Президент UFC Дана Уайт стоит между бойцами Тони Фергюсоном (справа) и Хабибом Нурмагомедовым

Рақобати Нурмуҳаммадов ва Фергюсонро дар Минск баргузор карданиянд

1586
(Таҷдидшуда 12:58 05.04.2020)
UFC то ҳол макони баргузории Ҳабиб Нурмуҳаммадов ва Тонӣ Фергюсонро, ки бояд 18 апрел баргузор шавад, эълом накардааст

ДУШАНБЕ, 5 апр — Sputnik. Рақобати қаҳрамони муҳорибаҳои омехта Ҳабиб Нурмуҳаммадов ва варзишкори амрикоӣ Тонӣ Фергюсонро дар шаҳри Минск баргузор карданиянд.

Бо чунин иқдом мудири Федератсияи муҳорибаҳои омехтаи Белорус Максим Королков дар суҳбат бо Sport24 баромад кардааст.

Рақобати Ҳабиб Нурмуҳаммадов ва Тонӣ Фергюсон бояд 18 апрел дар доираи UFC 249 дар Бруклин баргузор мешуд. Вале, дар паи хуруҷуи коронавирус дар шаҳри Ню-Йорк баргузории ҳамагуна чорабиниҳои оммавӣ манъ карда шуданд.

Дар баробари ин дар Белорус чунин тадобир роҳандозӣ нашудааст.

"Мо тавассути дӯстонамон, ки бо UFC алоқаи мустақим доранд, дар суҳбат шудем. Ба онҳо фаҳмонидем, ки дар Белорус тадобир пурзӯр нашудааст ва президентамон (Александр Лукашенко - шарҳ аз идора) баргузории чорабиниҳоро манъ накардааст. Албатта аввал мо бо ҳукумати кишвар бо Вазорати варзиш пешниҳод кардему розигӣ гирифтем ва баъдан ба UFC пешниҳод кардем", - гуфт Короленко.

Ба гуфти ӯ дар UFC гуфтаанд, ки Минскро чун варианти иловагӣ ба назар мегиранд. То ҳол раҳбари UFC Дана Уайт нагуфтааст, ки рақобати Ҳабиб ва Тониро дар куҷо баргузор мекунад.

Феълан аз лағви рақобати Тонӣ Фергюсон ва Ҳабиб Нурмуҳаммадов расман эълон нашудааст.

Дар баробари ин дар расонаҳои гуногуни ҷаҳонӣ хабарҳо дар бораи лағви рақобат дар робита бо паҳншавии коронавирус пайдо мешавад.

1586
Барчаспҳо:
рақобат, Ҳабиб Нурмуҳаммадов, Белорус

Бо риояи масофа: футзалбозони Тоҷикистон ба тамрин баромаданд

88
(Таҷдидшуда 15:37 03.06.2020)
Маъмурияти дастаи футзали Тоҷикистон аъзои дастаҳоро даъват намудааст, ки чунин машқҳои инфиродиро бо иштироки ками варзишгарон ва дар вақтҳои алоҳида баргузор намоянд

ДУШАНБЕ, 3 июн - Sputnik. Федератсияи футболи Тоҷикистон иттилоъ медиҳад, давоми чанд рӯзи охир футзалбозони Лигаи касбии футзали кишвар, ки дар дастаҳои гуногун, аз ҷумла дар дастаи мунтахаби Тоҷикистон ҳунарнамоӣ  менамоянд, тамринро барои оғози мавсими нави футзал сар карданд.

Таъзияномаҳои ФФТ: аз фавти бародари котиби генералӣ то довар Қосимов-аксҳо

Тибқи иттилои ин ниҳод футболбозон бо риояи масофаи байни ҳамдигарӣ ва қоидаҳои беҳдоштӣ ба машқҳо пардохтаанд.

Бино ба гузориши ФФТ, маъмурияти дастаи футзали мамлакат аъзои дастаҳоро даъват намудааст, ки чунин машқҳои инфиродиро бо иштироки ками варзишгарон ва дар вақтҳои алоҳида баргузор намоянд.

Раҳмон дар Хуррамзамини Данғара майдончаи варзишии универсалиро ба истифода дод

Манбаъ афзуда, ки аъзои дастаи мунтахаби Тоҷикистон низ бо риояи қоидаҳои беҳдоштӣ марҳила ба марҳила ба тамрин шурӯъ карда, ба ғайр аз баргузории машқҳо дар хона, инчунин дар майдончаҳои варзишӣ низ чунин тамринҳоро баргузор менамоянд.

88
Барчаспҳо:
вируси нав, Футбол, шаҳри Кӯлоб
Мавзуҳо:
Пайомадҳои COVID-19 дар Тоҷикистон ва ҷаҳон

Зепп Блаттер, собиқ президенти ФИФА гуфт, бо фишори ИМА аз мақомаш рафт

272
(Таҷдидшуда 19:53 02.06.2020)
Зепп Блаттер, собиқ президенти Федератсияи байналмилалии футбол гуфт, ӯ бо фишори Амрико мақомашро тарк карда буд

ДУШАНБЕ, 2 июн – Sputnik. Собиқ раҳбари  ФИФА ин нуктаро дар як мусоҳмбаи ахираш бо сомонаи  хабарии шветсарии Keystone-SDA изҳор доштаст.

Ба гуфти ӯ лаҳазоте, ки гуфтумонҳо дар бораи барканорияш аз симмати ФИФА мерафт, аз ИМА ба вай паём расид, ки бояд аз мақомаш биравад.

