣ, Ҳабиб Нурмуҳаммадов аз аввал нияти иштирок дар ин сабқатро надошт. Дар акси ҳол хеле осон метавонист аз Абу-Дабӣ ба ИМА баргардад.

“Ин дуюм бор аст. Ман кушандаи кирояам. Ҳабиб ва Конор дум хода карда, чун сагҳои шайтонӣ аз ман мегурезанд. Онҳо саг ҳам не, пишаки ноуҳдабароянд. Ҳабиб – ҷалаб аст. Ваъдааш додам, ки бо сарпӯш – папахааш фаршро хоҳам шуст, аммо ӯ гурехт”, - изҳор дошт Фергюсон дар наворе, ки дар саҳифаи Твиттер ҷой додаст.

706
Барчаспҳо:
муҳориба, Ҳабиб Нурмуҳаммадов, қаҳрамони UFC

Бо риояи масофа: футзалбозони Тоҷикистон ба тамрин баромаданд

94
(Таҷдидшуда 15:37 03.06.2020)
Маъмурияти дастаи футзали Тоҷикистон аъзои дастаҳоро даъват намудааст, ки чунин машқҳои инфиродиро бо иштироки ками варзишгарон ва дар вақтҳои алоҳида баргузор намоянд

ДУШАНБЕ, 3 июн - Sputnik. Федератсияи футболи Тоҷикистон иттилоъ медиҳад, давоми чанд рӯзи охир футзалбозони Лигаи касбии футзали кишвар, ки дар дастаҳои гуногун, аз ҷумла дар дастаи мунтахаби Тоҷикистон ҳунарнамоӣ  менамоянд, тамринро барои оғози мавсими нави футзал сар карданд.

Таъзияномаҳои ФФТ: аз фавти бародари котиби генералӣ то довар Қосимов-аксҳо

Тибқи иттилои ин ниҳод футболбозон бо риояи масофаи байни ҳамдигарӣ ва қоидаҳои беҳдоштӣ ба машқҳо пардохтаанд.

Бино ба гузориши ФФТ, маъмурияти дастаи футзали мамлакат аъзои дастаҳоро даъват намудааст, ки чунин машқҳои инфиродиро бо иштироки ками варзишгарон ва дар вақтҳои алоҳида баргузор намоянд.

Раҳмон дар Хуррамзамини Данғара майдончаи варзишии универсалиро ба истифода дод

Манбаъ афзуда, ки аъзои дастаи мунтахаби Тоҷикистон низ бо риояи қоидаҳои беҳдоштӣ марҳила ба марҳила ба тамрин шурӯъ карда, ба ғайр аз баргузории машқҳо дар хона, инчунин дар майдончаҳои варзишӣ низ чунин тамринҳоро баргузор менамоянд.

94
Барчаспҳо:
вируси нав, Футбол, шаҳри Кӯлоб
Мавзуҳо:
Пайомадҳои COVID-19 дар Тоҷикистон ва ҷаҳон

Зепп Блаттер, собиқ президенти ФИФА гуфт, бо фишори ИМА аз мақомаш рафт

272
(Таҷдидшуда 19:53 02.06.2020)
Зепп Блаттер, собиқ президенти Федератсияи байналмилалии футбол гуфт, ӯ бо фишори Амрико мақомашро тарк карда буд

ДУШАНБЕ, 2 июн – Sputnik. Собиқ раҳбари  ФИФА ин нуктаро дар як мусоҳмбаи ахираш бо сомонаи  хабарии шветсарии Keystone-SDA изҳор доштаст.

Ба гуфти ӯ лаҳазоте, ки гуфтумонҳо дар бораи барканорияш аз симмати ФИФА мерафт, аз ИМА ба вай паём расид, ки бояд аз мақомаш биравад.

"Онҳо гуфтанд: "Раҳбар бояд равад!". Ман мандати худро аз даст додам ва ногаҳон системаи адлияи Амрико баррасии ФИФА-ро як созмони мафиозӣ хонд ва онро ба категорияи ҷабрдидагон супурд", - гуфт Зепп Блаттери 84-сола.

Ёдовар мешавем, Зепп Блаттер соли 2015 пас аз чаҳор рӯзи интихоб ба унвони раиси Федератсияи байналмилалии футбол(ФИФА) гуфт, аз мақоми худ истеъфо медиҳад ва аз раёсати ФИФА хост, “бо нишасти изтирорӣ ҳарчи тезтар” раиси навро интихоб намоянд.

Ин тасмим дар ҳоле гирифта мешуд, ки пештар 7 мақоми аршади ФИФА ба иттиҳоми фасод боздошт шуда буданд. Бо вуҷуди мухолифатҳои зиёд Зепп Блаттери 79 -сола барои панҷумин бор раиси ФИФА интихоб шуда буд.

Ин интихоби ӯ вокунишҳои зиёдро дар пай дошт ва билохира худи Зепп Блаттер дар изҳороти кутоҳи худ гуфт: “Ҳама аъзои ФИФА бо интихоби дубораи ман ба унвони раиси ФИФА мувофиқ нестанд, аз ҷумла клубҳо, ҳаводорон, футболбозон ва касоне, ки мисли мо ба футбол зиндагӣ мебахшанд”.

Блаттер аз соли 1998 то 2015 тули 17 сол ФИФА-ро раҳбарӣ кардааст.

 

272

Ду донишҷӯи тоҷик мубталои коронавирус шуда, ба бемористон бистарӣ шуданд

0
Ду донишҷӯи тоҷик дар шаҳри Рибински вилояти Ярослав дар пайи сироятёбӣ аз коронавирус зери табобати пизишкон фаро гирифта шуданд

ДУШАНБЕ, 3 июн — Sputnik. Ду донишҷӯи тоҷикистонӣ дар вилояти Ярослав пас аз натиҷаҳои мусбии тахшиси коронавирус дар беморхонаи шаҳрӣ зери назорати табибон қарор гирифтанд.

Дар ин бора нашрияи минтақавии Рибинск хабар медиҳад.

"Ду донишҷӯ, шаҳрвандони Тоҷикистон ба беморхона интиқол ёфтанд. Ташхиси коронавирус дар бадани онҳо мусбӣ будаст. Аммо нафаре аз онҳо ягон нишанаи бемориро надоштаанду феълан худро хуб ҳис мекунанд", - менависад нашрия.

Ҳарду донишҷӯ ҳам дар хобгоҳи донишгоҳ зиндагӣ мекарданд. Бино бар сабаби карантин ва баста шудани роҳҳо натавонистанд ба Тоҷикистон раванд.

Боқимонда донишҷӯёне, ки дар ҳамин хобгоҳ зиндагӣ мекарданд, аз ташхис гузаштанд. Онҳо зери назорати табибон қарор доранд.

Фаврӣ: Тоҷикистон шаҳрвандонашро марҳила ба марҳила аз Русия, ба Ватан бармегардонад

 

133 донишҷӯи дигар ба карантини 14-рӯза фаро гирифта мешаванд.

 

0