"Онҳо гуфтанд: "Раҳбар бояд равад!". Ман мандати худро аз даст додам ва ногаҳон системаи адлияи Амрико баррасии ФИФА-ро як созмони мафиозӣ хонд ва онро ба категорияи ҷабрдидагон супурд", - гуфт Зепп Блаттери 84-сола.

Ёдовар мешавем, Зепп Блаттер соли 2015 пас аз чаҳор рӯзи интихоб ба унвони раиси Федератсияи байналмилалии футбол(ФИФА) гуфт, аз мақоми худ истеъфо медиҳад ва аз раёсати ФИФА хост, “бо нишасти изтирорӣ ҳарчи тезтар” раиси навро интихоб намоянд.

Ин тасмим дар ҳоле гирифта мешуд, ки пештар 7 мақоми аршади ФИФА ба иттиҳоми фасод боздошт шуда буданд. Бо вуҷуди мухолифатҳои зиёд Зепп Блаттери 79 -сола барои панҷумин бор раиси ФИФА интихоб шуда буд.

Ин интихоби ӯ вокунишҳои зиёдро дар пай дошт ва билохира худи Зепп Блаттер дар изҳороти кутоҳи худ гуфт: “Ҳама аъзои ФИФА бо интихоби дубораи ман ба унвони раиси ФИФА мувофиқ нестанд, аз ҷумла клубҳо, ҳаводорон, футболбозон ва касоне, ки мисли мо ба футбол зиндагӣ мебахшанд”.

Блаттер аз соли 1998 то 2015 тули 17 сол ФИФА-ро раҳбарӣ кардааст.

 

272
В Душанбе созданы рабочие группе по борьбе с коронавирусом

Аз хона набароед: 45 гурӯҳи кории Рустами Эмомалӣ дар мубориза бо коронавирус

0
Гурӯҳи корӣ иборат аз намояндагони мақомот ва волонтёрон аз сокинон хоҳиш мекунад, ки безарурат ба кӯча набароянд, ниқоби тиббӣ пӯшанд ва фосиларо дар ҷойҳои ҷамъиятӣ нигоҳ доранд

ДУШАНБЕ, 3 июн - Sputnik. Бо дастури шаҳрдори Душанбе ҷиҳати пешгирӣ аз паҳншавии коронавирус 45 гурӯҳи корӣ ташкил гардид, хабар медиҳад шаҳрдории пойтахт.

Бино бар иттилои манбаъ, гурӯҳ аз намояндагони мақомот ва волонтёрон иборат аст. 

Гурӯҳ  миёни аҳолӣ - дар ҷойҳои ҷамъиятӣ, бозорҳо, боғҳои фарҳангию фароғатӣ, майдончаҳои варзишӣ ва бозии кӯдакона вобаста ба пешгирӣ аз паҳншавии сирояти ҳамагири коронавирус - COVID-19 ва истифодаи ниқобҳои яккарата, инчунин риояи фосилаи иҷтимоӣ ташвиқот мебарад.

Дар маҷмӯъ, дар чор ноҳияи шаҳри Душанбе 45 гурӯҳи таблиғотӣ-фаҳмондадиҳӣ иборат аз 235 нафар кормандони соҳаҳои гуногуни шаҳрдорӣ ташкил шуда, ба маҳаллҳои сернуфуз ва ҷойҳои ҷамъшавии одамон сафарбар гардидаанд.

Гуфта мешавад, дар рӯзи аввали кори гурӯҳҳои фаҳмондадиҳӣ дар чор ноҳияи пойтахт дар маҷмӯъ бо 1790 нафар аҳолӣ-намояндагони табақаҳои гуногуни ҷомеа, ки дар кӯчаву хиёбонҳои пойтахт ва бозору марказҳои савдо бе ниқобҳои яккарата гашту гузор мекарданд, ҷиҳати пешгирӣ аз сирояти ҳамагири коронавирус - COVID-19 корҳои таблиғотӣ-фаҳмондадиҳӣ сурат гирифт.

В Душанбе созданы рабочие группе по борьбе с коронавирусом
В Душанбе созданы рабочие группе по борьбе с коронавирусом

Ба онҳо оид ба риояи қоидаҳои гигиенаи шахсӣ дар ҷойҳои ҷамъиятӣ, истифодаи ниқобҳои муҳофизатӣ, роҳҳои пешгирӣ ва табобати беморон дар шароити хона ва дигар масъалаҳои марбут ба пешгирӣ аз сирояти коронавирус - COVID-19 маслиҳат дода шудааст.

Бояд тазаккур дод, ки аъзои гурӯҳ рӯзи нахустини фаъолият - 2 июни соли ҷорӣ дар доираи корҳои фаҳмондадиҳӣ ба 1790 нафар шаҳрвандон ниқобҳои муҳофизатии яккарата ва маводи таблиғотӣ - тавсияҳои Созмони Умумиҷаҳонии Тандурустӣ ва мутахассисони кишварро оид ба риояи қоидаҳои пешгирӣ аз паҳншавии сирояти ҳамагири коронавирус - COVID-19 тақдим карданд.  

Мақомоти иҷроияи ҳокимияти давлатии шаҳри Душанбе аз ҳамаи сокинон ва меҳмонони пойтахт эҳтиромона даъват ба амал меорад, ки масъалаҳои истифодаи ниқобҳои яккарата, маҳлулҳои безараркунанда (антисептик) ва фосилаи иҷтимоиро дар ҷойҳои ҷамъиятӣ риоя намуда, бе зарурат аз хона набароянд.

0